رواية واحة الخراب الفصل الثالث 3 بقلم اسماعيل موسي
#واحة_الخراب
٣
كان هناك هياكل جثث على الأرض، اب وام وأولاده وكان هناك طفل صغير فوق المقعد
رجعت للخلف مرعوب وجريت على باب بيت تانى، جثث
كل البيوت الناس إلى فيها هياكل عظميه.
كان لازم اهرب، كل حاجه كانت بتقولى اهرب يا ادم، ارجع مكان ما جيت
الليل كان نزل وجريت فى الشارع من الطريق إلى دخلت منه
كان فيه طنين ذى طنين النحل قادم من الصحراء، ازيز خلانى اتسمر مكانى من الخوف
القريه كلها كانت مظلمه إلا مصباح بعيد قرب نهاية القريه
جريت بكل سرعتى ناحيت النور وانا شايل شنطتى فوق ضهرى وعمال اصرخ اطلب المساعده
كنت بركض وواضح ان مفيش اى شخص داخل الواحه او القريه غيرى
وصلت البنايه مقطوع النفس، المصباح كان فى الطابق التانى
كان قدامى باب حديد فتحته ودخلت وفجأه ظهرت قطة قدامى وبعدها قطط كتير جدا
كلها كانت مستخبيه تحت السلم وظهرت اول ما دخلت
سحبت المسدس وطلعت درج السلم
الطابق الثانى توجد به غرفه واحده لها باب خشبى مدعم بالحديد و
وقف ادم لحظه يعاين الغرفه وزجاجات الويسكي والخمره المبعثره فى كل مكان
على السرير كان هناك ما يشبه جسد ممدد عارى بلا اغطيه يغط فى نوم عميق وبين احضانه بندقيه
لحيته طويله وشعر رأسه يغطى وجهه، جسده نحيل جدا
وكان بإمكانه رؤية عظامه
سعل ادم أكثر من مره ثم تجراء ودخل الغرفه ولكزة فى صدره
فتح الرجل عيونه بسرعه وسحب البندقيه صوبها على ادم
صرخ ادم متضربش النار
مسح الرجل عيونه ووقف للحظه يستعيد عقله
انت الدكتور الجديد؟
همس ادم ايوه
ترك الرجل البندقيه واخذ ادم فى حضنه بقوه
دفعه ادم بعيد عنه، انت مش لابس هدوم؟
قال الرجل مش مهم، المهم انك جيت، استلم بقا عشان انا ماشى
تمشى تروح فين سأل ادم بخوف؟
اصلهم مش بيسمحو لحد يخرج من الواحه غير لو وصل بديل ليه
انا جيت هنا بعد ما الدكتور إلى كان ماسك الوحده ما مات
بعت الوزاره الف رساله عشان امشى من غير رد
بعدها بطلت ابعت حاجه لحد ما تأكدو انى ميت
وبعتو أنت مكانى
مين الى مش بيسمحو لحد؟
ودكتور مين الى مات انا مش فاهم حاجه
