رواية دليل برائتي الفصل التاسع 9 بقلم سارة عادل
دليل برائتي9
روز بصدمة بصتله بغضب وقالت بصراخ:امال بتعذبني ليه ومعيشني في الهم دا كله ليه
سامر بهدوء:ممكن تهدي انا كان عندي شك فيكي بس مش متأكد وعرفت من فترة الحقيقة بس مستني دليل عشان اعرف احاسب اللي قت لت ابني
روز بدموع: مقلتليش ليه انا ضميري كان بياكل فيا انت مفكرتش غير في نفسك
سامر بحزن:اتمني تسامحيني وتعذريني انا هديكي كل حريتك عايزك تمشي وتشوفي حياتك وانا هعوضك عن كل اللي اذيتك فيه بس ممكن تديني فرصة اكشفهم
روز بغضب: ملكش دعوة بيا تاني أنا مش هفضل معاك ثانية واحدة
سامر بهدوء:أنا مش هترجاكي بس فكري في ابني اعتبريه زي ابنك حسي بإحساسي لو للاحظة قرب منها وقلها بصي ليا يروز
روز بغضب بعدت وشها اكتر ونفخت بضيق
سامر بيأس:خلاص انا هسيبك علي راحتك يلا لازم نمشي من هنا جسمك ضعيف لازم تروحي المستشفي
روز قامت بتعب ومشيت قدامه كانت بتقرب علي الباب جسمها متحملش ووقعت
سامر جري عليها ولسه هيقرب يمسكها
روز بغضب:اياك اوعي تلمسني قامت بكل طاقتها وقالت ببرود:أنا همشي لوحدي
سامر بضيق:انتي شايفة حالتك عاملة ازاي هسندك طيب وبلاش تعارضي محتاجين نخرج من المكان دا بسرعة
..........
قاسم بهزار:مالك زعلانة ليه ليكون طنط عزيزة نكدت عليكي بطاقتها السلبية دي
نوران بسخرية:ههه دمك خفيف وبعدين لو امي سمعتك قلت طنط دي ساعتها طاقتها السلبية دي هتطلعلك انت
قاسم بتغير الموضوع:بقلك ما تقولي لسامر اخوكي اني عايز اشتغل في الشركة معاه بدل ما ابويا ممرمطني في الشركة ومش عارف اخلع منه بأي طريقة
نوران ببرود:وانا مالي ما تروح تقله
قاسم:نوري انتي عارفة اخوكي مزاجه بيبقي عامل ازاي شوفتي اخر مره كان خلاص تكه ويخلص عليا
نوران:منتا اللي عصبته استحمل أنا هروح بقي عشان اظبط حاجتي واروح للقصر
.........
ريم برعب لما وصلها رسالة محتواها:أنا عارف اللي عملتيه وانا اللي هفضحك استني قريب دا هيحصل
ريم بخوف:يلهوي مين دا وعرف ازاي انا خلاص اتكشفت اعمل اي دلوقتي بصت للتليفون خدته بسرعة وايدها بترجف ورنت علي الرقم لقته مغلق بعتت رسالة ليه وقالت:انت مين وعايز اي مني
فضلت قاعدة طول اليوم بتوتر وهيا بتفتح تشوف الشخص دا فتح الرسالة ولا لا
بعد كام دقيقة سمعت اشعار من التليفون فتحته بسرعه لقت صورة ليها وهيا نازلة من العربية وواقفة في المكان اللي رمت فيه الطفل اول ما شافت الصورة التليفون وقع من أيدها وحطت أيدها علي بقها بصدمة فضلت كام دقيقة بالمنظر دا لعند لما جالها اشعار تاني
...:دي مجرد صورة من الفيديو اللي معايا واللي موضح الجريمة اللي عملتيها تحبي نتفاوض ولا ابعتها لابن عمك وهو يشوف شغله معاكي
ريم بسرعه:قلي عايز اي وانا اعملهولك
...:عايز 10مليون يكون جاهزين بكرا تسلمين الفلوس من هنا الفيديو يتمسح من هنا قدامك 24ساعه لو اتاخرتي دقيقة واحدة ساعتها انسي الفيديو
ريم بصدمة في نفسها:أنا هجيب المبلغ دا كله منين أنا ايه اللي عملته في نفسي دا
