سكريبت البيت المنسي الفصل الثاني 2 والاخير بقلم اسماعيل موسي
#البيت_المنسى
الاخيره
استيقظت القريه على خبر اختفاء فتاه أخرى، الخبر الذى سار مثل النار فى الهشيم ليقوض فكرة ان جرائم الخطف والقتل انتهت داخل القريه، القريه التى أصبحت فى مآتم وعاد إليها كل ما رحل من خوف.
مثل كل مره لا يعرف احد كيف اختفت الفتاه من بيتها دون أن يشعر احد
محدش شاف حاجه حتى أهلها محسوش بحاجه.
الموضوع وصل للشرطه مره تانيه، وكان فيه ضابط جديد لسه واصل النقطه، الضابط دا تعامل مع البلاغ وفتش الزراعات والبيوت المهجوره من غير ما يلاقى حل، البنت كانت رقم ١١
رقم مرعب، والغريب تاريخ الأختفاء الى هو حاضر فى كل قضيه...
الضابط جاب القضيه قدامه، كل جرائم الخطف والقتل إلى حصلت قبل كده، طالعها بتركيز محاول انه يلاقى اى صله بينها وبين بعضها من غير فايده، وفى يوم كان فى تفتيش صورى على شوارع القريه وبيوتها وشاف بيت حمدان وتحيه
سأل المخبر إلى كان من أهل القريه عنهم، المخبر قص الحكايه وهو بيقسم ان محدش كان متخيل ان تحيه هتعيش اكتر من شهر مع المرض لكن عدى ١١ سنه وتحيه لسه حيه
الضابط قاله ١١ سنه؟
المخبر قاله ايوه يا باشا انا فاكر كويس اليوم الى حمدان سلم فيه البيت للرهن وانتقل هنا، كنت رايح ازورة بعدها على طول اختفت اول بنت داخل القريه...
الضابط قاله انا عايز اتكلم مع حمدان ده يمكن يكون يعرف حاجه؟
حمدان دا راجل فى حاله يا باشا ومش بيطلع من بيته غير يشتغل آجرى فى الغيطان ويرجع تانى
الضابط مشى ناحيت البيت وحمدان استقبله بترحاب وقال انه ميعرفش حاجه عن إلى بيحصل ده
الضابط قاله ممكن اشوف مراتك؟
حمدان رفض، دا عيب يا باشا ميصحش هو، انا متهم ولا ايه؟
الضابط لا بس كنت عايز اشوف المعجزه إلى حصلت بنفسى
سمع الضابط سعال تحيه من جوه البيت إلى خرجت سانده على عصايه لحد الباب، الضابط شافها وتمنلها عمر طويل
لكن منظر البيت من جوه معجبهوش كان فيه دخان وريحة بخور كأنها مقبره، رحل الضابط واول ما وصل النقطه اخد قوة ورجع تانى على البيت المره دى دخله بالقوه، جوة البيت المظلم الضابط والعساكر هاجمتهم ريحه وحشه جدا
ورغم صراخ حمدان واعتراضه الضابط دخل اوضة النوم
وهناك لقى طلاسم مرسومه على الحيطان الطين ودم متخسر مغطى معظم الحيطان، والبخور مالى كل حته جوه البيت وحمدان عمال يصرخ اطلعو بره اول ما الضابط قال لحمدان انت هتشرفنا فى الحجز انت ومراتك احد ما اشوف تفسير للدم ده والطب الشرعى ياخد عينات مراته همست بأبتسامه ساخره، مش هسيبك فى حالك لو قربت منى
الضابط __ مين ده إلى مش هيسبنى فى حالى؟ الست قعدت تبرطم بكلام مش مفهوم والضابط اخدهم على الحجز، حمدان اعترف هناك ان هو ومراته كانو بيعملو طقوس سحر اسود وانهم تعاونوا مع كيان ياخد اضحيه كل سنه نظير ان تحيه تفضل حيه، الدنيا أدربكت المدريه كلها وقفت على رجل حتى مدير الأمن نفسه وصل القريه، كانو عايزين يعرفو حمدان ازاى كان بيخطف البنات دى ويقتلهم، اخر ما قاله حمدان جوه زنزانته ان الكيان هو الى كان بيخطف البنات وهو ومراته بيدبحهوم جوه البيت، مكنش فيه تفاصيل تانيه لأن حمدان ومراته ماتو جوه الحجز نفس اليوم ده
الشرطه لقيت ١١ جثه مدفونه جوه البيت
انتهت...
تمت
