رواية في ساعته واوانه الفصل الثالث عشر 13 بقلم نشوه عادل
فى ساعته وأوانه
البارت الثالث عشر بقلم نشوه عادل
ـ لما تيجى هتعرفى بس ياريت تيجى ليا ع الشركة اللى بشتغل فيها
ليلى: ماشى بس انا معرفش العنوان فين
سما: هبعته ليكى ع الواتس وبكرة ع الساعة ٢ كده بالكتير تكونى ادامى
ليلى بقلق: طب ما تطمنينى بالله عليكى
سما: والله خير يا بنتى متبقيش فضولية كده
ليلى: ماشى ان شاء الله قبل ٢ هكون عندك
قفلت سما وكلمت فرح وطلبت منها انها تيجى هى كمان ع الشركة وتكون موجودة كل ده وفرح متعرفش ف ايه برضه وتانى يوم فى الشركة وصلت فرح ودخلت ع مكتب شريف وقالت: ممكن اعرف انتم جايبنى هنا ليه ووو… بصدمة: احم انتى جايبانى هنا ليه يا سما ومين الاستاذ
شريف: اقعدى يا فرح
فرح بصدمة: ايه ده هو انت تعرفنى
سما بضحك: ع فكرة يا فرح انتى مش ممثلة شاطرة اقعدى يا اختى انا عرفت كل حاجة
فرح: عرفتى ازاى
سما: هو قالى كل حاجة
فرح وهى بتضيق عيونها: ياللى منك لله قولتلك اعرفها انا قعدت تقولى لا وفى الوقت المناسب ومش عارف ايه ده انت رخم اكيد واخدة عنى فكرة غلط صح
سما: لا ابدا والله انا تفهمت الموقف واحسن ما فى الموضوع انى عرفت صاحبة جديدة ومرحة زيك
فرح : حبيبتى اومال انتى جايبانى ليه بقى
سما: اصبرى وهتعرفى دلوقتى
بعد ربع ساعة وصلت ليلى ودخلت ع المكتب وبعد السلام … ليلى: خير يا بنتى ف ايه قلقتينى
سما نظرت لشريف وطلع شنطة حطها قصاد ليلى … ليلى: ايه ده
سما: افتحى وانتى تعرفى
فتحت ليلى الشنطة بصدمة لما شافت المبلغ وقالت: ايه ده
سما: ده حقك مش انا وعدتك انى هردلك فلوسك كاملة
ليلى بعيون مدمعة وهى حاطة ايدها ع وشها ومش مصدقة: هو ده بجد احلفى بالله انها مش مزورة
سما بضحك: والله العظيم مش مزورة ده مليون ونص بالتمام المبلغ اللى الكلب ده ضحك عليكم فيه تقدرى تعديها ماكينة العد هناك اهى
ليلى: طب ازاى فهمينى عملتى ايه
حكت ليها سما كل حاجة… ليلى بدموع: انا لحد امبارح مكنتش واثقة فيكى وكنت مفكرة انك بتضحكى عليا بس هو انتى كده مش هتتعرضى لخطر لو اكتشف ان الطقم مزيف
سما: اطمنى عملت طقم شبهه بالظبط محدش يقدر يفرق بينهم
ليلى: انا حقيقى مش عارفة اقولك ايه او اشكرك ازاى واحدة غيرك كانت قالت انا مالى وبعدت عن الطريق ده بس انتى طلعتى جدعة ربنا يباركلك ف حياتك ويسترك ويفرحك دايما
سما: ودعوتك دى تهمنى اوى واغلى عندى من كنوز الدنيا
ليلى: خلى رقمى معاكى لو احتاجتى اى حاجة انا هكون تحت امرك
سما: حبيبتى كده كده هنفضل ع تواصل
شريف: حضرتك معاكى عربية
ليلى: لا
شريف: طيب انا هخلى السواق بتاعى يوصلك مكان ما تحبى
ليلى: مفيش داعى كتر خيركم لحد كده
شريف: مفيش تعب ولا حاجة الشنطة هتكون تقيلة عليكى وكمان خـ,ـطر تمشى بيها لوحدك
وبالفعل جه السواق واخد ليلى لحد بيتها ودخلت بالشنطة ع ابوها واخواتها
سالم ابوها: كنتى فين يا بت واتأخرتى ليه
ليلى وهى بتحط الشنطة قصاده: كنت برجع الفلوس اللى اتنصب علينا فيها
سالم بتهكم: لا يا شيخة بقى انتى يا بومة الفقر هتعرفى تعملى حاجة
ليلى بحزن: افتح الشنطة يا بابا
جه اخوها الصغير سامى وفتح الشنطة واتفاجئوا بالفلوس قام ابوها وهو بيمسكها من شعرها بغضب: جيبتى الفلوس دى منين يا بنت***** انطقى
ليلى وهى بتبعد ايده وبتحكى اللى حصل وبعدها كملت: فلوسك رجعتلك اما انا عمرى ما هرجع ليك تانى طول عمرك بتعاملنى ع انى عدوتك حتى اللى اسمه سليم ده كان مجايبك انت وانت اللى كنت عاوز تجوزنى ليه وانا وافقت عشان اخلص من جحيمك واما نصب عليك برضه حطيت الحق واللوم عليا انا .. انت طول عمرك بتدعى عليا ان ربنا ياخدنى وانا طول عمرى بدعى انه يحنن قلبك عليا وتحبنى كان نفسى احس انك اب بجد مش اسم ورا اسمى ف البطاقة وبس
سحبت نفسها ودخلت اوضتها وقفلتها ع نفسها من سكات
تعدى ست شهور فيهم اقنعت سما رامى انه يشطب الشقة ع زوقها هى وقربت تخلص
رامى: ايه رأيك يا حبيبتى التصميم كده عجبك
سما: حلو اوى ربنا يخليك ليا
رامى: طب امتى بقى هنتجوز انا من رأيى نكتب الكتاب بقى
سما: اول ما الشقة تتشطب كاملة هكلم بابا متقلقش
رامى: اوك يا حبيبتى انا هقف فوق دماغ الصنايعية وهخلصها ف اقرب وقت
سما: اوك يا كوكو انا لازم اروح دلوقتى بقى عن اذنك
رجعت سما ع البيت وكان واضح ع ملامحها القلق واتفاجئت بأن فرح ف بيتها
سما: فرح ايه المفاجأة الحلوة دى
فرح: اعمل ايه ما حضرتك لازم تغطسى وتليفونك يتقفل ومحدش يقدر يوصلك
سما: خير ف حاجة ولا ايه
فرح: شريف عاوزك ضرورى وطبعا مش عارف يوصلك وكان قلقان فبعتنى اطمن عليكى
سما: والله ابن حلال انا كمان كنت عاوزاه ضرورى
فرح: طب اشطا كلميه بقى
دخلت سما ع غرفتها وكلمته بالفون وكان باين من صوتها القلق
سما: هو كده خلاص قرب يخلص الشقة ولسه مش لاقيه خطة كويسة اخد منه فلوس ألاء بيها خصوصاً ان تقريبا الفلوس دى اتصرف معظمها ع تشطيب الشقة
شريف: طب وانتى خايفة من ايه
سما: عشان هو مصمم نكتب الكتاب ف اسرع وقت وانا اتحججت وقولتله لما يخلص الشقة خالص
شريف: ماشى حلو ده يبقى لازم ننفذ طلبه ونكتب الكتاب فى اسرع وقت
سما: نعم انت بتقول ايه انت شارب حاجة ولا ايه
شريف: بالعكس انا بتكلم بجد جدا لازم كتب الكتاب بتاعكم يتم وووو…يتبع
