رواية حاملة الندبة الفصل التاسع 9 بقلم اسماعيل موسي
#حاملة_الندبة
٩
فضلت مبحلقه فى الشاب إلى بص ناحيتى، وشه اصفر كأن ليه الف سنه نايم
صاحبة الندبه ؟
الكلمه رنت فى ودانى ورغم خوفى قربت منه
انت مين؟
أسمى ايدن انا كنت صاحب القصر
ليه بتقول صاحبة الندبه ؟
انتى مش عارفة حاجه؟ وصلتى هنا امتا ؟
وصلت امبارح، قولى انت صاحب القصر؟
ايوه انا مالك القصر من قديم الازل لحين ظهور صاحبة الندبه
مش فاهمه حاجه فهمنى ارجوك ؟
مش دلوقتى انا لازم اتغذى، غفيت مده طويله وجسمى بيرتعش
غفيت مده طويله ازاى ونا لسه شايفاك امس فى الغابه؟
اطلق الشاب الجميل ابتسامه ،دا اكيد اخويا التؤام ادم
هو مش ظاهر ليه؟
وقت نومه حل ما وقت استيقاظى
يا عم نوم ايه واستيقاظ ايه فهمنى انا هتجنن ؟
قولتلك كل حاجه فى وقتها بعد اذنك انا لازم اخرج من التابوت
متخرج هو انا منعاك ؟
تورد خد ايدن ،انا عريان!
يا كسوفى اسفه مخدتش بالى هديك ضهرى اهو لحسن فيه ذئب متربص بره مش هقدر اخرج
الذئب اكيد هرب مش بيطيق ريحتى ،خرج ايدن بجسده الطويل المتسق ومشى حافى القدمين داخل القبو وفتح باب الخروج مشيت وراه بعد ما اختفى كان غطى جسمه بملايه
وفتح باب غرفه عامله ذى المعمل فيها تلاجه كبيره طلع منها أكياس دم
مش لازم تشوفى إلى هيحصل بعد كده انتى لسه صغيره
اخرجى من فضلك
ابتلع ايدن أكياس الدم حنى ارتوى ثم خرج بجسد صحى رشيق رحل الاصفرار من وجهه والتمعت عيونه الزرق
ياه اشتقت للغابه البحيره والهواء المنعش
انت بتقول كده كأنك نمت شهر ؟
__خمسين سنه
نعم... خمسين سنه؟
ايوه، انتى كمان هيجيلك وقت وتعملى زى بعد اذنك انا هخرج للبحيره
مش هتخرج من هنا غير لما تفهمنى، انا مين وايه صاحبة الندبه دى
بص ايدن على اليانا وابصرت أجمل عيون فى حياتها
كان له جمال اخآذ وقسمات جاذبه
انتى من نسل المحاربات الحاميات ،اخر اميره حاميه فى نسل مصاصى الدماء الأوائل
فكرك يعنى انا فهمت حاجه من كلامك ده؟
انتى مش مستعده تسمعى التفاصيل دلوقتى، من فضلك خلى كل حاجه لوقتها
ثم خرج من القصر بهامته المديدة ومعطفه يرفرف خلف ظهره كأنه أمير أسطورى
عندما بلغ الماء نزع معطفه وسبح بقوه
وقفت على الشط محتاره، هو دا حلم ولا ايه؟
اول ما الاقى انسان يطلع بالغرابه دى ويقول كلام مجنون كده؟
صاحبة الندبه ؟ اميره محاربه ؟ دا انا برفع كومة الخشب بالعافيه
تأملت المدعو ايدن كان يضرب الماء بقسوه وافزع الأوزات والبط والطيور المسالمه
تعالى انزلى الميه صرخ ايدن من بعيد
معرفش اعوم انت عايزنى اغرق ؟
مش هتغرقى جينات السباحه موجوده داخل دمك جربى
لا يا عم انا مش مستغنيه عن روحى هقعد هنا احسن
طيب جربى تقفزى كده ؟
هتلاقى نفسك بتطيرى فى الهواء
كلامه مجنون زيه بس شكله لذيذ، انا مش نسر عشان اطير
خليك فى إلى بتعمله وملكش دعوه بيا
طيب راح ايدن يعبر البحيره مرات متتاليه بسرعه وقوه مثل قارب شراعى يشق الماء شق
عامل ذى السمكه ابن اللذينة، ايه السرعه الهايله دى ؟
متغلطيش فيا انا سامعك
نهار اسود؟ سامعنى من الضفه التانيه ؟
