رواية عشقت طفلة الفصل الثاني عشر 12 بقلم انا كوين
عشقت طفلة _البارت الثاني عشر
في قصر الراوي
---
عند عمرو دخل خد شاور ولبس هدومة وخرج
_ لازم اروح لزين عشان ميشكش في غيابي اكتر من كده
عند زين كان قاعد علي السرير وسرحان وفجأة الباب خبط
زين _ادخل
عمرو بتوتر _ااا... طمني عليك يا زين.... عامل ايه دلوقتي
زين بحزم_كنت مختفي فين يا عمرو؟
عمرو بتلعثم _كان... كان واحد صاحبي تعبان وروحت ااا... عشان اشوفة.... لانه رن عليا وكان عازيني
زين بشك _واختفيت مره واحده ليه من غير ما تقول لحد؟!!
عمرو كان بياكل في شفايفة وعيونة وبتلف الاوضة كلها من التوتر
_ صدقني يا زين انا.... انا م.. ملحقتش اقول لحد... ااا... احم... لانه كان تعبان... تعبان جدا.. ف اضطريت اروح بسرعة وقولت لما اجي اقولكم، ثم اكمل بهدوء، انا عارف اني غلطت لما عملت كده بس انت كانت العيلة كلها جنبك ف عشان كده مشيت انما هو مفيش حد معاة
زين بشك بسبب توترة الظاهر
نظر زين اليه وعقد حاجبة وقال
_هعديهالك المره دي بس احذر مني المره الجايه
عمرو _مش هتتكرر تاني
زين بصوت هادي
_انت حر يا عمرو متلومش غير نفسك بعد كده
عمرو بابتسامة مزيفة
_المهم انت طمني عليك
زين بنفس النبرة _الحمدلله احسن
عمرو_الحمدلله، هامشي انا، تصبح علي خير
زين سكت شوية وقال
_وانت من اهل الخير
---
بدأ يوم جديد في قصر الراوي
عند جلال
_ابعتي سعاد بالفطار لزين ي ثريا
ثريا _حاضر عشر دقايق بس وهنخلص
خرج ناصر و رقية الي صالة القصر
ناصر ورقية _صباح الخير
جلال بابتسامة _صباح النور، خمس دقايق والفطار هايجهز
رقية _هروح اساعد ثريا
جلال _خدي راحتك
ناصر بتنهيدة _وبعدين يا جلال هتقول لزين امتي
جلال بحيرة _انت عارف اني كنت ناوي اقولة من لما كلمتني علي طول بس اديك شوفت اللي حصل
ناصر _طب وبعدين
جلال بجمود _لما يخف ويبقي احسن هبقي اقوله ان شاء الله
ناصر _تمام
نزلت ليان من غرفتها
ليان بابتسامة _صباح الخير
الكل _صباح النور
عاملة ايه دلوقتي ي ليان
ليان _الحمدلله بخير
وفجأة دخل ادهم
ادهم صباح الخير
_صباح النور
ادهم _امال فين الباقي
جلال _لسه فوق
عمرو بمداعبة وصوت عالي
_مين قال كده انا نزلت اهو
صباح الخير
الكل _صباح النور
عمرو _ الفطار فين انا جعان
ادهم _دايما همك علي بطنك
عمرو _اه جدا ههههههه
ليان _ طيب انا هروح اقعد في الجنينة شوية
جلال _ماشي يبنتي
ادهم انتهز الفرصة وبقي يتسلل من غير محد يحس بيه عشان يروح لليان
---
عند زين كان بيتكلم ف التليفون
زين بجدية _يا استاذ "علي" انت عارف انها صفقة مش سهلة ومحتاجة حد بيفهم كويس عشان كده اختارتك انت
علي بهدوء _فاهم كده يا زين بيه بس انا برا مصر وعندي ضغط شغل ف مش عارف لو جيت هسيب الشغل لمين
زين بتنهيدة _انت مش هتاخد وقت ف مصر هما يومين بس، ثم اكمل بصوت مرتفع قليلا، وانا لولا اني مش هقدر اروح الشركة دلوقتي مكنتش كلمتك
علي _خلاص يا زين بيه متشغلش بالك هنزل مصر بكرة وهخلص كل حاجه بأذن الله.
زين _تمام ماشي لو احتجت حاجه كلمني، وانا هتابع الشغل من البيت وانت مش هتبقي لوحدك عمر معاك
علي _ تمام ولا يهمك ي زين بيه اطمن خالص
زين _تمام ربنا معاك
علي _يارب
اغلق زين الهاتف وجلس يفكر في ليان، وفجأة الباب خبط
زين _ادخل
سعاد بابتسامة وهي بتحط الاكل ع الترابيزة
_الفطار يا زين بيه
زين_ شكرا يا سعاد
سعاد _ متنساش تاخد الدواء جلال بيه منبه عليا وقالي اقولك
زين _مش هنسي حاضر
عند ليان
---
ليان كانت بتتمشي في الجنينة ووقفها ادهم
_ليان
نظرت خلفها وهي تقول
_نعم يا ادهم
ادهم _قولت اجي اتمشي معاكي بدل م تتمشي لوحدك
ليان بضيق _طيب
ادهم بخبث _مضايقة ولا حاجه امشي؟
ليان بابتسامة مزيفة _لا لا عادي
ادهم _قوليلي يا ليان
ليان بغباء _اقولك يا ليان ليه (🙂)
ادهم _لا مش قصدي كده انا لسه هتكلم
ضحكت ليان ع غبائها وقالت
_اه قول
ادهم _انتي... بتحبي زين؟
ليان باستغراب _وبتسأل سؤال زي ده ليه
ادهم حاول يبن انه ميقصدش حاجه
_لا عادي حبيت اسألك بس،واكمل بخبث، عشان انا بلاحظ منه كده
ليان بانتباة _من مين؟
ادهم _من زين
ليان وهي بتداري ابتسامتها
_امتي الكلام ده
ادهم بضيق _باين عليكي بتحبية
ليان حاولت تبقي طبيعية.
_لا ابدا مفيش حاجه من دي
ادهم وقف مكانة وابتسم
_بجد؟
ليان بجدية _مالك يا ادهم شيفاك مهتم بالموضوع اوي.
ادهم حاول يبان طبيعي وقال •
_لا ابدا عادي يعني
ليان بضيق _تمام انا هدخل جوا عشان اتخنقت.
مشيت ليان وادهم واقف مكانه
ادهم _هسيبك تدلعي شوية بس انتي ملكي يا ليان
في المطبخ
ثريا _يلا يا سعاد خرجي الاكل ع السفرة
سعاد _حاضر يا ثريا هانم
ثريا _رقية هاتي الملح من عندك
رقية بابتسامة _ باين ان الاكل حلو اوي يا ثريا
ماريا بتصنع _اكيد هيبقي حلو طنط ثريا مش بتعمل حاجه وحشة
ثريا بفرحة _تسلمولي يا حبايبي
بعد دقائق اتجمعت العيلة ع السفرة عادا زين
ثريا _ يارب الاكل يعجبكوا
جلال بغمزة _اكيد هيطلع حلو عشان حطيتي ايدك فيه
امنت العيلة ورا جلال وضحكوا
ناصر بانبهار _لا بجد تسلم ايدك يا ثريا الاكل تحفهة
ثريا بابتسامة _الف هنا
جلال بضحك _مفيش بعد اكل
مراتي
ضحكت ثريا بخجل
ليان _ بجد الاكل جميل
ثريا بفرحة _الف هنا يروحي
عمرو كان بيتكلم بصعوبة من كتر الاكل اللي ف بوقة
_الاكل جامد هاتي كده طبق الجبنة اللي هناك ده
ادهم بضحك_يبني ارحم نفسك يخربيتك
عمرو _ احلي حاجه في الدنيا الاكل ههههههه
ضحكت العيلة ع كلام عمرو وادهم
عدي اليوم وكان كلة ضحك وهزار وكان يوم جميل ف قصر الراوي
في المساء كانت العيلة كلها متجمعة في الليڤينج بيشربوا القهوة وكان الهوا خفيف وساقع والعيلة كلها مبسوطة
جلال بابتسامة خفيفة _الجو جميل جدا وهادي
ثريا بحنان _فعلا الجو حلو جدا
فجأة سمعوا صوت من ورا
زين بضحك_وطبعا كل ده من غيري
ثريا بخوف _انت ايه اللي قومك من ع السرير يا زين
زين _اتخنقت قولت انزل اشم هوا
جلال بهدوء_بس انت لسة تعبان
زين _متخافوش مفيش حاجه
ليان _متنساش كلام الدكتور يا زين
زين _ متقلقوش
جلال بابتسامة _بما اننا كلنا متجمعين متغنيلنا حاجه يا ليان
ليان بخضة _انا؟
جلال _ايوه انتي
ليان بخجل _لا انا بتكسف
ناصر _ صوتك حلو يا ليان غني
بصت ليان لزين اللي كان بيبصلها ويبتسم
زين _غني يا ليان
ليان بتوتر وسعادة _حاضر
(ايه الاجواء الجميلة دي يولاد 😂😂) نرجع لموضوعنا)
بدأت ليان تغني وكله مستمعلها ومتاثرين بصوتها
هو احنا في ايه مشوارنا ده ليه وازاي شايلين وازاي فاضيين حبة ارقام... وسط السكان ولا احنا تمام ولا تايهين... ده طلع في نهار طب انا ليه بنهار.... في الضلمة بعيييد اه يا ليل مشوار... لو بس النور يدخل من الثور... مكاني مش في طابور ده انا مكاني بعيد... ده مكانا في حتة تانية مش جنب الناس التانية خطوتنا بشنا ورنا مش زي ما كنا فاكرين ... ده مكانا في حتة تانية مش جنب الناس التانية خطوتنا بشنا ورنا مش زي ما كنا فاكرين. ده مكانا في حتة تانية لا مش جنب التانيين .... ده انا كنت بنام... من غير احلام... كده فجأة صحيت علي بلة ريق وتاريه وتاريه كل اللي انا فيه سلم مكسور... بعده سما ايييه... انا مش مجنون.... ده براح الكون بقي بيسعني بقي بيسعني.... واكيد يا سنين هتضحكي بعدين علي وشك اهو في لمعة عين... ده مكانا في حتة تانية مش جنب الناس التانية خطوتنا بشنا ورنا مش زي م كنا فاكرين... ده مكانا في حتة تانية مش جنب الناس التانية خطوتنا بشنا ورنا مش زي م كنا فاكرين... ده مكانا في حتة تانية لا مش جنب التانييييييييننن.
العيلة كلها كانت بتسقف لليان وكله بيهنيها ع جمال صوتها
ليان بخجل _شكرا اوووي 😊
جلال _صوتك حلو اوى يا ليان
ليان بفرحة وخجل _شكرا يعمو
ناصر _ايه الجمال ده كله.
ليان بفرحة _شكرا
رقية _كل حاجه فيكي حلوه
ليان بخجل وسعادة _تسلميلي يا طنط
ادهم _ايه الحلاوة دي كلها يا ليان
ليان بخجل _شكرا
ثريا _البنت وشها بقي احمر خلاص هههههه
ليان وهي بتبص ع زين _وانت يا زين مقولتش رأيك
زين ببرود _صوتك حلو اوى
ليان ابتسمت وسكتت
وماريا كانت هتتشل من كتر الغيظ والغيرة
زين وهو بيوقف _طيب يا جماعة تصبحوا ع خير
الكل _وانت من اهل الخير
ليان بهتمام _استني يا زين هاجي اوصلك
زين بيخفي ابتسامتة
_تعالي
ليان _عن اذنكم
اتفضلي يبنتي
ذهبت ليان مع زين
زين وهو بيخفي ضحكتة
_اوعي يا ليان انتي تعبتي انا هطلع لوحدي
ليان بغضب طفولي
_اسند نفسك يلا ووريني
زين بضحك
_خلاص تعالي اسنديني
ضحكت ليان وطلعوا الاوضة
ليان _علي مهلك... اقعد
زين _ خلاص كده تمام
ليان _هتحتاج حاجه تاني
زين _لا شكرا
ليان بابتسامة _طيب انا همشي تصبح علي خير
زين _وانتي من اهل الخير
خرجت ليان من عند زين وراحت اوضتها
ناصر _طيب انا هقوم انام تصبحوا ع خير
رقية _استناني، تصبحوا ع خير يا جماعة
_وانتي من اهل الخير
عمرو _انا كمان هقوم
ادهم _خدني معاك
ماريا _وانا كمان همشي، تصبحوا ع خير
_ وانتي من اهل الخير
جلال وهو بيغمز لثريا
_كده مش فاضل غيري انا وانت يا جميل هههه
ثريا بخجل _ انا هقوم انام انا كمان
جلال بضحك خديني معاكي يا قطة
ضحكت ثريا بخجل
_ بس بقا يا جلال كسفتني
ضحك جلال ع كسوف ثريا
عند زين كان قاعد سرحان وفجأة جاتلة رسالة من رقم غريب
"انا عارف مين اللي كان بيساعد ياسر السيوفي في تسريب معلومات واوراق شكرتك والشخص
ده ساعدة في انه يحاول يخلص منك"
قرأ زين الرسالة وهو عنده فضول يعرف مين اللي بعت الرسالة دي ويقصد مين باللي بيقولوا
"مين"
الرسالة دي بعتها زين لشخص المجهول وكان بيستني الرد
وبكده نكون وصلنا لناية البارت
