رواية عندما يعشق الصقر الفصل الثالث 3 بقلم اسماء الطبلاوي
البارت3
(صدمة حنان ان صقر طلع ابن العمدة كانت كبيرة ومكنتش مصدقه انها ضيعته من ايدها خلاص
حنان: ووه.. يعنى صقر طلع ولد العمده منصور وانى اللى طلعت بهيمه.
جابر: بهيمه ليه وانتى مالك بيه. وبعدين ليه بتجولى انه كان بيرازى فيكى.
حنان: عشان صقر عاشجنى من زمان وانى مكنتش بديله ريج ولا بحن عليه بحرف.
جابر: هههه يا خبتك يختى دلوك مش هيعجبه العجب ولا هيطل فى خلجتك حتى.
حنان: ليه هو الحب بيتغير فجأه اكده عاد.. اكيد لسه عاشجنى.
وانا مش ههدى ولا هيرتحلي بال الا لما ارجعه كيف الخاتم في صباعي نوبه ثانيه.
جابر: يبجى بتحلمى يا حنان صقر عمره ما هيرجع كيف الاول وبكره تشوفي.
( مشى جابر ورجعت حنان على بيتها وهي بتفكر ازاي ترجع صقر تاني يحبها بعد اهانتها ليه وثاني يوم في المستشفى كان صقر خلص كل التحاليل والدكتور خرج يطمن منصور.
الدكتور: الصراحه يا حاجومنصور انا ما شفتش حد مطابق لبنتك من كل اللي احنا جبناهم حتى انت قد صقر عشان كده ينفع نعمل العمليه النهارده وحالا لو عاوز.
منصور: ربنا يبشرك بالخير يا دكتور طيب صقر موجود ورحمه موجوده اعمل اللازم بتي ما بجتش متحمله.
صقر: انا كمان مستعجل يا دكتور ومش رايد اي تاخير خيتي رحمه ما ينفعش تصبر اكثر من اكده
الدكتور: انا ما عنديش مانع خشوا اقنعوها هي.
منصور: تجصد ايه بكلامك ده
الدكتور: رحمه رافضه تعمل العمليه بعد ما اتاكدت ان صقر مطابق ليها وانه اخوها فعلا
صقر: هو كلام عيال ولا ايه انا متفج معاها ان احنا هنيجي لو طلعت مطابج ليها هنعمل العمليه على طول
منصور: حاول تجنعها يا ولدي هي ما عادش فيها حيل لصبر وبتعاند روحها.
(دخل صقر اوضه رحمه ودخل قعد جنبها ومسك ايدها
صقر: هو احنا هنبتدي شغل العيال من دلوك مش احنا اتفجنا ان لو طلعت مطابج هتعملي العمليه على طول بتغيري كلامك ليه دلوك.
رحمه: ما اعرفش جلجانه ومش عاوزه اخف على حسابك يعني ما اجومش انا وابجى زينه وترجد انت مطرحي.
صقر: هههه هو مين اللي يرجد هو انتى فاكراني خرع كيفك... لا انا سبع انتى هتجومي وتلاجيني جايم جبلك.
رحمه: اهو كلام بتجوله عشان تجنعني انا ما صدجت ان يطلعلي اخ اجوم انا اللي اضيعه بيدي.
صقر: مفيش حد هيضيع من النهارده خلاص هفضل ملازمك ليل ونهار.
رحمه: تلازمني كيف وابوي بيجول انك مش عاوز تجعد معانا في الدار.
صقر: غيرت كلامي يا ستي وهجعد معاكم مبسوطه اكده.
رحمه: لو اكده يبجى مبسوطه جوي وهعمل العمليه بس عاوزه تبجى انت اول واحد اشوفه لما اجوم.
صقر: ما تجلجيش هتلاجيني جنبك.
( خلاص رحمه قررت ووافقت على العمليه خرج صقر بلغهم ودخلوهم هم الاثنين العمليات وكان منصور واقف بره قلقان.
منصور: يا رب فرحت جلبي برجوع ولدي لحضني ما تحرمنيش من حد فيهم ثاني واصل وعدي العمليه دى على خير يا رب ما تخسرنيش في حد فيهم واجبر بخاطري.
( وهناك في الارض كان قاعد سالم وجنبه شعبان اخوه.
شعبان: ايه خلاص اكده العمليه جفلت مفيش اي مجال انك ترجع تاني كيف ما كنت.
سالم: وهو كان ايه اللي حصل الموضوع كله لسه كلام في كلام
شعبان: كلام كيف وانت بتجول انهم دلوك في المستشفى بيعملوا العمليه لو كان الموضوع كلام وهو مش اخوها بيعملوا العمليه كيف يا ناصح.
سالم: جصدك تجول ايه يعني يا شعبان انا دماغي مش فيا ومش مركز
شعبان: اجصد اجول لك انك اكده هتطلع من مولد بلا حمص يعني ولا هتتجوز البت ولا هتفضل دراع العمده اليمين.
سالم: ده انا وجتها كنت اخلص على اللي اسمه صقر ده وما اسميش عليه هي سهله اكده افضل انا ارتب واكبر واراعي في ارضه وفي ماله وياجي في الاخر حد ياخد كل ده على الجاهز.
شعبان: براوه عليك هو ده اللي انا عاوزك تجوله ده اللي انا عاوزك تفكر فيه مش لازم تسيب حجك لحد..و لو اللي اسمه صقر ده جاي وناوي يلعب دور الواد في الكوتشينه ويجش يبجى انت اللي لازم تكسب الدور.
سالم: هيحصل ولو العمده ذات نفسه اتدخل ما بيني وما بين ولده اللي طلعلي في المجدر ده هيحصله و اكده ولا اكده البت مكسورة الجناح وهبجى انا راجلها وبس.
شعبان: وما تنساش بجى اخوك اللي شار عليك بالكلام ده وفتح مخك.
سالم: مش ناسيك هي بس تتم على خير واحنا مع بعض.
( وفي بيت العمده كانت مرمر بتنظف اوضت رحمه وخلصتها ودخلت على الاوضه اللي هيقعد فيها صقر وهي بتكلم نفسها بدلع
مرمر: هيجرى ايه يا ربي لو الجدع اللي كيف الجمر ده يبجى من نصيبي يعني لما كانت عيني عليه وكنت رايداه وهو لسه غلبان وعلى جدوا كان رامي روحوا على اللي اسمها حنان دي ودلوك لما خلاص بجى جدام عيني وبعد عنها يطلع ابن العمده وعمره ما هيبصلي يا رب ريح جلبي انا مش عايزه الاوضه الفخمه دي ولا عايزه الجصر ولا حتى فلوس العمده انا عاوزاه هو وبس... الحمد لله اللي رايده ربنا هيكون اما الحج انظفله مطرحه اللي هياجي ينام فيه ويتهنى.
( خلصت مرمر تنظيف ونزلت جري لعزيزه اللي بتطبخ وهي مستعجله.
مرمر: مستعجله ليه يا خاله عزيزه اكده ولا اكده هما مش جايين الا بكره هيبيتوا الليله في المستشفى.
عزيزه: انا عارفه يا بنتي بس العمده كلمني في التلفون وجالي احضر وكل زين وهو جاي بعد ساعه علشان جايله ناس.
مرمر: ناس.. ناس مين... وهو هيسيب عياله في المستشفى ويجي يجعد مع ناس ويضايفهم كمان.
عزيزه: واحنا مالنا ما تتدخليش في حاجه ما لكيش فيها احنا نجول حاضر وطيب وخلاص.
مرمر: على رايك يا خاله المهم انا خلاص نظفت المطارح وبجت كيف الجشطه لسه فاضل حاجه ثاني اعملها.
عزيزه: ايوه عاوزاكى تروحي لحسنين الجنايني تجوليله ما يرشش النهارده علشان الدار ما تتبهدلش من رجلين الضيوف وهم داخلين وبعدين لما يمشوا يرش الجنينه.
مرمر: بس اكده.. كيف ما تحبي يا خاله انا حالا هروحله.
عزيزه: ربنا يجبر خاطرك يا بنتي
مرمر: يا رب يا خاله يا رب.
(وهناك في المستشفى كان واقف منصور قلقان لما خرج الدكتور وطمنوا ان العمليه نجحت
الدكتور: مالك يا حاج منصور خايف ليه كده الحمد لله العمليه كانت ناجحه جدا والاثنين كويسين
منصور: يعني ما فيش حد فيهم صابوا حاجه.
الدكتور: بالعكس صقر صحته كويسه جدا ومؤشراته الحيويه ممتازه ورحمه كمان احنا دخلناهم غرف عاديه علشان تقدر تشوفهم بس مش قبل ثلاث اربع ساعات
منصور: هو ده الوجت اللي لازمني هروح مشوار وهرجع خلي بالك منهم يا دكتور ما تشيلش عينك من على ولادي واللي انت رايده هتاخده وزياده
الدكتور: عيب يا حاج منصور ما تقولش كده احنا اصحاب من زمان وعيالك عيالي.
منصور: هو ده العشم برده بالاذن
( خرج منصور من هناك بعد ما اطمن على عياله وهو مقرر انه لازم يحط النقط على الحروف وصل البيت وبعد شويه بداوا الضيوف يجوا وكانوا كبارات البلد وسالم كان واقف جنبه بيتفرج على اللي بيحصل.
منصور: منورين دار العمده يا رجاله الدار ده عمره ما اتقفل في وش حد فيكم وانا النهارده شيعت لكم علشان ابلغكم بخبر انا فرحان بيه ورايدكم تفرحوا معايا
الحاج عثمان: خير يا حاج منصور ربنا يفرح جلبك دايما
منصور: خير يا حاج عثمان كل خير.
الحاج زكريا: شوجتنا يا عمده ما تجول خبرك ايه.
منصور: على عيني يا حاج زكريا بس مش هتاكلوا الاول ده الوكل جاهز من بدري
الحاج سليمان: ناكل ايه بعد كلامك ده اما نفهم الاول وبعدين ناكل
منصور بفرحه: وهو كذلك شوفوا يا رجاله انا خلاص بجىالي وريث وسند وظهر غير بتي رحمه في الدنيا
الحاج عثمان: كيف ده ايه اللي حصل
منصور: كان ليا ولد تايه له سنين واخيرا ربنا جبر خاطري ولجيته وبسببه رحمه كمان هتبجى زينه والنهارده عملت العمليه وهو اتبرع لها بالكليه والاثنين الحمد لله وبفضل ربنا بجوا بخير
(الرجاله كلهم فرحوا وبداوا يهنوا الحاج منصور لكن سالم كان متغاظ
منصور: وان شاء الله هعمل ليله كبيره يحضرها كل رجاله البلد علشان اعرفهم على ولدي بعد ما ربنا ياخذ بيده هو وخيته ويجفوا على رجلهم.
زكريا: الف مبارك يا حاج منصور ربنا ما يوريك فيهم حاجه وحشه ابدا
الحاج سليمان: ايوه اكده الواحد ياكل ونفسه مفتوحه ربنا يمد نسلك لاخر الارض يا حاج منصور
منصور: تسلموا يا رجاله... يا عزيزه يا مرمر
مرمر: نعم يا سيدي منصور انا اهنه اهو
منصور: يلا يا مرمر جولي لعزيزه تحضر السفره للرجاله
مرمر: على عيني بالف هنا.
(مشت هتمرمر وقعدوا الرجاله ياكلوا وسالم طلع تليفونه ووقف في جنب بعيد وعمل مكالمه
سالم: الو ايوه يا شعبان
شعبان: خير يا سالم مش عادتك يعني تكلمني في المحمول
سالم: مصيبه يا شعبان ولازم تتحل هتعرف تساعدني ولا هلاجي نفسي في الورطه دي لحالى.
شعبان: عيب عليك يا سالم طالما هبجى معاك في الحلوه يبجى معاك في المره كمان
سالم: الحاج منصور بيجول ان عياله عملوا العمليه وبجوا بخير وكان جامع دلوك رجاله البلد وكبارتها علشان يجول لهم ان صقر يبجى ولده يعني الموضوع خلاص بجى رسمي
شعبان: في دماغك ايه تعمله وانا معاك فيه
سالم: صقر مش لازم يخرج من المستشفى.. رحمه ماشي انا اكده ولا اكده هتجوزها علشان اضمن حجها في ورث ابوها انما صقر لو خرج هتبجى كارثه ومصيبه لينا
شعبان: عايز تخلص عليه في المستشفى ويبجى خطا طبي مش اكده
سالم: عفارم عليك هتعرف تعملها ولا لا
شعبان: ابعتلي في رساله اسم المستشفى ورقم الاوضه لو تعرفه وسيب الباجي عليا
سالم: هبعتلك حالا الرساله
( قفل سالم المكالمه واتكلم بغيظ
سالم: ما هو يانا يا انت يا صقر اصل انا مش هزرعك وانت تجلعني قال و انا اللي كنت فاكر الموضوع هيخلص على مكافاه وتمشي طلعت جاي عاوز تاخد التورته كلها وده مش هيحصل الا على جثتي.
(خلص منصور مع الرجاله ونادى لمرمر بعد ما مشيوا
منصور: تعالي يا مرمر عاوزك في حاجه
مرمر: اؤمرني يا سيدي عيني ليك
منصور: عاوزك تحضري وكل مسلوج... وكل زين لستك رحمه وسيدك صقر وتاخديه وتروحي العنوان اللي هديهولك في المستشفى لاجل ما يتغزوا زين وتجفي على راسهم لحد ما يخلصوا الوكل وانا هطلع اريح فوج شويه علشان اجدر اكون حواليهم بكره
مرمر: على عيني يا سيدي حالا اخش اجهز كل اللي طلبته واروح لهم اكتبلي بس العنوان في ورجه
منصور: اصيله يا مرمر
( دخلت مرمر تجهز كل حاجه بعد ما اخذت الورقه اللي فيها العنوان من منصور
مرمر: شدي حيلك يا خاله عزيزه عاوزه الوكل يخلص بسرعه علشان الحج اروح وارجع جبل المسا.
عزيزه: مالك يا بنتي مستعجله اكده ليه احنا لسه بدري
مرمر: مستعجله عشان اشوفه يا خاله.
عزيزه: تشوفي مين يا بتي
مرمر بتوتر: ست رحمه طبعا اتوحشتها جوي وعاوزه اطمن عليها
عزيزه: فيكة الخير يا بتي يلا الوكل اهو انا خلاص خلصت
مرمر: تسلم يدك يا خاله
( خدت مرمر الاكل ومشيت بسرعه وفي الوقت ده كان شعبان واقف تحت المستشفى بيتفق مع واحد
شعبان: هتاخد جرشين حلوين المهم الموضوع ما يطلعش من يدك واللي اطلب منك تنفذه على اكمل وجه ولو حصل اي حاجه انت لا شفتنى ولا تعرفني
الراجل: ما تجلجش يا شعبان انا مش واطي واللي انت طلبته هيتعمل وزياده بس انا ممكن اعرف حاجه
شعبان: كنت خابر انك هترط كثير في الموضوع ده اسال
الراجل: هو انت عاوز تجتله ليه هو عملك حاجه
شعبان: ما لكش صالح انت سامع انت ليك فلوس تاخدها وخلاص
( وفعلا خلص الكلام ما بينهم وطلع الراجل علشان ينفذ المطلوب منه في الوقت ده كانت مرمر طالعه على السلم بتاع المستشفى وقربت من الاوضه كان لسه صقر ما فاقش من البنج وتعبان.
مرمر: يا ابوي السلم ده طويل جوي وانا مش جادره وهبط لو ما كنتش بس بخاف من الزفت اللي بيطلع وينزل بالكهرباء ده كان زماني فوج.
( واخيرا وصلت مرمر لاوضه صقر ولسه بتفتح الباب لقت واحد واقف قدام السرير لابس صعيدي وشكله غريب وفي ايده سرنجه.
مرمر برعب:وووه انت بتعمل ايه يا جدع انت.
