رواية العنود الفصل الثامن 8 بقلم ميادة يوسف
#_رواية_العنود
#_الفصل_الثامن
#_بقلم_ميادة_يوسف_الذغندى
♡♡♡♡ عند صفاء ، ماجد بيتكلم معها فى الفون .
ماجد :::: بقولك، ردى ، والا انا طالع لك ؟؟
صفاء ::(من جوها ، مهمومه ، وبتكلم نفسها ، والخوف مالك قلبها) يانهار ابيض .... جه ! جه لحد هنا ؟
ده مجنون ..... أنا لسه طالعه من خناقه ، ومضروبه، والظاهر انه هيكون سبب قتلى ، هو انا ناقصه ، فتحت الفون ، وردت عليه .
صفاء ::::: نعم ، جاى ليه ، وعايز ايه ، لسه فيه مصايب تانيه ؟
ماجد ::::: مال صوتك ، متغير ، تعبان ، انتى حلوة؟
صفاء:::: نعم ، حلوه ؟
ماجد ::::: هى لو هتبقى ، بالمعنى اللى فى دماغك ، فانتى مزه ، صاروخ ، بس انا اقصد ، انتى تعبانه ، انا طالع لك .
صفاء :::: يالهوووى ، طالع فين ، انا نازله ، الله يخربيت الهبل ،
صفاء :::: ماما ، انا نازله ، اجيب ، حاجه من الصيدليه،
ماجد :::: منتظر ، فى العربيه ، (صفاء) نزلت ، ومشيت على طول ، خارج الشارع ،( وماجد) راح وراها !
صفاء :::: بداراى وشها ، ولابسه نضارة ، تخفى عنيها .
ماجد ::: مالك ، مين ، عمل كدة ، ابوكى تانى ؟
صفاء :::: اسمع ، شئ ، مايخصكش ، انا نزلت دلوقتى ، وهتكون اخر مرة ، وإياك تكررها ، قولت لك انا مش فاضيه ، للى فى دماغك ، افهم ، وبعدين ، تعالى هنا ، انت عندك كام سنه ؟
___ اعتقد ٣٥ ، ودكتور ، يعنى عقلك كبير ، ازاى واحد دكتور يضيع سنين تعليمه، علشان ، شهرة كدابه ، من دكتور وجراح ، كنا اكسبناه ، واول الدفعه ، ل..كبس كبس ، وابعت حوت ، وجوله ، كلها إسفاف، ازاى هان عليك ، عمرك يضيع كدة ، ارجع للطريق الصح ، روح دور على نفسك من جديد ، انت كنت فتحت عيادة ، وكان لك خط سير واضح، ايه خلاك تحيد عنه ؟
ماجد ::::( واقف مصدوم ، ومستغرب ، من كلامها ) ايه بالعه راديو، وبعدين ، داحنا بقلنا سنه تقريبا ، جولات ، مع بعض ، انتى اللى بتقولى كده ، انتىوراكى سر ، ولازم اعرفه ، وطبعا (شاكر)هو اللى حكى لك كل حاجه ، صح؟
___ مش مهم ، وفر عليا مشوار ، (صفاء) انا عايز اتجوزك .....
صفاء :::: بتردد ، ااااايه، تتجوزنى ، وبدأت تعرق ، وتفرك فى ايدها ، بس لثانيه مرة واحده ، تمالكت نفسها ،
___ وبكل قوة ...... مافيش فايده ، انت مش غبى ، بس مش عارفه ، انت بتفكر ازاى
____ بس انت مرفوض ، مش انت اللى افتكر ارطبت بيه ، ويبقى ابو ولادى ، طب لما نخلف وابنى يسألني ويقولى بابا فين ، اقوله ، جوه عنده جوله ؟
___ ولا المفروض، اقول له، دقايق ، وبابا جاى من الشغل ، اى مايكون الشغل بقى ، بس اسمه شغل ، إنما، اتجوز واحد للأسف زى ابويا ، ومأساة ولادى تتكرر تانى ؟
ماجد :::: زى ابوكى ، انا زى ابوكى ال.......
صفاء ::::: برافو عليك، وفرت عليا كتير ، اول خلاف بينا ، وقولت كدة ، تفتكر يادكتور هينفع نكمل .....
ماجد :::: اتكسف واتحرج جامد من كلامه معها ، انااااا مش قصدى انا يعنى قصدت....
صفاء :::: مش هيفرق ، لانى عارفه انا مين كويس ، ومافيش حاجه جديدة عنى ، واللى انت قولته ، انا عايشه من اول مافتحت عنيا ،
___ انت بقى مين؟ وبتعمل ايه ؟ ياريت ترجع لنفسك ، لسه فيه فرصه ..... وسابته ومشيت، وهى فى حاله لايرثى لها ، كانت ماشيه ، والدنيا سوده قدمها ، واحساسها ان الدنيا كلها جايه عليها ، وعايشه حاله خزلان شديده ، روحت البيت ...
صفاء :::: بتخبط على الباب ، بضعف .
نجمه :::: فتحت الباب ، بس صفاء ، خانتها رجليها ، وقعت مغمى عليها .
نجمة :::: صرخت ، الحقنى ، يا عامررررر...... بقلم ميادةيوسف
■■■■■ عند ماجد
كان حاله لايقل ، عن حال صفاء ، بس كميه الصدمات ، اللى اخدها فى اليوم ، كانت كفيله انها تهد جبل ، دخل البيت ، وقرر يسافر .
يسرا :::: دخلت وراه ، لاقته بيحضر ، شنطه هدومه ؟!
يسرا :::: ايه دة ياماجد ، رايح فين ؟
ماجد :::: مافيش رد .....
يسرا :::: انا مش ندمانه ، على كلامى معك ، انا عيزاك تفوق ، وترجع ابنى اللى انا عارفه، ومربياه .
ماجد :::: قفل الشنطه ، واخد جواز سفره ، وبكل عصبيه ، انتى تقولى ، ارجع ، وهى تقولى ارجع ، مش ده اللى الدنيا عيزاه ، فلوس ، وشهرة ، والكل يجرى عليك ، ويبوس ايدك ، ويتمنالك الرضا ترضى .
___ ما انا زمان ، اول حب لى باعنى، علشان الصورة المزيفه دى ، وبردوا اللى بيترموا تحت رجلى دول ومستنين إشارة رضا ، دول بيجروا ورايا علشان نفس الصورة دى ، مطلوب مننا ايه فى الدنيا ؟
___ لاء والهانم ١٦٠ سنتى دى وشاور بأيده ايحاء بقصرها
تقولى ، ارجع العيله الصغيرة دى ، انا ماشى .
يسرا :::: 🤔 العيله الصغيرة ، ودى سفريه زى كل مرة والصرمحه أيها ، ولا ايه ، أوقف كلمنى ، رايح فين؟
ماجد :::: رمى الشنطه، فى الأرض، وبص لأمه، وهز كتافه، مش عارف ، ماتقلقيش ، بس ادعى لى ؟!
___ وخرج ، وقفل الباب وراه .
يسرا :::: قعدت على اول كرسى جنبها ، وبكت ، داعيه ليك ، ربنا ينصرك على شيطانك ، ويرجعك على الطريق الصحيح ، ويكرمك ياماجد .
___ مسكت ، الفون واتصلت .... هى مش بترد ليه ؟!
♡♡♡♡ عند صفاء
نجمة :::: فوقى ياصفاء ، مالك ، منه لله ابوكى ، هو السبب ، سامحينى انتى واخواتك ، ان ده ابوكم ، النصيب اعمل ايه فى حظنا ؟
عامر :::: اتفضل ، يادكتور ، ماما ، الدكتور (سالم) صاحب الصيدليه اللى فى اول الشارع ، جاى يشوف صفاء
نجمة :::: اتفضل ، وشدت، عامر من إيده، ووشوشته ، هو هيعرف ، انت اهبل ياود ؟
عامر :::: هيشوف الضغط ، ولو فيه حاجه هيقولنا، عادى بتحصل ، وبيكتبوا دوا كمان، ماتخفيش .
نجمة :::: ها يا دكتور ، مالها صفاء ؟
الدكتور :::: هبوط فى الدورة الدموية، وضغطها واطى ، هعلق لها محلول ، وهتبقى كويسه ان شاء الله .
♡♡♡♡♡ بعد ساعتين
صفاء بتتحرك، انا فين وايه حصل ،
نجمه ، الحمدلله ، انتى كويسه ، ايه جرا لك ؟
صفاء :::: بدموع ، حصل كل خير ، كان لازم يحصل كدة .
♡♡♡♡♡ بعد اسبوع
صفاء ... فاتحه لايف ، وبتلعب جوله ، وبعتت، لماجد ، كتير ينضم ، ولكن مافيش رد ، وهى تقريبا استسلمت للوضع الراهن ، وبتجهز نفسها ، للمواجهه القادمه ....
♡♡♡♡ بعد سنه ونص
عند عماد اخو صفاء بقلم ميادةيوسف
نجمة :::: بتقول، ايه ياعماد ، عايز تخطب ، مين ياسمين ؟
طب وابوها هيوافق ، بيك يابنى ؟
عماد :::: ايه ياماما ، انتى مش شايفه ، ابنك بقى ايه ،انا غول الجولوجيا ، محافظات ، مش هنا بس ، دانا باخد ملايين ، هو يطول ، وبعدين ،انا جى ليكى النهاردة ، علشان اخدك ، انتى وصفاء ، الشقه الجديدة ، وعامر كمان ، ونمشى من هنا ، كفايه مرض بقى ، نقب على وش الدنيا .
نجمة :::: وابوك ، هنعمل معه ايه ؟
عماد:::: هترفعى ، عليه ، قضيه خلع ، والموضوع هيبقى سهل ، وتقرير المستشفى اللى بيتعالج فيها هتسهل علينا الدنيا .
نجمة ::::: تضرب عماد بالقلم على وشه بالجامد....
___ انت ايه ، عقلك مغيب ، انت جاحد وعاق ، على فكرة ، انا معرفتش اربى ، ازى تفكر كدة ، دا بدل ماتقف جنبه ، وتساعده يعدى ازمته ، عايز كمان تزود الهم هم ، كتر خير (عامر،وصفاء) مش سبوه ، لحظه وعلاج وادويه، ورعايتهم، ليه ، وانت الكبير ، مافيش مرة تفكر تروح له ، ياخسارة تربيتى فيك !
عماد :::: مصدوم من ردة فعل امه ،انتى اللى بتقولى كدة ، طب واللى عمله معك زمان ، نسيتيه ؟
نجمة :::: دلوقتى ، بقى فى حكم المريض ، مش من الأصول، نسيبه ونمشى ، لازم نفضل جنبه ، روح انت مبروك عليك البيت الجديد ، والعيشة الجديده ، انا هنا هفضل فى بيت ابوك ، ومستنيه حكم ربنا ، روح
●●●●● فى الستور
رغدة :::: انا هسيب الشغل هنا ، شوف واحدة تانيه مكانى .
شاكر :::: ايه ليه كدة ، فيه ايه حصل ؟
رغدة :::: متقدملى عريس ، وانا موافقه عليه .
شاكر :::: يعنى كلام النت صح ، طب فوقى ده ترند مش اكتر ، وبعد شهر هيرميكى ، انا بحبك يارغدة ، سيبك من شغل النت دة ، وتعالى خليكى معى .
رغدة :::: متأخر قوى ، ياما استنيت تيجى ، كتر الانتظار ، ضيع اللى ليك عندى ، انا بقولك ، واعرفك ، علشان العيش والملح .
شاكر :::: واقف ، تايه .
صفاء :::: مستر شاكر ، مستر شاكر ، انا عرضت الفونديشن الجديد على الصفحه ، انت سامعنى؟
تليفون صفاء رن
صفاء :::: أيوه ازى حضرتك ، ايه الاخبار ؟
من زمان ما سمعتش صوتك .....يتبع
ياترى ايه سر الاتصالات اللى فى البارت ده؟
واين ذهب ماجد ؟
#_رواية_العنود
#_بقلم_ميادة_يوسف_الذغندى
