رواية جريمة في قلب عاشق الفصل السابع 7 بقلم منال كريم
#جريمة_في_قلب_عاشق
#الفصل_السابع بقلم منال كريم
/////////////////////
فتحت ملك عيونها على أصوات عالية، نظرت بجوارها لم تجد كريم.
نهضت بخوف ذهبت الى الشرفة.
كانت تنظر من الدخل حتي لا يراها احد.
فى الحديقة
كان يقف كريم ويوجد كل أهل البلد ، وكريم يوزع عليهم لحمه
لأن دبح خمس عجول بمناسبه الجواز من ملك
وأرسل إلى منزل ملك لحمه كتير جدا
كانت ملك تنظر إلى أهل البلد اللي ديما كانوا سبب في جرح قلبها.
تقول فى نفسها: انتوا دلوقتي وقفنا قدم بيتي و تأخذوا صدقة الحمد لله ربنا نصراني عليكم
ذهبت إلى الحمام أخذت حمام ثم قضت الصلاة.
ثم صعد كريم
أبتسم عندما وقعت عيونه عليها و قال بحب: هو القمر صاحي
صباح الخير يا ملاكي
ملك بخجل: صباح النور، أنت توزع لحمة ليه
اقترب منها حتي أصبح لم يجد بينهما فاصل و قال بهمس:علشان اتجوز الملاك اللي واقف قدمي ده، مش قادر أصدق انك بقيتي مراتي حاس بحلم.
أجابت بهدوء: شكرا
نظر لها بذخول و قال: شكرا ، طيب العفو ابقي تعالي كل يوم،
سألت بعدم فهم: يعني ايه اجي كل يوم.
أجاب بهدوء : اصل لما اقولك بحبك مش الجواب شكرا ، الجواب حاجة تانية معروفة.
توترت ملك و لم تجيب
أبتسم و قال: كل توتر اهدي، يا قلب كريم، بقولك ادخل اخد دوش و ننزل ناكل ماشي يا ملوكه.
ملك باحراج: ماشي ،كريم أنا ممكن انزل تحت على ما تخلص وتنزل.
كريم بجدية: لا
ملك بإحراج :ماشي
وجلست على السرير
وقف كريم أمامها
كريم بابتسامه: أنا بهزر معاكي يا حبيبتي البيت بيتك اعملى اللى انتي عايزه فاهمه يا ملوكه انتي مراتي ، و كل حاجة ملكي بقت ملك انتي اتصرفي على الأساس ده.
أجابت بابتسامة :ماشي
كريم بابتسامه: ماشي بس مفيش حاجه تاني
ملك بعدم فهم: حاجه ايه
كريم بحب: حاجه زي بحبك يا كريم كده يعني
ملك بخجل: انا اسبق على تحت
كريم بهدوء: خلاص براحه وشك جاب الوان
ذهب كريم يأخذ حمام
و ارتدت ملك الحجاب و كانت مثل القمر
ثم هبطت إلى الاسفل
في الاسفل
كانت سعديه زوجت جابر و بنتهم ريم يحضرون السفره
نزلت ملك و قالت بغرور مصتنع : ازيك يا دكتوره ريم قوليلى تجوزي انتي والدكتور زميلك امت، ولا هو لسه بيكون نفسه لو عايزه اى مساعده قولى ليا احنا اخوات برضو.
وأكمل بحقد و هي تريد ردة نفس الجملة التي قالتها لها: أو لو فيكي حاجة أنا موجودة كريم رجل عارف أفضل الدكاترة ممكن نلحق الموضوع .
لم تستطيع ريم الرد فالأمور اختلفت الآن.
نظرت ملك إلى سعديه و قالت بأمر: الاكل جاهزه.
سعديه بغضب: انتي نسيتي نفسك أنا هنا مش باخد اوامر غير من كريم باشا.
أجابت بغرور: كريم ده جوزي
جابر بصوت عالى: ملك اوعى تنسي نفسك.
رأت ملك كريم ينزل على السلم
مثلت البكاء
نزل كريم من على السلم سريعا
وسأل بخوف: مالك يا ملك تعيطي ليا
أجابت ملك بتمثيل الدموع: مفيش
قال بعصبية: ملك اكتر حاجه تعصبني كلمه مفيش بتاعتك دى
مين اللي قدر يزعلك.
أجابت بتمثيل الزعل: علشان سالت خالتي سعديه الاكل جاهزه، زعقت فيا وقالت إنها مش بتاخد أوامر غير منك
وكمان جابر زعق فيا وقالى انتي نسيتي نفسك، كريم انا عملت حاجه غلط وانا مش عارفه
تحول كريم حتي ملامح وجهه أصبحت مخيف من الغضب، لدرجة أن ملك خافت منه.
صرخ بصوت عالى جدا: أنت اللى نسيت نفسك يا جابر أنت و مراتك, دي ملك السيوفي يعني محدش يفكر بس أنه يقولها كلمه تزعلها فاهم ، أنا اسكت المره دي علشان أنت شغال هنا انت و مراتك من أيام ابوي الله يرحمه ،بس لو حصلت تاني تشوف مني وش تاني خالص.
جابر بغضب مكتوم: أنا اسف يا كريم باشا
قال بعصبية: أنت غلطت فى ملك هانم مش فى أنا ،يبقي لازم تعتذر منها أنت و مراتك
مجرد أن نظرت له فهم و قال: حتي بنتك.
قالت ريم: بس أنا
صرخ بغضب شديد: مش عايز اسمع صوت.
سكتت ريم من الخوف
جابر بغضب مكتوم: آسف يا ملك هانم.
سعديه بغل: آسفه يا ملك هانم
ريم بحقد: آسفه يا ملك هانم
كانت كل مرة تسمع الجملة من حد فيهم ، اعتبر هذا عن ظلم السنين.
كريم بعصبية:يلا ادخلوا حضر الفطار , و أنت يا جابر تعمل ايه هنا، من النهاردة طالما احنا هنا ، مش عايز أشوف رجل يدخل القصر يلا برة.
دخلت و سعديه وريم إلى المطبخ و جابر إلى الخارج وكلهما غل وحقد وغيره من ملك
كريم بعصبية: اقعدي علشان نفطر
ملك بحزن: أنت تزعق ليا ليه
كريم بعصبية: علشان اكتر حاجه تعصبني انك مش تعرفي تاخدي حقك و تعيطي بس
ملك بحزن: أعمل ايه يعني
كريم بعصبية: خدي حقك مش تسكتي فاهمه
ملك بدموع: فاهمه
زفر بضيق و قال: ليه الدموع يا ملك.
قبل أن تجيب قال: عارف مفيش صح.
أومأت رأسها بالموافقة ، ابتسمت على براءة هذه الملاك.
و قال بهدوء: طيب يلا نفطر
ملك بدموع:مش عايزه اكل
كريم بحنيه: اسف اني تعصبت عليكى يلا ناكل
ملك بدموع:مش جعانه
كريم بحنيه : اسف يا ملاكي
أنا بس عايز اى حد يفكر يضايق، مش تسكتي لازم تاخدي حقك يا ملوكه
ملك بدموع: ماشي
كريم بهدوء :يلا ناكل علشان مالك كلمني وقال جينا بعد شويه وان شاء الله السفر الى القاهره بليل علشان نجهز الفرح فى القاهرة.
صرخت بعصبية: مش جعانة
حملها و هو يتسم و قال: احسن حاجة
كان يصعد إلى الغرفة، سألت بخجل: أنت رايح فين، نزلني يا كريم.
قال بابتسامة : لا ، لازم الاول افكر ازاي اصالحك يا قلب كريم.
كانت تموت خجل و كسوف و توتر، لكن وقعت عيونها على المطبخ كان الخادم ينظرون عليهم.
أطلقت ضحكة بدلع، و لفت أيدها حول رقبة و قالت بدلال شديد: كريم.
نظر إلى عيونها و قال بحب: قلب كريم.
💕💕💕💕💕💕💕💕
في المساء
سافر كريم و ملك و عائلة ملك و سيف إلى القاهرة
لأجل الزفاف للمرة الثانية.
وصلوا إلى القصر
يدخل مصطفى و مني و مالك و امل خطيب مالك ، كان اقنع عائلة أمل أن تأتي معهم لكن عندما تدخلت ملك السيوفي ، ليست ملك اخت ملك، وافق العائلة.
كانت نادية في الاستقبال
قالت بابتسامة: حمد لله على السلامه ، الف مبروك يا عرسان
أجابت ملك با ابتسامة: الله يبارك فيكي
و أجاب كريم: الله يبارك فيكي، كل حاجة جاهزة.
أجابت بهدوء: أيوة يا فندم، و أيوة فندم التجهيزات تتم في الفندق زي ما حضرتك طلبت، و غرف النوم جاهزة.
أشارت إلى خادمة تقف خلفها و قالت: مريم عرفي كل الباشوات على الغرف.
أومأت مريم رأسها بالموافقة و صعدت و خلفها عائلة ملك.
كانت غرفة لمصطفى و مني.
و غرفة لمالك.
و غرفة ل مليكة و أمل.
قالت ملك بتعب: كريم عايزة انام اوي.
حملها و قال: يلا يا قلب كريم.
بدون تفكير لفت أيدها على رقبته و ضعت رأسها على كتفه.
و نظر إلى نادية : تتاكدي أن محدش منهم ناقصه حاجه.
أومأت رأسها بالموافقة.
صعد كريم و ضعها على الفراش بكل حنان، و كأنها قطعة زجاج يخشي عليها.
فردت جسمها و أغمضت عيونها.
قال : قومي خدي حمام و غيري هدومك.
قالت بتعب: تعبانة اوي.
دخل الحمام ، ملئ البانيو ماء ساخن حتي يريح جسدها من تعب الطريق
وأخرج لها منامة مريحة.
ثم خرج حملها بدون كلام، سألت بفزع: في ايه.
قال بهدوء: متخافيش مفيش حاجه خدي حمام ساخن على ترتاحي.
أبتسم بسعادة.
و قالت بخجل: خالص نزلني و أنا ادخل.
قال بخبث: بقول اساعدك.
أومأت رأسها اعتراضا
نزلها أمام باب الحمام.
دخلت الحمام عندما جلست في الماء الساخن شعرت بالراحة، بدلت ثيابها.
و خرجت صلت ركعتين قيام الليل و ذهبت الى الفراش.
وضع قبلة على جبينها و قال: تصبحي على جنة يا قلب كريم.
أجابت بابتسامة: و أنت بخير.
ذهبت إلى نوم عميق في ثواني
نهض كريم أخذ حمام و بعد صلاة قيام الليل
ذهب إلى الفراش أخذ ملك في حضنه و ذهب إلى نوم عميق.
في الصباح
يوم زفاف كريم وملك للمره الثانية.
ذهب الجميع إلى الفندق
فى أكبر فندق فى القاهرة
يوجد أكبر رجال أعمال ومشاهير في العالم
لحضور حفل زفاف كريم عبدالله السيوفي من كبار رجال اعمال
ينتظر كريم ملك
و تدخل هي مع أبيها و للمرة التانية تخطف قلبه.
ذهب إليها و حضنها بحب
و بدأت حفل الزفاف.
تجلس ملك وكريم فى المكان المخصص ل العروسين
ملك بخجل: كريم أنا مكسوفه أوى.
كريم بهدوء: ليه يا قلبي
قالت بهدوء :هو فى حد يعمل فرح مرتين
كريم بحب: اولا انتي مش اى حد فا طبيعي تكوني مختلفة عن كل الناس
ثانيا انتي كنتي عايزه الفرح في البلد وانا عايز فى القاهره إذا نعمل فرحين.
ملك بهدوء: طيب
في مكان آخر
كانت تجلس علا مع ريم في الشقة المشبوهة
ريم و علا مدمين مخدرات و كحول.
كريم و سيف مش عارفين انهم مدمين.
دخلت فتاة إلى علا و قالت بشتماتة: علا عرفتي الجديد.
مسحت أنفها من أثر السم الابيض و سألت بتوهان: ايه.
قالت ببرود: كريم السيوفي فرحه النهاردة
نهضت بفزع، و لم تستطيع الوقوف جلست مرة أخرى و سألت بعصبية: انتي مجنونة صح.
وضعت الفيديو أمامها ، كان فيديو من الفرح
قامت سريعأ و قالت: لازم اروح اخرب الفرح ده
قالت ريم بعدم تركيز: يا بنتي اقعدي تروحي فين انتي شايفة قدمك
صرخت بعصبية: ريم حالا اطلبي فستان من عندك حالا.
أومأت رأسها بالموافقة و طلبت من عاملة في المحل ترسل فستان الي هنا
أما علا ، ذهبت إلى أحدي الغرف ، ذهبت إلى الحمام لتأخذ حمام
دخل شاب بحذر الى الحمام و قام بتصوير علا، و قال بشر: بكرة تشوفي يا علا.
وصل الفستان و ارتدت الفستان وضعت ميكب اوفر جدا.
كانت ترتدي فستان ابيض قصير جدا فوق الركبه وعاري من الظهر وعاري من الصدر وبلا اكمام
وشعر اصفر قصير مع المكياج الاوفر.
في سيارة علا
تقود باقصي سرعة و هي تحت تأثير المخدر ، حتي تصل قبل انتهاء الزفاف.
رن الهاتف أجابت بعصبية: ايه يا ريم.
ريم بخوف: يا بنتي قولي تروحي تعملي ايه و لا ايه الفائدة.
قالت بغضب: انتي السبب المفروض كنتي قولتي المعاد المضبوط ، كنت بخطط اعمل ايه لفلاحة دي
قالت ريم:و اللة سيف قال بعد اسبوعين
قالت بغضب شديد: سيف خايف من جناني.
سألت ريم بتوتر: ناوية على ايه.
قالت بشر: سيف كان ذكي ، أنا فعلا مفيش وقت اعمل حاجه بس معي وقت احرق قلبها و أكسر فرحتها.
في الزفاف
كانت عائلة ملك سعيدة و هي تكاد تلمس السماء من السعادة.
كانت تقف مليكة مع أمل
جاء سيف ة قال بهدوء: الف مبروك يا بنات
أجابوا: الله يبارك في حضرتك
قال سيف: عقبالك يا انسه مليكة.
أجابت بهدوء: شكرا لحضرتك.
كان الزفاف يسير بشكل طبيعي
حتي وصلت علا و صرخت بصوت عالي: كريم
التفت لها الجميع.
سيف بتوتر: استر يارب
سألت مليكة : و كريم جايب رقاصة و لا ايه.
ذهبت الى كريم وحضنته
تحت غيره ملك
واستغراب كريم
علا بدلع شديد:كده يا كوكي تجوز من غير ما تعزم علا حبيتك.
ملك لنفسها كوكي هو فرخه
كام كريم يحاول يبعد علا عنه، و هي مسكة في بقوة
قال بعصبية: ايه المنظر ده يا علا
تمر يدها على خده بدلال و قالت بدلع: مالي مش حلوة
كريم بعصبية: كنتي جيتي من غير هدوم احسن، وبعدين ازاى تحضني كده
علا بدلع شديد: اه يعني احنا كده على طول
كريم بعصبية:كنا كده واحنا صغيرين لكن دلوقتي كبرنا
علا بدلع: ازعل منك كده يا كوكي
كريم بعصبية: علا امشي اقعدي فى اى حته
جاء سيف
سيف: ايه الحلاوه دي يا علا
علا بدلع. بجد حلوه يا سيف
سيف: قمر يلا تعالى عايزك في موضوع مهم.
علا بدلال :يلا
ذهبت علا وسيف
نظر كريم إلى ملك التي كانت تغلى نار
كريم بهدوء: ملك أنا
قاطعته ملك و قالت بعصبية: أنا عايزه امشي من هنا حالا
كريم بهدوء:لكن الناس يا ملك
ملك بدموع:الناس شفت أنك فى حضن بنت غير مراتك عايز يشوفه ايه تاني
كريم بهدوء: ملك انتي فاهمه غلط
ملك بدموع: أنا عايزه امشي حالا.
كريم بحنان :حاضر بس بلاش عياط علشان خاطري ممكن
لم تجيب ملك
وتمت حفله الزفاف
حست علا أنها انتصرت على ملك
و قالت لنفسها: حياتك تكون جحيم يا فلاحة
في منزل كريم
في غرفه النوم
منذ صعدوا الغرفة تجلس ملك تبكي.
كان يقف أمامها مثل الطفل الصغير و قال بهدوء: ملك والله العظيم انتي فاهمه غلط
ملك بدموع: خلاص أنا مجنونه واحده جاي تحضنك قدم كل الناس وتقولك حبيتك
وكمان تقولك كوكي ايه هى تدلع فرخه.
كريم بهدوء: ملك، أنا وسيف وريم وعلا أصدقاء طفوله وبالنسبه لحضنها احنا كنا نعمل كده بس واحنا صغيرين أنا تفاجات منها النهاردة، آسف يا ملاكي
ذهبت ملك إلى السرير ونامت
ذهب كريم إليه وجلس بجوارها
كريم بحنيه:اسف يا ملاكي والله آسف علشان زعلتك اوى كده
ملك بدموع: كريم مش عايزه اتكلم انا عايزه انام
وضع كريم قبله على عيونها
ريم بحزن:اسف اني سبب الدموع من عينك الجميله دي
خرج كريم من الغرفة
و نزل إلى غرفه المكتب
ورن على علا
علا بسعاده: ألو وحشتك
كريم بصوت عالى: ايه الجنان اللى حصل النهارده ده, انتي واحده مش محترمه علشان تلبسي كده و تحضني رجل غريب عنك المفروض انك حرام حتي تسلمي عليا با الايد لكن انتي واحده قليله الاداب اوعي تفكري انك بكد تبعدني عن مراتي لا أنا بحب ملك لا أنا بعشق ملك فاهمه
وقفل كريم قبل ما علا ترد
جلس كريم على المكتب بحزن على حالة ملك
أما عند علا
كسرت كل شيء أمامها لأن هذه عاداتها عندما تغضب تكسر كل شئ أمامها
نام كريم طول الليل فى المكتب
في الصباح
ذهب كريم وملك إلى فرنسا لقضاء شهر العسل
ملك مازلت حزينه ولا تتحدث مع كريم
وكريم يحاول إرضاء ملك
لكن بل فائده
بعد ساعات وصلوا إلى فرنسا
في غرفة الفندق
كريم بهدوء: حمدالله على السلامه
لم تجيب
كريم بهدوء: ملك احنا المفروض جينا نقضي شهر العسل ينفع نكون زعلانين ومش نكلم بعض
ملك بعصبية: شهر عسل يكون مع البنت الملزقه بتاعتك و ملكش دعوه بيا
جذبها كريم إلى حضنه
و قال بحب: رغم أن زعلان علشان انتي زعلانه مني بس فرحان أنك غيرانه عليا.
ملك بعصبية: ابعد عني يا كريم
كريم بحنان:مش قادر يا قلب كريم.
ملك بدموع: ايه علاقاتك با علا يا كريم
كريم بحب: والله يا ملاكي انتي أول حب فى حياتي وأن شاء الله اخر حب فى حياتى
سالت بدموع: هى بتحبك صح
أجاب بحنان: ماليش دعوه بيها أنا بحبك انتي بس.
قالت بدموع: كريم قول الصراحه هي بتحبك صح
كريم بحنيه: كفايه دموع بقا قلبي يتقطع عليكي
ملك بدموع اكتر : هى بتحبك صح
كريم بعصبية: اه بس والله العظيم عمري ما حببت ولا احب حد غيرك كفايه بقا دموع يا ملاكي
مسحت ملك دموعها بطريقة طفوليه
سألت بدموع: بجد يعني أنت مش بتحب البت دي
وضع قبلة على جبينها ثم يديها بحنان و همس بحب :بحبك يا ملاكي ,انتي جميله كده ازاى
سألت بشك: كريم بجد أنا جميله
مسك كريم أيد ملك وذهب بها الى أمام المرايا وقفت و هو خلفها وهو حضنه من ظهرها
كريم باعجاب: بص وشوفي بنفسك
نظرت ملك إلى نفسها فى المرايا رأت نفسها اشبع انسانه فى الكون ،انها ليست جميلة
فهى تسمع دائما من الجميع أنها فاشله و قبيحه وكل شي سئ فى الحياة
نزلت دموعها بحزن و كسرة
وقف كريم أمامها ومسح دموعها بحنان.
سأل بحزن: مالك يا ملوكه
أجابت بدموع: كريم أنت كاذب أنا مش جميله انا وحشه مش حلوه وأنت تكذب عليا
اخذها فى حضنه وهو يعلم أن هذا من الكلام القاسي التي كانت تسمعها دائما
و هي انهارت من البكاء
كريم وهو يحاول تهدئها
كان قلبه يتمزق لأجلها.
بعد وقت اخيرا
تحدث بحنان شديد :كفايه دموع بقا قلبي يتقطع، كفايه يا ملوكه يلا ادخلي غيري هدومك ويلا نخرج وعد تكوني معي اسعد انسانه فى الدنيا، و تنسي كل الحزن ، و تتاكدي أنك اجمل فتاة في العالم.
أومأت رأسها بالموافقة
خرجت ملك وكريم
و قضوا احلى شهر عسل في الدنيا
كان كريم يحاول يسعد ملك بكل طريقها و جعلها تزور احلى اماكن سياحيه في فرنسا
وملك كانت سعيده جدا هى لم تغادر القرية و لا مرة
لكن كانت دائما تشعر بالنقص
عندما لا تعرف تفهم أو تتحدث مثلهم
كان كريم يحاول أن تتأقلم ملك
على الوضع
🌹🌹🌹🌹🌹🌹🌹🌹
على جانب آخر علا تحاول الوصول إلى سها حتي تعود ، لأنها لا تستطيع إنهاء علاقة كريم و ملك الا بمساعدة سها.
لكن لا تستطيع الوصول إلى سها.
مرر ثلاث شهور على زواج كريم وملك.
كريم كان يعشق ملك كل يوم عن اليوم اللى قبله ويحاول أن يجعلها سعيده دائما لكن كان حزين جدا لان ملك لم تحبه بعد ولا مره قالت له كلمه بحبك حتي لو بالكذب إذا قال لها بحبك تقول شكرا هذا يحزن كريم جداً.
أما ملك كانت كانت سعيده جدا و هى تنال الاحترام والتقدير التي طالما حرمت منه
كانت سعيده جدا مع كريم
لكن لا تحب كريم
رغم أنها أصبحت تحب أن تكون بجوار كريم.
اصبح قلبها يدق بشده عندما تسمع اسمها منه
اصبحت تعشق اسم كريم ودائما تقوله حتي لو مش معها
وتغار عليه غيره جنونيه من اى فتاه
اصبحت تكون سعيده جدا عندما يقول كريم لها كلمه بحبك.
كل هذا هى لم تفهم أنها لا تحب كريم بل تعشقه.
اصبحت ملك تدريجيا تعود ثقته في نفسه والفضل لهذا فهو كريم.
في منزل كريم
في غرفه النوم
يعود كريم إلى المنزل الساعه ١٢
كانت ملك تنام على السرير وهى جميله جدا
ذهب كريم إليه وجلس بجوارها و يمرر يده على شعرها بحنان و حب
كريم بحب: ملوكه ملاكي قومي
ملك بنوم: حمد لله على السلامه يا كريم
وضع كريم قبله على خدها
و قال بحب: الله يسلمك يا قلب كريم
ملك بنوم: اقوم اعملك تاكل
كريم بحنيه : لا يا حبيبتي خليكي مرتاحه أنا اطلب من الخدم لكن انتي تاكلي معي مش اكل لوحدي
قامت ملك و سألت بعصبية: كريم أنا عايزه افهم أنا ايه فى البيت ده.
تنهد بحب ثم قال: انتي كل حاجه فى البيت يا ملوكه
أجابت بعصبية: لا يا كريم أنا ماليش لازمه هنا خالص
سأل بهدوء: مين قال كده
ملك بعصبية: كل ما اجي ادخل المطبخ ناديه هانم تقولى لو سمحتي يا مدام أخرجي انتي واحنا نجيب كل اللى انتي عايزه
عايزه اعرف مش بدخل المطبخ ليه هو مقر عسكري وأنا مش عارفه مثلا.
اجاب بهدوء:اهدي يا ملوكه هما بس عايزين راحتك
قالت بعصبية: لا أنا بحس اني شغاله عندهم.
كريم بهدوء: لا طبعا عايزه تدخلي المطبخ ادخلي واعلمي اللى انتي عايزه تمام
ملك بهدوء:تمام انزل اعملك تاكل
كريم بحنيه: لو مش اتعبك معايا
ملك : لا عادي, بس عندي طلب سي صغير خالص.
أبتسم و قال :صغير خالص، قولي
أجابت بهدوء: عايزة اروح جيم.
نظر لها بتعجب و قال: جيم ليه.
قالت بحزن: بلاش تضحك عليا، أنا تخينة و مش حلوة.
قال بهدوء: ده بجد من قال الاكتشاف العظيم ده
قالت بعصبية : دي حقيقة.
قال بهدوء: اسمعني كويس انتي جميلة و مش محتاجة تخسي لو عايزة تعملي كده تمام ، انتي عندك اكبر جيم في القاهرة و له فروع في كل محافظات مصر.
سألت بعدم فهم و هي تشير على نفسها: أنا.
أومأ رأسه بابتسامة و قال: هما كانوا لي بس بعد دخولك حياتي، كل حاجة ليكي يا ملاكي.
أبتسم بسعادة و قالت : شكرا.
زفر بضيق ، أصبح يكره هذه الكلمة، و أجاب بسخرية: العفو.
ودخل كريم يأخذ حمام
ونزلت ملك حضرت الطعام و صعدت الى الغرفه
ملك : يلا الاكل جاهز يا كريم
جلس كريم وملك و يتناولون الطعام
هو يعلم ماذا تجيب؟ لكن يتمني تختلف الإجابة يوماً.
قال بحب:بحبك يا ملاكي
أجابت بهدوء : شكرا
كريم بعصبية: بس مش ده الرد المناسب يا ملك
ملك بهدوء: كريم قصدك ايه مش فاهمه
كريم بعصبية وهو يقوم يقف: لا انتي فاهمه كويسه اوى
ملك بعصبية:لا مش فاهمه حاجه
كريم بعصبية:مش مهم انسي
خرج كريم من الغرفه إلى غرفة المكتب
نزلت ملك خلفه
كان كريم يجلس على المكتب
ملك بعصبية: كريم ممكن اعرف في ايه
لم يجيب
ملك بهدوء: كريم رد عليا
لم يجيب أيضا و كانت ملامح وجهه غاضبة جدا
نزلت دموعها و قالت: كريم عايزه تعرف ايه, عايزه تعرف أنا بحبك ولا لا
أنا مش عارفه إذا كنت بحبك ولا لا ،
أنا حياتي كانت صعبه أوى
أنا كنت عايشه حياه عاديه زي اي حد لحد نتيجة الاعداديه وعرفت اني مش اقدر ادخل ثانوية عامة الكل بقا يقول كلام يوجعني أوى كاني عملت جريمه مع أن الكل عارف اني كنت شاطرة بس نصيب وأمر الله
وكمل الموضوع أن محدش رضي يجي يتقدم ليا ،ودي برضو حاجه بتاعت ربنا وصل معهما أنهما يقول عليا أن مش بنت تخيل لمجرد أن مش مخطوبه ولا متزوجه وأنا عمري ٢١ سنه
أنا وصلت اني مش عندي ثقه في نفسي وأشوف نفسي ابشع انسانه فى الدنيا
لحد ما أنت ظهرت في حياتي
وبقيت احس أني انسانه وبقيت اشوف نفسي حلوه تاني
كريم عايز تعرف بحبك ولا لا
مش عارفه
بس أنا بقيت عايزك جنبي ديما بقيت اعد الثواني علشان تراجع من بره و تقعد معي
بقيت قلبي يدق اوي لما أسمع اسمي منك
بقيت أقول اسمك حتي وانت مش موجود علشان بفرحه وأنا بقوله
قولى يا كريم ده ايه حب صح
اكيد حب أنا بحبك يا كريم
و انهارت من البكاء
نهض كريم من على المكتب وأخذها فى حضنه
كريم بهدوء: اهدي أنا اسف اني سبب نزول دموعك اسف يا قلب كريم، بس نفسي اسمعه منك انك تحبني
خرجت ملك من حضنه وضعت أيده على وجه
و قالت بدموع: كريم لو حبك ليا جريمة في قلب عاشق ، فدي كانت احلي جريمة قلبي عاملة لما حب قلبك، و لما قلبك حب قلبي، قلبك و قلبي بينهم اجمل جريمة في الدنيا، بحبك يا كريم بحبك
كريم بحب: وأنا بحبك اوى اوي و قلبي يرفرف اني سمعتها منك.
في اليوم التالى
رن موبايل ملك
ملك بسعاده: الو يا كريم
كريم بعصبية: عشره دقائق تكوني وقفه قدم بيت الفيلا
ملك بتوتر :ليه فى ايه
اغلق كريم الخط
ارتدت ملك ثيابها سريعا و هبطت إلى الاسفل وهى تشعر بالخوف عليه
خرجت كان كريم ينتظرها أمام السياره
بدون وعي ركضت عليه و ألقت نفسها في حضنه
(ملك بدموع: الحمد لله أنك كويس خفت عليك
كريم بحنيه: اهدي أنا كويس
ملك بدموع: اومال فيا ايه
كريم بهدوء: عزمك على الغداء
خرجت ملك من حضنه وتنظر له نظره غيظ
و قالت بغضب: أنت بتهزر صح يعني عملت كده علشان تعزمني على الغداء
كريم بحب: بشوف غلاوتي عندك يا قلب كريم
صعدت ملك السياره بدون رد
و صعد كريم
بعد وقت
وقفت السياره امام أكبر مطعم فى القاهرة
ملك با انبهار : كريم عارف أنا كنت بشوف المكان ده فى التلفزيون، وكان نفسي ادخله ولو مره واحده وكنت اقول لمالك ومليكه أن فى يوم ادخله كانوا يضحكوا عليا انا اقولهم اني دخلت فيا بس
و صمتت و ظهر على وجهها الحزن
كريم بهدوء: مالك
قالت بهدوء: بصراحة نفسي اصور في المكان بس مانع التصوير.
كريم بهدوء: اصوري و ملكيش دعوه
ملك بهدوء: لحد يعمل معنا مشكله
كريم : يلا يا ملاكي
صور كريم بعض الصور ل ملك وطلبت ملك منه ظهور اسم المطعم
ملك: بس كفايه تعال اصور معي بقا
كريم : يلا خد يا عمي حسن صورنا
حسن السواق:حاضر
أخذ حسن الموبايل وصورهم بعض الصور الجميله ثم دخلوا المطعم تحت اعجاب و صدمه ملك أنها فى هذا المكان
كان المكان حقا جميل جدا
جلسوا على طاوله
كريم بحب: تأكلي ايه
ملك بحزن وهي تقلب قائمه الطعام :مش عارفه
كريم بحنيه: اختار أنا
ملك بحزن: ماشي
طلب كريم الطعام
يحاول كريم يخرج ملك من حزنها أنه لا تعرف الانجليزيه
كريم بحنيه: مش عايزه تصوري هنا
ملك بهدوء: بس مش ينفع
كريم بهدوء: يلا وأنا صورك
ملك بصوت واطي: كريم بلاش لاحسن يطرودنا من المكان
كريم بهدوء: اهون عليكي
تطردني
ملك بعدم فهم: ازاى
كريم بهدوء: أنا صاحب المكان ودلوقتي بقا بتاعك انتي
ملك بهدوء: كريم المطعم ده بتاعك
كريم : كان ودلوقتي بتاعك يا قلب كريم
ملك بحب: كريم بحبك بحبك بحبك
كريم بحب: وانا بموت فيكي يا قلب كريم من جوه
جاء الطعام وجلسوا و يتناولون ويتحدثون ويضحكون معا
جاء شخص تكره ملك بشده
علا بدلع: وحشتني أوى يا كوكي
كريم بخنق: اهلا
علا بدلع: ازيك يا فلاحه
كريم بعصبية: اسمها ملك كريم عبدالله السيوفي
علا ببرود مصتنع: مش كتير يا كريم صدقتي بكره تزهق منه زي غيره
كريم بغضب: اولا ملك هى حب حياتي
ثانيا ولا كان فى قبلها ولا فى بعدها ، من الأفضل تمشي يا علا من هنا
علا : انا زبونه ايه تطرد الزبائن يا كريم
كريم بغضب: لو الزبون مش محترم يبقي من الأفضل أنه يمشي
ملك بدلع: كريم سيبها يا حبيبي اتفضلي اقعدي يا علا
جلست علا وهى كلها نار الغيره والغيظ والحقد
بعد قليل ذهبت ملك إلى الحمام وذهبت علا خلفها
في الحمام
تقف ملك تظبط حجابها
وعلا تضع احمر شفايف فاقع اللون
علا ببرود : هيجي وقت و يزهق منك
ملك ببرود أكثر : خليكي فى حالك
علا بغضب: كريم ليا أنا يا ملك
ملك بغرور: كريم لحد اللحظة دى جوزي أنا
علا بغضب: انتي فلاحه آخره شويه ويبعد عنك
ملك بعصبية: الفلاحه دى عملت اللى انتي مش قادره تعملي
علا بغضب أكثر: كريم ليا، أنا و هو بنحب بعض
هنا ملك لا تستطيع الصمت أكثر
ضمت أيدها و ضربت ملك علا فى بطنه بقوه لدرجه انها وقعت على الأرض
وقعت ملك عليها ومسكتها من شعرها جامد
وجاءت كل الستات اللى فى الحمام ويحاول يبعدوا ملك عن علا لكن لا يستطيعون
ملك بصوت عالي جدا: كريم حقي من الدنيا وعمري ما سيبه فاهمه
علا بألم : ابعدي عني يا مجنونه
جاءت كل العمال البنات يحاولان ابعد ملك عن علا لكن لا محال
كان فى الخارج يوجد فوضي كل البنات يذهبون الحمام ليروا ماذا يحدث
قام كريم
كريم :انتي
العامله : ايوه يا فندم
كريم بصوت عالي:فى ايه
العامله : فى خناقة فى الحمام بين اتنين ستات يا فندم
كريم بعصبية: ايه الكلام ده ادخلي انهي المشكله ده مكان محترم
العامله: حاضر يا فندم
دخلت وخرجت بعد وقت قصير
كريم بعصبية: ايه اللى حصل
العامله: حضرتك اللى عملين المشكله مدام ملك و انسه علا
كريم باستغراب: ملك وعلا طيب حاولى تحلى المشكله
العامله : صدقني حاولنا لكن صعب
كريم بعصبية: ادخلي عارفي كل الستات اني داخل اشوف اخر الموضوع ده ايه
العامله: حاضر يا فندم
دخل كريم وراي المنظر لم يصدق عينه
كانت علا فى ايد ملك زي الفريسه وملك الأسد
ذهب إليهم وحمل ملك من على علا
ملك بصوت عالي: سبينا اعرفها مين انا سبيني يا كريم
كريم بعصبية: اسكتي يا ملك عايز افهم في ايه
ملك بعصبية: طيب نزلني وأنا اقولك
كريم بتحذير: من غير مشاكل
ملك بهدوء: طبعا
ترك كريم ملك وياليت ما تركها من أيده
كسرت علا المرايا و مسكت قطعه فى أيدها و طعنت ملك بيه
كل هذا حدث في ثانيه
وللحديث بقية
#جريمة_في_قلب_عاشق
#راويات_بقلم_منال_كريم
🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
🩷🩷🩷🩷🩷🩷🩷🩷🩷🩷🩷🩷🩷🩷🩷👜👜🩷🩷
