رواية اخذت بذنب اخي الفصل الثالث عشر 13 والاخير بقلم سارة عادل
روح بزعيق:انت ازاي تتجرأ وتمسك ايدي يحيو ان بصتله بغضب ولسه هتضر به
مراد:اهدي دا انا الناس باصه علينا هيقولوا اي عليا دلوقتي
روح بصتله بغضب شدت ايديها واتجاهلته ولسه هتمشي مراد مسك ايديها تاني وقال ببرودذ:لما اكلمك تفضلي لعند لما اخلص كلامي
روح بصتله بغضب وقالت بتحذير:سيب ايدي وامشي من هنا بدل ما اصو ت والم الناس عليك
...:فيه حاجه يكابتن بيضايقك دا يا آنسة
مراد بغضب:دي مراتي
روح بصتله وقالت ببرود:أنا مش مراتك أنا طلي قتك سبني في حالي لو سمحت
مراد اتعصب لما لاحظ أن الناس بدأت تتجمع عليهم بسبب صوت روح العالي شدها ومشل لعند بيتها
روح بزعيق:انت معندكش دم عايز اي مني تاني انت مش طلق تني ايه اللي ليك عندي بقي عشان تفضل تلف حواليا
مراد ببرود:أنا هردك تاني يروح اسمعيني الاول بدل ما تعترضي وخلاص
روح تجاهلته وقربت لباب البيت تفتحه
مراد بغضب:روح اللي بتعمليه دا غلط اسمعي اللي هقولهولك الاول وبلاش تعاندي
روح بصتله ونفخت بضيق وقالت:اتفضل يا استاذ مراد قول اللي عندك
مراد بهدوء:ممكن تيجي معايا ودا اخر طلب هطلبه منك ومتخافيش أنا مستأذن من والدك
روح: وانا اجي معاك علي اساس اي
مراد:مش علي اساس حاجه دا طلب مني ليكي أنا مش بجبرك علي حاجه يا روح بس متعارضيش كلامي بغرض العناد علي قد ما عذبتك معايا انتي بردو ردتهالي يعني مش انا المذنب في الموضوع كله يا روح وبردو مش بعاتبك عشان تاخدي كلامي غلط أنا عايزك تصفي من ناحيتي بس
روح: تمام يلا بلاش كلام كتير ثواني هدخل اعمل حاجه وجيالك
بعد دقائق
روح بهمث:الو يبابا مراد جاي وعايزني اروح معاه وقال إنه قيلك
محمد:اه يبنتي روحي معاه أنا مديه الاذن روح اسمعيه للآخر وبلاش تتسرعي في قرارك صدقيني مراد اتغير لو حبيتي ادي نفسك فرصة
مراد من وراها:مش واثقة فيا خلاص اطمنتي يلا يستي نمشي
روح بغضب:عيب تتصنت علي كلامي
مراد بضحك:روح انتي مش بتتكلمي بعيد عني دا كل اللي بيني وبينك كام خطوة اكيد هسمع يعني
روح:خلاص خلاص هتقعد تبررلي
مراد:اعصابك بقت وحشة اوي مش مستحملالي كلمة مش عارف هنعيش سوا ازاي بعد كدا
روح باستهزاء :هنعيش سوا ااه دا في احلامك
.......
نسرين بدموع:عجبك يا ادهم قلتلي يومين ويروق ويجي يصالحك وابنك ولا حاطط اعتبار ليا
ادهم:اديله فرصته يسرين انتي مش عارفة ظروفه اي الايام دي
سيرين بغضب:مهما كانت ظروفه يسيب أمه مقهورة منه بالطريقة دي
ادهم:خلاص بقي بطلي عياط هو كل ما اقعد معاكي شوية تنكدي فيهم عايز سيرين المرحه راحت فين مع أن ساعات بتقلبي او اغلب الوقت بس مقدرش استغني عنك يحلو انت
سيرين:فايق اوي يا ادهم منتا مش حاسس باحساسي دلوقتي
ادهم:صدقيني مش هيسيبك زعلانه منه كتير روقي يسرين
..........
اي دا انت جايبني هنا ليه
مراد: فاكرة المكان دا
روح بغضب:روحني مش عايزة افضل هنا
مراد بهدوء:ممكن تسمعيني للآخر روح أنا عايز فرصة واحدة منك بس صدقيني هعوضك عن اي أذية سببتهالك وفكري أنا مش عايز اجابه منك دلوقتي بس مش عايزك تعاندي وترفضي وخلاص
روح ببرود:انسي يمراد ولا مفكرة ولا أنا عايزاك اطلع من حياتي بقي وسبني في حالي
مراد بصله بغضب نفخ بضيق وقال بهدوء:لو سمحتي يروح متحاوليش تعصبيني أنا بقلك فكري مش صعب يعني انتي ليه لسه مصممة تحطي الفوارق دي ما بينا وانا مش جاي اقلك مغلطتش فيكي أنا أذيتك ومعترف بكدا وهعوضك صدقيني
روح بصتله بشك في كلامه وقالت: حاضر هفكر يلا روحني
مراد:طب نشرب حاجه طيب وهجبلك المشروب المفضل ليكي شوفتي مش ناسي اهو
روح:لا شكرا مش عايزة حاجه
مراد:قاعد مع كتلة نكد بلي ريقي بكلمة حلوة حتي عارفة لو قلتي كلمة حاضر بس يكفيني منك
روح:انا حره اقول اللي عايزاه ولا كمان دي هتمنعني فيها
مراد بضحك:انتي ليه محسساني يروح إن كنت بصبحك وامسيكي بعلقة كل يوم
روح:مدا اللي كان ناقص
مراد:فكي التكشيرة دي بقي بهزر معاكي هو مينفعش معاكي الهزار
روح:بقلك هو انت لسه بتحب شروق اصلك اتأثرت عليها اوي علفكرا هيا كانت بتحبك بردو
مراد:مش كانت مراتي في يوم من الايام اه أنا مبكرهاش ولا بحبها الحب اللي كنت بحبهولها بس بعزها وليا مشاعر ليها لسه
روح:ممكن سؤال تاني بس تجاوب بصراحه
مراد:اتفضلي أسالي اللي انتي عايزاه حتي لو عايزة تسالي عن اموري الشخصية وعيلتي واي حاجه تخصني عادي براحتك خالص متتكسفيش
روح بسخرية:اتصدق انك رخم خلاص مش سألة
مراد:اي مش هتبقي مراتي بحقيقي من حقك تعرفي كل حاجه عني
روح:انت عايزني المرادي تأنيب ضمير ولا فيه اسباب تانية.عشان بس اكون علي نور
مراد:اقولك الحقيقة ولا ارضيكي بكلمتين
روح:مراد انت تعبا ن في دما غك خلص قول الحقيقة اي السؤال دا
بصراحه بقي يروح الفترة اللي مشيتي من البيت حسيت البيت كئيب جدا وكنت مخنوق ومش طايق ادخله بجد كنت مفكر أن البيت منكد بسببك بس طلع غير كدا خالص سبت البيت خالص حسيت أن مفيش حاجه اتغيرت وحاسس أن فيه حاجه ناقصة وطلع اللي كنت خايف منه
روح:خايف منه ليه هو انا بعبع
مراد:لا مش كدا انا عارف ان صعب تسامحيني بس في المقابل مش هسيبك لعند لما تقولي راضية عنك وبعدين سمعت حاجه كدا فرحتني جدا دا اللي خلاني اخد الخطوة دي
روح:اي هيا قولي
مراد بضحك:بلاش عشان مكسفكيش
روح بإصرار:والله لو مقلت همشي خلص يا مراد قول بقي
مراد:عرفت انك بتحبيني ومتقاطعيش وتنكري مش بكسفك عادي منا حبيت كتير قبل كدا بس مقدرش اقول حب ممكن اعجاب معرفش مشاعرك من ناحيتي اي دلوقتي بس اللي اعرفه ان قلبك طيب وهتسامحيني
روح بكسفه: ولا حبيتك ولا حاجه هحبك علي اي يعني كنت ملك جمال العالم مثلا دنتا كتلة برادة طفحت في حياتي واضطريت استحملها يلا برضي ضميري بس
مراد بهدوء:روح انا بحبك بجد وافقي
روح بتفكير:اوعدك أن هوافق يعني ممكن تديني شهر كدا استشير دماغي انت عارف دا قرار صعب جدا
مراد:شهر اي يروح أنا عايز ردك حالا مش هستني ثانية
روح:انت بحالات انت من شوية قيلي فكري براحتك ودلوقتي عايز رد عموما عندي شرط
مراد:اشرطي براحتك بروحي
روح بنفخ:مراد هلغي قراري بقي متعصبنيش أنا موافقة بس زي خطوبة في الاول شهر اشوفك بقي وقتها اتغيرت واكون مطمنالك يبقي مفيش اعتراض من ناحيتي
مراد:اللي تحبيه المهم تكوني مرتاحة بقلك اي أنا مش كدا قدام اي حد انتي مش عارفه شخصيتي بس عشان خاطرك يجميل نلغي الشخصية خالص
روح:مش عارفة حاسه ان الفكرة هتتلغي دلوقتي مراد متتغرش في نفسك اوي محدش طايقك اصلا شفت قلوب الناس بتحبك ازاي د
مراد:ميهمنيش حد المهم انتي
...........
سيرين بدموع:متكبر تيجي تراضيني يمراد هان عليك كل الوقت دا
مراد بحزن:أنا حما ر بجد سامحيني يا امي انتي عارفه كلامي المندفع بس ميمنعش أن غلطت غلط جامد في حقك واتمني تسامحني بجد من قلبك
سيرين حضنته بفرحه وقالت:مسمحاك طبعا هو انا ليا في الدنيا غيرك
مراد بصوت منخفض:ماما روح وافقة ارجوكي متقلهاش اي حاجه تزعلها
سيرين بعدته بسرعة وقربت من روح
مراد كان قلبه بيدق خايف أن أمه تقول كلمة تزعلها أو تعمل حاجه
سيرين كانت واقفة قدام روح ووشها جامد
روح بتوتر:ازيك يا طنط انا اسفه علي اللي حصل مني قبل كدا
سيرين قاطعها بحضن وقالت بأسف:أنا اللي اسفه جدا علي اللي قلته ليكي انا اللي كنت وحشه معاكي من الاول سامحيني يبنتي انتي مش عارفة مراد بالنسبالي اي وكنت مفكرة أن انتي طمعانة فيه
روح:متقوليش كدا يطنط طبعا مسمحاكي وانا بتأسف برود علي اسلوبي الوحش ابنك كان مجن ني
مراد بغمزة:مج ننك بحبي طبعا
روح بكسوف:مراد اسكت
مراد بضحك: حاضر هو انا ليا حد انكشه غيرك
سيرين:يلا يبكاش دحنا كنا بنشحت منك الضحكة حتي
مراد بضحك:بلاش فضايح بقي يا امي جاريني في الكلام
سيرين:واخدع بنتي يعني انسي يمراد بقي عارف لو سمعت انك زعلتها هتشوف اللي هعمله فيك
مراد بضحك:خلاص اتحالفتو عليا أنا اللي جبته لنفسي
تمت
اخذت بذنب اخي الأخيرة
تمت
