رواية موضوع عائلي الفصل الثلاثون 30 الجزء الثالث بقلم رحاب القاضي
#موضوع_عائلي
"بيت الهنا"
_الحلقه الـ 30
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ما كنتُ ممّنْ يَدْخُلُ العِشْقُ قلبَه
وَلكِنّ مَن يُبصِرْ جُفُونَكِ يَعشَقِ
وَبينَ الرّضَا وَالسُّخطِ وَالقُرْبِ وَالنَّوَى
مَجَالٌ لِدَمْعِ المُقْلَةِ المُتَرَقرِقِ.
- أبو الطيّب المتنبِّي.
_ساابت هنا البيت ونزلت وكان الاوبر اللي طلبته واقف قدام البيت، وقبل ما تركب كان طارق واقف في البلكونه فووق وقالها بصوت عالي ونبره غاضبه..
طارق
هناااااااا رايحه فين؟
_بصتله بقلق وبسرعه ركبت العربيه اللي مشيت من قدام البيت وهو بصلها بغضب ونزل بسرعه وهو بيقول بغيظ..
طارق
يا بت ال... وحيااة امك لتتربي يا هنا..
_ونزل بسرعه واخد عربية باباه ورااااح وراها، وكان سايق العربيه بسرعه جدا لحد ما وصل للعربيه اللي هي فيها وشاااور للسواق انه يقف، فالسواق بصلها في المرايا وقال....
_يا انسه الاستاذ ده تبعك؟
هنا بخوف
لا لو سمحت وصلني بسرعه للمحطه..
_تمام..
_وكمل السوااق في طريقه وهو متجاااهل طاارق اللي وقف فجأه بالعربيه قدااام سوااااق الاوبر ونزلو الاتنين من العربيه..
طارق
انت متخلف يا ابني ما بشاورلك تقف، اعمي مش شايف يعني..
_ما تتكلم كويس يا جدع انت، وبعدين انا سألتها اقف ولا لا قالتلي لا..
ما ردش عليه طارق وقرب من هنا وفتح الباب وقالها بحده
انزلي يلاا..
هنا
انت عايز مني ايه انا همشي يعني همشي ومالكش دعوه..
طارق
انزلي يا هنا والا والله هفرج الشارع ده كله عليكي
السواق
لو سمحتو يا جماااعه ادوني حسابي وابعدو عن العربيه عليها قسااط وانا مش ناااقص مشاااكل في اكل عيشي..
_طلع طارق المحفظه بتاعته وادااه الحسااب بتاعه، وبعدين مسك ايد هنا بعـ ـنف وخلاها تنزل من العربيه غصب عنها وقال للسواق..
طارق
اتفضل يا عم خد عربيتك بقي و يلاااا من هنا
مشي السواق فعلا وهو قال لهنا بحده
يلا عشان نرجع البيت..
سحبت هنا ايدها من ايده وقالت بعصبيه
انا مش هرجع بيتكم ده تاني، ودلوقتي انا هرجع بلدنا..
طارق
هترجعي بلدكم فين عند جوز خالتك، انتي اتجننتي يا هنا..
هنا
مش هرجع عند حد انا هروح اقعد في بيت اهلي اللي هناااك لوحدي، وبعدين ما فيش فرق بينك وبين جوز خالتي انت عملت نفس اللي هو حاول يعمله معايا..
قالت كلامها واتملت عيونها دموع وهو اتنهد بضيق وقال
انا اسف وما كنتش اقصد اعمل كده وانتي عارفه اني ما كنتش هعمل اكتر من اللي حصل، بس انتي اللي عصبتيني وبعدين يا غبيه انا بغير عليكي..
هنا بسخريه
وتغير عليا ليه انت مالكش حق اصلا انك تحاسبني علي حاجه
طارق
لا ليا انتي كلك كده ليا يا هنا وكده كده دلوقتي او بعدين هنتجوز..
هنا بحده
ورحمة ابويا وامي يا طارق لو انت اخر راجل في الدنيا انا مش هتجوزك عشاان. تبقي عاااارف بس...
طارق
يا هنا ما تهزريش انا عارف انك كنتي موافقه بيا وابويا هو اللي قالك ترفضيني..
هنا
كنت موافقه بيك بس بابا حسن جه وقالي ارفضك وقالي عشان تشووفي هو هيتمسك بيكي لحد فين وهيعمل ايه عشاانك، وانا استنيت اشووف حبك اللي انت اعترفتلي بيه بس للاسف ما شوفتش منك غير انك بتعاملني بطريقه وحشه كأنك كاسر عيني بقعدتي عندكم، ورد للجميل ده هو اني اوافق عليك واتحمل اي حاجه انت بتعملها مش ده اللي انت عايزه؟..
اتنهد طارق بضيق وما ردش عليها وهي قالت بسخريه
مش لاقي كلام ترد عليا بيه مش كده، عارف لو جينا للحق انا اللي ليا عندك كتير في وقت ما كنت محتاجه ابويا كان قااعد معاكم انتو كان بيهتم بيك انت بالذاات اكتر ما كان بيهتم بيا انا اللي بنته، حتي لما جيت هنا وما كانش ليا غيره هو ضحي بحيااته عشانكم وسابني لوحدي، كان فااكر انكم هتاخدو بالكم مني كويس وخصوصا انت بس حتي وهو ميـ ـت انت خيبت ظنه، وانا ما بقيتش عايزه حاجه من حد انا هقدر اعيش لوحدي واعتمد علي نفسي..
طارق بحزن
انا اسف انا غلطان في تصرفاتي معاكي كلها، واقسم بالله ما هعمل معاكي حاجه وحشه تاني يا هنا وهحترم رغبتك مدام مش عايزاااني..
هنا بدموع
رغبتي هي اني امشي من هنا، انا هبقي مرتاحه في بلدنا من لما جيت هنا وكل حاجه شوفتها وحشه مش عايزه اقعد هنا
طارق
مش هينفع اسيبك تمشي يا هنا، انتي بيتك هو بيتنا، انا غلطت في حقك وبقولك اهو انا اسف ومش هتتكرر تاني..
هنا
لا انا همشي يعني همشي..
طارق بنفااذ صبر
استغفر الله العظيم ياارب يا هنا يلا بينا نرجع البيت ما فيش حاجه اسمهة هتمشي انتي مكانك معانا وخلاص كده الموضوع اتقفل..
هنا
انا مش في بيتكم يا بابا عشان تمشي كلامك عليا، انت لو ما سبتنيش ومشيت دلوقتي والله هصوت والم عليك امة لا اله الا الله وانت عارفني..
ابتسم طارق وقال
لا لا انتي عاقله ومش هتعملي كده وتفضحيني وتفضحي نفسك..
_بصتله بغيظ وبعدين ميلت علي الارض ومسكت طوبه كبيره وحدفتها عليه فجات في ايده اللي مسكها بألم وقال بحده..
طارق
انتي عبيطه يا هنا ايه اللي عملتيه ده؟
هنا
وهعمل اكتر من كده لو ما سبتنيش امشي دلوقتي
طارق بألم
انا ايدي اتكسرت ولا ايه يخربيتك..
بصتله بقلق وقالت
اتكسرت بجد ولا ايه؟
_قعد طارق علي الرصيف وهو باين علي وشه الالم فقربت منه وقالت بقلق اكبر..
هنا
والله ما كنت اقصد اكسرها وانا كنت بضربها علي دماغك انت اللي حطيت ايدك وجات في ايدك
طارق
يا سلام عايزه تفتحي دماغي واقف سااكت، انا مش قاادر احرك ايدي خالص...
هنا
طيب نروح المستشفي طيب؟
طارق بألم
هتيجي معايا؟
سكتت هنا وبان عليها القلق والتوتر وهو قال بسرعه
هنروح المستشفي بس اطمن علي ايدي وخلاص يا هنا هعملك اللي انتي عايزاااه وهوصلك لحد المحطه ولما يبقي يرجع بابا هو بقي يجيلك ويرجعك..
هنا بضيق
طيب قوووم يلا خلينا نخلص..
_وحطت شنطتها في عربيته وقعدت جنبيه وهو ابتسم بخبث وحرك ايده عادي وسااق العربيه ورجع لبيتهم..
هنا
انت رايح فين؟
طارق
راجعييين البيت
هنا
ما تهزرش يا طارق وو... ايدك انت بتحرك ايدك عادي..
ضحك طارق وقال
هههههه ايوه بحركها عادي هي ايدي عود. كبريت يعني هتتكسر من طوبه، طيبه اووي انتي يا هنا..
هنا بغيظ
ما فيش فايده فيك والله، نزلني يا طارق انا مش عايزه اقعد معاك في مكان واحد تاني
طارق
انتي مش ليكي ما نتقتبلش خالص انا يا ستي لا هاجي البيت تاني ولا هاكل معاكم ولا هقعد معاكم ولا اي حاجه، لحد ما تهدي شويه واللي عايزاااه اعمليه بس الا انك تمشي وتسبيني..
اتنهدت بضيق وسكتت وهو قال بخبث
هتقدمي علي كلية التربيه وتبقي عندي عشان اعرف اخد. بالي منك
هنا بضيق
انت مالك انت انا اقدم علي ايه، خليك في حالك وبعدين ههرب منك في البيت عشان الاقيك في وشي في الجامعه
طارق
انتي عرفتي ان رضوي يعتبر اتخطبت ليوسف الصاوي يعني داخلين علي جواز وجهاز ومصلريف كتير علي بابا يا هنا يدخلك انتي كمان كليه قمه في الظرووف دي، ومش قصدي حاجه عشاان تفهميني غلط
هنا بحزن
انا فاهمه قصدك كويس
طارق
لما تبقي عندي انا مش هخلي بابا يدفع حاجه في مصاريفك هظبط كل حاجه في الجامعه، فكري كويس وردي عليا..
ـ ما ردتش عليه هنا واتملت عيونها دموع، وبان علي ملامحها الحزن لانها حتي الهروب منه فشلت منه ورجعت تاني لنفس الحيااه معاه وهيرجع يتحكم فيها تاني..
طارق
يا هنا انا بتكلم عشان مصلحتك وو
هنا بحده
انت عملت اللي في دماغك ورجعتني تاني هنا عشان شويه شويه ترجع وتعاملني بنفس الطريقه ونفس التحكمات، انا كنت ماشيه بسببك انت وهمشي برضو بسببك انت عشان انت واحد اناني ومغرور يا طارق..
_وقف في الوقت ده قدام بيتهم، فقبل ما تسمه رده سابته ونزلت من العربيه واخدت شنطتها وطلعت فووق واول ما دخلت كانت ريناد صااحيه وقالتلها بعصبيه..
ريناد
انتي كنتي فين بقي عايزه تمشي وتسبينا يا هنا؟
هنا ببكاء
ياريت كنت قدرت اعرف امشي، انا مش عايزه اقعد هنا
قربت منها ريناد وقالت
ليه كل ده ما انا قولتلك هيرجع بابا وهخليه يوقف طارق عند. حده
هنا بحزن
وغلاوة بنتك يا شبخه ما تقولي حاجه لابوكي انا مش هكون مبسووطه لما بابا حسن يشيل من ابنه او يتخانقو..
ريناد
طيب كنتي ماشيه ليه، هان عليكي زعل بابا وماما اللي بيعابروكي بنتهم
هنا
مش همشي يا ريناد انا هدخل انام وما تقوليش برضو لحد اني كنت ماشيه..
ودخلت هنا اوضتها وريناد قالت بضيق
اقول عليك ايه بس يا طارق..ربنا يهديك....
ــــــــــ #بقلم_الكاتبه_رحاب_القاضي ــــــــ
_وتاني يوم في اوضة حسن وليلي كانت قااعده جنب روز وروفان بتصحيهم وهما نايمين وقالت لحسن اللي كان بيصلي..
ليلي
يا حسن مش خلصت صلاه تعالي صحيهم انا غلبت معاهم
حسن قام وقال
سبيهم يا ليلي مش هنمشي دلوقتي يعني لسه شويه
ليلي
ما هما لسه هحميهم وهغيرلهم، اسكت يا حسن انا غلطانه اني قولتلك علي حاجه
حسن
هصحيهم خلاص قوومو يا بنات يلا، روفااااان قومي يا حبيبتي عشان ماشين يلاا
روفان بنوم
طيب استنو شويه هفوق..
حسن
هما مش المفروض كانو ينامو مع رضوي اختهم، ايه اللي خلاهم نامو هنا
ليلي
رصوي طردتهم قالت مش ناقصه دوشه، المهم قولي اتفقت علي ايه مع نسيبك الجديد.؟
حسن
قصدك. يونس الصاوي؟
ليلي
ايوه قولتله اننا هنعمل خطوبه؟
حسن
لا لان بنتك وخطيبها مش موافقين وبيني وبينك معاهم حق مدام الفرح هيبقي كمان كام شهر يبقي لازمته ايه نعمل خطوبه كبيره دلوقتي ناجل فرحتنا بالمره للفرح
ليلي
يا حسن رضوي دي البكريه انا عايزه افرح بيها
حسن
في الفرح يا ليلي هو هياخدها ويجيبو الشبكه ويلبسهالها في البيت عندها بخطوبه علي الدايق والفرح بقي يعملو اللي عايزينه
ليلي
طيب اتفقت علي ايه معاهم هيقعدو فين واحنا هنجيب ايه وهما هيجيبو ايه
حسن
الراجل عامل لولاده في الفيلا بتاعته كل واحد دور خاص بيه زي نظااام شقه كبيره كده..
ليلي ابتسمت وقالت
يعني بناتي هيبقو جنب بعض
حسن بعدم فهم
بنات مين؟
ليلي
لا لا ما تاخدش في بالك، المهم يعني احنا هنجيب جهاز لشقه زي دي منين يا حسن ومصاريف العيال
حسن
ربنا يفرجها يا ليلي هنجيب اللي نقدر عليه، ويونس عشان الفرق اللي بينا اتكلم بمنتهي الءوق في الحته دي ولا احرجني ولا احرج نفسه
ليلي
ازاي يعني مش فاهمه؟
حسن
قال ان احنا نجيب اللي عايزينه وهو هيفرش شقة ابنه كهديه منه للاتنين وفي نفس الوقت مش هنكتب قايمه فهمتي..
ليلي
بس المؤخر يبقي كبير
حسن
يوسف قال اللي عايزنه نكتبه وبعدين كل ده كلام فاضي ومقدور عليه المهم بنتك تبقي مبسووطه وربنا يتمملها بخير
ليلي
ياارب يا حسن تتم المره دي عشان لو حصلت حاجه لقدر الله وما تمتش البت مش هتلاقي حد يعبرها..
حسن بضيق
طيب بلاش كلامك ده انا بنتي الف مين يتمناها، يلا صحي البنات وحصليني لتحت..
ـ قال كلامه وسابها ونزل وهي بصت لبناتها النايمين وقالت بحده..
ليلي
اقسم بالله اللي ما هتقول لهقطع عليها اللي في رجلي، اخلصي يا بت منك ليها..
_قامو الاتنين بسرعه وهما خايفين منها، وهي بدأت تجهزهم عشاان يرجعو القاهره..
ــــــــــ #بقلم_الكاتبه_رحاب_القاضي ــــــــ
_وفي اوضة روان وعبدالله كانت واقفه وبتجهز في الشنط بتاعتها ودخل عبدالله عندها وبصلها بضيق وهي قالت..
روان
معلش شويه وماشيه خلاص..
عبدالله بجمود
براحتك، خالي عز عرف اننا اطلقنا الباقي بقي هستناكي انتي تقوليلهم الاول وبعد كده هنشووف نخلص من الموضوت ده ازاي خالص..
روان
حاضر في اقرب وقت..
_حاولت بكل قوتها تداري دموعها قدامه وتظهر اللامباله زي ما هو بيعمل، بس كانت مستنيه منه يقولها ما تمشيش او يصالحها ويردها لكنه اتجاهل وجودها واخد هدوم ليه من الدولاب ودخل الحمام بكل هدووء وكأنها مش موجوده..
_نزلت دموعها بحزن وكملت تجهيز شنطها وبعدين خرجتهم بره الاوضه ونزلت قعدت تحت لوحدها مستنيه اهلها يجهزو وتمشي معاهم
ــــــــــ #بقلم_الكاتبه_رحاب_القاضي ــــــــ
_وبعد شويه في الجنينه بره كان قااعد زين هو ويارا ومعاهم رضوي بنت كمال وروفان وروز..
زين
ايه جو عالم سمسم ده يا يارا، انا قولتلك تيجي نقعد. سوا قبل ما نمشي عشان الله اعلم هشووفك تاني امتي تقومي تجيبي العيال معاكي..
يارا
ما هما قعدتهم حلوه تعرف انهم هيدخلو نفس المدرسه، رضوي يعني هتبقي مع روفان وروز ياريتهم كانو في نفس المدرسه بتاعتي
زين
انتي المدرسه بتاعتك ما تتقارنش بباقي المدارس يا ماما، ده انتو فندق مش مدرسه
يارا
هو انت دخلت مدرسة ايه يا زين؟
زين
الحكومي العادي جدا يعني في الثانويه بس ابتدائي كنت تعليم خاص لحد الثانويه بقيت حكومي..
يارا
يوسف الكليه بتاعته حكومي علي فكره
زين
ااه ما هو قالي دخل ال International وما نفعش هنااك بسبب سوء سلوكه
يارا
بس هو هينجح السنه دي هو اتغير كتير عن زمان، انا هدخل طب حكومي زيك..
زين
ما قولتلكيش اللي حصل؟
يارا
ايه اللي حصل؟
زين
باباكي قالي بنتي هتتعلم وتاخد شهاده كبيره ما اشوفكش تقولها انزلي اشتغلي، انا بنتي تقعد. هانم واللي تحتاجه يجي لحد عندها..
ضحكت يارا وقالت
هههه بجد بابا قالك كده.؟
زين
ايوه والله واسألي يوسف اخوكي كان قاااعد معانا
يارا
اومال بيزن عليا ليه عشان انجح واطلع الاولي مدام كده كده هقعد في البيت
زين
ما كامل احترامي لابوكي بس بعد الجواز انتي لو عايزه تشتغلي مش همنعك..
يارا
لا لا انا متعوده علي الدلع والله اعلم في المستقبل ايه اللي هيحصل..
جه يوسف وقال
سايبين النااس نايمه انتو وقاعدين هنا تعملو ايه بقي؟
زين
بلاش نظرة الشك دي احنا قاعدين وسط العيال
يارا
مامي وبابي صحيو ولا لسه؟
يوسف
ما اعرفش ادخلي شوفيهم جوه وما تطلعيش غير واحنا ماشيين..
يارا باحراج
حاضر داخله اهووو..
ومشيت يارا ويوسف قال لزين بحده.
نتلمم هااا وتلتزم بالاتفااق بتاعك مع ابويا..
زين
ما عملنااش. حاجه لكل وبعدين افتكرها دلوقتي عندي بكره عندك..
يوسف
ما بتهددش يا حبيبي وقوم تعالي خليهم يجيبولي فطار جعااااان...
ــــــــــ #بقلم_الكاتبه_رحاب_القاضي ــــــــ
_وجوه البيت كانت قااعده رضوي مع روان اللي قالتلها اللي حصل بينها وبين عبدالله وانه طلقها..
رضوي
انا مش عارفه عبدالله ازاي بقي تفكيره كده، بس انتي لازم تقولي لبابا وماما
روان
خليها بعدين انا عندي امل انه يرجع عن اللي في دماغه ده
رضوي
يا روان ما تقلليش من نفسك اكتر من كده، مش عايزك في ستين داهيه هو انتي ليه بقيتي كده بجد ده احنا اكتر واحده كنا بنتعلم منها التقل واللامبالاه هي انتي..
روان بدموع
ده كان بقي قبل ما اتنيل علي عيني واحبه..
رضوي
طيب ماما جايه اهي هنقولها ولا لا؟
روان
لا اوعي يا رضوي انا هصبر شويه كمان عبدالله برضو بيحبني هيرجعني بلاش نكبر الموضوع ونزعلهم علي الفاضي
رضوي
براحتك يا روان..
قعدت ليلي جنبيهم وقالت
ابوكم وعمكم فين؟
رضوي
في المضيفه جوه وقاعدين الرجاله. كلهم...
ليلي
هي عليااء فين، يا علياااء..
طلعت علياء من المطبخ وقالت
عايزه ايه يا ليلي؟
ليلي
سيبانا قاعدين لوحدنا ليه؟
عليااء
بجهز الفطار للعرايس وجيالك حالا..
دخلت علياء المطبخ وليلي قالت لروان
قومي ساعدي عمتك بدل ما قعدالي زي البطه البلدي كده
روان
بس والنبي يا ماما انا مخنوقه لوحدي..
ليلي
وايه اللي خانقك يا بت فيها ايه لما تساعدي حماتك..
روان
هدومي هتبووظ ومش عايزه اغير تاني
ليلي
انتي ايه اللي جايبك معانا اصلا؟
رضوي
جايه تغير جو وتحضر خطوبتي يا ماما
ليلي
كانت تستني تيجي مع جوزها وحماتها
رضوي
عادي يا ماما هتيجي تقعد معانا كام. يوم كده..
ليلي
مش قصدي حاجه بس عشان جوزها ما يزعلش
رضوي
يتفلق مش كفايه حبسته ليها في البيت في الشهور، هو نسي نفسه متجوز مين اصلا
ليلي
طيب خليكي محضر خير يا بت الجزمه، واختك وانا بقولها قدامها اهو مالهاااش غير الحبسه، هقوم انا اسااعد عمتكم شوفو الشنط انتو عشان ما ننساش حاجه..
ــــــــــ #بقلم_الكاتبه_رحاب_القاضي ــــــــ
_وفي اوضة اسرار وكمال كانت قااعده قدام المرايا بتظبط في حجااابها وبصت لكمال اللي لسه نايم، وقاامت وقربت منه وقالت بهدوء..
اسرار
كمال يا كمال..
رد. عليها وقال بضيق
في ايه يا أسرار
اسرار
يلا عشان نفطر وننزل..
كمال
واحنا ايه اللي هينزلنا دلوقتي؟
اسرار
مش في قرايبك ماشيين وهنسلم عليهم
كمال
لا لا فكك انا عايز اناام لسه الوقت بدري..
اسرار
ده احنا داخلين علي الضهر..
كمال بحده
يووه يا اسرار قولتلك عايز انااام، وبعدين انا ما بحبش اصحي بدري وانتي كمان اقفلي النور ده ونامي..
اسرار
مش جايلي نوم انا هستنااهم يمشو وهنزل اقعد مع روان ومرت عمي..
كمال بصلها بحده وقال
انا قولت ما فيش نزول ونامي يبقي تسمعي الكلام، اخلصي يلا واقفلي النور ده..
_قال كلامه واداها ضهره وناام وهي قاامت غيرت هدومها وقفلت النور ونامت جنبيه وهي مضايقه ان مش جايلها نوم ومش عارفه تقووم من جنبيه ولا تطلع من الاوضه..
ــــــــــ #بقلم_الكاتبه_رحاب_القاضي ــــــــ
_وفي بيت سيف كان قااعد علي سريره ووشه كله كدمات وشرين قااعده جنبيه بتعماه كمدات وقالتله..
شرين
انا مش عايزه مشااكل بينك وبين اهلك، بس انت كنت روحت عملت في اخوها ده محضر انت رايح تشووف بنتك وهو اتهجم عليك
سيف
انا اللي اتعصبت ومن غير ما احس مديت ايدي علي ريناد الاول
شرين
ما هو حقك يا حبيبي دي عايزه تأذي مراتك وانت كنت بتدافع عني، بس انت متأكد انها مش معاها نسخه تانيه من الفديو؟
سيف
ايوه متأكد اللي هموت واعرفه اين علاقة ريناد. بأبن الصاوي..
شرين
اهو ده اللي مخليني مفرووسه منها عرفت تلعبها صح وانا اللي خسرت
سيف
قصدك. ايه؟
شرين
مش قصدي حاجه بس انت لازم توقف الجوازه دي..
سيف
هو ده اللي لازم يحصل انا بنتي ما تتربااش مع رااجل غريب، يا اما بقي اخد انا بنتي وتتجوز براحتها..
شرين بحقد
انا مش عارفه يزن الصاوي ده ايه اللي عاجبه في واحده زي ريناد مطلقه ومعاها بنت، في حاجه مش واضحه في الموضوع ده،اما نشووف وقعتي عليه ازاي ده يا ريناد..
ــــــــــ #بقلم_الكاتبه_رحاب_القاضي ــــــــ
_وبالليل في بيت يونس الصاوي كان قااعد يووسف مع يزن في شقته وكان بيكلم رضوي وبيقولها؟.
يوسف
لا بكره هنروح انا وانتي نجيب الشبكه وبعدين نيجي بالليل بقي عندكم نعمل الخطوبه..
رضوي
يا يوسف احنا لسه راجعين نرتاح شويه من السفر وكده
يوسف
طيب خلاص نجيب الشبكه بس
رضوي
ما يوم الخطوبه نجيبها بقي
يزن
يا رضوي عندنا شغل سيبك. من الواد ده والخطوبه وركزي في شغلك
رضوي
اخوك معاه حق يا يوسف اقفل بقي عشاان بشتغل
يوسف بص ليزن بغيظ زقال
ارتحت اهي هتقفل يا حقوود، غيران مننا ليه؟
يزن
وانا هغير علي ايه ده ليها الجنه، ده. انتو من لما رجعتو الموبيل ما نزلش علي ودنك.
يوسف
حقي يا حبيبي. مش خطبت اللي بحبها. وبعشقها كمان ولا ايه يا عروسه
رضوي
لا ما انت تديني مساحتي برضو وبعدين بقولك. عندي شغل...
يوسف
اقفلي يا رضوي وخلي شغلك ينفعك. يا اختي وشوفي وقت تبقي فاضيه فيه وقوليلي عشان نجيب الشبكه
رضوي
حاضر.. باي باي..
قفل معاها ويزن قاله بجديه
خف. شويه ما تخنقهاااش منك البنات ما بتحبش الراجل المدلوق
يوسف بسخريه
وانا هاخد منك انت نصايح، ده. انت البنت الوحيده اللي عرفتها في حيااتك اتجوزتها
يزن.
طبعا عشااان. انا راااجل محترم مش زيك يا نسوانجي، وبعدين قولي عملت ايه في موضوع نيللي
يوسف بضيق
مالها نيللي. ما خلاص هي في حالها وانا في حالي
يزن
بعد. اللي حصل بينكم.، هو انت ليه مش مستوعب انك اذيت بنت مالهاااش ذنب في اي حاجه غير انخة وثقت فيك
يوسف
ما تكبرش الموضوع يا يزن وبعدين موضوع نيللي اتقفل خلاص، وانا ما فيش حد هيبقي في حياتي تاني غير رضوي، هشتغل وهعمل اي حاجه تخليني في نظرها شخص مناسب وعمري ما هخليها تحس انها ندمت انها اختارتني..
يزن
طيب لو نيللي اتكلمت..
يوسف
تولع هي واللي جابوها انا ما ضربتش حد علي ايده
يزن
انت هتكدب وتصدق ولا ايه
يوسف
اقفل الموضوع ده يا يزن لو سمحت، نكدت عليا يا عمم اما اكلم رضوي تظبطلي المود. تاني..
قااام يزن وقال بغيظ
اقسم بالله ليها الجنه بس بجد عااش ليها ده ات البنات هي اللي كانت تجري وراااك وتجيلك لحد البيت عشان ما بتردش عليهم، رضوي اخدت حقهم كلهم..
يوسف
اهي ما بتردش من اولها رووح بقي شووف هتعنل اما اشووف الهانم كرفالي ليه من اولها...
_وفي البيت تحت كانت قااااعده شهد هي ويونس وكالعاده ساكته وبتقلب في موبيلها، فأتنهد هو بضيق وقال..
يونس
هو انتي بتعملي ايه علي الموبيل؟
شهد
بتسلي بقلب علي الانستا شويه بكلم جميله وهاجر وفيروز شويه..
يونس
هتعزميهم علي خطوبة يوسف؟..
قفلت الموبيل وردت عليه
لا يوسف قال مش عايز غير احنا وعيلة رضوي، ممكن فيروز هي اللي تيجي
يونس
وهاجر ما هي ام حامد وتعتبر من العيله
شهد
ما هو يوسف قال كمان مش عايز عيلة محمد اخوك يحضرو..
يونس بحده
نعمم ده اخويا انتو عايزين تشيلوووه مني ولا ايه؟
شهد
ياربي لا اعزمه واعزم عائشه كمان اللي كانت خطيبة يوسف القديمه، واعزم حامد اللي هو ويوسف ما بقوش طايقين بعض وكان عايز يخطب رضوي وابقي حل وقتها المشااكل اللي هتحصل يا عم المصلح الاجتماعي
يونس
هعزم محمد اخويا بس يباركلنا الخطوبه ده بركه ده، هو احنا لينا بركه الا هو..
شهد
اللي عايز تعزمه اعزمه بس نحدد. معاد الاول
يونس
الاستاذ حسن عازم عنده يوسف عشان يتعرف عليهم اكتر ويبقي يحددو سوا المعاد..
شهد
طيب كويس..
يونس بخبث
كلمتي زيد؟
بصتله شهد بعدم فهم وهو قال
عشان تطمني عليه وكده؟
شهد
لا بطمن عليه من ياسمين انا ويارا، ولو مش مصدقني موبيلي اهو شوول بنفسك اخر مره كلمته امتي..
قالت كلامها ورمتلن الموبيل بتاعها قدامه وقبل ما يرد عليها نزل يزن عندهم، فاتنهد بضيق وسكت..
يزن
ايه يا جماعه في حاجه ولا ايه؟
شهد ابتسمت وقالت
لا يا حبيبي ما فيش حاجه، انت خارج ولا ايه؟
يزن
لا انا جاااي اقعد معاكم شويه...
يونس
تبقي عايز حاجه، شغلك كويس؟
يزن
ايوه الحمد لله زي الفل، انا بس يعني كنت عايز اقولكم اني لقيت بنت الحلال وان شاء الله قريب اووي هتقدملها وهتجوزها..
شهد ابتسمت وقالت
ربنا يسعدك يا حبيبي ويتمملك بخير
يونس
يا ستي استني مش نعرف هي مين الاول، اصل البيه اختياراته في الستات تجيب الكافيه..
شهد
ده. نصيب يا يونس ما حدش يعرف الخير فين بدل ما تقول الكلام ده ادعيله ان ربنا يعوضه..
يونس
سيبك من امك وقولي بنت مين دي ومن عيلة مين دي؟
يزن بهدوء
هي من عيله حضرتك. تعرفها وبينا نسب واتنين، انا عليز اخطب ريناد بنت الاستاذ حسن اخت رضوي..
يونس
هو في ايه العيله دي عملالكم سحر ولا ايه، بس كويس العيله دي محترمه وانا بحبهم كلهم، خاا حاطط عينك علي انهي واحده دي اصغر ولا اكبر من رضوي
يزن
لا يا بابا دي اختها التوأم وبنت كويسه جدا ومحترمه جدا..
يونس
ما فيش شك دول نااس محترمين ومتأصلين، قولي بقي انت شوفتها فين ولا عرفتها ازاي
ابتسمت شهد ويزن قال بحماس
هي صدفه اتقابلنا اكتر من مره صدفه، وشويه شويه اتعرفنا وطلعت ظروفنا شبه بعض وفي وقت قليل قدرت اشوف فيها مميزات كتير تخليني اتجوزها وانا مطمن المره دي..
شهد
ربنا يتمملك بخير يا حبيبي.
يونس
استنو بس هو يعني ايه انت وهي نفس الظروف هي مطلقه زيك ولا ارمله ولا ايه الحكايه؟
يزن
مطلقه يا بابا ومعاها بنت صغيره بس مش مشكله معايا وو..
يونس بحده
تخرس خالص هو انت هتفضل لحد امتي اهبل كده...
شهد
في ايه يا يونس بتكلمه كده ليه؟
يونس
انتي كمان تخرسي خالص وقاعده تطبليله علي ايه، ايه، طيب اخوك هيتجوز رضوي واكبر سنه وقولنا مش مشكله لكن انت ايه اللي يجبرك تتجوز واحده اكبر منك وكمان. خرج بيت ومعاها عيل ليييه ناقصك ايه
يزن بجديه
وهي ناقصها ايه برضو دي بنت الف مليوووان واحد. يتمناها
يونس
تاخد واحد غيرك. انت، يا ابني انت لسه صغير وشااب زي الفل ليه ترمي نفسك في جوازه زي. دي، سيبك منها ولو عايز تتجوز عروستك موجوده بنت صغيره وانت اول بختها ومن عيله كبيره..
شهد
قصدك. مين يا يونس
يونس
نيللي بنت الجرجيري ما حصلش نصيب بينها وبين يوسف اتجوزها انت واهي وحيدة ابوها وامها يعني هتورث شئ وشوياات
يزن قام وقال بعصبيه
مستحيل طبعا اتجوز البنت دي
وقف يونس قدامه وقال
وانا بقولك اهو مش هتتجوز غير اللي علي مزاجي انا، سيبتك تختار قبل كده والنتيجه كانت ايه كان البيت ده هيتخرب وكانت عملااك زي الخرووف معاها يا اهبل..
يزن بنبره حزينه
شكرا يا بابا كتر الف خيرك المعايره جات منك انت وما جاتش من حد غريب، بس انا بقولهالك اهو يا اتجوز ريناد يا هيسيب البيت كله وحياتك كلها وهتجوزها برضو عشااان انا مش صغير..
ـ قال كلامه ومشي وجات شهد تروح ورااه بس يونس مسك. ايدها وقالها بنبره غاضبه..
يونس
عقلي ابنك يا شهد غشان. دي تربيتك ليهم، ولادك بيقفو في وشي بسببك انتي، واقسم بالله لو عمل حاجه من ورايا لاوريه اياام سودا.
شهد بحده
سيب ايدي وكفاااايه بقي انت. مالك بيه ما يتجوز اللي هو عايزها ليه كل حاجه معتك صعبه كده. حرااام عليك يا يونس كفايه بجد ارحمنا من. همجيتك دي، ولو بسيبك تتحكم فيا انا وبسكت فكله الا ولادي وجواز يزن من البنت اللي عايزها في كفه وقعدتي معاك في الكفه التانيه يا يونس..
يونس بغضب
انا ما بتهددش واللي انا عايزه هيتنفذ يا شهد عايزه تمشي في ستين داهيه، ما هما هيطلعو اغبيه لمين غير ليكي..
_بصتله بدموع وحزن وسابته وكانت رايحه ورا يزن بس لقيت يوووسف نااازل من فووق وقالها بهدووء..
يوسف
خليكي يا ماما انا هروح ليزن
شهد بدموع
خليك مع اخوك وطمنه انا هقنع ابوك يوافق بريناد، قوله يطمن هيتجوز البنت اللي عايزها وما حدش هيمنعه..
باس يوسف راسها وقال بابتسامه بسيطه
ربنا يخليكي لينا يا احن ام في الدنيا..
قال كلامه ومشي ويونس قالها بحده
ما حدش مقويهم عليا ومخليهم شايفني وحش غيرك، منك لله يا شيخه...
_ بصتله بسخريه وغضب وسابته وطلعت فووق وكانت يارا وقفه وشكلها خاايف جدا فمسكت شهد ايدها وقالت بهدوء..
شهد
في ايه هي اول مره نتخاانق..
يارا
يزن زعل اووي شوفتي بابا قاله ايه
شهد
وفيها ايه ده ابوكم هو حد غريب واكيد ما يقصدش، تعالي نقعد جوه نشووف هنعمل ايه في خطوبة يووسف..
ابتسمت يارا بهدوء وقالت
ماشي يا مامي يلا بينا..
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن كانت ريناد قااعده مع ليلي وقالتلها اللي عمله طارق في هنا..
لطمت ليلي علي وشها وقالت
يا نهار اسود ده لو ابوكي شم خبر هيشرب من دمه..
ريناد
ما هو بابا لازم يعرف برضو عشان يوقفه عند حده، ي مش شايفه هنا حالتها بقيت عامله ازاي
ليلي
نقول ايه اروح اقوله ايه ابنك الدكتور المحترم الراجل اللي كان سايبه معاكي اتحرش بالامانه اللي عندنا، استغفر الله العظيم يااارب اقول ايه بس ليه كده يا طارق ليه كده ما فيش فرحه كامله لينا ليه..
ريناد
يعني هنسكت يا ماما؟
ليلي
ايوه نسكت وانا هعرف اوقفه عند حده واخليه مالوش دعوه بيها خالص، ابوكي تعبان برضو وما يتحملش اللي بيحصل ده كفايه زعله لما عرف اللي هببه سي زفت سيف ابن اخته..
_كانت ليلي بتتكلم ومش واخده بالها من روووفان اللي كانت واقفه عند الباب وسامعه كل كلامهم ورااحت بسرعه عند حسن اللي كان ماسك ورق خاص بالشغل بتاعه وبيراجع فيه..
قعدت جنبيه روفان وقالت
ابو علي..
حسن.
روحي العبي بره يا روفان انا مش فاضي يا حبيبتي..
قامت روفان وقالت
خلاص همشي..
وجات تمشي بس رجعت تاني وقالت
طيب اقولك طارق عمل ايه في هنا واحنا مسافرين وبعدين همشي مش هعرف ما اقولش..
بصلها حسن بقلق وقال
انتي جيبتي الكلام ده منين يا بت؟
قعدت روفان جنبيه وقالت
من ماما سمعت ريناد بتقولها، واللي عملو طارق ده هو اللي مخلي هنا زعلانه ومش راضيه تلعب معانا ولا تكلم حد..
سابها حسن وقاام ورااح لـ ليلي وريناد ودخل من غير ما يخبط وقال لريناد بحده.
حسن
طارق عمل ايه مع هنا واحنا مسافرين؟
بصت ريناد لـ ليلي بنوف وليلي قالت بتوتر
عمل ايه يعني ايه الكلام ده يا حسن؟
حسن
روفااان تعالي هنا..
دخلت روفان وحسن قال
قولي اللي سمعتيه مدام امك كبرت وخرفت ولسه بتداري عليه فاااكراااه عيل صغير..
ليلي بقلق
اهدي يا حسن وانا هفهمك. كل حاجه، ده عيل غبي وطايش بس بالهداوه كده وانا هفهمك كل حاجه..
حسن. بغضب
رينااااد وحيااة بنتك تقولي الحقيقه اخوكي عمل ايه في هنا مد ايده عليها؟
ريناد بتوتر وقلق
لا هو بس حصل حوار كده وفهمه غلط وو..
روفان
لو انا اللي اقول طارق اتحمرش بهنا يا بابا انا سمعتها بتقول كده. لماما...
ليلي بصتلها بغضب وقالت
يا بت الجزمه ان ما قطعتلك لسااانك ده ما ابقاااش انا يا حربايه يا صغيره..
جريت روفاان وحسن قال بصدمه وعدم تصديق
الكلام ده بجد؟
ريناد بخوف
اهدي يا بابا هو الموضوع مش زي ما انت فاهم.
حسن بحده
حصل ولا لا انا حلفتك ببنتك يا ريناد.؟
ريناد بضيق
حصل..
_اتعصب حسن وسابهم وراااح بسرعه لشقة عزالدين وراحت ورااه هنا وريناد وهما بيحاولو يهدوه، وطلعت رضوي وروان وهنا من اوضتهم وهما مش فاهمين حاجه وراحو وراهم..
خبط حسن بكل قوته علي الباب وفتح عز وقال
في ايه يا حسن بتخبط كده ليه؟
دخل حسن وقال بغضب
طارق فين؟
ليلي بخوف
ابوس ايدك. يا حسن اتكلم معاها بالراحه وعرغه غلطه..
عز بقلق
في ايه يا جماعه ماله طارق عمل ايه..
دخل طارق في الوقت ده. من بره وقال
في ايه يا جماعه واقفين كده ليه؟
ذق حسن ايد ليلي وقال
اوعي. كده يا ليلي..
ووقف قدام. طارق وقال بحده
انا ومااشي قولتلك. ايه علي اخواتك..
_فهم طارق ان ابوه عرف اللي عمله مع هنا وقال بهدوء..
طارق
انا اسف يا بابا..
ضربه حسن بالقلم وقال بحده
اتفو علي تربيتك يا عديم. الاخلاق..
_خلص كلامه وضربه بقلم. تاني ورااح عز بسرعه وقف بينهم وقاله بحده..
عز
في ايه يا حسن بتضربه ليه ده اطول منك يا عمم..
حسن بغضب
ده. مش راااجل ده عيل، ياريتني ما قولتلك ما تسافرش ياريتك غورت في. داهيه ده انا ما فيش هم في حياتي اكبر منك يا فاااشل، تمشي من. بيتي دلوقتي وايااك اشووفك هنا تاني يا عديم التربيه غووور يلاا..
بصلهم طارق بحزن واتكلت عيونه دموع ومن غير ما يقول ولا كلمه مشي وساابهم.، وجات رضوي تروح ورااه فزعق فيها حسن وقال بحده
حسن
انتي غايره فين يا بت انتي اترزعي هنا وايااكم واحده فيكم. تكلمه او لو كلمكم تردو عليه، ولو واحده. عملت عكس اللي بقوله ده هكسر عضمها..
عز.
يا حسن اهدي شويه في ايه. ماله. طارق عمل ايه يعني؟
بص حسن بحده. لـ ليلي وقال
خلي الهانم. امه اللي بتداري عليه تقزلك ابنها الحيله عمل ايه...
وقال لهنا بجديه
وانتي ما كلمتنيش وقولتيلي ليه علي اللي عملو، مش انا متفق معاكي لو دايقك بنص كلمه تقوليلي..
عز
طيب سيب الموضوع ده. دلوقتي يلا يا بنات روحو كملو نوم ولا شوفو هتعملو ايه، وانتي معاهم يا ليلي..
ليلي مسحت. دموعها وقالت
حاضر يا عز..
_واخدت ليلي بناتها ومشيت. وحسن رااح قعد وحط رااسه بين ايديه وهو متعصب جدا، وعز عمل نفسه بيجيب ليه ماايه وكلم زين وقاله..
عز.
ايوه يا زين يا حبيبي انت فين؟
زين
في البيت يا بابا في حاجه ولا ايه؟
عز
عمك اتخانق مع طارق وطرده. من البيت، فروحله الكافي شوفه هناااك وخليك معاه وانا شويه وهجيلكم..
زين
لا حول ولا قوة الا بالله، ماااشي يا بابا انا رايحه حالا..
وقفل معاه عز واخد كوباية مايه وراح. قعد مع حسن وقاله بهدوء وجديه..
عز
خد. اشرب واهدي شويه، كل حاحه وليها حل..
حسن. بغضب
حل ايه يا عز الواطي اللي ما شافش تربيه اتح*رش بالبنت في غيابنا..
عز
ما الحل موجود. انت جوزهاله وكله هيبقي حلال..
حسن بغيظ.
اقسم بالله هقلع اللي في رجلي وانزل بيه علي دماغك ولا هقول اخويا الكبير ولا زفت، انت بارد. كده ليه يا اخي..
عز.
والله بكلمك. بجد. هو انت ليه موقف حال الواد كده، البت قدامه وعايشين في بيت واحد. وهو عايزها وطلبها في الحلال وانت رفضت اتحمل بقي دول شباب يا حسن هو انت ما كنتش شباب ولا ايه...
حسن.
انت فاهم غلط يا عز، هو عمل كده. مش برضاها يعني انت بتقول ايه وبتخليني اقول ايه، انا مااشي ده. انت تافهه
عز.
اقعد بس واهدي وفكر كده. معايا كويس، طاؤق اتجوز هنا وقعدو في الشقه اللي فوق واحنا ساعدناهم شويه بعد كده هيحصل ايه؟
حسن.
هيمرمط البت معاه وهيخليها تشووف ايااام سودا معاه وابقي انت ما صونتش الامانه
عز
غلط ده هيتحمل المسؤليه وعشان بيحبها هيتغير وهو معاها وهيبقي قد المسؤليه وهتشووف
حسن بسخريه
شووف مين بيتكلم نفس الكلمتين اللي قولتهم عشاان نجوظك مني زمان فااكر جوزوني وهتحمل المسؤليه وخليت الوليه تتجنن معاك وخسرتها هي وبناتك، وكررتها تاني في فيروز حوزهالي وانا هتلم وبهدلت السو معاك وخليتها تربي ابنها سنين لوحدها، انت اخر واحد. تقولي الكلمتين دول، ولو كان عندي اقتناع واحد في الميه ان طارق يتجوز هنا، دلوقتي بقي مستحيل
عز بخبث
براحتك المره دي تحرش بعد كده هتبقي فيهة عيال ويقلولك منك لله يا جدو ما كنت خليتهم يتجوزو بدل ما بقينا ولاد حرام..
حسن بنفااذ صبر
اخرس يا عز خالص وما تنكلمش معايا تاني في الموضوع ده..
_سكت عز وبان تأثير كلامه علي حسن اللي بدأ يخااف من كلام عز ليحصل فعلا..
_وفي شقة حسن اول ما دخلت ليلي دورت علي روفاان وقالت بعصبيه..
ليلي
هي فين هاتوهالي خرابة البيوت دي..
طلعتها ريناد من ورا الكنبه وقالت
اهي يا ماما خديها وربيها عشان تبطل تنقل الكلام..
روفان بخوف
لا لا والنبي يا بابا الحقنيييي.
مسكتها ليلي من شعرها وقالت
عجبك اللي حصل ده وحيااة امك لتتربي يا روفان ويا انا انتي... ووانتي يا هنا ادخلي اوضتي هربي البت دي وجيالك عايزااكي..
هنا بحزن
حاضر...
ــــــــــ #بقلم_الكاتبه_رحاب_القاضي ــــــــ
_وفضل الوضع اكتر من اسبوع علي الحال ده في بيت حسن الكل حزين علي غيااب طارق، ونفس الحال في بيت يونس الصاوي اللي كان واقف بيلبس قدام المرايا وصحيت شهد بصتله بضيق ورجعت نامت تاني فهو قالها بحده...
يونس
وبعدين هتفضلو كلكم قالبين وشكم عليا لحد. امتي..
قعدت شهد وقالت
لحد ما تعقل يا حبيبي وتكمل فرحتنا كلنا
يونس
هو انتي ليه محسساني اني مش بحب ابني ومش عايزله الخير، يا شهد هو ذنبه ايه يربي بنت واحد. تاني ويتجوز واحده في الظرووف دي..
قامت شهد وقالت
ومالها الظرووف دي بس يا يونس، البنت كويسه واهلها كويسين وبينا نسب واتنين وانا شوفت مامتها واخواتها وحبيتهم جدا، وموضوع انها مطلقه ده نصيب ما انا وانت اتطلقنا قبل كده هل وقتها انا كنت وحشه او فيا عيب الغلط كان منك ولو نسيت افكرك، وعلي فكره نفس الحكايه مع البنت جوزها خانها واتجوز عليها
يونس
حلو افرض بقي حبت ترجع لجوزها احنا بقي نعمل ايه، مش بتقولي بنهم بنت يعني وارد ترجع لجوزها
شهد
لا لا اطمن هي بتحب ابنك وابنك بيحبها انا اتكلمت مع يزن، وبلاش تقلل منه وتحسسه انه عشان فشل مره هيفضل طول عمره فاشل، احنا الاهل يا ي نس احنا اللي ندعم ولادنا ونهخليهم مش محتاجين لاي حاجه من حد، ويكونو واثقين في نفسهم واختياراتهم، ووالله ورحمة الغاليين كلهم انا عمري ما قسيتهم عليك ولا خليتهم يكرهوك..
اتنهد. يونس بضيق وقال
طيب يا شهد كلميه وقوليلو اني موافق بس نخلص من خطوبة اخوه الاول وبعدين نتكلم في الموضوع بتاعه هو نبقي عاقلين شويه ونتثل كفايه اللي هببه الزفت ابنك التاني..
حضنته شهد وقالت بسعاده
انا كنت عارفه انك هتوافق، ربنا يخليك لينا يا حبيبي..
ابتسم يونس وبعدها عنه بهدوء وقال بخبث
وفي الاخر بتزعلي لما اغير من ولادك، بزمتك بقالك اد. ايه ما حضنتنيش ولا قربتي مني كده، بس عشاان ابنك اهو فكل حاجه متااحه..
بعدت عنه شهد وقالت بتوتر
عادي يا يونس يعني، هغير هدومي وهنزل اعملك الفطار بنفسي النهارده...
مسك ايدها الاتنين وقال
لا ما الشغل مش مهم اووي النهارده، هفصل قااعد معاكي..
جات تتكلم فقال هو باعتراض
اييه ما فيش حاحه وراااكي من لما شغلك وقف وانتي نايمه علي طول، بقيتي فضيالي خلاص وبعدين مش كنت حبيبك وبتحضن من شويه رجعنا قلبنا ليه تاني..
ـ ابتسمت بهدووء علي كلامه وبكل رغم محاولاتها في الابتعاد عنه وزعلها منه، الا ان حبها ليه ديما بيكون الاقوي وبيخليها تتنازل عن اي حاجه مقابل انها ترضيه..
ــــــــــ #بقلم_الكاتبه_رحاب_القاضي ــــــــ
ـ وفي محل مجوهرات كبير جدا كانت قااعده رضوي مع طارق اللي قالها بصوت واطي..
طارق
افرحي يا بت هتلبسي المااظ وما فيش منه كمان..
رضوي
سيبك من ده دلوقتي، انت كويس؟
طارق
انا زي الفل حتي هرجع معاكي وهصالح ابوكي كمان وهخطب هنا..
رضوي
لا لا انت كده ناوي تخربها اكتر
طارق
لا ما فيش خراااب ولا حاجه ما تخافيش انا هحل كل حاجه، يوسف جه اهو..
رضوي
انت كنت فين؟
يوسف
كنت بختارلك كام حاجه حلوين تنقي منهم..
وقعد جنبيهم وقال
هاا ايه رئيك دي ارقي واغلي حاجات هنا..
رضوي
هو انت هتجيبلي الحاجات دي من فلوسك، ولا فلوس باباك يا يوسف..
يوسف
انا او بابا ايه اللي هيفرق؟
رضوي بجديه
لا هيفرق انا عايزه الشبكه بتاعتب تبقي من فلوسك انت جيبهالي انت بفلوسك انت مش فلوس باباك حتي لو دبله بس انا راضيه بيها..
ابتسم بهدوء وقال
تمام فهمتك بس انا الفلوس اللي عاملها من شغلي الفتره اللي عدت مع ابويا ما يجوش تمن طقم من هنا، وبعدين ما فيهاش مشكله لو ابويا ساعدني وانا بتجوز يا رضوي..
رضوي بضيق
براحتك يا يوسف..
يوسف
لا براحتك ايه وقلبة الوش دي، تعالي هنروح محل دهب نجيب دبلتين وزي الفل كده مش ده اللي انتي عايزااه وهشيل باقي الفلوس اللي معايا عشان الفرح والحاجات دي تمام يا برنسيسه رضوي..
ابتسمت رضوي وطارق قال بسخريه
من اولها كده هي اللي بتمشي كلامها
يوسف
خليها تتم بس الجوازه دي وبعدين ربك يعدلها يلا بينا..
ـوراخو فعلا لمحل دهب بسيط وكانت واقفه رضوي بتختار الدبله بتاعتها بحماااس وقالت ليوسف بحمااس
رضوي
ايه رئيك دي حلوه؟
يوسف
لا كبيره هاتي حاجه اصغر واخف شويه، علي قد فلوسي معلش..
رضوي بهدوء
حاضر هختار غيرها
ضحك يوسف وقال
تختاري غيرها ايه بس مش للدرجادي انا بهزر معاكي، هناخد الدبله دي وهناخد معاها خاتم كمان والسلسه دي حلوين ولا انتي عجبااكي حاجه تاني..
رضوي
مش عايزه اتقل عليك يا حبيبي..
يوسف ابتسم باتسااع وقال
يا ايه.. انا سمعت صح انتي قولتي يا حبيبي..
ابتسمت رضوي بخجل وقالت
خلاص بقي النااس حوالينا، وبجد يعني مش عايزه اتقل عليك..
يوسف
عارفه انا هاين عليا دلوقتي اروح اقطع نفسي شغل عشان اقدى احيبلك كل حاجه نفسك فيها قبل ما تطلبيها..
رضوي
الجيات اكتر يا سي يوسف، علي العموم اللي اختارتهم حلوين تعالي بقي نختار دبله ليك انت..
_وكملو اختيار مع بعض وهما الاتنين كانو في قمة السعاده، وما بعرفوش اللي مخبيه ليهم القدر..🤌
ــــــــــ #بقلم_الكاتبه_رحاب_القاضي ــــــــ
_وبعد شويه في بيت الاستاذ حسن كانت قااعده رروان في اوضتها لوحدها وهي ماسكه موبيلها وبتقلب في صور فرحها هي وعبدالله وعيونها كلها دموع، وبعدين فتحت الشاات بتاعه علي الوتسااب وبعتتله رساله صوتيه وقالت فيها بحزن..
روان
"عبدالله انا مش عارفه اقول لاهلي لحد دلوقتي علي موضوع طلاقنا، بتحجج واقول بعد خطوبة رضوي وعشان الوضع هنا مش احسن حاجه، بس انا بكدب علي نفسي انا مستنيااك ترجع وتصلح كل اللي حصل ده، انا والله بجد حبيتك ومستعده اعيش معاك بالطريقه اللي انت عايزها بس ما تسبنيش.."
ـ وقبل ما تبعت الرساله نزلت دموعها بحزن ومسحتها بسرعه وقالت لنفسها ببكاء..
روان
لا انا مش هقل من نفسي تاني عشانك ولا عشان غيرك يا عبدالله حتي لو روحي فيك..
دخلت عندها رضوي وقالت
انتي بتكلمي نفسك ولا ايه؟
روان
لا كنت بكلم صحابي، انا هناام اقفلي النور ده
رضوي قعدت قدامها وقالت
هو عبدالله ما اتكلمش؟
روان بدموع
لا ما اتكلمش ولا هيتكلم يا رضوي، انا عارفه عبدالله كويس هو الحاجه اللي بيتخلي عنها مش هيلف ويااخدها تاني..
رضوي
هو الخسران والله مش هتشوفي الشبكه بتاعتي..
روان ابتسمت وقالت
فين وريني..
دخلت عندهم ريناد وقالت
يا سلام وانا بنت البطه السودا يعني جايه توريها هي اول واحده الشبكه
رضوي
عشان ذوقها حلو اندهي لهنا كمان..
ريناد
يا هنا تعااالي بسرعه..
روان
ايه ده دي دهب؟!..
رضوي
ايوه فين المشكله؟
روان
ده انا عبدالله جابلي شبكه. الماااظ ويعتبر عبدالله مقارنتاً. بعيلة الصاوي فقير..
ضحكت رضوي وجات هنا هي وريناد اللي قالت
ايه ده دهب؟
رضوي
في ايه ياللي ايديكم. مش قادرين ترفعوها من الدهب انتي وهي، انا حبيت اجيب شبكه دهب انتو مالكم..
هنا
هي حلوه اووي بس ماما كانت من شويه بتكلم خالتكم وبتقولها انكم هتجيبو شبكه المااظ غاليه اووي
روان
استعدي لعلقه. معتبره من ست الكل يا اوختشي..
ريناد
بس والله حلوين دول يعدو ال200 الف برضو مبلغ كويس..
هنا
مبروكين عليكي يا رضوي وربنا يتمملك بخير..
رضوي
طيب نسيب الشبكه ويلا بينا كلنا كده بره. عشان طارق جااي دلوقتي وعايزنا كلنا نكون موجودين وهو بيصالح بابا واولنا هنا..
اتوترت هنا وبان عليها الضيق وقالت
حاضر يلا بينا..
ــــــــــ #بقلم_الكاتبه_رحاب_القاضي ــــــــ
_وفي الصعيد كانت واقفه علياء بره البيت هي وعبدالله وبيسلمو علي كمال وأسرار اللي كانو مسافرين القاهره..
كمال
خلاص يا ماما هبقي احيبهالك تاني..
ردت عليه علياء وهي رضوي في حضنها وقالت
انت علقتني بيها وجاي تاخدها مني، يا نااس دي اول حفيده ليا يعني قلبي كله ليها
رضوي
انا هجيلك تاني يا تيته وهقعد معاكي كتير انا وأسرار..
عبدالله
خلاص يا امي سيبي البت هي هتبقي مع ابوها واسرار وهنروحلهم وهيجو عندنا يعني هما مش مهاجرين..
واخد رضوي من حضن علياء وقالها بهدوء
ما فيش حضن بقي لعمو..
حضنته رضوي وقالت
هتوحشني اوي يا عمو..
كمال
كفايه محن بقي وسيبو بنتي في حالها..
قام عبدالله وقاله بجديه
طيب يا اخويا خلي بالك منهم كويس..
كمال
من. غير ما تقول يلا بينا يا أسرار..
سلمت أسرار علي علياء اللي حضنتها وقالت بهدوء
خلي بالك من جوزك ورضوي يا اسرار، وكلميني علي طول وطمنيني عليكي
اسرار
حاضر يا مرت عمي..
وسلمت علي عبدالله وقالت
مع السلامه يا عبدالله
مسك عبدالله ايدها بأديها الاتنين وقال بهدوء
خلي بالك من. نفسك وفي اي وقت تحتاجيني فيه هتلاقيني موجود وكمال لو زعلك. في اي حاجه كلميني برصو وهتلاقيني في صفك. حتي لو غلطانه برضو هقف في صفك...
ضحكت اسرار بهدوء وقالت
ربنا يخليك يا عبدالله اكيد هكلمك..
كمال بضيق
طيب خلصوني بقي مش هنباات هنا..
وسحب ايد اسرار من عبدالله بقوه واخدها وخلاها ركبت العربيه هي ورضوي وهو ركب جنبيهم واخدهم السواق ومشي، وكانت رضوي قاعده وسطيهم وقالت لاسرار..
رضوي
اسرار انا عايزه اقعد جتب الشباك..
اسرار
تعالي يا حبيبتي..
_خلتها اسرار تقعد جنب الشبااك وقعدت هي جنب كمال، اللي فجأه لف ايده علي وسطها وقربها ليه وقال بخبث..
كمال
عشان بس رضوي تاخد راحتها..
وشها قلب احمر وقالت بتوتر وخجل
انت اتجننت يا كمال شيل ايدك عيب كده..
كمال ابتسم بتسليه وقال
ومالو هشيلها دلوقتي الطريق لسه طويل..
اسرار بتوتر وقلق قالت لرضوي
رضوي انا تعبت يا حبيبتي مغلش تعالي اقعدي مكانك وخليني انا جنب الشبااك..
سمعت رضوي كلامها وكمال فضل يضحك عليها وعلي خجلها منه برغم انها بقيت مراته قولا وفعلا الا انها لسه بتتكسف وبشكل كبير ودي اكتر حاجه مخلياااه منجذب ليها..
_وفي البيت عند عبدالله كانت قااعده معاه عليااء في مكتبه وقالتله..
علياء
شايف بنت الحرام يعني خلف وابنه اللي بعوها هنا، احنا لازم ناخد بالنا كويس النااس دي مش هتسيبنا في حالنا
عبدالله
اطمنر يا ست الكل انا قدهم وقدود..
علياء
طيب ورد وعرفت مشيتها ليه، هتروح بقي ترد. مراتك وترجعها امتي؟
اتنهد عبدالله بضيق وقال
انا مستني منهم مكالمه عشان اخلص الموضوع ده. خالص، روان صفحه واتقفلت خلاص
علياء
انت بتحبها يا عبدالله ليه يا ابني توجع قلبك كده، وروان مش وحشه اووي عشان تطلقها وتسيبها كده...
عبدالله
لو سمحتي يا امي انا مرتاح كده، واقولك علي حاجه دوريلي علي عروسه كمان انا هتجوز..
علياء
تتجوز ايه بلا نيله، فكر كويس يا عبدالله روان انت بتحبها وهي موجوده في قلبك وما غيش حد. بيااخد. مكان حد.، فراجع نفسك يا حبيبي ورووح رجع مراتك، هستنااك تقولي يلا بينا يا امي نروح نجيب روان..
ـ قالت كلامها وطلعت من. عنده وهو فضل قااعد. بيفكر هيعمل ايه مع روان بعد ما طلقها..
ــــــــــ #بقلم_الكاتبه_رحاب_القاضي ــــــــ
_وفي الاتيليه بتاع فيروز. كانت قااعده هي وعز اللي قالها بنبره حزينه..
عز
انا عارف انك ما كنتيش هتصدقيني فجيبت ليكي التقارير اهي، خلاص شهر واحد وهموت يا فيروز..
فيروز بحزن
بعد الشر عليك يا عز، طيب ما فيش حل عمليه او علاج..
عز
للاسف ما فيش حاجه تفيد دلوقتي، انا ليا بس طلب واحد منك تسامحيني وتقبلي نتجوز ونغيش مع بعض انا وانتي وزين في بيت واحد، عايز اعيش صح في حيااه حلوه واموت وانا معاكم مش لوحدي يا فيروز، انا كل اللي طالبو تبقي جنبي يعني ماليش هدف تاني ده انا رااجل رجلي والقبر خلاص..
اتنهدت فيروز بحزن وقالت
انا هعمل بأصلي معاك ومش هتخلي عنك وهوافق اتجوزك وهكون جنبك علي طول، مهما كان بينا احنا في يوم من الاياام كنا متجوزين وابو ابني فانا موافقه يا عز..
عز ابتسم بدموع وقال
انا بشكرك جدا يا فيروز، ياريت دلوقتي بقي نخلص موضوع الجواز بينا وانا فهمت زين اننا هنتجوز وهو لما عرف موضوع مرضي وافق.
فيروز بحزن ودموع
ما كنتش قولتله يا عز يعني ده ما صدق انه بقاله اب ومتعلق بيك اووي..
كتم عز ضحكته وقال بحزن مصطنع
هحاول علي قد ما اقدر ابقي جنبه واعوضه عن غياابي السنين اللي عدت دي عشان يفتكرني ويفضل يدعيلي..
نزلت. دموع فيروز وقالت
اا انا هجيب حاجتي من فووق وجايه علي طول..
طلعت فيروز وهو ضحك بصووت عالي لفت نظر العمال اللي في محل كلهم والزباين فقالهم باحراج..
عز
سوري يا جماعه ما فيش حاجه..
وطلع موبيله وقال ليونس بصوت واطي في رساله
الخطه نجحت يا صايع يا ابن الصايع، فعلا اللي ما عندوش في حياته صاحب زيك يبقي مصاحبش، الخووف بقي لما فيروز تعرف اني بكدب عليها ربنا يستر..
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن كانو كلهم قااعدين مع طارق وحسن اللي شكله مدااايق جدا..
حسن
عايز ايه انا مش قولت ما اشوفش وشك هنا..
طارق
انا غلطان واستاهل اللي انت عملته واكتر كمان، بس احنا مش ملايكه وكلنا بنغلط..
حسن
هو انت بتسمي اللي عملته ده غلط، دي جريمه يا دكتور يا محترم ياللي بتطلع اجيال من تحت ايدك...
طارق
والله العظيم ما هتتكرر تاني يا بابا، وبعدين انا جاي اصلح كل حاجه وهتقدم لهنا من الاول ولو رفضتني هتقدم تاني وتالت لحد ما توافق بيا، عشان زي ما كلكم عارفين انا بحبها ومش عايز غيرها..
ابتسمت كلهم وبصو لهنا اللي بصت للارض بتوتر وضيق، وحسن قاله بجمود...
حسن
هعديها لو هنا وافقت عليك، مع اني متأكد انها هترفضك تاني بعد اللي هببته ده..
طارق
وانا موافق باللي هنا تقول عليه..
وقفت ليلي جنبيها وقالتلها بصوت واطي
عشاان خاطري وافقي وحلي المشكله اللي بينهم دي بقي؟
هنا بصت لحسن بهدوء وقالت
انا موافقه يا بابا..
_ابتسم طارق بأنتصار وحسن بصلها بصدمه وو؟....
تفتكرو بقي ايه اللي هيحصل؟
ــــــــــــــــــــــــــــــــــــــــــــــــ
#بقلم_الكاتبه_رحاب_القاضي
