رواية امراة والزمان الفصل الثاني 2 بقلم عائشة الكيلاني
الحلقة الثانية
امل فقدت الوعي رياض بصلها برع*ب و رجع لوراء لدرجة انه كان هي*قع استجمع نفسه و قرب منها:- ا امل ، امل فوقي انا مكنش قصدى انا عارف انى اتغبيت عليكي بس والله العظيم ما اقصد امل فوقي ابوس ايدك
رياض فضل يفكر يعمل اي ما لو راح بيها المستشفى بالشكل دا هيتس*جن برا نور حطه ايديها على بؤها بص*دمة و الدموع في وشها لم حست بفتح الباب جريت على اوضتهم و هى بتبك*ي بخوف و ارتعاش من صوت الض*رب و صرخ و رجاءا امها رياض خرج من اوضته و هو شايل امل الى بينا الحياة والموت فتح الباب و خرج جري جري بيها على اقرب مستشفى اسرا كانت بتبص من البلكونة و شافته
اسرا بتفكير:- هو حصل اي أما أنا اقول لحماتي يارب تكون ماتت و نخلص
اسرا نزلت :- الحقي يا ماما انا كنت بنشر الغسيل و شوفت رياض شايل امل و بيجري بيها يا تري حصلها اي
ثريا:- بتقولي اي يا بت يادى المصيبة ل يحصلها حاجة و يحسبوها علينا بنادمة
اسرا بحزن مصتنع:- انا معرفش هى بتكرهني ليه مع انى بحبها اه والله يا حماتي و لم شوفتها بالشكل دا قلبي اتقبض يارب تكون بخير علشان بناتها
ثريا:- اتصلي بى رياض كلميه خلينا نعرف اي الى حصل و هنتصرف ازاى
اسرا :- حاضر يا ماما
في المستشفى في الطوارئ
الدكتور :- مين الى عمل فيها كدا
رياض:- معرفش ان انا لقيتها على الطريق
الدكتور بشك :- لقيتها على الطريق ازاى و بتقول انها مراتك
رياض بتوتر و كدب:- ايوة مراتي بس و انا رجع البيت شوفتها بالشكل دا كانت رجعة من عند اهلها
الدكتور بغضب و شك :- دى مش حادثة طريق دا تعرض لضرب و انا مش هسكوت على الى شوفته
رياض بعصبية و توتر:- و انت مالك بقولك مراتي و لقيتها عاملة حادثة على الطريق و انا مسامح و هى مسامحة انت مالك داخلك اي انت كل دورك تعلاجها و بس غير كدا مش شغلك
الدكتور بص له باحتقار و غضب و دخل الاوضة تاني بعد شوية جوم اهلها و ثريا و اسرا بعد وقت في اوضة امل امل فتحت عيونها ببطء و شافت اكتر وش بتكره في حياتها
رياض كان مسك ايديها :- حمدالله على سلامتك يا حبيبتي كدا تقلقني عليكي
امل بعدت ايديها من ايديه بصت حواليها كانوا اهلها موجودين :- متقلقش اوى كدا انا كويسة
ثريا:- بركة يا حبيبتي انكي بخير حمدالله على سلامتك يا امولة همشي انا لان البيت لوحده
ثريا مشيت هى و اسرا و رياض راح يوصلهم
مامت امل:- معلشي يا حبيبتي عمل فيكي اي الحيوان دا
امل بوجع و صوت واطي من التعب:- زى كل يوم ضربني يا امى ، عارفه هتقولو نفس الكلام استحملي علشان بناتك مش عايزين الناس تتكلم علينا ولا في واحدة في عليتنا بقت مطلقة غيرك ، صح يا بابا
الاب:- ما الكل بيعدي يا بنتي اوعدك انى هبهدلو بس بلاش سيريتنا تبقا على لسان الناس بسببك محدش هيضر غيرك و غير البنات
امل حطت ايديها على راسها بتعب:- بس انا تعبت انا مبقتش حاسه بنفسي والله تعبت
اتنهدت بوجع:- انا هطلق يا بابا لان والله العظيم ما قادرة استحمل اكتر من كدا
الاب بعصبية:- يبقا لا انتي بنتي ولا اعرفك و قلبي غضبان عليكي ليوم الدين
امل بصتله و دموعها بتنزل بقهرة معقول ابوها بيضحي بيها علشان بس كلام الناس و المجتمع معقول لدرجة دى هى رخيصة بالنسبة ليهم ودت وشها الناحية التانية و دموعها نزلة في صمت و حزن الباب اتفتح
الدكتور:- حمدالله على سلامتك
امل :- الله يسلمك
الظابط :- انا جاي احقق معاكي بمعنى تاني عايز اعرف اي الى حصل
امل بصتلهم بتوتر و رعب
الدكتور:- طب بعد اذنكم اخرجو برا الزيارة انتهت من فضلكم
الاب و الام خرجوا
الظابط:- مدام امل من فضلك جاوبي على السؤال لان كلام الدكتور بيقول ان مش حادث*ة
امل اتنهدت:- ر رياض هو الى عمل كدا جوزي الى ضربني لحد ما بقيت هنا و دى مش اول مرة يضرب*ني و بيم انك ظابط ف انا عايزةو .....
يتبع
رايكم في الحلقة و يا تري امل هتعمل اي
امراة و الزمان
عائشة الكيلاني
