رواية امراة والزمان الفصل التاسع 9 بقلم عائشة الكيلاني
و ازاي هتخد التأمين هى نسيت مين انا ماشي يا امل هاتي اخرك معايا
في بيت مصطفى
سامية ردت على الفون:- الو يا نور يا حبيبتي عاملة اي طمنيني عليكم وحشتوني اوى
نور بعياط :- جدو يوسف ماات يا تيته
سامية:- اانتي بتقولي اي يا نور عيب يا حبيبتي مينفعش تفولي على جدو حتي لو بهزار
نور بعياط:- انا مش بهزر يا تيته جدو مش عايز يصح تعالي ارجوكي
سامية وقع الفون منها رجليها مش شايلها بتحاول تستوعب كلام نور :- ليه يا يوسف حتي انت سبتني حتي انت سبتني يا خويا
قالتها و هى بتعيط بجنون مسحت دموعها و غيرت هدومها و نزلت زى المجنون
فلاش
يوسف بهدوء:- مصطفى مش هيريحك يا سامية الى يخلي واحدة تتنازل عن ابسط حاجة مش هيريح دا هيتعبك و هيتعب عيالو في المستقبل و السبب انتي
سامية:- ما برضو هو معاه حق يا يوسف مش لازم قايمة يعني ولا لازم فرح و مفيش حاجه لم نعيش في اجار ما هو مرتبه على الاد
يوسف:- مرتبه على الاد يتجوز الى من مستواه سامية انا اخوكي و مش ضدك انا خايف عليكي منه ، حاسس هنبقا بعدا عن بعض بسببه عموما انتي كبيرة و عارفة الصح من الغلط
باك
بعد وقت كانت وصلت اسكندرية كان الكل متجمع جريت على يوسف :- يووسف
حضنته و بتبكي برجاء أنه يصح بعد وقت في المقابر نسيت اقول ان يوسف كان قريب من حسام و طبعا عرف من حياة بنت امل التانية لانها على تواصل معاه في المقابر تم دفن يوسف بالليل في العزاء فوق
ثريا كانت قعدة بتبص لامل بصدمة و استغراب معقول بتحبه لدرجة دى يعنى لو ابوها مكنتش هتبقا بالحزن دا و خلود الى برضو منهارة خلص العزاء
سامية:- يلا على فين
مصطفى:- على بيتنا مش عملتي الواجب و خلص العزاء ربنا يرحمه
سامية بصتله بصدمة و كره لا ينوصفه:- ووواجب اخويا ماتت و تقولي واجب اخوياال الى خسرته بسببك انا انحرمت من اهلي بسببك عيشت غريبه بسببك ااانت موتني و دا من زمان جاي تقولي واجب اظهر انه كان معاه حق لم قالني متتسرعيش يا سامية متغركيش المظاهر و الكلام الحلو مش هيريحك يا سامية و فعلا شوفت معاك اسوا سنين عمري حتي بنتك دفنتها بالحية مستحملك ليه علشان الناس و الحب ملعون ابو الحب ملعون الناس الى تخلي الواحدة عايشة في عذاب و قهر و هما مش حاسين بيها ولا شايفين وراء الباب الى بيحصل الى بينا انتها بس فوقت بعد ما خسرت كل حاجة
قالتها بانهيار و بتضرب على وشها:- ابويا مات زعلان مني بسببك و خسرت اخويا بسببك اخويا الى مكنش اعرف غيرو في الدنيا راح راح من غير ما يقولي اعيش ازاى من غيرو منك لله يا مصطفى منك لله حررررام عليك يا مصطفى حررام حررررام حاا
قعدت تبكي بانهيار مصطفى ولا اتهز حتي :- انتي طالق يا سامية طالق بالتلاتة مشوفش وش واحدة فيكم جتكم الهم
مصطفى مشي امل كانت بتبص له بحزن و كره للاسف بقت بتكره كره العمي امل دخلت اوضتها و قعدت تبكي بوجع و هى بتفتكر يوسف و كلامه
امل:- تعالي يا خالتي
خلود بابتسامة وجع :- حقيقي حلم خالك يا امل لان دا حلمه و وصيته و لازم تتنفذ المصنع راح عادي ابداي انتي بقا اوعي تضعفي الطريق لسه مبداش الحمد لله يا حبيبتي والله هو ارتاح كان مضغوط اوى و على طول قلقان
امل بوجع:- هو ليه انا ليه مكتوب عليا اتحرمن من الى بحبه من أجدادي و اهو خالي مات قبل ما اشبع منه و حسام مستحيل نكون مع بعض حتي في الحلم انا مش عايزة حاجة غير انى اعيش بناتي الحورية الى معشتهاش عايزهم ميكنوش زايى ولا يشوفو الى شوفته مش عايزة يا خالتي
خلود حضنتها و قعدو يعيطو هما الاتنين
تاني يوم امل بتبص لمصنع الى بقا رماد
حسام من وراها :- دورك انتي انكي ترجعيه زى ما كان
امل لفت لمصدر الصوت:- حسام
قالتها بذهول
حسام :- يارب تكوني احسن ، انا جاي اشوف البنات مش حد تاني او حاجة تاني
امل ربعت ايديها :- يا تري الحريقة حصلت ازاى و ليه في الوقت دا حاسه انها فعل فاعل
حسام:- تصدقي نفس احساسي ، امل ممكن تجي معايا مشوار صغير و لازم تكوني معايا فيه
امل بهدوء:- مش وقته
حسام مسك ايديها و ركبوا العربية بعد وقت
امل بصت لمكان باستغراب و نزلت دخلوا
امل بهدوء:- و دا اي دا
حسام :- خالي
امل:- خالي انا تقصد
حسام :- لا اله الا الله تمام خالك انتي من فترة اشتر المحل دا و كل الى فيه علشان تحقيق احلامك أو حلمك مش كان نفسك تبقي اشهر مصممة أزياء
امل بابتسامة سخرية :- اااه و دا على اساس بعرف ارسم أو اعمل الحاجات دي و بعدين هو الراجل دا مش لاقي حاجه يرمي فيها فلوسه في الارض
تسنيم من وراهم:- هلو شباب
تسنيم قربت من امل:- بصي بقا يا روحي احنا قدمنا ليكي في مسابقة و لازم تكسبيها و اكون و اللبس من عندك بس اول فترة مجانية
امل خرجت و سابتهم:- دا انتوا مجانين و بعدين انتي جيتي امتي
تسنيم:- انا مروحتش اصلا قعدت فيه فندق لان عارفة ان امك مش بطقني ف قولت امشي احسن و بصراحة تبقي غبية لو ضيعتي الفرصة دى يا ستي لو على المصنع تقدري تخدى التامين و تصلحيه
امل:- انا مش بفهم في الشغل دا
تسنيم:- كدابة يا امل و هتدخلي النار على الكدب دا
امل:- روحي نامي انا مش هرسم ولا هعمل حاجة من دى
تسنيم :- تو تو من اسبوع الفستان الى عملتيه على مكنة خالك اتبعت ليهم و عجبهم جدا يعني دخلتي المسابقة يعني دخلتيها انا مليش دعوه دا فكرة خالك و احنا عبد المأمور يا ايقونه الموضة
امل :- انا مش بعرف امسك ابراة تقولي موضة و بعدين دا شغل خالتي مش انا
تسنيم:- والله يا حسام البت دى هتتسخط قرد على الكدب دا ، امل ربنا يهديك المسابقة مفضلش فيها غير يوم هلا احنا مش هتروح بعيد هى اصلا في اسكندرية الموضوع حياة أو موت انتي لو كسبتي هتبقي ستار الموضة علشان خاطر خ خالك خالك وافقي
امل بصتلهم بتوتر و قعدت تفكر و وافقت في بيت يوسف
سامية بعصبية:- لا طبعا مسابقه اي و قلة ادب اي هى نسيت نفسها ثم ازاى يوسف يعمل كدا من غير ما يرجعلي البت مطلقة عايزين الناس تتكلم علينا
خلود:- هتعيش و تموت جاهلة و عنصرية هى لم تحقق حلمها تبق قلت ادب و بعدين متبطلي السلبية إلى فيكي دى خلي البت تخد نفسها و تحقق حلم اخوكي ، امل هتكسب المسابقة باذن الله و هتشتغل و هتبقي اكبر مصممة أزياء في الشرق الأوسط و الراجل يفتح بؤه علشان اطلع الشيطان الى جوايا انتي هتسكوتي و بسسسس
خلود قامت دخلت اوضة البنات تاني يوم امل راحت المسابقة و كسبتها طبعا الفستان عملته و هى عند خالها و طبعا الدعم كان من حسام و خلود و تسنيم و بناتها و دى كان أول طريقها في البيت
سامية بغضب:- مبروك يا حبيبتي كسبتي روحتي المسابقة و الناس اتفرجت عليكي ، انتي فاكرة نفسك صغيرة على الحركات دى انتي مطلقة افهمي بقا انتي مكانك البيت و الحبس مش التنقل عااايزة يقولو عليكي اي مشية على كيفها علشان اطلقت انطقي
امل بتسمع و ساكته
سامية كملت:- يظهر رياض كان معاه حق هو و ابوكي لم قالوا انتي عايزة الكسر مش الطبطبة انتي فكرك هتكوني حاجة لااا يا ماما فوقي اصحي انتي هتفضلي كدا ولا حاجة هتفضلي لا شي
خلود بعصبية:- ما كفاااية بقا انتي مش بتتعلمي عايزة اي منها بتحسبيها على اي و اه صغيرة بنتك صغيرة و من حقها تعيش حياتها بالشكل الى يعجبها طلامة مش بتغضب ربنا ثم ناس مين دول الى يتكلمو انتي بدل ما تفتخري بنتك بتعايريها يا سامية
سامية بصتلها بغضب:- اعاير مين يا متخلفة انتي انا خايفة عليها صحيح انتي هتحسي بيا ازاى و انتي مش مجربة ولا هتعرفي ازاى أن ام قلبها محروق و انتي معندكش عيال
خلود الدموع اتجمعت في عينيها بصدمة و وجع:- ااانتي بجد مريضة يا سامية مريضة روحي اتعالجي بدل ما تعدينا
امل بصت لامها بغضب و دخلت لسامية
امل نامت على رجليها و قالت بوجع:- انتي امي يا خلود عمري ما حسيتك غير كدا طب اقولك على حاجه انا لم حبيت اول واحدة جريت عليها و قولتلها هى انتي كنت و مذل بحب احكيلك على الى جوايا حتي مخاوفي انا من زمان بخاف اتكلم مع ماما أو ابويا هو انا ليه مكنش بنتكم صح مانا مختارتش حاجة طبيعي مش هختار امي و ابويا الى كل همهم الناس و بس حقك عليا يا امي
خلود و هى بتحرك ايديها على شعرها:- و مين قالك انكي مش بنتنا انتي قعدي معايا و مع خالك اكتر ما قعدي مع امك و ابوكي يوسف راح بس انا هفضل معاكي مش هسيبك الا لم اطمن انكي في الحياة الصح لم تكوني مسكة حلمك انتي بنتي يا امل حتي لو مكنتش انا الى جبتك بس انا الى ربيتك و عارفه ان تربيتي مستحيل تخوني ولا تخون حلم ابوها و حلمها
امل قامت و حضنتها و اكن كل حد فيهم بيطبطب على التاني تاني يوم امل خدت التامين و طبعا فلوس المسابقة و قررت تصلح المصنع و تبني اسمها
تسنيم :- لا عاش
امل بهدوء:- مش باين حاسه ان هتحصل مصيبة مش عارفه ليه ولا هيحصل اي اكتر من كدا ما كله راح
تسنيم:- يا بنتي انتى طالعة نكدية لمين انا والله هعيط منك بدل ما تروحي المحل و تبدي تصميم و تفصيل حرام عليكي انتي مين مظلتك عليا
امل:- هو انتي مش وراكي شغل يا ست انتي
تسنيم:- مانتي شوغلي يا بنتي المفروض شوغلي انى ارجعك لعقلك بدل النكد اد الله يكون في عونك يا حسام
امل بصتلها:- افندم
تسنيم:- هاا انا رايحة رايحة رايحة
امل:- انتي علقتي ولا اي خلاص خليكي هنا و انا هروح المحل اشوف هعمل اي سلام
تسنيم:- لا دى بقت هوبا خالص ما تشهلو شوية يا رجالة مش كدا عايزين نخلص قبل شهر سرعو شوية
في المحل امل اتنهدت بدات:- و كمان كل انواع القماش موجود يا ماشاء الله
امل مسكت الورق و بدات ترسم تعمل الى صممته بعد وقت جاه حسام الى فرح و هو شايفها بتحقق حلمها كانت بترسم و مركزة جدا :- مانتي بتعرفي اهو اومال اي الدوشة الى عملها لبت تسنيم
امل:- الصوت مش غريب عليا
اتسعت عينيها و قامت :- حسام ، جيت ليه اقصد جيت امتي اقصد
حسام:- بس مش عايز اسمع قصدك جيت اطمن انكي في المحل ولا لا
امل:- قصدك اي انى مش اد كلامي ولا انى مش اد كلامي
حسام :- خلاص حقك عليا انا غلطان انى اتكلمت حين اشوف البنات
امل:- هنا البنات في البيت و بعدين اي جو البنات و مش البنات هما بناتك ولا بناته انت غريب اوى الصراحة
قالته بمزح لحد الان كلامهم مزح
حسام قعد :- لا فايقة و رايقة
امل بابتسامة و هى بتقعد :- طول عمري ، اخبارك اي مع اسراء يارب تكونو بخير
حسام:- طلاقتها قوليلي مبروك كانت ارفاني في عيشتي
امل اتسعت عينيها بصدمة و خضة:- ليه يا حسام ليه ازاى تعمل كدا كنت استحملتها علشان بناتك
حسام اتنهد:- بناتي انا هربيهم بى معرفتي و بعدين بقولك اتخنقت زهقت جبت اخري زيك كدا و بعدين بناتي مستحيل اخاف عليهم طلامة انتي موجودة اهو تربيهم الاربعة مع بعض
امل بضحك:- حلوة اتنين و عليهم اتنين هداية عرض لا يتعوض
حسام بصلها بحب:- انتي الى متتعوضيش و مستحيل انساكي هفضل احبك لحد ما اموت
امل رفعت عينيها من على الورق و افتكرت كلام رياض :- ابعد عني
حسام بصلها بعتاب و وجع :- انتي واعية لكلامك امل انا حسام ح
امل بابتسامة بهته:- حلمي بس مش كل حاجه بنحلم بيها بنخدها ولا اي يا دكتور صحيح حبيتك بس الكلام دا زمان لم كونا صغيرين دلوقتي احنا كبار و انا طليقت اخوك اخوك انا سرق مني عمري
كملت بوجع:- انا انسرق مني كل حاجة حتي انا مش نفس البت بتاعت زمان سبني لحالي يا حسام انا دلوقتي بحاول الملم نفسي و حياتي و احقق حلم خالي الله يرحمه ، كتر خيرك على وقفتك معايا لدلوقتي بس مش هينفع نكون لبعض انا اسفة
حسام بابتسامة عكس الوجع الى جوه:- اسفة على اي دى حياتك و انتي حره بس لازم تعرفي مش معني انكي كنتي مرات اخويا ف دا معنه انى هسيبك لوحدك انا معاكي فين ما تكوني خدي بالك من نفسك
امل بابتسامة:- و انت كمان خد بالك من نفسك و من البنات
حسام بصلها بابتسامة و مشي اتشالت الابتسامات و بقا مكانها اوجاع السنين على وشوشههم ركب عربيته و مشي امل قامت سندت ايديها على التربيزة و هى بتفتكر كلام رياض و انه ممكن يقتل حسام قالت بوجع و دموع:- انا كمان يحبك بس قربي منك معناه فراقك مش هينفع والله العظيم ما ينفع نكون مع بعض انا اسفة
قعدت على الكرسي و بقت بتبكي بقهرة
حسام وقف العربية و نزل وقف وقف على الشاطي كان بيبص لبحر بحزن و في قلبه مليون سؤال هل سلوى و ساندي بناته ولا بنات باسم حاسس بندم و وجع في نفس الوقت
فلاش
امل :- الشاي
حسام:- شكرا ، في حاجة شكلك عايزة تقولي حاجة
امل بتوتر :- اه بس نسية كنت هقول اي ، اا سلوى و ساندي
حسام بتسال و عدم فهم:- مالهم
امل:- سلوى و ساندي يبقوا
كانت هتكمل لكن سكتت لم فكرت في اسراء و إلى ممكن يحصلها و النار الى هتحصل في البيت
مشهد تاني
امل بحزن:- انا اسفة
حسام:- على اي
امل اتنهدت:- كل واحد مننا شايل في قلبه سر تقيل على قلبه و مينفعش يقوله ،
حسام:- هو رياض هبب حاجة من وراء ابويا
امل بسرعة:- لا دا عقل خالص مش كل حاجه لازم اقولها بس لازم تعرف انه غصب عني حقك عليا
امل قالت كدا و خرجت من المطبخ و بتحاول تداري دموعها
باك
حسام بوجع :- على كدا امل كانت عارفة عارفة و بداري عني معني كدا انهم مش بناتي
في البيت
رياض:- بقولك اطلعي برا
منال :- اطلع مين يا عيني لا انا مش طالعة من هنا غير لم اطمن حقي و حق ابنييي انت فاكرني هسكوتلك يا روح امك
ثريا كانت راجع من السوق:- في اي يا رياض و مين دى
ثريا بصت ليها من فوق لتحت :- طلاقي نزوة
منال بصوت عالي:- نزوة مين يا عيني ما تقولها يا خويا ولا انت مفاهمها انى زميلتك و عادتشي كدا
رياض بغضب:- بقولك اخرسي
منال:- لا يا عيون امك انا جاية اتكلم مش اخرس و اهو اتعرف على حماتي حبيبتي
منال :- ازيك يا تيته انا منال مرات رياض ابنك و حامل في ابنه
ثريا:- انتي البت بتاعت العرفي
منال بصتلها و بصتله:- الله الله و كمان بتلعب من ورايا دا انت ليلة اهلك سودة
منال حطت ايديها في خصرها:- لا يا عيوني انا منال مرات ابنك على سنة الله ورسوله بس محبتش اقول علشان شغلي و معجبيني ما تقولها يا روح ماما انا كنت بشتغل رقاصة و توبت الحمدلله بس لسه ليا معجبين و جاية اعيش مع ابو ابني حبيبي
ثريا بصتله:- كلام دا صحيح يا رياض
رياض بتوتر:- صحيح يا امي
ثريا بصتله بصدمة وقعت مغمو عليها و
يتبع
الحلقه:9
دا انت ليليتك سودة يا رياض و ايامك الجاية سودة
رايكم في امل و حسام و تسنيم حبيتو مين اكتر خلود ولا سامية ولا ثريا
عائشة الكيلاني
امراة و الزمان
