رواية يتيمة في قبضة صعيدي الفصل السابع والعشرون 27 بقلم نرمين حمدي
#يتيمة_في_قبضة_صعيدي
ثم جاء الدكتور: اية يااستاذه ملك... انتي كويسه دلوقتي؟
ملك: اه كويسه يادكتور... ممكن امشي ولا لسه؟
الدكتور: لا خلاص كدا.. هكتبلك تصريح بالخروج وراجع
ملك هزت راسها
عز قرب منها عشان يساعدها تقوم بس ملك بطفوله: ابعد انت ملكش دعوه بيا
عز ابتسم ابتسامه صغيره وعينه بتلمع كل تصرفاتها بتخليه يقع فيها أكتر: طيب المفروض اعمل ايه عشان ارضيكي
ملك قامت ببطئ وجليله ساعدتها: ليه هو انت فاكر اننا هنتحاسب هنا ولا ايه؟ لا ياحبيبي اتقل بس
عز: طيب بما اننا مش هنتحاسب هنا ف..
اتجه ليها وشالها وعينها وقعت في عينه: فالقمر يتشال ميمشيش علي رجله
جليله ضحكت علي الموقف: طيب بالنسبه للبطانيه بتعت المستشفي دي ناوي تاخدها معاك ولا ايه هههه
عز بص لملك: اقلعها؟
ملك ضيقت عنيها وسكتت شويه ثم قالت: اقلعها... بس لو قطه حتي بصتلك هيبقي يومك مش معدي
عز بضحك: قولي يارب
جليله ساعدته وشالت البطانيه من عليه ومشيوا بعد ماخدو التصريح
عز ماشي في الطرقه وهو شايل ملك وهي مكسوفه جدا، عينه كانت عليها هي وبس كأنه مفيش في العالم دا غيرها
الممرضات ماشين يضحكوله، وهو ثابت ولا واحده هزته غير صغيرته، الي مش بس هزته دي دوبته وخلته مش شايف غيرها
ملك همستله: نزلني.. نزلني خليهم يشوفوا باقي عضلاتك
عز بضحك: كبري دماغك بقي... انا مش شايف غيرك
ملك بصتله وابتسمت ولكن جواها بتغلي
&&&&&&&&&&&&&
في أحد الاماكن العامه كانت نسمه ترتدي ملابس جريئه وتجلس علي أحد المقاعد، كل دقيقتين تبص في الساعه: معقول ميجيش؟ لا لا أكيد هيجي
عدا حوالي نص ساعه وسليم لسه مجاش: لا بقي كدا كتير... مش نسمه الي يتعمل فيها كدا ياسليم
وفجأه ظهر سليم وهو جاي من بعيد، كان جنتل مان اووي، ماشي ثابت مبصش يمينولا شمال، نسمه كانت هتتجنن عليه، قلع النضاره لما شاف نسمه بتشاورله وعرف انها هي، لانه ميعرفش شكلها اصلا
سليم اتجهه ناحيتها وقعد من غير ولا كلمه، ونسمه مدت ايديها عشان تسلم: ازيك ياسليم
سليم بص لايديها وبهدوء ومسلمش: ايه الموضوع الي عايزاني فيه
نسمه اتحرجت ورجعت ايديها: اااا طيب استني شويه مالك داخل سخن كدا ليه
سليم: معنديش وقت اضيعه... عندي شغل خلصيني
نسمه: الاول اعرفك بنفسي.. انا نسمه عندي 20 سنه، صحبه رضوي ومبتخبيش عني حاجه
سليم: وبعدين
نسمه: انا جايه احذرك.. نوايا رضوي مش كويسه، ياما حذرتها من الي بتعمله بس هي دماغها ناشفه
سليم: متخليكي أوضح من كدا.. أنا مبحبش اللف والدوران
نسمه: عز لا اول ولا اخر راجل في حياه رضوي... رضوي معلش يعني في الكلمه كل يوم في حضن راجل شكل
سليم الدم غلي في عروقه: انتي اتجننتي؟ الي بتتكلمي عنها دي تبقي مراتي واي حد يفكر يمسها بكلمه هخفيه من علي وش الارض... خلي بالك من كلامك أحسنلك
نسمه: انا مقدره غضبك دا مفيش راجل هيستحمل الي انا بقوله.. بس هي دي الحقيقه ياسليم رضوي مش ذي ماانت متخيل
سليم: وانتي بقي الملاك البرئ الي جايه تخرب بيت صحبتها مش كدا؟
نسمه: انا مش ملاك... انا عايزه مصلحتك... رضوي بتلعب بيك وانت تستاهل وحده أحسن من رضوي تشيل إسمك... وانا جايه اثبتلك بالصور انها كدا
سليم للحظه حس بنغزه في قلبه: وريني
نسمه فتحت تليفونها ووريتله صوره لرضوي مع راجل غير عز، عينه بقت كلها غضب، بركان في صدره، حاسس انه عايز يهد البيت فوقيها
سليم بيحاول يتماسك: ابعتي الصوره
نسمه بعتتها
سليم: هاتي تليفونك
نسمه: ليه
سليم بزعيق: هااااتيه
سليم اخد التليفون ومس الصوره من عندها: ايه جاب الصوره دي عندك؟
نسمه بدأت تتوتر: ااا قولتلك رضوي مبتخبيش عني حاجه
سليم بنبره فيها تحذير: اقسم بالي خلقني وخلقك لو كلامك طلع لعبه من لعب الاو*ساخ والله لو سافرتي برا الكره الارضيه كلها لجيبك
نسمه ابتلع ريقها ببطئ: واانا هكدب ليه... الصوره قدامك اهي
سليم أخد تليفونه ومفاتيحه ومشي
والارض بتشتكي من ثقل خطواته
&&&&&&&&&&&&&&
في قصر الجبالي
عز وملك وجليله وصلو
جليله: روحي ارتاحي ياملك... وانا هقول لسعيد تجهزلك حاجه تاكليها
ملك: حاضر ياماما +وانت ياريت بقي تلبس تيشرت احنا بقينا في البيت
عز وملك طلعوا اوضتهم
ملك بغضب طفولي وهي واقفه قدامه دراعها متشابك بعصبيه، وعيونها بتلمع بغضب طفولي: براڤو عليك ياعز.... كنت كأنك بطل أفلام حضرتك
عز: طيب اعمل ايه أسيبك تموتي يعني
ملك: لا ازاي؟ توديني المستشفي وتفرج عضلاتك للمستشفي كلها... دي البنات كانت هتاكلك بعنيها
عز قعد علي الكنبه وسند بايده عليها وهو بيملي عينه من غيرتها: وايه كمان؟!
ملك: وايه كمان!! انت عايز تجنني؟ ولا بتستفزني؟
عز بابتسامه سحبها وقعدها علي رجله: بتغير ياوحش ولا اية؟
ملك بزعل طفولي: علي فكره مش هاخد بالكلمتين دول ولا بحركاتك دي
عز حط ايده علي وسطها وشدها ليه أكتر: وأنا مش هنيمك زعلانه
ملك: وليه اتصالح بالسهوله دي؟ ماانت امبارح فضلت تزعقلي عشان بس ضحكت... اشمعنا انا يعني مش من حقي اغير انا كمان وانا شايفه البنات منزلتش عينها من عليك
عز ضحك: حقك تعملي الي انتي عايزاه يابنت الجبالي
ملك: اخد حقي ازااااي؟ اخد حقي ازااااي؟
عز فضل باصصلها بابتسامه ومستني هتعمل فيه ايه: خليكي حنينه هااا
ملك: ولوووو لازم ادفعك التمن غالي، وحيات كل عين بصتلك لاخليك تدفع التمن غالي
عز بضحك: وانا مالي هو انا الي بصتلهم، وهو انا كنت مركز مع حد غيرك اصلا
ملك قامت من علي رجله: بصتلهم... مبصتلهومش مش مشكلتي
، انا هروح اخد شاور ولما اخلص هفكر بقي هعمل فيك ايه
عز بضحك: هتقيمي عليا الحد ولا اية؟
ملك: والله جايز... بس افوقلك
ملك اخدت هدومها ودخلت الحمام تاخد شاور
وعز طلع علي البلكونه ساند بإيده علي السور وبيشرب سجاره، ظهر علي ملامحه الضيق، ازاي نسيت هي كانت في المستشفي ليه وركزت في البنات الي بصوله، هل دا حب ولا عدا مرحله الحب، ازاي أذيتها كدا، ازاي أذيت قلب مفيش منه
وبعد دقائق ملك خرجت وهي لابسه بيجامه اوڤر سايز وشعرها مبلول ومفرود علي جسم*ها، بصت حواليها ملقتش عز، تفقدت البلكونه لتجده قاعد سرحان وبيشرب سجاير كتير
ملك لقت نفسها بتتجهه ليه وبتحضنه من ضهره، حتي شعر بها عز، سحبها من دراعها حتي اصبحه امامه، مسح علي شعرها المبلول: في حد يطلع علي البلكونه بشعره المبلول؟ تتعبي
ملك بصت علي السجاير: سيبك مني... انت شربت سجاير كتير يبقي في حاجه مضايقاك
عز تنهد وحبسها بينه وبين سور البلكونه: مش مضايق
ملك مسكت في هدومه وبطفوله: لا مضايق حتي صوتك مضايق.. ولو مقولتليش السبب هزعل منك
عز ضحك غصب عنه كل حاجه فيها قادره انها تعدله مزاجه: يمكن عشان غيبتي عني شويه
ملك: عليا انا برضو الكلام دا ولا انت بتعمل كدا عشان اخفف الحكم
عز بضحك اكتر من الاول سحبها لحضنه: أه منك انتي...بتدخلي القلب من غير استأذان
ملك خرجت من حضنه ولكن لسه قريبه منه:بجد ياعز مضايق ليه
عز حط ايده علي وجهها:يمكن حاسس اني مستاهلش كل الحب ده
ملك:لية بتقول كدا
عز:الي بيحب حد مش بيأذيه
ملك:بس انت مأذتنيش.. انا الي غلطت لما ضحكت معاه
عز: الي انتي عملتيه اكيد غلط... ولو لمحتك بتعمليها تاني هقسمك نصين، بس برضو انا اتعصبت زياده عن اللزوم
ملك: هتجنني، انت بتجرح وتداوي؟
عز ضحك: بت انتي بتعتي، والي يفكر يقربلك
لتقاطعه ملك وتقلده: هخفيه من علي وش الارض فاهمه
عز بضحك: شطوره
ملك: تسمح بقي جنابك تسمع حكمي
عز: اسمع جدا... بس محتاج محامي عشان انت قاضي مفتري
لتضحك ملك: انت انهارده هتنام علي الكنبه
عز: كنبه؟! اتقي الله ياشيخه دا انا عندي انزلاق غضروفي
ملك: مش ذنبي عشان تبقي تعمل نفسك بطل افلام اوي
عز: بقي انا عز الجبالي الي مفيش مخلوق قدر يحاسبه، تيجي الي تحاكمه مش تحاسبه بس
ملك تقمصت الدور: اه القاضي خلاص حكم يامتهم
عز قرب منها وهو بيحاول يكتم ضحكته: يعني دا حكم نهائي؟! ولا ممكن أعمل استئناف؟
ملك بتفكر وهي عامله نفسها قاضي بجد: اممم.. ممكن نعمل اسئناف... بس لازم تكسب تعاطف القاضي
عز اتنهد وهو بيقرب من وشها اكتر: يعني لو قلت للقاضي اني هنام من غير حضنها انهارده ممكن قلبه يلين؟!
ملك حاولت تفضل محافظه علي ثباتها بس ضحكت غصب عنها: ااااا... بصراحه القاضي قلبه ضعيف، بس لازم تدفع كفاله
عز بصوت واطي وبابتسامه: قد ايه ياحضرت القاضي؟
ملك رفعت صباعها ناحيه جابينها: بوسه علي الجبين الاول
عز باسها علي جبينها بلطف ثم قال: كدا دفعت الكفالة؟
ملك بحزم: دفعت نصها... الباقي بقي حضن
عز ضحك وسحبها لحضنه بكل حنيه: "الحمدلله إن القاضي طلع قلبه أبيض"
ملك ضربته علي صد*ره بخفه: متاخدش علي كدا يامتهم
عز شدها برا حضنه: طيب ياحضرت القاضي تحب تسافر فين؟
ملك بفضول طفولي: نسافر؟
عز: عايز اخدك ونروح مكان مفهوش غير انا وانت بعيد عن الضغط وبعيد عن أي حاجه تضايقك
ملك: موافقه جداااااا
عز ضحك: خلاص جهزي الشنط وفكري عايزه تروحي فين وانا هوديكي
ملك: نروح الجونه نفسي اشوفها اوي او جزر المالديڤ
عز بضحك: نروح الاتنين ولا نزعل سياده القاضي مننا ليحكم علينا بالاعدام شنقا دلوقتي
ملك ضحكت: احلف بجد انك هتوديني ولا انت بتاخدني علي قد عقلي
عز سحبها ليه وحط ايده علي وجهها: والي خلقني وخلقك لو طلبتي الجليد نفسه لافرشهولك تحت رجليكي...اطلبي انتي بس وانا عليا التنفيذ
ملك حضنته بقوه:شكرا ياعز
عز:لقد ضعف القاضي..
ملك وعز ضحكوا
&&&&&&&&&&
عند رضوي
رضوي كانت في المطبخ ومشغله قناه يوتيوب بتحاول تتعلم كام أكله
رضوي لنفسها:براڤو يارضوي يجي منك والله
وفجأه صوت المفاتيح في الباب بيظهر ويعقبه دخول سليم وهو مولع
رضوي بتخرج:سليم انت جيت؟
سليم بصلها وعينه بطلع شراره:بقي انا اتخت*م علي قفايا للدرجادي
رضوي بقت ترجع لورا:فيه ايه ياسليم؟.. مالك؟
سليم مسكها من شعرها وفتح تليفونه ووراها الصوره: ااااااااية داااا؟ ياأو*سخ خلق الله
رضوي تتسع عيونها: والله معرف... والله معرف ياسليم دا ظلم وربنا مانا صدقنييييي
سليم وهو لسه ماسكها من شعرها: ورحمه أمي لو مقولتي علي كل حاجه دلوقتي لاكون قاتلك والي يحصل يحصل اخللللللللصي يابت
رضوي بتصرخ: اااه... والنبي تسيبني.. والله ماانا.. اكيد في حاجه غلط... انا معرفش مين الشخص دا اصلا
سليم رماها علي الارض ووطي ناحيتها وبهدوء مرعب: يعني مش هتقولي؟
رضوي بتزحف لورا بخوف: وربنا معرفه... صدقنني ياسليم أبوس إيدك متعاقبنيش بالطريقه دي
سليم بغضب جنوني: اعاقبك؟ دا انا الي بتعاقب بيكي ياروح امك... دا انتي طلعتي مدوراها وكل يوم مع راجل واحنا مش حاسين
رضوي بعياط: طيب طيب مين الي بعتلك الصور دي وانا اكدبه قدامك
سليم: حاجه متخصكيش... معاكي لاخر اليوم يارضوي لو مجتيش بنفسك وقولتي كل حاجه وقولتي فين الكلب الي متصوره معاه دا لاكون قاتلك والله لاقتلك
ياتري رضوي عملت كدا فعلا ولا لا وهتطلع من المصيبه دي ازاي؟ 😢
بعتذر علي تأخيري بس انا مضغوطه جدا والله وشكرا لكل الي بيقدر ❤
