رواية الفرار من الحب الفصل السابع عشر 17 بقلم حبيبه الشاهد
#الفصل_السابع_عشر
#الفرار_من_الحب
في عيادة احد الدكاتره المشـ.. ـبوه
دخل و هوا مستغرب ايه اللي ممكن يخليها تيجي مكان مشبـ.. ـوه زي دا لينصدم بشده لما لاقها مرمريه على الكرسي باهمال و شبه فاقده الوعي
جري عليها بخوف مسك وشها بين ايديه و اتكلم بلهفه
: غفران مالك و ايه اللي جابك هنا
فتحت عينيها بصتله و همسيت بتعب
: انا كويسه متخافش عليا بس دايخه مشيني من هنا
مسك شنطتها في ايديه و شالها من على الكرسي و نزل بيها نزلها وقفت على الارض هوا محاوطها في حضنه بخوف انها تقع و فتح شنطتها طلع مفتاح العربيه و فتح الباب دخلها و ركب جنبها
بص على ايديه و اتصدم بـ بقعة د.. م على ايده بصلها ، و اتكلم بعصبيه
: انتي كنتي بتعملي ايه فوق
بدات في البكاء و هي بتتأوه من الألم على الكرسي
: كنت بسـ.. ـقط اللي في بطني و متعرفش حد عشان خاطري و انا هقولك عملت كدا ليه بس الاول ادخل اي صيدليه هتلي العلاج اللي في الرشدته دي عشان بمـ.. ـوت من الوجع
اتحرك بالعربية جبلها الادويه من الصيدلية و وصلها لحد بيت جوزها زي ما طلبت
بصلها و اتكلم بقلق و خوف عليها
: انتي باين عليكي التعب خلني اوديكي عند امي احسن ادام مش عايزه تعرفي جوزك
بصتله بتعب ، و اتكلمت بألم
: لا انا هنا هبقي مرتاحه اكتر متشغلش بالك عليا كلها يومين و هجيلكم اقعد عندكم على طول
خلصت كلامها و نزلت من العربيه
نوح محبش يضغط عليها و سابها ترتاح و هيرجع يتكلم معاها و يشوفها عملت ليه كدا
دخلت البيت و هي بتحاول تفرد ضهرها و تخبي تعبها عشان عوالي و حمدت ربنا انها لبست عبايه سوداء تداري الـ.. ـدم اللي عليها
عوالي كانت قاعده على الكنبة بصتلها ، و اتكلم بقلق
: مالك مش قادره تصلبي طولك ليه و كنتي فين
بصتلها غفران و هي بتخبي تعبها بصعوبة ، و اتكلمت
: كنت عند امي بشوفها و نوح وصلني لاني حسيت اني دايخه هطلع اريح شويه عقبال ما سالم يرجع من الشغل
قالت كلامها و طلعت شقتها تحت انظار عوالي
نوح بعد ما وصلها رجع المستشفى عند نور دخل غرفتها لاقها قاعده مستنياه
نور القمر
: ايه اللي حصل قلقتني عليك لما جالك التلفون و خرجت تجري اختك كويسه
نوح بتنهيده متعبه
: اه كويسه كانت برا البيت و تعبت عشان كده كلمتني اروحلها
نور مسكت كم الجلبيه بتاعته ، و اتكلمت بقلق
: الـ.. ـدم دا جه منين انت متـ.. ـعور
نوح بصلها بحنيه ، و اتكلم
: مش مني دا من غفران و متساليش من ايه لاني معرفش انا رجعتها بيتها و سبتها ترتاح و تهدى و هبقي اروحلها بليل اطمن عليها و اشوف الحكاية
نور القمر
: عمي بعتلي الممرضه لمتلي حاجتي و استنيتك تيجي عشان نمشي
في قصر عائلة الجبالي
دخلت نور و هي مسكه فيه بتوتر شديد ، قابتلهم فهيمه بحنيه
فهيمه
: خدي الشانطه من الهانم طلعيها اوضة نوح
نورتي يا عروسه بيتك و مطرحك مع انها جت متأخر شويه كان نفسي افرشلك الارض ورد انتي مرات الغالي بس الظروف هنعمل ايه الحمدلله
نور برقه و خجل
: البيت منور بحضرتك يا طنط
نوح اتكلم بهدوء
: خلي حد يجهز الغداء و يطلعه عقبال ما اغير و اروق على نفسي عشان علاج نور بمواعيد
فهيمه
: ساعه بالكتير و يكون الاكل جاهز الف حمدالله على سلامتك يا ضنايا
سحبها نوح و طلع غرفته القديمه دخلت الغرفة و ساعدها نوح في تبديل ملابسها و غير هدومه و رما نفسه بارهاق جنبها على السرير
نور حطيت راسها على كتفه و هي مسكه جـ.. ـرحها بخوف
: هنمشي امتا من هنا نروح بتنا
نوح غمض عينيه بتعب ، و اتكلم بارهاق
: لما تشدي حيلك و جـ.. ـرحك ينشف يااا أخيراً نمت على سريري همـ.. ـوت و انام عايز انام سنه عشان جسمي يرتاح من الارهاق بتاع الفتره اللي فاتت
عند أسمهان كانت واقفه تحت أشعت الشمس الحـ.. ـارقه و هي بصه لـ العمال و بتابعهم من الحين لـ الاخر
قرب عليها زميل ليها و اتكلم
: اذيك يا بشمهندس أسمهان عامله ايه بقالي فتره مشوفتكيش
أسمهان بصتله ، و اتكلمت بحدا
: كنت مشغوله
لمت الاوراق بتاعتها و اتحركت من قدامه ، مسكها من ايديها و اتكلم
صهيب
: استني انا بكلمك
كنتي فين الفتره اللي فاتت دي كلها قلقتيني عليكي و مكنتيش بتردي على التلفون ليه
سحبت ايديها منه بعصبيه شديدة
: أنت مجنون ازاي تسمح لنفسك انك تمسكني من ايدي بشمهندس صهيب ابعد عن طريقي خالص أنت فاهم و ميخصكش كنت فين و لا مجيتش ليه و متحاولش ترن عليا لان كدا كدا عمله بلوك مبردش على ارقام غريبه
سابته و مشيت من قدامه ركبت عربيتها و اتحركت وسط الصحره ، ركب عربيته و انطلق خلفها
ظمرلها عشان تقف بصتله في المرايا و زودت السرعه
زود السرعه و بقيت عربيته في الاول و وقف بعرض الطريق سد عليها
فقدت السيطرة على العربيه و حولة تهدي السرعه عشان متخبطتش في عربيته و العربيه نزلت من على الاسفلت غرزت في الرمله
فتحت العربيه و نزلت بغضب راحت عليه ، و اتكلمت بعصبيه
: أنت في مخك حاجه انا كانت ممكن اخبطك بالعربية امـ.. ـوتك و اروح في ستين داهيه بسببك
صهيب بغضب اشد
: ما انتي لو كنتي وقفتي و رديتي عليا زي البني ادمين مكنش دا كله حصل
أسمهان بعصبيه
: افهم بقا انت مش في حياتي مبفكرش فيك و سبق و قولتلك اني مش عايزك بتلحقني ليه في كل مكان
صهيب قاطعها بعصبيه
: عشان بحبك افهمي بقا انا بحبك يا أسمهان و عايز اتجوزك
أسمهان بعصبيه
: انت لو اخر راجل في العالم انا مش هتجوزك عندي اقعد جنب ابويا و لا إني اتجوز واحد بتاع حـ.. ـريم زيك
صهيب
: انا بعدت عن كل القرف اللي كنت بعمله من وقت ما عرضة عليكي الجواز وافقي و هنتجوز عر.. في لحد اما اظبط الامور عندي و اخلص شقتي و هاجي اطلبك من بيت ابوكي
أسمهان بصدمه كبيره و ذهول
: لا دي هبت منك على الاخر خالص انت عارف واقف قدام مين و بتطلب منها ايه
عندك البنات كتير روح لاي كلـ.. ـبه منهم ممكن توافق عليك
صهيب بعصبيه
: ما تلمي لسانك دا انا سكتلك من الصبح و انتي عماله تطيحي فيها
و ايه يعني اما نتجوز عـ.. ـرفي هيبقي فتره قليله و هتجوزك
أسمهان بعصبيه
: و بتعدها تاني يا بجحتك يا أخي انا هعتبر نفسي مسمعتش حاجه المره دي بس لو قررتها تاني هتتلاقي مني رد مش هيعجبك بس مش مني من بابا سليمان بيه الحديدي حبيت اقولك الاسم عشان تبقي عارف انت واقف قدام مين لو مش واخد بالك
خلصيت كلامها و جت تتحرك من قدامه.. مسكها من ايديها و سحبها دفعها خبطيت في العربيه و حصرها
: متاخديش في نفسك قلم اوي كدا انا عمري ما كنت هبص لواحده زيك كل الحكاية كنت عايز اتساله و اكسـ.. ـر منخيرك و غرورك اللي في السماء
حاولة تدفعه بعيد عنها برعب ، مسكها من ايديها بقوة شل حركتها و كمل كلامه
: بس ادام مجتيش بالذوق تيجي بالعافيه و احنا زي ما انتي شايفه في نص الصحره يعني محدش بيعدي من هنا و لو صوتي من هنا لبكره محدش هيعرف ينجدك
مسك ايديها الاتنين بايد واحده و فتح باب العربيه و هوا عايز يدخلها
ضـ.. ـربته بكل قوتها برجليها و مسكت دراعه بأسنانها أتاوه بألم و فك ايديه من عليها
: يا بنت العضاضه
جريت بسرعه و هوا بيلحقها دخلت العربيه بتاعتها و قفلت العربيه من الداخل خبط على ازاز العربيه بغضب
حاولت تشغل العربيه بس العجله غـ.. ـرزت في الرمله
دور بعيونه على اي حاجه يكسـ.. ـر بيها الازاز مسك حجر من على الارض و ضـ.. ـرب الازاز بكل قوته
في منزل عائلة الحديدي
صحيت من النوم لاقيت نفسها نايمه في خضنه دافنت.. وشها في حضنه بعشق ثواني و اتنفضت بعيد عنه و اتكلمت بفزع
: سليمان اصحه بسرعه اتاخرت على الشغل
صحي مخضوض على صوتها اتعدل على السرير ، و اتكلم بقلق
: اهدي في ايه انتي كويسه
فرقان بندم
: انا اسفه يا حبيبي اني خضيتك بس الساعه 11 الضهر هياذن اتاخرت على الشغل
مسح وشه بنوم و اتنفس بهدوء
: اتخضيت حرام عليكي فكرة جرالك حاجه
انتي عارفه ان اول مره في حياتي اتاخر على الشغل و دا كله بسببك كنتي سهرانه طول الليل و مخلتنيش اعرف انام
بصتله بعيون زي القطط
: يعني انا السبب طب انا اسفه مكنتش اقصد اعمل كل دا
اتنهدت بتعب و سحبها لحضنه و قبل راسها بحنان
: أنتي تعملي اللي انتي عايزه و ميهمكيش اي حد فداكي كل حاجه و اديني مش رايح الشغل هقضي اليوم معاكي
رفعت وشها بصتله ، و اتكلمت برقه
: بجد هتقضي معايا اليوم أخيراً هقعد انا وانت لوحدينا شويه من غير مشاكل و مصايب جديده
قاطع كلامهم صوت خبط على الباب ، قام من جنبها فتح الباب و اتكلم
: في ايه يا قمر بتخبطي ليه
قمر
: جدتي بتقولك عمو الظابط تحت و عايزك في موضوع دروري
سليمان بستغرب
: عمو الظابط مقالش اسمه ايه و لا عايزني ليه
قمر
: لا مقلش حاجه و جدتي خلته يستناك برا في الجينيه
سليمان
: طب روحي انتي قولي لستك تضيفه لحد اما انا انزل
دخل و قفل الباب و دخل الغرفه كانت فرقان واقفه قدام المرايا بتسرح شعرها
فرقان بصتله ، و اتكلمت
: اتاخرت كدا ليه برا و كان مين على الباب
سليمان راح على السرير كانت مجهزاله جلبيته لبسها ، و اتكلم
: قمر بتقولي في ظابظ تحت عايزني هنزل اشوف مين
فرقان بقلق
: خدني معاك اقعد مع مرات عمي عقبال ما تشوفه
خلص لبس و نزل هوا و فرقان خرج الجنينه و هي فضلت في الداخل
كان رعد قاعد على ترابيزه في الجنينه و بيشرب قهوه ، راح عليه سليمان
رعد اول ما شافه قام بحترام و مد ايديه يسلم عليه
: صباح الخير يا سليمان بيه معلش جتلك من غير معاد و صحيتك من النوم بس كنت عايزك في موضوع مهم احنا قبضنه على واحد من الرجاله اللي طلعه عليك انت و المدام و هوا دلوقتي زمانه بيتحقق معاه بس كان فيه حاجه تانيه عايزك فيها
_ اللهم صلِّ وسلم وبارك على سيدنا محمد
عند أسمهان بصيت جنبها على الشنطة طلعت تلفونها بايد مرتعشه و كلمت اول رقم جه قدامها ، و اتكلمت بصريخ
: عمي الحقني انا على الطريق الصحراوي و فيه واحد عايز يخطـ.. ـفني
قام من على المكتب بسرعه ، و اتكلم بخوف و رعب مفرط
: انتي فين دلوقتي
أسمهان بصيت على صهيب اللي بيكـ.. ـسر في الازاز ، و اتكلمت بصريخ
: في العربيه و قفله عليا بس هوا بيكـ.. ـسر الازاز و العربيه مغـ.. ـروزه في الرمله و مش عايزه تدور الحقني كلم بابا كلم اي حد يلحقني
فراس ركب عربيته و انطلق بأقصى سرعه عنده ، و اتكلم بحنان و هوا بيحاول يطمنها
: اهدي اهدي و متخافيش و انا جيلك في الطريق و متقفليش خليكي معايا على الخط
نزل التلفون و جاب رقم سليمان و رن عليه
كان رعد لسه هيتكلم قاطعه صوت رنين هاتفه ، رد و جاله صوت فراس
: سليمان الحق أسمهان على الطريق الصحراوي بسرعه و خد رجاله معاك و انا سبقك في الطريق بسرعه
و قفل قبل ما سليمان يرد ، سليمان جري بسرعه و رعد وراه مش فاهم فيه ايه
ركب عربيته و انطلق من غير تفكير و لا يعمل حسابه و ياخد رجاله معاه زي ما اخوه قاله
رعد جري على عربيته ركبها و انطلق ورا سليمان لانه متاكد ان جرية سليمان وراها مصيبه كبيره
الازاز اتكـ.. ـسر معاه و هوا مكمل و بيضـ.. ـرب بكل قوته ضرخت برعب و قامت من على الكرسي رجعت للخلف
لوح الازاز كله اتكـ.. ـسر لميت حته و نزل على الارض ، مد ايديه فتح البيبان و هوا بصصلها باعين حمرا من فرط غضبه
صرخت بخوف و فتحت الباب و جريت اتجاه عربيته و هوا جري وراها مسكها من الشعرها تحت الطرحه و سحبها بقوة
صهيب
: مفكره هتقدري تهربي مني محدش هيرحمك من تحت ايدي و يا قـ.. ـاتل يا مقـ.. ـتول
مسكت ايديه اللي ماسك بيها شعرها و هي بتبكي بخوف
: و الله لو لمـ.. ـست شعره مني لاقـ.. ـتلك و اشرب من دمـ.. ـك
شدد من قبضته و باليد التانيه حاكم حركة ايديها
: لسه بتكبري و انتي تحت رحمتي انا هكسـ.. ـرلك غرورك دا هخليكي ماشيه في الجامعه بصه في الارض
شدها بقوة و هي مش عايزه تمشي معاه و بتصرخ ، شالها من خصرها و مشي بيها حطيت ايديها برا العربيه و هي بتمانع انها تدخل وقعت من بين ايديه من حركتها الهستريه
و جريت على عربيتها مسكت ازاز من المكسـ.. ـور على الارض حطيتها على رقبتها
الطرحه وقعت على الارض لينسدل شعرها الحريري على كتفها ، و اتكلمت و هي بتحط الازازه على رقبتها
: عندي المـ.. ـوت اهونلي من اللي هيحصل لو قربت مني همـ.. ـوت نفسي فـ خليك بعيد عشان لو قربت مش هسمي عليك
صهيب بص لـ ايديها اللي بتترعش بسخرية
: ارمي يا ماما اللعبه اللي في ايدك دي لحسان تتعوري
ايديها انجـ.. ـرحت من حروف قطعة الازاز و ايديها اتملت د.. م بصلها صهيب و خاف لانه مش عارف هي جـ.. ـرحت رقبتها و لا لا اتكلم بخوف
: طب اهدي و سيبي اللي في ايدك و مش هعمل حاجه
فراس وقف بالعربيه مره واحده عملت صوت احتكاك قوي في الارض ، و نزل بسرعه جري على صهيب
بص صهيب وراه بخوف و رعب حقيقي و قبل ما يستوعب انهال عليه فراس بالضـ.. ـرب
سابت الازازه من ايديها و بصيت على ايدها اللي بتنـ.. ـزف بصدمه كبيره من اللي اتعرضتله
سليمان وصل المكان في خلال دقايق من قوة السرعه اللي كان ماشي عليها نزل من العربيه و هوا شايف عربية فراس و فراس بيضـ.. ـرب حد و أسمهان واقف بصلهم و مصدومه
جري عليها بخوف شديد عليها مسكها من كتافها ، و اتكلم بخوف
: انتي كويسه يا ماما عملك حاجه ردي عليا
بصتله و هي تحت تأثير الصدمه حضنها سليمان و هوا عايز يخبيها من عيون كل الناس لما شافها بشعرها و الطرحه على الارض
وقعت بين احضانه شبه فاقده الوعي بصلها بصدمه و مسك الطرحه ربط ايديها
رعد نزل من العربيه و انهال على صهيب بالضـ.. ـرب بقوة و هوا شايف حالة أسمهان
في المساء
كانت نايمه بعمق صحيت على صوت حركه في الغرفة ، بصتله و هي بتداري ألمها
كان واقف قدام السرير ، و اتكلم
: مالك امي بتقول انك منزلتيش من الصبح
غمضيت عينيها بألم ، و اتكلمت بهدوء
: تعبانه شويه و مقدرتش انزل اقوم احضرلك الاكل
رما نفسه جنبها على السرير بأرهاق ، و اتكلم
: لا انا جعان نوم ساعتين و صحيني
فضلت بصله لحد اما نام حطيت ايديها على بطنها و دموعها نزلت بوجع..
قامت من جنبه دخلت المطبخ شغلت عيون البوتجاز على الفاضي و خرجت قفلت باب الشقه من الداخل بالمفتاح ، و خرجت البلكونة رمته في الشارع و قفلت كل شببيك الشقه
دخلت غرفة النوم و قعدت على الكرسي قدام السرير و هي بصاله بدموع على خدها و وجع كبير على ابنها اللي قتـ.. ـله بـ.. ـدم بارد
بدات تتـ.. ـخنق من ريحة الغـ.. ـاز اللي انتشرت في كل مكان
صحي سالم بصلها و قام جري فتح شباك الاوضه و هوا بيتنفس بصعوبة من حالة الاختـ.. ـناق
بصلها و اتكلم بعصبيه
: انتي بتعملي ايه يا مجنونه مش شامه ريحة الغـ.. ـاز
مسكت الولاعه و ولعـ.. ـتها و هي بصله في عينيه بكـ.. ـره اول مره يشوفه في عيونها ثواني و النـ.. ـار مسكت في كل مكان في الشقه
يتبع.....
#الكاتبة_حبيبه_الشاهد
#الفرار_من_الحب
