رواية موضوع عائلي الفصل الواحد والثلاثون 31 الجزء الثالث بقلم رحاب القاضي
#موضوع_عائلي
"بيت الهنا"
_الحلقه الـ 31
ـــــــــــــــــــــــــــــــــــــــــــــــــــــــــــــــ
لا تَلمُوني علي إصراري لـ الوصول إليها... فأنها تستحق ذلك🤍🌺
________________________________
________________________________
_وفي بيت الاستاذ حسن كانو كلهم قااعدين مع طارق وحسن اللي شكله مدااايق جدا..
حسن
عايز ايه انا مش قولت ما اشوفش وشك هنا؟..
طارق
انا غلطان واستاهل اللي انت عملته واكتر كمان، بس احنا مش ملايكه وكلنا بنغلط..
حسن
هو انت بتسمي اللي عملته ده غلط، دي جريمه يا دكتور يا محترم ياللي بتطلع اجيال من تحت ايدك...
طارق
والله العظيم ما هتتكرر تاني يا بابا، وبعدين انا جاي اصلح كل حاجه وهتقدم لهنا من الاول ولو رفضتني هتقدم تاني وتالت لحد ما توافق بيا، عشان زي ما كلكم عارفين انا بحبها ومش عايز غيرها..
ابتسمت كلهم وبصو لهنا اللي بصت للارض بتوتر وضيق، وحسن قاله بجمود...
حسن
هعديها لو هنا وافقت عليك، مع اني متأكد انها هترفضك تاني بعد اللي هببته ده..
طارق
وانا موافق باللي هنا تقول عليه..
وقفت ليلي جنبيها وقالتلها بصوت واطي
عشاان خاطري وافقي وحلي المشكله اللي بينهم دي بقي؟
هنا بصت لحسن بهدوء وقالت
انا موافقه يا بابا..
ابتسم طارق بأنتصار وحسن بصلها بصدمه وقال
موافقه ازاي بعد اللي عملو انتي اتجننتي ولا ايه الحكايه
طارق
يا بابا ما انا اعتذرت اهو وبعدين انا ايوه غلطت وغلطه كبيره بس هي عارفه سبب الغلطه دي كان ايه
حسن
وكان ايه بقي يا اخويا؟
بص طارق لهنا وقال
اني كنت غيران عليها، بتاع ايه يجيلها واحد لحد البيت اصلا ويجيبلها موبيل كمان...
حسن بحده
ما فيش تبرير لغلطك يا طارق وانت مالكش حق تحاسبها اصلا
قعدت جنبيه ليلي وقالت
يا حسن اللي حصل حصل خلاص بدل ما نلم بينهم نفكرهم باللي حصل، وطارق اعترف بغلطه واعتذر لهنا قبل ما يعتذرلك وهي موافقه بيه وافق بقي خلينا نفرح بقي..
طارق
انا موافق علي اي حاجه انت عايزها يا بابا وفي خلال سنه من دلوقتي هكون جهزت شقتي اللي فوق واتجوزت وما تشيلش هم في جهاز ولا حاجه انا وهنا هنظبط امورنا علي قدنا..
بصله حسن بضيق وقال
هنا هتتجوز باحسن جهاز ومش من جيبي ولا جيبك دي فلوس ابوها اللي هي عايشه بيها معانا وهتتجهز بيها وهتكمل دراستها بيها برضو ومش محتاجه حاجه من حد ولا حد ليه خير عليها، بالعكس ده انا اللي هفضل طول عمري مديون ليها ومهما عملت ما فيش حاجه تقدر اللي ابوها عملو معايا، وفوق كل ده هي بنتي زي اخواتك كده واللي هيجي عليها كأنه جه عليا انا..
طارق
لا عاااش ولا كان اللي يجي عليك يا ابو علي، بس انت سامحني بقي وارضي عني انا طارق حبيبك وصاحبك وبعدين ما انا اخدت قلمين برضو مش ساهلين ده انت كانك ما صدقت تضربني رقبتي اتلوحت..
_ضحكو اخواته كلهم وحسن بص لهنا اللي واقفه وباين عليها الحزن وقال بهدوء..
حسن
اخر مره اسألك يا هنا وانتي كبيره مش صغيره وما حدش هيغصبك علي حاجه، انتي موافقه بطارق ولا لا..
هنا بهدوء
ايوه موافقه..
طارق
يبقي نحدد معاد الخطوبه بقي بعد خطوبة رضوي تمام يا بابا..
حسن
هتجيبلها ايه شبكه بقي؟
طارق
اللي هي تطلبه هجيبه..
حسن
لو هنمشي علي عدات اهلنا القديمه يبقي نجيب زي اخر عروسه ما جالها، زي ما اختك رضوي جابت هنا تجيب ولو طلبت اكتر نجيبلها..
طارق
وانا مالي بعدات اهلكم القديمه، العدات دي مهجوره بقالها سنين هتطبق علي وشي انا..
رضوي بخبث
بابا انا هرجع الشبكه دي وهجيب طقم المااظ..
طارق بحده
ما تتلمي انتي كمان مش لما اقدر اجيب قد اللي معاكي الاول..
حسن
لو مش قادر يا حبيبي يبقي نفضها سيره من الاول..
طارق
لا هقدر واللي تطلبه هنا هجيبه شالله حتي دبله ومحبس انا موافق
ليلي
دبله ومحبس ايه هتعمل زي الشملوله اختك..
رضوي
الله وانا مالي..
ليلي
قصره زي ما قال ابووك اللي هنا حبيبتي تطلبه هتجيبه ليها..
طارق
موافق حاجه تاني..
حسن
اهمم حاجه بعد كده ما اشوفش وشك هنا غير وانا او امك موجودبن ولا اقولك انا اللي ابقي موجود..
طارق
يا بابا ده بيتنا
حسن
بيتي انا وما فيش حاجه بعد كده اسمها هتخرج معاها لوحدكم رجلي علي رجلك يا طارق انا مش هسيبك معاها دقيقه واحده لوحدها قبل كتب الكتاب..
طارق
بابا ما تحبكهاااش كده وبعدين انت مش واثق فيا؟
حسن
لا مش واثق فيك وده اخر كلام عندي لو مش عاجبك الباب قدامك اهو
ليلي
خلاص بقي يا طارق ابوك معاه حق..
حسن
اقعد مع اخواتك شويه وتمشي، انا قايم اخد العلاج بتاعي وانام..
طارق
حاضر يا بابا..
_قام حسن دخل اوضته وكمان ليلي راحت وراااه وطارق بص لهنا وقال بضيق..
طارق
هو مش المفروض دي هتبقي خطوبتنا سوا ما تقولي اي حاجه بدل الصمت ده..
اتنهدت بضيق وقالت
انا داخله انااام بعد اذنكم..
قالت كلامها ودخلت اوضتها وروان قالت بضيق
البنت مش موافقه بيك علي فكره، وبعدين انت ايه اللي عملتو فيها ده وجاي تهزر كأنك ما عملتش حاجه
طارق بحده
لا ما هو مش علي اخر الزمن اخد. نصايح منك انتي، وبعدين انا ما بتكلمش معاكي وبلاش اقول قدام اخواتك السبب..
روان
لا قول يا طارق ما هو مش انا لوحدي اللي بغلط وكلكم ملايكه، كل واحد. فيكم بيغلط علي فكره وانت اكتر واحد فينا بيغلط يا طارق ما انت روحت وصاحبت سندس وضحكت عليك كان حد كلمك بالعكس كلنا وقفنا جنبك وقتها، بس انا ازاي بقي اغلط زي كده انت حر براحتك وانا ممنوع..
طارق بحده
انتي بتبرري ايه انا راجل وكنت عارف سندس وكلكم. عارفين اني كنت ناوي اخطبها
ريناد
خلاص طيب مش هنعاير بعض بالحاجات دي، وبعدين روان اهي صلحت غلطها وعايشه زي الفل مع جوزها انت بقي ما تفتحش الموضوع ده تاني..
قامت روان وقالت
كتر خيرك والله يا ريناد مع اني كنت من كام يووم انانيه معاكي انتي كمان، اقولكم حاجه انا مش عايزه اتكلم مع حد فيكم اصلا..
وسابتهم ودخلت اوضتها هي كمان ورضوي قالت بضيق
هو انتو بجد ليه عاملين كده، ما حدش فينا بقي طايق كلمه للتاني..
طارق
والله اسألي السؤال ده لاخواتك واحده جوزها يقولي اختك كانت ماشيه مع واحد قبل ما اتجوزها وعيني تتكسر قدامه ودلوقتي جايه تبجح وتعاير فيا..
وبص لريناد وقال بحده
والهانم لا عامله حساب لابوها ولا ليا ولا لبنتها وماشيه مع يزن الصاوي ومش عايزين حد يحاسبكم لا ده انتو هتتحاسبو ورجلكم فووق رقبتكم كمان..
رضوي
يزن هيخطب ريناد علي فكره مامته كلمت ماما وهو كلم اهله في الموضوع ده..
ريناد بتوتر
ومين قالكم ان انا موافقه
طارق
اتفضلي اهو انا مااشي بدل ما اقوم اولع فيها..
ـــــــــــــــــــــــــــــــــــــ
ـ وعند هنا كانت عامله نفسها نايمه بس دموعها مغرقه وشها وبدات تفتكر يوم ما حسن عرف اللي عملو فيها طارق وطرده من البيت، وقعدت هي وليلي لوحدهم وقالتلها وقتها..
ليلي
انتي عارفه طبعا انا اد ايه بحبك يا هنا..
هنا
اكيد طبعا يا ماما..
ليلي
وانتي كمان بتحبينا وعارفه ان مش هيهون عليكي تحصل مشكله في البيت ده، وانا والله العظيم متأكده ان طارق بيحبك وعايزك وشاريكي
هنا بدموع
انتي مش شايفه هو بيعاملني ازاي، ماشي الاول كان بيعاملني كويس وبيهتم بيا لكن بعد ما بابا مات وهو اتغير بقيت حاسه اني لازم امشي علي مزاجه اعمل اللي هو عايزه وبس اتجوزه وانا لسه سني صغير وقدامي مستقبل كبير وما اتكلمش، يقولي ما تدخليش الكليه اللي نفسك ومطلوب مني اسمع كلامه وما اخرجش وما اتكلمش مع حد، ده هو حتي ما بيعملش كده مع اخواته..
ليلي
هيتغير وهيتلم وهيرجع زي الاول بس اديه فرصه، هو عصبي حبتين العلاقه القديمه اللي دخل فيها وفشل مخليااه متوتر وخايف وبيطلع احساسه ده بطريقه غلط، عشان خاطري يا هنا وافقي بيه اديه فرصه المشكله مش هتتحل غير لما هو يتقدملك وتوافقي بيه..
هنا بصتلها بحزن وقالت
حاضر زي ما حضرتك تحبي..
حضنتها ليلي وقالت
والله هيتغير وانا معاكي ومش هخليه يزعلك في اي حاجه خالص..
ـ رجعت من ذكرياتها في الوقت ده اول ما دخلت عندها روان وقالت بنبره غاضبه..
روان
علي فكره طارق ده رخمم وانتي ارخمم منه عشان هتتجوزيه..
ما ردتش عليها هنا فروان قالت بضيق
يوووه ما اقصدش يا هنا ما تزعليش..
هنا
لا ولا يهمك...
روان
والله بجد ما اقصد اصلا انتي خساره فيه، ده يتجوز حربايه عقربه تلمه وتربيه مش يتجوز واحده زيك..
ضحكت هنا بهدوء وروان قعدت جنبيها وقالت
قوليلي انتي هتقدمي علي كلية ايه، انا بدرس اداب انجليزي وطارق دكتور في كلية التربيه انتي بقي هتروحي عند مين فينا؟
هنا بهدوء
انا هدخل صيدله ان شااء الله..
روان
انتي جايبه مجموع صيدله يا بنت الايه، قال وانا اللي كنت خايفه يطلع مجموعك اقل من انك تدخلي تربيه او اداب..
هنا
لا ان شاء الله هدخل صيدله، وابقي خديني معاكي الجامعه لو هتروحي الاياام الجايه قبل التقديم..
روان
وماله هاخدك انتي واسرار وافرجكم عليها، ما هو اصل اسرار هي كمان كلمتني وقالتلي ان كمال هيخليها تكمل دراستها بس ما اظنش انها هتدخل صيدله يعني
هنا
هي اسرار عندها كام. سنه؟
روان
هي اكبر مني انا بسنه او سنتين تقريباً بس مامتها كانت رافضه انها تكمل تعليمها كانت عايزه تجوزها، لما تتعرفي عليها هتحبيها اووي علي فكره
ابتسمت هنا وقالت
انا مبسووطه اوي انك قاعده معانا ، الاول بصراحه كنت بخاف منك انما دلوقتي لا انتي لطيفه اووي..
روان
ميرسي يا هنا واطمني شكلي قاااعده معاكم علي طول..
ــــــــــ #بقلم_الكاتبه_رحاب_القاضي ــــــــ
_وفي الوقت ده كانت عائشه بنت محمد الصاوي كانت قااعده في النادي لوحدها وقعد يوسف قدامها وقال..
يوسف
عامله ايه يا شوشو..
بصتله بحده وقالت
وانت مالك قووم من هنا..
يوسف
اهدي خليني اعرف اتكلم، وبعدين احنا مهما حصل بينا احنا ولاد عم وزي الاخوات ولا ايه؟
عائشه بحده
جاتك خوت في دماغك، قووم من هنا يالاااا..
يوسف
ايه اللهجه دي من امتي بتتكلمي كده يا شوشو..
عائشه بحده
اسمي عائشه يا يوسف وبعدين انت جااي عايز مني ايه؟
يوسف
جاي اعتذر لو كنت مزعلك مع ان المفروض خلاص نساامح بقي، انتي اهو بسم الله ما شاء الله اتخطبتي واتكتب كتاابك وهنفرح بيكي قريب وانا كمان هخطب قريب
عائشه بضيق
اييه هتخطب؟!..
يوسف
ايوه هي البت يارا ما قالتلكيش ولا ايه
عائشه
وهتخطب مين بقي البت اللي سيبتني عشانها وكنت بتجري وراها
يوسف
هي بعينها دي لففتني حوالين نفسي عشان توافق بيا، بس انتي ليه زعلتي يا عائشه اللي كان بينا كان في الماضي وو..
قاطعته عائشه وقالت بحده
مش زعلانه علي اللي كان بينا انا زعلانه عشان هتخطبها وهتعيش سعيد وانا ما فوتش صلاه غير وانا بدعي عليك تعيش طول عمرك. تعيس..
حط يوسف ايده علي قلبه وقال بخوف
يا نهااار اسود ما هو ده اللي انا خايف منه وجاي اعتذر عشاان خايف من دعواتك انتي وابوكي وامك عليا..
عائشه
بص يا يوسف لو انت جاي دلوقتي وفاكر انك بكلمتين خايبين هتقدر تضحك عليا بيهم وانسي الوجع اللي حسستني بيه لما ضيعت سنين من عمري معاك وانا بتحمل منك زعيق وخنااق وتحكمات في كل حاجه وفي الاخر بكل قسوه سيبتني واحرجتني قدام الناس كلها وعايز. دلوقتي ننسي ونبقي ولاد عم ونتقابل وتبقي قلوبنا صافيه فـ للاسف انت غلطان وغلطان اوووي كمان عشان انا عمري ما هنسي اللي انت عملته فيا، ايوه انا هتجوز وهبدأ حيااه جديده بس حقي مش مسامحه فيه..
يوسف
يعني هو كان حلو اني اتجوزك وانا ما بحبكيش
عائشه
انت عمرك ما حبتني انت كنت بتكدب عليا، خطبتني عِند في ابويا عشان كان رافضك، بس لما زهقت من التحدي ده واللعبه اللي بكيت عليها زي العيال الصغيره بقيت في ايدك زهقت وروحت لوحده تانيه هتتسلي بيها شويه وهتسيبها انا عرفااك كويس..
يوسف
عمري ما هسيبها وعمرها ما هتبقي زيك ولا زي غيرك بالنسبالي، رضوي بالنسبه ليوسف الحيااه كلها والنفس اللي بيتنفسه، انا بحبها بجد يا عائشه وما كانش ينفع اتجوز واحده غيرها..
اتملت عيونها دموع وقالت بحده
قصدك ان انا ما كنتش اتحب، انا ما قصرتش معاك في حاجه عشان كنت تنكد. عليا وتسيبني بعيط عشان انت زعلان مني وتروح تسهر مع اشكال زباله وتخوني معاهم، انت عملت خير لما سيبتني بس كل الحاجات الوحشه اللي حسيت بيها بسببك انا عمري ما هسامحك عليها..
_وفي الوقت ده كلمته رضوي واول ما شافت اسمها علي موبيله بسرعه اخدت منه الفون وردت عليها وقالت..
عائشه بانفعال
الو انتي البنت اللي هيخطبها.
يوسف بقلق
ما تهزريش يا عائشه وهاتي الفون..
رضوي
ايوه انا نعم انتي مين؟
عائشه
انا عائشه بنت عمه يوسف كان بيعزمني علي خطوبتكم الف مبروك
رضوي
الله يبارك فيكي عقبالك
عائشه
خلي بالك منه بقي واوعي تغلطي غلطتي وتثقي فيه عشان لو عملتي كده هتاخدي اكبر مقلب صدقيني..
_قالت كلامها ورمت الموبيل قداام يووسف وقاامت مشيت وهو بصلها بحزن وضيق ومسك الفون وقال لرضوي..
يوسف
ايوه. يا رضوي؟
رضوي بغيظ
دي اللي كانت خطيبتك؟
يوسف
ايوه بس هي بنت عمي في الاول والاخر يعني
رضوي
امم. شكلي كلمتك في وقت مش مناااسب سلام..
يوسف
استني انتي كمان انا شوفتها صدفه قولت اصلح الوضع بيني وبينها
رضوي بحده
تمام. يا يوسف وانا كمان هروح ابارك. لكمال في بيته واصلح الوضع بيني وبينه
ابتسم يوسف وقال
اممممم بنغير بقي وكده..
رضوي بتوتر
لا بس انت المفروض قبل ما تقعد تتكلم معاها كنت تكلمني تقولي هو مش احنا يعتبر مخطوبين. دلوقتي يعني وكده..
يوسف
حاضر والله بعد كده لو هسلم علي اي بنت هكلمك اخد الاذن الاول..
رضوي
يا خفة دمك. اللي مش بتيجي في وقتها خالص، المهم كنت عايزه نخرج بكره انا وانت وطارق وهنا..
يوسف
هنا دي بنت الراجل اللي اتبرع لابوكي بكبده او كليته هو كان اتبرع بأيه؟
ضحكت رضوي بهدوء وقالت
المهم يا يوسف هنتقابل بكره عشان نخليهم يتكلمو سوا ويتصالحو..
يوسف
هما مين
رضوي
طارق وهنا..
يوسف
هما متخانقين ولا ايه؟
رضوي
ايوه وكمان اا.. هو انا ما قولتلكش انهم هيتخطبو؟
يوسف باهتمام
لا ما قولتيش احكي بالتفاصيل لو سمحتي..
رضوي بحماس
اوكي اسمع الحكايه بدأت لما هند بنت عتبه مدت ايدها علي هنا وكانت هتطردها من بيتنا
يوسف
هند بنت عتبه مين؟!
رضوي
بنت خالتي اقصد فتح دماغك معايا
يوسف
حاضر هفتح دماغي قولتيلي بقي ابرها الحبشي جه كمل علي البنت امتي وعمل فيها ايه بقي؟..
_ضحكت رضوي بهدوء وكملت كلامها معااه وهي مبسووطه من اهتمامه بيها وبأي حاجه تخصها..
ــــــــــ #بقلم_الكاتبه_رحاب_القاضي ــــــــ
_وفي بيت فيروز رجعت من بره وهي معاها عز بعد ما كتبو الكتاااب وقالتله بضيق..
فيروز
اتفضل يا عز الدين ادخل..
ابتسم عز وقال
طبعا هتفضل مش بيت مراتي ادخل وقت ما احب..
فيروز
هنده لـ زين واقوله اننا اتجوزنا هو جوه..
عز
استني واااااااد يا زين انت يا وااااد. انت...
طلع زين من اوضته وقال
بابا خير يا حبيبي في حاجه ولا ايه؟
عز ابتسم وقال
عارف انا قلبي كده بيرفرف اول ما بسمع كلمة بابا دي منك، ربنا يخليك ليا يا قلب ابوك انت..
زين
ربنا يخليك يا بابا، انتو جايين مع بعض ولا ايه؟
عز حط ايده علي كتف فيروز وقال
ااه يا حبيبي كنا عند المأذون اصلنا اتجوزنا
زين بصدمه
نعمم تاني ليه اتجوزتو ليه..
بعدت فيروز عن عز وقالت
باباك قالي انك تعرف اننا هنتجوز يا زين، وكمان انك عارف انه تعبان..
زين
مين ده اللي تعبان، هي ايه الحكايه يا بابا..
عز
ولا حاجه يا حبيبي مامتك الفرحه مأثره علي دماغها..
فيروز بصدمه
عز انت ضحكت عليا تاني صح؟
عز
ما تكبريش الموضوع انا طلبت اتجوزك الاول بكل ادب وشيااكه انتي رفضتي اتحملي بقي..
مسكت فيروز المزهريه من جنبيها وقالت بغضب
وحياة امك لاموتك يا عز، تاني تضحك عليا تاني ليه يا كداااب..
جري عز واتخبي في زين وقال
اهدي يا وليه يا مجنونه انتي، وبعدين فيها ايه لما اتجوزك تاني هو انتي تطولي لا حد عبرك زمان ولا دلوقتي غيري
فيروز بغيظ
اوعي يا زين من قدامي لتيجي فيك..
زين.
انا نفسي ابعد بس هو اللي ماسكني، واهدي يا ماما ونتكلم بالراحه مش لاوم نسمع الجيران كلهم...
فيروز
ما فيش حاجه اسمها بالراحه و الراجل الكداااب ده. زي ما اتجوزني يطلقني والا والله يا عز اخلعك..
عز
مش هطلقك ووريني هتروحي تخلعيني ازاي، خلصنا خلاص اتجوزتك وهنعيش انا وانتي والواد الغلبان ده عندي في بيت، بيت العيله وهنبقي عيله كلنا في بعض كده كلنا حب وسعاده..
فيروز بعصبيه
سعاده دي تبقي امك..
عز
شايف امك الست دي قليلة الادب وانا راجل محترم فقولها عيب تجيب سيرة جدتك الله يرحمها..
فيروز
بقولك ايه انا هديلك فرصه لحد بكره تطلقني بالذووق ولو ما حصلش وربي وما اعبد هوريك اياام سودا يا عز..
قالت كلامها ودخلت اوضتها وزين بصله بضيق وقال
مش حضرتك قولت هتقنعها الاول يا بابا؟
عز
ما انا حاولت هي بتحب يتضحك عليها ما بتحبش السلكان..
زين
طيب انا هبقي اتكلم معاها بس انا لازم اخد العلاج وعايز انام..
عز
ماشي يا حبيبي تصبح علي خير..
زين
وحضرتك من اهل الخير.. بس هو حضرتك هتباات هنا..
عز.
شوف ازاي بتكلمني بتقولي حضرتك وحاضر ونعم انت طالع مؤدب لمين يالاا..
زين
ليك طبعا يا بابا المهم يعني حضرتك هتقعد هنا ولا ايه؟
عز
مة انا محرج اقولك ان النهارده دخلتي انا وامك، فخليك فهمان كده وادخل انت نام ومالكش دعوه بحاجه..
زين بضيق
لا معلش وقت تاني وووما تخلونيش اعرف حاجه زي دي معلش.
عز
في ايه يالا ده انا ابووك هو انا جوز امك، ادخل نام انت بس ومالكش دعوه..
زين بضيق
ما هو يا بابا انت بالنسبالي ابويا ايوه بس بالنسبه لامي انا شايفك غريب وانا ما احبش امي تكون مع حد في اوضه لوحدهم.
عز
ولاا انا مش نااقص عبط خش نام ومالكش دعوه..
قعد زين علي الكنبه وقال بغيظ
لا مش هدخل ومالكش دعوه بأمي بس..
ضحك عز بهدوء علي تصرفات ابنه وغيرته علي مامته وقال
اقسم بالله نسحه منه؟
زين
هو مين ده؟
عز
جدك ابو امك كان منكد عليا زي كده من لما خطبت امك لحد ما اتجوزتها، علي العموم انا همشي بس حاول تتقبل الوضع انا ابووك هاا ابوووك وهي امك وانا وهي متجوزين يعني لا عيب ولا حرام نبقي مع بعض ومعيش في بيت واحد وكده..
زين
ان شاء الله بس بعدين..
طلع عزالدين وزين اتنهد بضيق وقال لنفسه
ما هو ده اللي كان ناقصني كمان..
ــــــــــ #بقلم_الكاتبه_رحاب_القاضي ــــــــ
_وفي شقة كمال الجديده اول ما وصلت هناك اسرار سابها كمال هي ورضوي ومشي بحجة الشغل، واكتشفت الشقه هي ورضوي لوحدهم وكانت مبهوره بيها وبتصميماتها الحديثه جداً، ورجع كمال بالليل من شغله واول ما دخل شقته لقي الجو هادي جدا،رااح اوضته لقاها فاضيه واسرار مش موجوده رااح لاوضة بنته وفتح الباب واول ما دخل لقي رضوي بنته نايمه في حضن اسرار، فأبتسم بهدوء وقرب منها وقال بصوت واطي..
كمال
أسرار... أسرااااااار اصحي..
فتحت عيونها وقالت بملامح نائمه
في ايه؟
كمال
ما فيش حاجه بس نايمه هنا ليه، تعالي نامي في اوضتنا..
أسرار
ما رضوي خايفه عشاان المكان لسه جديد عليها فنايمه جنبيها..
كمال
تبقي تتعود يا أسرار، يلا تعالي ورايا..
ـ قال كلامه وخرج من الاوضه وهي اتنهدت بضيق وقامت وغطت رضوي النايمه ورااحت ورا كمال اللي كان في الحمام، قعدت علي السرير وحطت ايدها علي خدها وهو طلع من الحمام بعد ما اخد شاور وغير هدومه وقال بهدوء..
كمال
قااعده كده ليه؟
أسرار
واعمل ايه يا كمال كنت نايمه وانت صحيتني..
قرب منها وقال بخبث
وانتي مش المفروض تفضلي صاحيه مستنياني لحد ما ارجع من بره..
أسرار بتوتر
ما انا بنااام بدري عشان هصحي مع رضوي بدري..
كمال
خلاص وانا كمان بعد كده ارجع بدري عشان الحقك قبل ما تنامي..
بعدت عنه شويه وقالت
في حاجه حصلت عايزه اقولك عليها..
كمال مسك ايدها وقربها ليه بهدوء وقال
هي ايه الحاجه دي؟
_مسكت موبيلها وفتحت الرساله اللي بعتها ليها شعباان ابن خالها وبيقول فيها..
شعبان
"مبرووك يا بت عمي عرفو يلعبوها صوح عيال عمك، بس ورب الكعبه لاحرق قلبك علي الاتنين واولهم جوزك اللي فاكره نفسك هربتي مني لما اتجوزتيه، سلااام يا عروووسه"
كمال
ابعتيلي الرساله دي بسرعه
أسرار
هتعمل ايه؟
كمال
بصي الحوار اللي بينه هو وعبدالله انا ماليش فيه، انا هعمل بلاغ بالرساله دي وهعمله محضر عدم تعرض..
أسرار
خلف وولده مسنودين وبلاغك ده مش هيوقفهم عن اذيتي يا كمال، وبعدين مالكش دعوه ازاي باللي بينه وبين عبدالله، ده اللي بينهم دم..
كمال بضيق
يوووه هتتكلمي زيهم انتي كمان، انا ماليش دعوه بالمشااكل دي كل علاقتي بالبلد المصنع اللي هيتعمل هناك جديد ومقر الشركه هيبقي هنا وانا هشتغل هنا وعبدالله في البلد وخلصنا كده
أسرار بدموع
اللي انت بتقول مالكش دعوه بيه ده تار اخويا، جايز الموضوع ما يهمكش بس يهمني انا واعتبر انك سمعتش حاجه هبقي اقول لعبدالله وهو يتصرف..
_قالت كلامها وجات تقووم من جنبيه بس مسك ايدها وضغط عليها بكل قوته، فقالت هي بألم وخووف..
أسرار
سيب ايدي يا كمال..
كمال
من يوم ما اتقفل علينا باب واحد وانا بعاملك بما يرضي الله، انما هتتعوجي عليا يا بنت عمي والله اوريكي اياام سوودا، انا جوزك واللي اقوله تسمعيه وما اسمعش غير حاضر ونعم وايااكي اعرف انك اتكلمتي مع عبدالله لاي سبب من غير ما اعرف فاهمه ولا لا؟
_نزلت دموعها من الم ايدها اللي في ايده وردت عليه بحزن وقالت..
أسرار
حاضر بس سيبني..
ساب كمال ايدها وقام من جنبيها وقال
اقفلي النور ده ونامي قفلتيني منك...
_ما ردتش عليه وقفلت النور ونامت علي طول ودموعها بتنزل بصمت، وهو ولا اهتم بيها ولا ببكاءها وناام علي طول.
ــــــــــ #بقلم_الكاتبه_رحاب_القاضي ــــــــ
_وتاني يووم الصبح في شقة نيللي، فتحت الباب اللي بيخبط وكانت ريم صاحبتها اللي قالتلها..
ريم
هتفضلي مختفيه كده لحد امتي؟
نيللي
لا مختفيه ولا حاجه تعالي ادخلي..
دخلت ريم وقفلت الباب وقالت
هو الزفت ده ما اتكلمش عشان يجي يصلح اللي عملو ده..
قعدت نيللي علي الكنبه وقالت بنبره حزينه
ولا هيتكلم خطوبته بكره هو والبنت اللي بيحبها..
قعدت ريم جنبيها وقالت بحده
وانتي قااعده ساكته، يعني يدمر حيااتك ويعتدي عليكي وانتي سكتيله وده برضو غلط ودلوقتي هتسكتي كمان علي انه سايبك تشيلي تمن الغلطه دي لوحدك..
نيللي بدموع
يعني اعمل ايه يا ريم اروح افضح نفسي وما حدش هيغلطه هو الغلط كله هيبقي عليا ، انا حرفيو بقيت اترعب اول ما الباب يخبط واخااف يكون هو، نفسيتي بقيت تحت الصفر كل ما افتكر الليله السودا دي، وخايفه اطلع الشارع ولا اكلم اهلي واشوفهم..
حضنتها ريم وقالت بحزن
انا بجد مش عارفه اقولك ايه بس سكوتك ده مش حل، ما تبقيش انتي في الحاله دي وهو ولا كأنه عمل حاجه ومبسووط في حياته، كلمي اهلك قوليلهم اللي حصل وانتي باباكي ليه كلمه تقيله في البلد وهيخافو منه والموصوع هيتلم من غير فضايح..
نيللي ببكاء
هتصرف لوحدي يا ريم، وبعدين بابي ومامي ايه اللي اكلمهم ده انا اهو من وقت ما حصل اللي حصل ده وانا ولا بكلمهم ومش عارفه ليه شايله هم انهم يسألو عليا او يجو يطمنو عليا مع ان ده مش هيحصل اصلا هما كل واحد فيهم ملهي في حيااته..
ريم.
ما عشاان هما منفصلين يا نيللي معلش اعذريهم
مسحت دموعها وقالت بهدوء
هقوم اعملك. حاجه تشربيها وقوليلي ايه اخر الاخبار في المكتب وانا من بكره هرجع الشغل معاكم..
_تفتكرو نيللي هتفضل ساكته لامتي؟
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت يونس الصاوي كان يزن واقف في اوضته بيلبس هدومه قبل ما يروح شغله وموبيله رن برقم غريب، فمسك الفون ورد وقال..
يزن
الو..
شرين
يزن الصاوي معايا؟
يزن
ايوه مين حضرتك؟
شرين
انا الدكتوره شرين عبدالرحمن مرات سيف طليق ريناد حسن المنشاوي..
يزن بأهتمام
اهلا وسهلا.. خير ان شاء الله؟
شرين
كنت عايزه اشووف حضرتك لامر مهم جدا ولازم حضرتك تعرفه النهارده قبل بكره..
يزن بهدوء
اوكي شوفي عايزه تقابليني فين وانا جاهز يا دكتوره..
شرين
هبعتلك اللوكيشن بتاع المكان اللي هنتقابل فيه، بس ارجوك بلاش ريناد تعرف اني عقابلك ده عشون تشوف الحقيقه صح من غير ما حدش يلعب في دمااغك
ابتسم يزن بسخريه وقال
تمام مش هقول لحد، الساعه 6 النهارده مناسب معاكي
شرين
اكيد علي معادنا يا بشمهندس... باي باي...
قفلت معاه شرين وهو اتنهد بضيق ورن علي موبيل ريناد بس كان مقفول، وافتكر ان سيف كسىه ليها فقال لنقسه بضيق..
يزن
يا تارا عايزه ايه الست دي كمان..
_دخلت عنده يارا في الوقت ده بعد ما خبطت علي الباب وقالت بحزن..
يارا
انت فاضي يا يزن؟..
يزن
اكيد لا بس بتسألي ليه؟
يارا
خلاص. مش عايزه منك حاجه..
يزن
يا بت قولي ولو طلعت حاجه مهمه افضاالك مخصوص..
يارا بدموع
بابا مش راضي يخلي ماما تخرج معايا، وانا عايزه اروح dress عشان خطوبة يووسف وبيقلولي اعتمد علي نفسي واروح اختار لوحدي
يزن
والمطلوب مني ايه؟
يارا
ماما بتسمع منك عشان انت الكبير العاقل، فانت كلمها واقنعها تيجي معايا..
يزن
الموضوع مش عند ماما يا يارا، بس انتي فعلا لازم تعتمدي علي نفسك مش كل حاجه ماما هتبقي معاكي فيها..
يارا
علي فكره بقي انا قبل كده روحت جيبت هدوم لوحدي، بس كان معايا زين..
يزن بخبث
لا والله وكنتو فين بقي وروحتو فين كمان؟
يارا
ولا اي مكان ده هو انا مره روحت الاتيليه بتاع مامته واشتريت شوية حاجات من هناك وهو كان معايا..
يزن بغيظ
غوري من وشي يا بت انتي وما فيش حاجه اسمها تروحي لوحدك انا هروح معاكي اخر اليوم هاخدك تجيبي اللي عايزااه...
كتمت يارا ضحكتها وقالت
طيب ما تزعلش انا اسفه، كنت غلطانه انا عارفه بس ده كان زمان انا دلوقتي كبرت وبقيت فاهمه ان سمعتكم كلكم فلازم اخد بالي من تصرفااتي..
يزن
شاطره يا يارا قبل ما اجي هكلمك تجهزي ونروح نجيب اللي انتي عايزاااه سوا..
يارا بحماس
اوكي اتفقنا.. هسيبك تجهز بقي عشان ما اعطلكش..
_قالت كلامها وطلعت وهو ابتسم بهدوء ولكن باله لسه مشغول بمكالمة شرين ليه..
ــــــــــ #بقلم_الكاتبه_رحاب_القاضي ــــــــ
_وفي الصعيد كان قاااعد عبدالله بيفطر وهو ماااسك موبيله وعلياء قالتله بهدوء..
علياء
هنتحرك امتي من هنا؟
عبدالله بضيق
ما بلاش يا امي موضوع اننا نروووح نحضر الخطوبه ده، منيز مطلق بنتهم ومنين هروح احضر مناسبات ليهم
علياء
انا كلمت روان وهي قالتلي انها لسه ما قالتش لحد علي اللي حصل بينكم، يعني لسه في ايدك فرصه ترجعها ليك تاني والله البنت بتحبك ولو قولتلها انك هترجعلها هتوافق
عبدالله
عارف انها هتوافق بس انا ما بقتش عايزها خلاص
علياء بحده
انت بتعمل كده ليه ما انت متتيل علي عينك وبتحبها ومن لما هي مشيت من هنا وانت بقيت علي طول متنكد وعصبي ومش طايق كلمه لحد، بس اقولك ايه انا بنت اخويا مش راميه علي حد دي الف واحد يتمناها، طلقها انت وشووف ان ما اتجوزت بعد ما العده تخلص علي طول ما ابقااش انا..
_اتنهد عبدالله بضيق وهو ابتسمت بخبث اول ما شافت تأثير كلامها عليه وقالت..
علياء
وعلي. فكره هي كده لسه مراااتك مدام انت ما رمتش عليها غير يمين واحد..
قام عبدالله وقال
اللي فيه الخير يقدمه ربنا يا امي..
علياء
طيب بقولك تعالي معايا القاهره وما تجيش تحضر الخطوبه، ابقي اقعد في شقتك اللي هناااك وانا هقعد في بيت اخويا..
عبدالله
طيب ما تيجي تقعدي معايا في شقتي او رووحي عند كمال....
علياء
اروح ليه انا عند اخوك وهو ومراته لسه عرايس جداد، وبعدين انا ما برتاحش في القاهره غير وانا قاعده. عند اخواتي
عبدالله
حاضر يا امي اللي يريحك..
ـ وسابها ودخل مكتبه واتنهد بضيق اول ما افتكر كلام امه وان روان ممكن تتجوز راااجل تاني..
ــــــــــ #بقلم_الكاتبه_رحاب_القاضي ــــــــ
_وفي بيت خلف كان قااعد هو وابنه ومراااته، وزعق خلف في ابنه وقاله..
خلف
انت ناوي تجلطني يا شعبان، مش انا قولتلك ما تتصرفش من رااسك تاني، بعت ليه رسايل تاني لاسرار بتهددها ليه؟
شعبان
انا ما بهددش انا بقولها علي اللي هيحصل
خلف
اللي بيعكل ما بيقولش يا ابن الغبيه، انت اكده هتفتح علينا مشكله تاني مع عبدالله واحنا عايزين نهدي الدنيا بينا اليومين دول..
ام شعبان
بس هو عرف كيف موضوع ورد، ليكون شاافك يا شعباان لما كنت رايح عندهم عشاان تقابلها
خلف
ما عشان غبي استني هي تيجي وتقولك اللي عندها ايه اللي يوديك انت هناك..
شعبان
ما هي ما جاتش وانا قلقت وبعدين ما حدش شافني وقتها غير واحد من الضيووف اللي كانو جايين يحضرو الفرح..
خلف
ما تتصرفش من راسك تاني يا شعبان، ترجعلي في اي حاجه قبل ما تعملها فاهم ولا لا..
شعبان
طيب ما تهملني اتصرف انا، فشلت مااشي وراااك لحد ما أسرار اتجوزت..
خلف
قولتلك هرجعها ليك وتبقي تحت رجليك وتحت امرك
ام شعبان
هيعمل بيها ايه بعد ما اتجوزت..
خلف
لا هيعمل كتير بس خلينا مستنين الوقت المناااسب، وقريب قووي وبيت القااضي كله ما هيبقااش قااعد فيه غير الحريم...
ــــــــــ #بقلم_الكاتبه_رحاب_القاضي ــــــــ
_وبعد شويه في بيت الاستاذ حسن كانت ليلي قاااعده جنبيه وبتقوله..
ليلي
وفيها ايه يا حسن لما يخرجو مع بعض؟!
حسن
هو ايه اللي فيها ايه يا ليلي انا قولز امبارح ما فيش خروووج ليه معاها لوحدهم
ليلي
مش هيبقو لوحدهم معاهم يوسف ورضوي
حسن
ويوسف ورضوي يخرجو ليه مع بعض هما كانو اتخطبو لسه ما كفايه بقي صرمحه
ليلي
في ايه حسن. متحبكهاااش كده..
زعق فيها حسن وقال
انتي خرفتي ولا ايه يا ليلي نسيتي الاصول، ما فيش خروج ولا فسح ولا اي حاجه لرضوي ويوسف غير لما الناس تعرف انهم اتخطبو، انما بقي حيلة امه..
ليلي
اسم الله عليه ماله طارق ما والواد بقي زي السكر
حسن
قدااامه سنه خطوبه لحد ما يجهز شقته ويكتب الكتااب يوم الفرح، طول الفتره دي لا هيخرح معاها ولا يقعد معاها في مكان لوحدهم ولا له دعوه بيها اصلا، تنبهي علي ابنك ان لو حاجه عكس اللي انا قولتها دي حصلت والله لافشكل الجوازه.
ليلي
طيب اهدي يا حبيبي عشان صحتك واللي انت عايزه هيحصل..
وقامت ليلي دخلت اوضة رضوي وقالتلها
ما وافقش ان حد فيكم يخرج اصلا
هنا بابتساامه سعيده
ايوه ما احنو سمعنا، انا اصلا ما كنتش عايزه اخرج
رضوي
ما هو انا غلطانه اني حبيت اخرجك معانا يا بومه، شايفه يا ماما مبسووطه ازاي اقول ايه ليوسف دلوقتي انا
ليلي
بصراحه كده ابوكي معاه حق، وبعدين بكره خطوبتكم اصبرو شويه، ويلا وحده فيكم تيجي تجهز معايا العشا..
رضوي
انا عندي شغل..
ليلي
لما اجيب سيرة حاجه في شغل البيت تفتكري شغلك، هو انتي لما تتجوزي هتاكليه ايه
رضوي
هنجيب اكل جاهز يا ماما مش حكايه يعني..
هنا
انا جاين معاكي يا ماما..
ليلي
والله ما فيهم الو انتي، والهانم اللي نايمه انتي يا زفته...
روان
في ايه يا ماما عملت ايه انا عشان اتشتم.
ليلي
حماتك علي وصول وجوزك جاي معاها قومي كده استحمي والبسي حاجه كويسه..
روان بضيق
لما يجيو هقووم..
ليلي
بهايم انا بكلم في بهايم، يلا تعالي يا هنا ورايا..
ــــــــــ #بقلم_الكاتبه_رحاب_القاضي ــــــــ
_وعند يزن كان قااعد. في كافي وبيشرب القهوه بتاعته بهدووء وجات شرين وهي في قمة شياكتها ووقفت قدامه وقالت بأبتساامه بسيطه..
شرين
يزن مش كده؟
يزن
ايوه..
قعدت شرين قدامه وقالت
انا شرين سوري لو هعطلك شويه..
يزن. برسميه
لا ولا يهمك ياريت بس تدخلي في الموضوع علي طول..
شرين
اوكي انت اكيد عارف الطريقه اللي اتجوزت بيها سيف..
يزن.
لا والله ما اعرفش..
شرين
ازاي هي ريناد ما قالتلكش السبب اللي اطلقت عشاانه..
يزن. بهدوء
قالت ما حصلش نصيب وانا مش مهم عندي اعرف السبب، المهم عندي ريناد وبس...
شرين بسخريه
لااسف هي اكيد ما قالتش السبب لانها مش عايزه تطلع سيف بصوره وحشه قداامك..
يزن
ممكن لانها بنت اصول ومهما حصل بينها وبين طليقها هو هيفضل ابو ينتها ولازم تحترمه..
شرين
لا لا الموضوع مش كده سيف ضحك عليا لما اتجوزني وما قاليش انه متجوز ومخلف
يزن
وانا مالي بالموضوع ده، مشكلتك دي تتكلمي فيها في محكمة الاسره مش معايا
شرين
لا لازم اتكلم معاك انت فيها، عشان صدقني انا وانت في نفس المركب انا اتضحك عليا وبيتضحك عليا تاني منهم وانت كمان بيضحك عليك
يزن
مش فاهم بيضحك عليا ازاي؟
شرين
ريناد مش هتتجوزك حباً فيك، ريناد متفقه هي وسيف انهم يرجعو لبعض بس عشان ده يحصل لازم يبقي في محلل..
يزن
اممم وقصدك بقي انعا بتستغلني عشاان ابقي انا المحلل مش كده؟
شرين
انا سمعتهم بيتفقو صدقني، وبجد مش عايزه حد تاني يتوجع منهم زي ما انا اتوجعت
يزن
لا ما تقلقيش انا اصلا عارف الموضوع ده..
شرين
ازاي يعني عارف الموضوع ده؟
يزن
يعني انا وريناد. متفقين اننا هنتجوز ليله او ليلتين وهنتطلق عشان ترجع لجوزها
شرين بصدمه
انت متأكد من. الكلام ده؟!
يزن بخبث
عندك شك ولا ايه، ما انتي كمان بتقولي سمعتيهم وهما بيتفقو ولا انتي بتكدبي عليا؟!
شرين
لا لا والله انا بقول الحقيقه..
يزن
تمام وشكرا لاهتمامك في حاجه تاني هتقوليها ولا امشي، عشااان بجد مش فاضي؟
شرين
ااه اتفضل ما فيش حاجه تاني..
قام يزن مشي وهي قالت لنفسها بعصبيه
انا تضحك عليا يا سيف ده انت يومك اسووود النهارده..
_وفي عربية يزن كان السواق سايق العربيه بتاعته وهو قاااعد بيفكر في كلام شرين، وبعدين مسك موبيله وكلم رضوي اللي ردت عليه وقالت..
رضوي
يعني لو هتقولي بكره تيجي الشغل هعملك بلووك انا خطوبتني فنقدر بعض شويه
يزن
يا بنتي هو انا لسه قولت حاجه، وبعدين انا والشباب مظبطين الدنيا لحد ما ترجعي المهم ريناد عندك؟
رضوي
لا في اوضتها انت عايزها في حاجه ولا ايه؟
يزن
ايوه هي موبيلها مقفول فياريت تديها الموبيل عايزها في حاجه مهمه..
رضوي بخبث
طيب ما تقولي انا الحاجه دي وانا اقولهالها..
يزن
هو لحق يعلمك الغلاسه زيه..
ضحكت رضوي بهدوء وقالتله
لا خلاص دقيقه واحده هوديلها الفون..
_وقامت رضوي راحت لاوضة ريناد اللي كانت نايمه جنب بنتها وقالتلها بصوت واطي..
رضوي
رينااااااااد قوومي
ريناد
في ايه؟
رضوي
يزن علي الفون عايزك..
قامت بسرعه وقالت
عايزني في ايه وتردي غليه ليه اصلا؟
رضوي
هو ايه اللي برد عليه ليه، يعتبر مديري في الشغل وكمان اخو خطيبي ما اردش عليه ليه انتي عبيطه، امسكي شوفيه عايز ايه..
_اديتها رضوي الموبيل وقعدت جنبيها وريناد ردت وقالت بهدوء..
ريناد
الو..
يزن
عامله ايه؟
ريناد.
بخير الحمد لله..
يزن
وتياا اخبارها ايه؟
ريناد.
كويسه الحمد لله، هو في حاجه؟
يزن
ايوه الدكتوره شرين مرات طليقك كلمتني النهارده وطلبت تقابلني
بصت ريناد ورضوي لبعض بصدمه وريناد قالتله بقلق
خير كانت عايزه ايه؟
يزن
بتقولي انك انتي وطليقك بتتفقو انك تتجوزيني كمحلل لكام يوم ونتطلق عشاان ترجعيله..
ريناد
دي كداااابه والله انا مستحيل اعمل كده وانت شووفت بنفسك المشكله اللي كانت بينا
يزن
من. غير ما تقولي يا ريناد انا مصدقك وواثق فيكي ودي حاجه لازم تبقي علي طول عرفاها ومتأكده منها..
ريناد ابتسمت بهدوء وقالت
تمام طيب فين المشكله مدام انت مش مصدقها..
يزن
بتلكك يا ستي عشان اسمع صوتك..
_كتمت رضوي ضحكتها لما ريناد وشها قلب احمر ومن كتر كسوفها ما عرفتش ترد عليه، وهو قال بهدوء..
يزن
انتي معايا ولا روحتي فين؟
ريناد
اا ايوه معاك بس ما ينفعش الكلام ده بينا دلوقتي..
يزن
تمام انا عايزه بقي ينفع وعايز انا وانتي نتفق علي كل حاجه قبل ما ندخل اهلنا في الموضوع، انا وانتي دي مش اول جوازه لينا فاللي اقصده ان احنا نرتب حياتنا سوا بالطريقه اللي تنسابني انا وانتي مش حد تاني..
ريناد بهدوء
ان شاء الله بس موضوع تياا يعني انا لو اتجوزت مش هقدر اخدها تعيش معايا..
رضوي بصوت واطي
يا سلام هو انتي مش كنتي مش موافقه، فجأه كده عيونك قلبت قلوووب وبتفكري في حل معاه
ريناد
دقيقه واحده يا يزن..
وحطت الموبيل علي السرير وقالت
اطلعي بره والا والله هندهلك ماما، انتي ليه بقيتي رخمه كده...
رضوي
والله خلاص هقعد ومش هعمل صوت..
ريناد
قولت اطلعي بره يلاااااا..
طلعت رضوي ورجعت ريناد كلمت يزن وقالت
معاك يا يزن..
يزن
بصي يا ستي طبعا تيا دلوقتي في حضانة مامتك صح..
ريناد
ايوه ده لو اتجوزت يعني
يزن
لا ما احنا بنتكلم في احتمال اننا اتجوزنا
ريناد
تمام تيا في حضانة ماما
يزن
سيف لما بيجي عندكم مش بيتصل الاول مش ليه رؤويه يشووف البنت فيها..
ريناد
بس هو ممكن. يجي فجأه سعات بيعمل كده
يزن
انا راضي انك تقعدي انتي وتيا معايا كام. يوم وباقي الاسبوع عند مامتك مع بنتك لحد ما نلاقي حل نخلي بيه تيا معانا علي طول..
ريناد.
انت بتتكلم بجد ولا بتثبتني دلوقتي عشان اوافق وبعد كده الكلام هيتغير..
يزن
اقسم بالله بتكلم بجد انا ما اسمحش ابدا لنفسي اني احرمك من بنتك، المهم دلوقتي انا في اقرب وقت هكلم باباكي واتقدملك وبعدها علي طول هنتجوز...
ريناد.
ليه يعني بالسرعه دي
يزن
واحنا نستني ليه ما انتي شايفه اهو بيحاولو يوقعو بينا ازاي، وانا ظبطت كل حاجه مع اهلي والموضوع تمام وزي الفل..
ريناد
طيب ان شاء الله خير..
يزن
ان. شاء الله هقفل بقي عشان ترجعي تنامي وسوري ازعجتك..
ريناد
لا ولايهمك عادي، تصبح علي خير..
يزن
وانت من اهل الخير..
_قفلت معاه وحطت الفون جنبيها وابتسمت بسعاده ودخلت عندها رضوي وقالت..
رضوي
ها قررتو هتسمو ولادكم ايه. ولا لسه؟
ريناد
خدي موبيلك واطلعي بره انا عايزه انااام
رضوي
طيب هطلع بس ابقي صالحي روان
ريناد
مالها روان ما هي. كويسه اهي...
رضوي
لا مش كويسه خالص، فاكره لما كلمتيها واتخانقتو بسبب انها قالت لصحاابك علر موضوع طلاقك انتر وسيف
ريناد
اااه هي لسه فاكره ده قلبها اسوود
رضوي
هي ما كانتش تقصد يااا ريناد وانتي قولتيلها كلام زعلها وهي وعبدالله ظروفهم مش احسن حاجه مع بعض، نراضيها احنا بقي ونقف جنبها وكلمي طارق كمان يخف عليها شويه..
ريناد
حاضر من عينيا بكره الصبح هنلم الليله دي كلها، عشان نبقي كلنا مبسوطين في الخطوبه يا عروسه، وقوليلي هنا انتي مبسووطه بجد بخطوبتك انتي ويوسف..
قعدت رضوي جنبيها وقالت
اووي وما كنتش اتوقع اني هبقي مبسووطه كده لو يوسف دخل حياااتي، هو غيرلي كل حاجه تفكيري عنه بصراحه وكفايه انه اتغير عشاني ومتمسك بيا وما حدش اصلا حبني زيه كده، اهو ده بقي اللي مخليني مطمنه جدا اني هبقي سعيده معااه..
ريناد
ربنا يسعدك ويعوضك يارب
ــــــــــ #بقلم_الكاتبه_رحاب_القاضي ــــــــ
_وفي بيت كمال كالعاده قضي يووومه كله في الشغل ورجع بالليل وكانت رضوي بنته قااعده في الصاله بتتفرج علي التلفزيون رااح قعد. جنبيها وقال بهدوء..
كمال
بتعملي ايه يا رودي؟
بصتله بخوف وقالت
بتفرج علي الفيلم..
كمال
أسرار فين؟
رضوي
بتعملي اكل عشاان انا وهي جعانين..
كمال
طيب كملي فرجه علي الفيلم؟
كان لسه هيقوم بس هي قالت بسرعه
انا مامي وحشتني وعايزه اكلمها هينفع؟
كمال بضيق
هي مش عايزه تكلمك ولا تشووفك، ما تجبيش سيرتها تاني قدامي فاهمه عشان ما اتعصبش عليكي
ردت عليه بخوف وقالت
حاااضر..
_وسابها وقااام دخل المطبخ وكانت أسرار بتعمل الاكل واول ما شاافته قالت بجمود..
أسرار
خمس دقايق وهيبقي الاكل جاهز..
كمال
انتي جيبتي الحاجات دي منين؟
أسرار
نزلت انا ورضوي جيبنا من السوبر ماركت تحت زي ما انت قولتلي..
كمال
طيب كويس..
وقرب منها وقال بهدوء
لسه زعلانه مني؟
أسرار
لا عادي ممكن بس تسيبني اجهز الاكل عشان رضوي جعاانه..
كمال
وابو رضوي كمان جعان عامله حسابي في الاكل ولا لا؟...
أسرار
عامله لينا كلنا روح غير هدومك وانا قربت اخلص اهو..
كمال
طيب امي وعبدالله هنا في القاهره..
أسرار
ايوه مرت عمي كلمتني وقالتلي، هو احنا هنروح الخطوبه بكره
كمال
لا مش هنرووح
أسرار
ليه هما دول مش قرايبك ولا انت عشاان موضوعك القديم انت ورضوي مش عايز تروح
كمال
عشاان مش حابب الواد اللي هيتجوزها ده.، وبيني وبينه مشكله وبعدين انا حر مش عايز اروح
أسرار
براحتك قرايبك وانت حر معاهم..
كمال
انا بعت الرساله بتاعت شعباان لعبدالله عشان انتي عايزه كده، بس انا ماليش دعوه بتصرفااته انا لا هروح اتخانق مع حد ولا ادخل في حرب مع حد...
أسرار
عارفه ان الموضوع ده ما يهمكش فخلاص يا كمال انا بعد كده لو شعبان او خلف بعتو مليون رساله مش هقولك وهعتبر نفسي ما شوفتش حاجه
كمال بضيق
يبقي احسن برضو..
ـ وسابها ودخل اوضته غير هدومه وطلع عشاان يتعشي معاهم بس كانت أسرار قاعده لوحدها، فقعد قدامها وقال..
كمال
هي فين رضوي مش كانت جعانه؟
أسرار
مش عارفه لقيتها زعلانه وبتعيط ومش راضيه تاكل، هو انت زعلتها في حاجه لما جيت؟
رد عليها كمال ببرود وقال
عايزه تكلم مامتها وانا وهي بينا خلافات كتير وهي مش عايزه تكلمها اصلا هخليها تكلمها بالعافيه يعني، فزعقت فيها عشان ما تفتحش الموضوع ده..
أسرار
وهي البنت ذنبها ايه، تعالي علي نفسك وكلم طليقتك دي عشان خاطر بنتك..
كمال
اسكتي يا أسرار وبعدين المفروض انتي تغيري عليا وتقوليلي مش عايزاك تكلمها..
أسرار
الموضوع مالوش علاقه بالغيره يا كمال، بنتك فجأه اتحرمت من امها وجات عاشت معانا جرب كده تتكلم معاها هتلاقي طفله صغيره ملياانه عُقد
كمال ببرود
طلعي نفسك من الموضوع ده يا أسرار..
أسرار بعصبيه
اطلع نفسي من الموضوع ده ومن موضوع تار اخويا ومن مشااكل شعبان وخلف عايزاني اعيش علي مزاجك ممنوع حتي الكلام في حاجه انت مش عايزها، انا ما اقدرش اعيش العيشه دي معاك..
كمال بحده
انتي عايزه ايه دلوقتي يعني؟
أسرار
سيبني في حالي بلاش تعيش فيها دور جوزي، انت قبل كده قولتلي يا كمال انا متجوزك عشان بنتي وانا اتجوزتك عشان اهرب من شعبان وابوه يبقي خلاص خلي كل واحد في حاله..
اتنهد كمال بضيق وقال
لا انا لولا ما انتي عجبااني ما.كنتش اتجوزتك بلاش كلام مالوش لازمه، وبعدين لو علي رضوي انتي عوضيها عن امها انا عارف مصلحة بنتي هي لو كلمت مامتها نفسيتها هتبقي اووحش، ولو علي موضوع خلف وابنه اديني سيبت الموضوع لعبدالله روقي بقي انا مش عايز ازعلك مني..
أسرار بحزن
مااشي يا كمال اا شبعت هدخل اناام
كمال
اعمليلي شااي لحد ما اخلص اكل عشان تلمي السفره ولا هتسيبها كده وايه. تنامي دي ما انا جايلك بدري اهو
أسرار
حاااضر..
_ورااحت وقفت في المطبخ وكانت مدايقه جدا من وجودها معاه وكان مش مرتاحه خالص في حياتها الجديده دي..
ــــــــــ #بقلم_الكاتبه_رحاب_القاضي ــــــــ
_وفي بيت يونس الصاوي رجع يزن من بره وهو معاااه يارا وكان يونس وشهد قااعدين مع بعض في الجنينه..
يزن
خير يا بابا بقيت تقعد في البيت كتير اليومين دول..
شهد
هو مش قعدني من الشغل يقعد معايا بقي
يونس
هو انا قولت حاجه علي قلبي زي العسل والله
يارا
والله خساره انك. ما تشتغليش تصميماتك. مكسره الدنيا انتي وحامد. ابن عمي انا جايبه الـ dress بتاعي دلوقتي من. تصميمك اصلا...
يونس.
هي هترجع تاني للشغل..
شهد
لما بقيت بقعدك جنبي في البيت بقي حلو الشغل دلوقتي...
يونس
ما تلفيش الكلام يا شهد انا عارف انك. بتحبي شغلك ومش مرتاحه وانتي سيباااه فعشاان كده عايزك. ترجعي تشتغلي..
يزن
بابا معاااه حق يا ماما ده احنا كلنا بنفتخر بيكي ديما لازم ترجعي لشغلك..
يونس
هو يوسف فين؟
شهد
في اوضته يا نايم يا بيكلم رضوي..
يونس
والله ياريته كان قابلها من زمان، البنت عملت اللي كلنا فشلنا فيه..
شهد
انا ابني زي الفل لوحده ما حدش غيره ولا حاجه دي هي بس اظهرت الحلو اللي فيه..
ضحك يزن هو ويارا ويونس قال بسخريه
اممم دلوع امه والله ما حد كان خاربه غير دلعك. ليه..
شهد
انا مش هرد تعالي يا يارا فرجيني جيبتي ايه..
واخدتها شهد وقامو ويونس قال ليزن بجديه
لسه عند قرارك انك هتتجوز اخت رضوي
يزن
ان شاء الله يا بابا..
يونس
انا ما كنتش بمنعك عشان امشي كلامب عليك وخلاص، انا مش عايزك تتجوز وتفشل تاني بالعكس ده انا نفسي اشوفك اسعد واحد في الدنيا انت واخواتك..
يزن
والله عارف يا بابا بس انا مختار صح جدا المره دي، ولو علي الظروف اللي حواليها هي مالهااااش ذنب فيها..
يونس
طيب خلاص لو قدرت بكره اتكلم مع الاستاذ في موضوعك ده هتكلم معاه..
ابتسم يزن بسعاااده وقال
ربنا يخليك لينا يا بابا، هطلع انام بقي عشان بكره الشغل كله علي دماغي لوحدي...
يونس
ربنا يوفقك وهبقي اجيلك اشووفك وصلت لايه في المشرووع بتاعك..
يزن
تشرف طبعا في اي وقت يا بابا، تصبح علي خير...
ورااح يزن اوضته ويونس بصله بضيق وقال
اما نشووف اخرتها معاك يا يزن المره دي كمان..
ــــــــــ #بقلم_الكاتبه_رحاب_القاضي ــــــــ
_وتاني يوم في بيت حسن كانت قااعده عليااء هي وفيروز في اوضة ريناد وقالتلها عليااء بهدوء..
علياااء
قبل ما اتكلم معاكي في اي حاجه انا بشكرك انك قبلتي دعوتنا وجيتي، احنا برضو اهل وانتي غصب عن الكل واحده مننا..
فيروز
ربنا يخليكي يا علياء، بس لو هتتكلمي في موضوع اخوكي يبقي ما تتكلميش احسن
علياء
ليه كلنا شايفين ان عز اتغير وعايش يعيش مبسووط باقي حياته، انتو كبرتو يا فيروز العمر ما بقااش فاضل فيه قد اللي رااح
فيروز
بالظبط كده العمر ما بقااش فاضل فيه قد. اللي رااح وانا عايزه اعيش اللي فاضل ده وانا مرتاحه من غير وجع تاني، وعز عمره ما هيتغير ده كدب عليا وقالي انه هيموت كمان كام شهر وعايزنا نرجع الفتره دي وبعيش اخر اياامه وهو وسط عيلته وكلام كتير خلاني اصدقه وفي الاخر طلع كدااب، طيب ده اصدقه ازاي تاني ده
ضحكت علياء وقالت
ههههههه يخربيت دماغك يا عز، ما هو عمل كده عشاان توافقي فكري كويس والله هتلاقيه اتغير ووجود. زين خلي عز بقي انساان جديد، طيب انتي تعرفي هو ليه قاعد جنب حسن هنا عشان بعد ما فااق لنفسه وعرف ان اللي هو كان عايش فيه ده غلط وهيخسره عمره علي الفاضي من غير ما يحس بيه، رجع قعد وسط عيلة اخووه عشان يهرب من الوحده اللي كان فيها، انا عمري ما ارضي بالظلم لحد ولو عندي شك انه هيظلمك او هيرجع لعداته القديمه والله عمري ما كنت هقعد معاكي القعده دي..
فيروز ببعض اقتنااع
ان شااء الله خير يا عليااء، اوعدك هفكر تاني واللي فيه الخير يقدمه ربنا..
_دخلت في الوقت ده عندهم روان بعد. ما خبطت علي الباب وقالت بهدوء..
روان
ماما بتقولكم الضيووف علي وصول فتعالو اقعدو معانا بره..
علياء
جايين اهو بقولك ايه يا روان انا كنت جايبه هديه لرضوي بس نسيتها في شقتك انتي وعبدالله ممكن تروحي تجبيها وتيجي انتي معاكي مفتاح الشقه مش كده فروحي هاتيها وتعالي هي في الاوضه بتاعتي اللي عندكم اول كا تدخلي هتلاقيها علي السرير في وشك..
بصت روان لفيروز بأحراج وقالت
بس يا عمتو يعني عبدالله هناك وانتي عارفه اني ما بنفعش اروح دلوقتي..
علياء
لا هو النهارده هيقضي اليوم عند كمال فروحي وتعالي عشاان خاطري..
فيروز
هخلي زين يروح معاكي بعربيتي وترجعو بسرعه..
علياء
مش مشكله انا هطلع اقول لزين يروح معاكي..
_وطلعت عليااء قالت لزين يوصل روان لحد شقتها وقالتله بصوت واطي وخبث..
علياء
بص انت توصلها وتستني عشر دقايق لو نزلت يبقي هاتها وتعالي لا اتأخرت اكتر من كده سيبها وتعالي انت..
زين
اسيبها تيجي لوحدها ازاي يا عمتو، انا هستناها وهي هتتأخر ليه..
علياء ضربته علي كتفه بهدوء وقالت
يا واد ما تبقاااش غبي زي ابوك، عبدالله هناك وهما متخانقين وانا عايزاهم يتقابلو ويتكلمو ويصالحو..
زين
لا لا كده غلط افرضو اتخانقو اكتر..
علياء
وانت لازمتك ايه هتكون مستني بنت عمك وتجيبها وتيجي، بص لو اتأخرت برضو اطلع فووق واسألها هترجع معاك ولا لا...
زين
يا عمتو هو انا فاااضي للحوارات دي..
علياء
اخص عليك يا زين ده انا اول مره اطلب منك طلب..
جات روان وقالت
ايه يا زين هتيجي معايا ولا ارووح لوحدي؟
زين
لا هاجي معاكي يا ستي انا اقدر اقول لا برضو..
علياء
ربنا يخليك لياا يا حبيبي..
_ واخدها زين ومشيو وعليااء دخلت المطبخ عند ليلي وقالتلها بهدوء..
عليااء
مالك قالبه وشك كده ليه؟
ليلي
انا مش عايزه اتكلم لو اتكلمت هتغلطوني بس ينفع اللي اخوكي عامله ده
علياء
مين فيهم قولي؟
ليلي
حسن يخلي طارق يجي زيه زي الضيووف، ولما قولتله الصبح كلمه خليه يجي شخط فيا..
عليااء بصوت واطي
طيب لمي الدور يا ليلي ابنك لازمه تربيه برضو، وبعدين خفي شويه لو لميااء سمعت اللي حصل او اختك ناهد مش هيسكتو وهتلاقي البلد كلها عارفه اللي حصل ده..
ليلي
سكتت يا بنت اخوكي انتي تقدري تغلطي حسن انتي ازاي ده انتي امه..
عليااء
ايوه امه هو في زي حسن ولا طيبة قلب حسن
ليلي
انتي هتقوليلي علي جوزي يعني هتعرفيه اكتر مني..
ضحكت عليااء ودخلت هنا المطبخ وقالت
بابا حسن بيقولكم عايزين كراسي زياده تاني..
ليلي
قوليلو لا كتر خير اهلك مش عايزين..
_ضحكت علياء وهنا ابتسمت بهدوء وخرجت تاني وعليااء قالت بجديه...
علياء
مش. كتير الاكل ده كله؟
ليلي
اللي عملنااه انا وانتي كان هيكفي بس عز اخوكي رااح جايب اكل جاهز كمان وقال عشان يبقي منظرنا حلو كده قدام النااس وهو برضو اللي جاب الحلويات دي كلها، قوليلي هو ابنك فين؟
علياء بتوتر
احمم مين فيهم؟
ليلي
الاتنين يا اختي هي مش دي بنت خالهم، والمفروض قبل الكل يجي عبدالله ليكون مزعل بنتي في حاجه اصلها من رجعنا من الصعيد وهي هنا وهو لا حس ولا خبر..
عليااء
في ايه يا ليلي ما تخليش توتر اليوم يقلبها معاكي بنكد. مش وقته الكلام ده، عبدالله جاي بس تلاقيه مشغول في كام حاجه..
علياء
اما نشووف تعالي نشووف هنقدم. ايه عصير الاول ولا شربات ايه الاشيك؟..
علياء
لا خليها عصير احسن يا ريناااااااااد تعالي يا بنتي ساعدي امك..
جات هنا وقالت
ريناد جوه مع رضوي انا هساعدكم في اللي عايزينه..
ليلي
تسلميلي يا عروسة ابني يا قمر انتي، شايفه يا عليااء الادب والاخلاق والحلاوه ده من. حظي وحظ. ابني..
عليااء
مش هغير منك يا حبيبتي عندي اتنين زي العسل شايلني علي كفوف الراااحه..
ليلي
طبعا مش بنتي واحده منهم...
_ضحكو هما التلاته وكملو تجهيز للخطوبه في اجواء كلها سعاده وحماااس..
ــــــــــ #بقلم_الكاتبه_رحاب_القاضي ــــــــ
_وفي بيت يوونس الصاووي كانو كلهم قااعدين مستنين يوسف اللي خرج وما رجعش..
يونس
كلمه تاني شوووفه اتأخر ليه الحيوان ده، هنتأخر علي النااس..
يزن
ما. بكلمه يا بابا ما بيردش..
شهد
انا قلبي مش مطمن حاسه ان ابني فيه حاجه..
يارا
ما تكبرووش الموضوع يا جماعه هو تلاقوه طفش لما لقي الموضوع دخل في. الجد
يونس
يا نهار ابووه اسود اقسم بالله لو كان عملها بجد لاموته بايدي وارتااح منه
شهد
بعد. الشر عليه وانتي اخرسي يا يارا ناقص الموضوع كلامك ده..
يزن
اهو بيرن استرها يارب..
بصوله. كلهم بلهفه وهو رد وقال
ايه. يا زفت فينك اتأخرنا علي الخطوبه
_رد. عليه يوسف ويزن بص لباباه بخوف ويونس قال بقلق ونبره غاضبه..
يونس
انت هتنحلي اخوووك. فين؟
يزن؟؟؟؟....
تفتكرو بقي يوووسف راااح فين وايه اللي حصله؟.
ـــــــــــــــــــــــــــــــــــــــــــــــــــ
#بقلم_الكاتبه_رحاب_القاضي
