رواية الشيخ مرجان الفصل الاربعون 40 بقلم محمد يوسف
#البارت40 🖊️ Mohamed Youssef Sultan
مطرش قعد جنبي وقالي اتاكدت يامرجان
قولت ب انكسار وضعف ..انت صح ..انت صح
اتحول لصورة علاء وقالي متخلنيش اشوفك
كده ..مرجان..مرجان ...وقومني وكمل كلامه وقال
انت محتاج ترتاح تعالي اوصلك البيت
طلعت من المقبرة وعمال ابص حواليا لسه جوايا شك
بسيط وإحساس انها هتظهر بس مظهرتش ورجع تاني
نفس الصوت المزعج ظهر وبقوة ومرحش الصوت غير لما
ظهر بصورته الحقيقية وشاورلهم وكلمهم بس المره دي
طول شوية معاهم ..وبعدها مشي جنبي واختفي
للحظات ورجع لصورة علاء وقال
غريب العالم بتاعكم اوي يامرجان ..غريب بس
ممتع ..اوحش حاجه عندكم إن مفيش نظام ولا احترام
للقوانين ولا خوف من العقاب
قولتله وانتو بتخافو من العقاب
قالي بخبث وهو مبتسم ..بعد ما قراء أفكاري
قصدك ع الدساسه يامرجان مش كده ..وأنها كانت
بتقضي فترة عقوبة في المقابر صح
قولتله صح
قالي رغم انها بنت ملك من ملوك الجن ..الا أنها لما غلطت
اتعقبت زيها زي اصغر خادمة من الخدام ..إنما تفتكر في
العالم بتاعكم بنت الملك زيها زي بنت الفراش ..لا مش كده
قولتله أنا عايز اشوف الدساسه
قالي بعصبية تاني هيقولي اشوفها ..مرجان ياحبيبي هي
لايمكن تظهر لك ولا تظهر لمخلوق بشري تاني خلاص
قولتله ليه ايه السبب
سكت شوية كتير وكان متردد يحكي بس قال في الاخر
علشان ضعيفة وقليلة الخبرة ..كان عقاب خاطئ ليها انها
تحرس المقابر .. حاليا هي ممنوعة منعا باتاً من الاحتكاك
بالعالم بتعكم نهائي فهمت
من نظرتي فهم اني مفهمتش ولا حاجه ورجع وقال
وبعدين معاك بقي ..يلا ياحبيبي بعدين هتفهم كل حاجه بعدين بعدين
انا روحت البيت ودخلت اوضتي كان الفجر بياذن ..كنت
هلكان بمعني الكلمة..اول مره اتعب التعب دا ...جسمي
متكسر ودماغي ومخي تعب من كتر التفكير في اللي
فات والخوف والقلق من اللي جاي ..عيني غفلت ونمت
وحلمت اجمل حلم في الدنيا ..حلم عوضني عن كل القلق
والتعب والتفكير..مش مجرد حلم ..حاجه كده ميكس
بين الحقيقة والخيال ..كنت بحلم اني في قصر كبير وفي
عبيد كتير وجواري وحريمي الخاصة بيا 14 وكل وحده
منهم في غرفة خاصة بيها والمسئولة عنهم دخلتهم عليا
علشان اختار منهم وحده تقضي السهرة معايا وكان عرض
ممتع وجميل ومن شدة جمالهم بقيت محتار اختار مين
لحد ما اختارت وحده منهم ومارست الجنس معها
وبعدها ظهرلي علاء في الحلم وبخبث قالي لسه نفسك في ام الهام
قولتله ام الهام مين ياعلاء دول شوية غفر
قعد يضحك جامد وقالي ابوك داخل يصحيك علشان تفطر
وفعلا بعدها قمت ع صوت صبحي وهو بيصحيني
وبيقولي قوم افطر يامرجان الاكل سخن
انا فتحت عيني وقمت اتعدلت وقعدت افتكر في الحلم
واخر حاجه افتكرتها لما علاء قالي ابوك داخل يصحيك
من كتر جمال الحلم كنت عايز ارجع اكمل نوم يمكن ارجع
للقصر والحريم اللي كانت فيه قمت فطرت وبعدها جيه
في بالي عم عمر وقولت بالمره اروح اشوف علاء
واحكيله عن حوار خالتي بس أقوله أن واحد صاحبي
مش انا واشوف واعرف رد فعله لما يعرف
بس اتفاجت لما رحت وعم عمر قالي أن علاء مخرجش
من اوضته من امبارح ونايم وحتي فرض ربنا مصلهوش
خش يابني اعرفلي ماله واول ما دخلت ليه رحب بيا
كلعادة وقالي ابويا اللي جابك مش كده
قولتله لا انا اللي جيت من نفسي ..كنت جاي استلف من
ابوك فلوس وقولت اعدي اسلم عليك واشوفك
قالي هو انا بصلي ليهم ولا ل ربنا
قولتله ربنا
قالي مش ربنا اللي هيحاسب ولا هما
قولتله ربنا
قالي خلاص بقي يسبوني مني ل ربنا ..ملهمش فيه
هما ..دا حتي ربنا هيحاسب كل واحد لوحده ..هو انا
ياعم نوغه ولا عيل صغير علشان اتعامل المعاملة دي ..دا
اخواتي البنات ليهم صلاحيات ومميزات عني ..فلوس
تنقص من البيت يشكو فيا ويسرقوني ولما دورو عليها
كويس طلعت موجودة ومحدش فكر منهم يعتذرلي لا
اكني كلب ..دا غير الشك عمال ع بطال فيا ..بشرب
سجاير ومخدرات وبيكلم بنات وغيره وغيره كتير
أبوه كان واقف وراء الباب وبيسمع وفتح الباب ودخل علينا وقاله
موضوع الفلوس دا يابني بقاله اكتر من سنتين وامك
اعتذرت عنه وانت بس ياحبيبي اللي فهمت غلط ..ماهي
سالت اخواتك برضو عليهم ليه معملوش زيك
والسجائر والمخدرات خايفين عليك مش عايزينك تمشي
في السكة دي ..والبنات ياعلاء ياحبيبي بحذرك منهم
وكل شوية بكلمك في الموضوع دا علشان انت عندك ولاية وخايف يترد فيهم
علاء قاله لا يبقي لما تشوفني بغلط ابقي قولي الموشح
دا إنما طول ما أنا ماشي مظبوط وبحترم نفسي اسمع الموشح دا كل شوية ليه
قاله انت ياحبيبي لو بتحترم نفسك مكنش لسانك
طوعك تقول ل ابوك إللي خلفك وكبرك موشح دي ولا ترد
الرد دا قمت وقولت عيب ياعلاء ..حقك عليا أنا ياعم عمر
قالي ربنا يهديه لنفسه ..يعلم ربنا اني اتقيت ربنا فيهم
ومدخلتش عليهم مليم حرام وابويا الله يرحمه لآخر يوم
قابل رب كريم فيه وانا شايل جزمته فوق راسي ...وطلع
شنطة سودة من جيب الجلبية اللي فيها ال5000
وقالي خد يابني الأمانة اللي كنت طالبها مني وسبنا وخرج
مسكت علاء سلخته واتعصبت لدرجة كنت همد أيدي
عليه .لاني كنت بحكيلي عن طفولتي وان قد اي ابويا
كان اناني وعديم المسئولية وقاسي ومش بيحب غير
نفسه وكنت بقوله في وشه يابختك ب ابوك وأنه طيب
وحنين ونعمه الاب .......قولتله دا انا لو ابويا نص
ابوك ..بلاش نص ..لو ربع ابوك والله اعيش خدام تحت
رجله طول عمري ..قوم معايا اعتذرله وبوس ع ايده ورجله
قالي الناس دي فاكره احترامي وتقديري ليهم ضعف وجبن
اسمع مني ياصاحبي ..أنا عارفهم اكتر منك ..أنا المفروض
كنت اخدت موقف من زمان ..وحتي الشغل مش رايح
وخليه يشوف حد يأكله البهايم ويقف في المحل علشان
مش عبد علشان يطلع عين امي ببلاش ..ويبتسم
بسخرية ويقولي زمن العبيد انتهي ياصاحبي
قولتله في ايه ياض مالك ..انت مكنتش كده ..ايه اللي حصلك
قالي علشان بطالب بحقي ابقي مجنون..واتغيرت ..انت
معاهم بقي ..وكلكم متفقين عليا ...يرضي ربنا اشتغل
واتمرمط من غير ولا مليم ..ويقعد معايا ويقولي لما كان
قدي جوز نفسه ومخدش مليم من أبوه ولا حد ساعده
طب وانا هجوز نفسي ازاي وهو مشغلني معاه في بالسخره وبلقمتي ..حتي ياعم اللقمة مش عايزها ولو مش عايزني في البيت امشي ارض الله واسعه
كانت أنه وقفه بتسمع ودخلت وقالتله انت مين ياواد اللي محفظك الكلمتين دول ومعصيك علينا ..يكنش حد عملك عمل ..ولا اتلطشت في مخك ..ارجع لعقلك بدال ما ارجعك أنا
قالها رجعيني
قمت تاني قبل ما امه تمسك فيه ولا تضربه وقولتلها معلشي ياخالتي هو بس أعصابه تعبانه ومش عارف هو بيقول ايه
قالتلي بزعيق وهي مبرقه من الصدمة..لا انا اعرفه
واعلمه الادب من اول وجديد ..والله لو متعدلتش أنا اللي
هعدلك ... وبكرا اعرف خلانك ويجو يشوفوا ليك حل
قعدت أهديها لحد ما خرجتها برا وقفلت الباب وقعدت
اتكلم معاه كتير والحمد لله اقتنع أنه غلطان ووعدني أنه
هيتاسف وهيعتذر ليهم ...بس لما قولتله في نص الكلام
شيطان ودخل بينكم ..جيه في بالي مطرش وشكيت أنه ممكن يكون هو السبب
المهم خرجت وركبت المكروباص ورجعت واول ما نزلت
منه ببص جنبي لقيت علاء قالي ارجع خد الشنطة يافالح بسرعة قبل ما حد يلهفها .
بصيت في أيدي فاضية برقتله ورجعت وانا مخضوض
بسرعة كان الميكروباص واقف مستني الدور وفتحته
واخدت الشنطة ولما رجعت ملقتش علاء
قولت خلاص لما يظهر تاني هساله عن موضوع علاء
رحت لصاحب الورشة دفعتله باقي فلوسه وانا رايح لعم
مدبولي ادفعله ال1000جنيه واشيل معاه العقد بتاع
الأرض لحد ما اسافر تاني لعم عمر واشيله عنده ظهرلي علاء وقالي لسه برضو عايزها وابتسم
فهمت ابتسامته دي قصدها ايه ...يقصد الحلم معرفش
ليه غاب عن عقلي اساله عن علاء رغم أنه علاء هو اللي
قدامي ..قولتله هو دا كان حلم بجد ولا حقيقة
قالي انت كنت حاسس أنه حلم ولا علم
قولتله المفترض اني كنت نايم يبقي اكيد حلم بس اللي
حسيت بيه وعيشته كان حقيقي
ضحك وقالي لما سالتك في الحلم عن ام الهام قولتلي اي
ضحكت وقولتله ام الهام مين دول شوية غفر
ضحك والمره دي ضحكت معاه بس لما شفت الناس
بتبص عليا ومستغربة اللي بعمله ولا اكني
مجنون..اتاكدت أن محدش شايفه غيري ولا سمعه
ومشيت وهو فضل ماشي جنبي وعمال يكلمني بس انا مش برد
قالي نفسك تشتري القرية بالي فيها مش كده ...بتحب
الفلوس انت يامرجان..والجنس ...دا انت كان نفسك تنام
مع ال14كلهم .. مجرم انت
قولت في سري مش هتقولي برضو دا كان حقيقي ولا مجرد حلم
قالي طب لو اتعرض عليك تنام مع ام سامح ولا ساميه
ولا ام الهام ولا تحلم حلم زي دا تختار اي
قولتله من غير تفكير هختار الحلم طبعا
قعد يضحك تاني وانا مكنتش قادر اضحك علشان الناس
اللي كانت ماشية في الشارع وشيفاني
رحت ل عم مدبولي ودفتله ال1000 وشلت معاه العقد
وحلف عليا اشرب الشاي ويلف ليا سيحارتين وطلع حتة
حشيش كبيرة وقالي لسه حايبها امبارح لو عايز تقسمها
سوء معنديش مانع عايز تخدها كلها برضو معنديش مانع
افتكرت بيقول كده جدعنه وأنه مستحيل ياخد مني
تمنها أنا لسه دافع بدال ال500 ال1000 قولت اكيد
هيخلي عند اللي حابو دم وهيديني نصها واجب بس اول
ما قسمها حلف طلاق أنه مشتريها ب300 جنية واني
نصها 150
طلعت 150 ج وقولتله خد ياعم مدبولي
قالي ياخد عدوينك
دخلت ام الهام بالشاي ولسه عايشة في دور السندريلا
بروح امها وفكراني هموت عليها وعماله تبصلي وانا
متجاهل وجودها خالص
عم مدبولي قالها خدي شيلي العقد دا جوه وخدي
ال1000جنية بتاع مرجان
بصتلي جامد ..اللي هو مالك مش عوايدك ..هو احنا مش كان في بنا ميعاد
اخدت العقد والفلوس ولفت وشها وبصت وراها ولما
شافت جوزها مشغول في لف السجائر مشيت بمرقعة
وكانت قصده تهز جسمها علشان تغريني وتثيرني
والصراحة أنا هجت بس مش زي اول امبارح وامبارح
شربت مع عم مدبولي سيجارتين واول ما دخل الحمام
جت ام الهام وقالتلي كده خبط لزق..هتروح البيت امتي
قولتلها شوية كده
قالتلي خلاص انا هدخل البس وهنزل استناك تحت
علشان عمك ابو احمد ميشكش في حاجه
..كنت حابب اجرب كل حاجه..رغم أن نمت مع خالتي
امبارح وحلمت الحلم الجميل دا
بس معرفش ليه كان عندي فضول وحب استطلاع..حتي
لو كان مليون حد قالي انها وحشه ومش هتحس بمتعه
معها برضو كنت هبقي حابب وعايز أخوض التجربة بنفسي
سمعت صوت ضحكة علاء وبعدها قالي افتكر اني
قولتلك بلاش واختفي ومظهرش غير بعد ما قبلتها
ومارست معها الجنس ومشيت
قالي صدقتني
قولتله انت فعلا كان معاك حق
قالي مش مهم عادي..أنا بس عايزك تصدقني وتثق في
كلامي اكتر من كده ..أنا عمري ما هغشك يااخويا ..ندخل بقي في الجد والشغل
قولتله بدون تفكير ندخل
قالي ام الهام عندها بنت اختها متجوزة بقالها ٣ شهور
وجوزها مش عارف يدخل عليها
قولتله مص عارف ازاي
قالي مرات عمها عمله ليها ربط علشان كانت عايزها ل ابنها وأبوها رفض
قولتله وانا هروح يعني هقولهم واعرض خدماتي عليهم
قالي لا انا هخلي ام الهام تفتح معاك الموضوع وهي اللي هتطلب منك المساعدة
قولتله ياريت علشان اخد الفلوس اللي خدوها مني اونطة
ضحك وقالي لو طلبت منها 5000 هتوافق واهو بالمره
ترجعهم ل ابو عمر وعايزك بعدها تقطع رجلك من هناك
خالص وتنتبه بقي لشغلك
قولتله اقطع رجلي من هناك ليه ..هو انت اللي عملت كده في علاء
قالي الواد مكبوت وامه بتفرق بينه وبين اخواته البنات
وأبوه محمل عليه وضغضه وكتر الكبت والضغط بيولد
الانفجار مالي انا بقي ..المهم انا مش عايزك تشغل بالك
التفاهات دي
يتبع
