رواية الشيخ مرجان الفصل الثامن والثلاثون 38 بقلم محمد يوسف
#البارت38🖊️ Mohamed Youssef Sultan
من كتر الندم كنت عايز ارجع أتوسل ل خالتي واترجها
تسامحني واحكيلها كل حاجه يمكن تعذرني ..بس اروح
ازاي وب انهي وش ..هو انت هتقدر ترفع عينك فيها ..فاكر انها هتديك فرصة اصلا تبرر ولا تحكي
حتي لو سمعتك فكرك هتصدق ..انت
حقير ..وحيوان ..معندكش قلب ولا رحمة
...من قلتهم ..حبكت يازفت انت ..هاا اتبسطت في الاخر
ارتحت ..أنا لا انبسطت ولا ارتحت ولا كنت حاسس بمعتة
ومعرفش اي الي خلاني اكمل ..هو اكيد الحشيش ..أنا
مش اول مره اشوفها ولا احس ب إثارة ..كنت كل مره بمسك وبسيطر ع نفسي
انت مينفعش تحكيلها اصلا يامرجان ...دي لو سمحتك ع
اللي عملته فيها مش هتسامحك ع اللي عملته في جوزها
وانك دمرت وخربت بيتها
هي اللي بعضمه لسانها قالتلي انها ارتاحت بعد ما بعد عنها وأنها مبسوطة
..اه مرتاحه ومبسوطة لو قضاء وقدر وأنه بكامل إرادته
عمل كده ..لو عرفت اني انا السبب اكيد مش هتسامحني
وهتحس بالذنب ومش بعيد تكرهني اكتر
..انت مكنش ينفع تعمل كده استفدت اي انت ..اديك
خسرت امك التانية 👊🏻غبي
...أنا والله مكنتش مخطط لكده ولا كان في دماغي
خالص ..ازاي دا حصل ..ااااازاي..أنا هتجنن
...ايه دا علاء ...انت ازاي هنا ..علااااء
..أنا مش علاء
مش علاء ..ازاي ..انت علاء
.
.بقولك أنا مش علاء ..أنا اتشكلت ع صورته ..مش دا اكتر
حد بتحبه وقريب منك
رجعت لورا خطوتين وانا مش مصدق اللي شايفه بعيني
ولا اللي بسمعه ..قولتله انت مين
ظهر بصورته الحقيقية وقال أنا مطرش ودي اول واخر
مره هتشوفني فيها بصورتي الحقيقية واختفي وفي لمح
البصر ظهر بصورة علاء
انا اترعبت وقلبي بقي يدق جامد ومعرفش رجلي مالها
ولا اكنها متسمرة في الأرض وجسمي اتخشب
كان شكله فظيع ومخيف ومقرف جدا ..أنا من صدمتي
مش عارف انطق ولا ارد عليه أقوله ايه ..عايز اجري
اروح للدساسه تفهمني وتعرفني مين دا وتبعده عني
..ضحك وقالي مش هناك ..مش مصدقني تعالي نروح
مش هتلاقيها ولا هتلاقي الصبارة وضحك جامد بصوت عالي ومرعب
انا أيقنت ساعتها اني في خطر عليا وع حياتي ..وقولت انها النهاية خلاص
قالي بالعكس دي البداية يامرجان وقرب مني وحط أيده
ع كتفي وقالي مالك مشيل نفسك الذنب كله ليه ..هو في
وحده تنام ومعها ابنها شحط وراجل بالهدوم دي ..
المفروض تستر نفسها ...مش كده ولا اي
بيقولي كده ونظراته كلها خبث ومكر ..مش نظرات علاء
خالص ولا حتي كلامه ..علاء متربي كويس جدا ومتدين
مستحيل يقبل بكده
قولتله انت السبب ..انت والدساسه ..لما هي مش في المقابر امال فين
بعد عني خطوتين وقالي انا السبب ازاي ..يامرجان بطل
افتراء ..أنا مليش دعوة ...والدساسه كمان مالها ..تنكر أن
كل الي عملته مع محمود علشانها وانها وحشتك وكنت هتموت عليها .. تنكر
انت مكبر الموضوع خالص ..يومين ولا اسبوع وتنسي
وياسيدي متشلش هم الموضوع دا ..أنا هحله وهخليها
هي اللي تدور وتسأل عليك ..بس مش عايز اشوفك مضايق كده يامرجان
قولت في سري انت محسسني انك علاء بجد
قالي أنا بحبك اكتر منه والايام هتثبتلك دا ..انت مجرد
صديق ليه .إنما انت اخويا يامرجان ..ولو تعرف اللي
عملته دا قربك مننا ازاي كنت اتمنيت تعمله من زمان
قولتله قربني منكم
قالي اه طبعا ..انت بقيت واحد مننا ..انت مستهون ليه
بنفسك ..انت مش عارف قيمتك..إنما احنا عارفين قيمتك وقدرك كويس يامرجان
انا دماغي لفت بيا وحسيت بدوخة وسامع وشايف اللي
بيحصل ومتأكد أنه حقيقية مش تأثير الحشيش ولا اني
بحلم بس عقلي مش قادر يستوعب ولا يفهم
كل اللي حاسس بيه الخوف واني مخضوض وقلقان
وحاسس اني دخلت نفسي في دوامة وبير غويض مش هعرف أخرج منه
قولتله هو انا ايه اللي عملته
قالي انك تروح المقابر في السن دا ومتخفش وتخاطر
بحياتك ونفسك دي لوحدها كانت كفيلة أننا ناخد بالنا
منك واول علاقة جنسية ليك تكون مع جنية ومش اي
جنية دي بنت ملك من ملوك الجان ..دي كمان كانت
كفيلة تخلي نجمك يلمع ويظهر لكل قبائل وملوك الجن
ووممارسة الجنس مع جثة عذراء وآخرهم اللي عملته من
شوية وابتسم وقالي انت فظيع في التمثيل يامرجان
وضحك وقالي ياراجل دا انا صدقتك
قولتله صدقت اي
قالي صدقت انك خايف وقلقان مني بجد ...بتهزر صح
قولتله ومخفش ومقلقش ليه
قالي مستحيل شخصية تكون بتخاف تعمل ربع اللي
عملته يامرجان مستحيل
قولتله الدساسه فين أنا عايز اشوفها
قالي الدساسه خلاص مهمتها خلصت ودورها انتهي
قولتله مهمتها خلصت ازاي
قالي بعدين هفهمك وهشرحلك كل حاجه يامرجان ياحبيبي
