رواية فرقتنا الظروف وجمعنا القدر الفصل العاشر 10 والاخير بقلم نشوه عادل
- ملكنش افرحى ي شهد وسيبك من الناس خلى اللى يتكلم يتكلم براحته ما احنا طول عمرنا عايشين خايفين من كلام الناس وبرضه مترحمناش افرحى ي حبيبتى جه الوقت اللى ربنا يعوضك فيه خلاص
سارة: اختك عندها حق ي بنتى انا ما صدقت اشوف طارق مبسوط وعنده امل ف الحياة بقاله ٨ سنين حرفياً جسد بلا روح واللى متأكدة منه انك بتحبيه زى ما هو بيحبك غير بنتك اللى اتعلقت بيه ومش بتقوله الا ي بابا هيخلى باله منها وهيعوضها اكيد
شهد: تمام اللى تشوفوه
طارق: المهم يكون عن اقتناع ي شهد ومهما كان اللى انتى عاوزاه هيمشى
شهد بدون تردد: انا مش عاوزة غيرك انت وبس
ابتسم طارق من قلبه وقال: انا لازم اكلم مازن واعرفه
شهد: ايوة بس ............
طارق: متخافيش مازن عارف كل حاجة وع فكرة هو اللى شجعنى اخد الخطوة ومتأخرش عشان مخسركيش تانى
اتصل طارق ع مازن وطلب منه يروح ليه ع المطعم وفعلا وافق وراح ليهم
مازن: عين العقل وانا شايف ان خير البر عاجله
زغروطة من سارة ابتسمت جيهان بفرح واستأذنت تدخل الحمام دخلت وقفت قصاد المرايا وهى بتقول: هرجع اكون لوحدى تانى بس شهد مبسوطة واخيرا لقت فرحتها الضايعة اهدى ي جيهان ليكى رب كبير اسمه الكريم
خرجت وحاولت تبان طبيعى ميل مازن عليها وقال: مالك
اتصدمت جيهان وقالت: ولا حاجة مبسوطة
مازن: بس انتى معيطة
بصت ليه جيهان بصدمة وقالت: لا انا كويسة
مازن: ع فكرة انا ظابط فمتحاوليش تكذبى عليا عشان انا بفهم كويس ف التحوير
جيهان: مفيش حاجة انا والله مبسوطة من قلبى بس
مازن: بس خايفة عشان هترجعى تكونى لوحدك تانى ومش هيبقى معاكى حد
جيهان: هو انت بتقرأ الافكار ولا ايه
مازن: لا بس انا مجرب احساسك ده وعايش فيه خصوصاً بعد وفاة والدى الله يرحمه
جيهان: ربنا يعوضك خير
غمز ليها مازن وقال: لقيت اللى يعوضنى
نظرت ليه جيهان باستغراب ومتكلمتش .... سديم: بابا طارق عاوزة ايس كريم
طارق: بس كده عيونى ي قلب بابا
شالها طارق وخرج يجيب ليها الايس كريم ولما رجع اتغدوا وعدى اليوم كان جميل وكله فرح
فى اليوم المنتظر امام الكوافير وطارق اللى هيتجنن ويشوفها لقى ايد صغيرة بتشده وبص ليها كانت سديم بتلف حوالين نفسها ولابسة فستان زفاف صغير ع ادها
سديم: بص ي بابا طارق انا كمان عروسة ولابسة فستان حلو زى مامى
طارق بتصفير: قمر ي روح بابا وهتبقى احلى عروسة لما تكبرى
سديم: هو انا لما اكبر هبقى عروسة تانى
طارق بضحك: واحلى عروسة بالدنيا كمان ي حبيبى ان شاء الله
سديم: بس انا زعلانة من ماما
طارق: ليه بس
سديم: مش رضيت تخلينى احط مكياج زيها
طارق: عشان حبيبتى لسه صغننة وبعدين انتى جميلة اوى اوى واحلى من غير المكياج
سديم: يعنى لما اكبر هتخلينى احط
طارق: ان شاء الله
بصت سديم باتجاه الباب وسابت ايد طارق وجريت وهى بتقول: مامى
بص طارق باتجاه الباب وشاف اميرته اللى مفشلتش تخطفه من اول يوم شافها ف الكلية تنهد بابتسامة واقترب منها دمعت عيونها بفرح
طارق: كان نفسى اخدك ف حضنى بس لسه مكتبتش الكتاب
شهد بكسوف: بكرة تزهق منى
طارق: ازهق منك! ي شيخة حرام عليكى ده انا كا صدقت لقيتك
وصلوا القاعة واهل شهد وطارق واصحابهم موجودين والكل فرحان ليهم
المأذون: بارك الله لكما وبارك عليكما وجمع بينكما ف خير
بمجرد ما انتهى وبقت مراته قولا احتضنها بتملك وحرمان السنين وكأنه بيثبت للجميع ملكيته ليها وهمس بانتصار ف اذنها: واخيرا ي رب اللهم لك الحمد
المأذون: مبارك الزيجة استأذن انا
مازن: ثوانى ي فضيلة الشيخ لسه فيه كتب كتاب تانى
نظر الجميع ليه باستغراب بما فيهم جيهان اقترب منها وهى نبضات قلبها بتزيد: يا طارق باعتبار انك بقيت من العيلة انا طالب ايد جيهان
جيهان بصدمة: انت ...انت بتقول ايه
مازن: بقول انى بحبك وعايزك ف الحلال ايه الغريب ف اللى بقوله
جيهان: فيه انى معرفكش عشان اوافق عليك والموضوع مش بالسهولة دى
مازن: بس انا عارفك كويس ومتنكريش ان فيه جواكى مشاعر ليا
جيهان باحراج: لو سمحت وقف الهبل ده حالت انا مش موافقة
مازن: ليه بقى عشان حكاية انك مش هتقدرى تخلفى وتكونى ام
دمعت عيون جيهان وقالت: لو سمحت كفاية بقى
جات تمشى مسكها مازن وثبتها قصاده رفع وشها ليه وقال: بصيلى هنا وبصى ف عيونى انا بحبك ..اه بحبك من زمان ع فكرة ومراقبك وعارف عنك حاجات محدش يعرفها غيرك انتى والموضوع ده قسما بالله مش ف دماغى ولا شاغلنى انا عاوزك انتى وحابك انتى زى ما انتى كده وانتى مدخلتيش ف علم الغيب ده ربك اسمه الجبار فسواء خلفتى او لا انا مكتفى بيكى عن الدنيا هتكونى بنتى واختى وامى وكل حاجة ليا وبقولك الكلام ده قصاد الناس كلها عشان يكونوا شاهدين عليا ادام ربنا
نزلت جيهان راسها بخجل وفرحة وخوف كذا شعور اختلط عليها اقتربت سارة وطبطبت ع كتفها واخدتها ف حضنها وقالت: امشى ورا قلبك المرة دى مش هتخسرى ومتخافيش اخنا معاكى وف ضهرك انا ليا نظرة ف الناس متخيبش ومتأكدة انه هيصونك ويقدرك وهيخليكى اسعد واحدة ف الدنيا
نظرت جيهان لاختها اللى قربت ومسكت أيدها: انا واثقة ف مازن الشخص اللى لما الكل اتخلى عنى من اهل يونس الله يرحمه وقف جنبى وامن بيا ف الوقت اللى الكل قال عنى مجنونة لما كنت بقول ان بنتى عايشة واثقة انه عمره ما هيخذلك ي حبيبى
المأذون: ي جماعة من فضلكم انا عندى كتب كتاب اخر
مازن: خلصى بقى ي سندريلا خلى الفرحة اثنين
جيهان: موافقة
انتهت الحكاية بجبر لكل القلوب امن بحبك ومتبخلش ف دعائك الح ع ربنا بمطلبك واكيد مش هيخذلك
#فرقتنا_الظروف_وجمعنا_القدر الاخير
#بقلم_نشوه_عادل
تمت
