رواية يتيمة في قبضة صعيدي الفصل الرابع والعشرون 24 بقلم نرمين حمدي
#يتيمة_في_قبضة_صعيدي
عز حاول يمسك نفسه وميتعصبش: اسمع... انا سايبلك الاداره الكامله هنيه بناءا علي اتفاقات قديمه بين ابويا وأبوك، رغم ان كل يوم بيجيلي شكوي منك بسبب طريقتك... فلو استمريت علي كديه متلومش إلا نفسك
سليم واقف غاضب:
أنا شريك هنا يا عز... مش موظف عندك.
عز قام من مكانه، نبرته تقيلة وفيها نُذر غضب:
وعشان شريك، أنا مستحملك لحد دلوقتي.
إنما لو كنت موظف؟ كنت مشيتك من بدري.
سليم بعناد:
أنا مش قليل علشان أبلع الإهانة وأقول ماشي.... الراجل غلط، واستفزني.
وإنت جاي تحاكمني؟!
عز قرب منه خطوة، عينه في عينه:
أنا بحمي اسم الشركة... وسمعتها.
وإنت بتدمرها بطريقتك دي
سليم بصوت عالي:
أنا اللي شايل خط الإنتاج كله على كتافي،
وأي تأخير أو خسارة، أول واحد بيتحاسب عليه أنا.
عز بهدوء ساخر:
وهو دا مبررك لضرب الناس؟
مش معنى إنك شايل خط الإنتاج إنك تهد كل الي بنينناه
سليم سكت للحظة… باين عليه التردد والغضب
عز كمل بصوت منخفض لكن نبرته حادة:
أنا سايبلك الإدارة بالاتفاق... بس لو شوفت إن وجودك ضرر على اسم الشركة،صدقني يا سليم، الشراكة هتفضل ورق... لكن الإدارة هتتسحب منك.
سليم رفع حواجبه بدهشة:
هتسحبها؟ على أي أساس؟
عز رجع لمكتبه، مسك فايل على المكتب ورماه قدامه:
على أساس البنود اللي أبوك وأبوي كتبوها بإيديهم...
كل حاجة لها ترتيب، ولو الإدارة فشلت... بيتسحب حق إدارتك ويظل لك حق الأرباح فقط.
سليم فتح الفايل وبص فيه، وشه اتغير شوية.
عز بثبات:
أنا مش طمعان في ورثك،
بس لو ماحترمتش الشركة وناسها، ساعتها…
هكون مجبر أحمي اللي بنيته، حتى لو ضدك.
لحظة صمت تقيلة
سليم بص له بنظرة فيها اعتراف مر:
أنا... كنت غلطان.
عز رفع حاجبه مستغرب الاعتراف.
سليم : بس مش هعتذر... مستعد ادفع اي تعويض هو عايزه غير كدا متستناش مني حاجه
عز بصوت حاد وهو باصص لسليم: معتزززز
ليدخل معتز: ايه ياعز
عز: سليم مستعد يدفعلك التعويض الي تتطلبه... قولت ايه؟
معتز: انا مش عايز حاجه غير انه يرد كرامتي قصاد الناس الي هاني قدامهم
عز بص لسليم: حقه
سليم: والمطلوب؟
معتذر: اسمع ياعز... انا برضو غلطت... وانا بعتذر علي غلطي... والتوريد هيوصل بكره ذي انت محكمت، وذي معتذرت انا مش هتنازل عن انه يعتذرلي
عز: عداك العيب يامعتز... ها ياسليم الراجل بادر واعتذر
سليم سكت للحظات ثم قال بهدوء: آسف... عشان الشغل ميوقفش بس
عز بصلهم هما الاتنين: كدا انتو الاتنين عرفتوا غلطكم... وياريت الي حصل دا ميتتكررش
معتز: ياسليم، انا عارف ان شغلك اهم حاجه في حياتك... والنتايج بتتكلم، بس التعامل مش كدا خالص
سليم: انا كنت مخنوق بس، وخنقتي طلعت عليك... فخلاص ننسي الي فات... وانا كمان مستعد اعتذر قدام الناس الي انفعلت عليك قدامهم
عز بصله بابتسامه خفيفه: هنطلع بيان رسمي بالاعتذار وان كل الي حصل كان سوء تفاهم
سليم ومعتز هزوا راسهم من غير ميتكلموا
معتز خرج وفضل سليم... كان هيقوم بس عز قاطعه: ايه الي خانقك؟
سليم بصله بنظره كأن بيلومه علي كل حاجه: اني أصلح غلطه حصلت بسببك دا ميخنقش؟
عز يرفع حاجبه: بسببي؟!
سليم: اه بسببك... ولا انت نسيت سبب جوازي من رضوي
عز: متحاسبنيش علي غلطتها... وبعدين رضوي صغيره مش فاهمه الدنيا كويس... بكره تعقل وتعرف مصلحتها فين
سليم: تعقل ولا متعقلش... ميهمنيش قال كلمته وهو ماشي
&&&&&&&&&&
في قصر الجبالي
ملك كانت في اوضتها بتسرح شعرها بعد ماأخدت شاور وموبايلها تحت في المطبخ، عز كان بيرن مره واتين وتلاته بس مفيش رد، قلق حس ان في حاجه حصلت، بعدها اتصل علي رقيه
رقيه: عز!
رقيه: ألو ياعز
عز بقلق: ملك فين؟
رقيه: ملك في أوضتها
عز: اديلها الموبايل
رقيه باستغراب من نبره صوته الي مليانه قلق: ماشي، اقفل وهبقي ارن عليك
عز: لا لا انا مستني
رقيه بتستغربه اكتر: ماشي
وطلعت فوق لملك خبطت عليها، وملك فتحت
ملك: في اية؟
رقيه: عز ع التليفون.. عايزك
ملك اخدت التليفون: ألو ياعز
عز بعصبيه وبنبره حاده: ايه هتصل علي البيت كله عشان أعرف أكلمك؟
ملك: في ايه اهدي
رقيه حست ان الوضع متوتر دلوقتي: طيب انا هنزل.. خلصي وتعالي
ملك هزت راسها ودخلت: في اية ياعز ليه كل العصبيه دي؟
عز: برن عليك خمسين مره ومش بتردي عايزاني ابقي ازاي مش فاهم؟
ملك: أنا أسفه... نسيت موبايلي تحت
عز هدأ نبرته شويه: انتي كويسه؟ تعبتي؟
ملك ابتسمت وفهمت سر عصبيته: ااااه.. قول كدا.. بقي انت عامل كل دا عشان قلقان عليا
عزوهو لسه متعصب: طيب اية هستني كتير عشان اعرف؟
ملك ضحكت: لا مش هتستني... اطمن انا كويسه...وبقيت كويسه أكتر لما سمعت صوتك
عز لسه مضايق تنهد ولكن بداخله كلمتها دخلت قلبه دشملته: لا والله؟...طيب اقفلي عشان مشتمش دلوقتي
ملك بعند: مش قافله
عز: أقفل أنا.. سلام
ملك بصت في التليفون بعد مقفل في وشها: دا عز الجبالي... هاتولي عز
ثم اتجهت للاسفل وأعطت لرقيه موبايلها
رقيه: اتهزقتي.. تستاهلي
ملك: سمعني كلمتين من الي قلبك يحبهم
رقيه: هو فيه ايه بالظبط
ملك بتوتر: اية؟
رقيه: عز مش مفهوم الايام دي... صوته وهو بيسأل عنك كان فيه حاجه غريبه
ملك: ااا مش عارفه لما يجي ابقي اسأليه
رقيه: باين عليكي اوي عنيكي فضحاكي ههههه
ملك بخجل بتحاول تخرج عن الموضوع: ااا هو تليفوني سيبته فين مشوفتيهوش
رقيه بتضحك: شوفيه في المطبخ
ملك جريت علي المطبخ وأخدت تليفونها ورنت علي عز
عز بنفس النبره الحاده: اخيرا افتكرتي ان ليكي موبايل
ملك بدلع بسيط ونبره هاديه: لسه زعلان؟
عز بنبره اهدي: انتي شايفه اني ماليش حق أزعل؟
ملك: لا ليك... بس انت سمعتني كلمتين وفوق دا كله زعلان
عز: احمدي ربنا انه مجرد كلام.. وانك مش قدامي دلوقتي
ملك بطفوله: طيب بصلي كدا... هتقدر تزعقلي؟
عز ضحك غصب عنه وهو ماسك التليفون ومش شايفها أصلا: أبصلك اية؟.. انتي فاكره نفسك في ڤيديو كول؟
ملك ضحكت: خلاص كدا بما انك ضحكت يبقي اتصافينا
عز: لاء
ملك: طيب خلاص بقي حقك عليا
عز: مش جليله انا.. مش هاخد بالكلمتين دول
ملك: خلي قلبك ابيض اومال
عز بغزل غير مباشر: قلبي؟ هو انا عارف اتلم علي قلبي اليومين دول
ملك قلبها دق جامد من كلمته وبعفويه: أسفه ياحبيبي والله مهتتكرر
عز اتجمد مكانه، عدل قعدته، وعمل نفسه مسمعش: انتي قولتي ايه؟
ملك: قولت أسفه ياحبيبببببي
عز والابتسامه اترسمت علي ملامحه ولكن سكت
ملك: هاا سامحتني ولا لسه؟
عز بنفاذ صبر: قال يعني انتي سبتيلي خيار تاني... منك لله يابعيده علي الي عملاه فيا ده
ملك ضحكت: شوفت انا شاطره ازاي
عز: شوفت، يامشكله الجبالي شوفت
ملك: مش مهم ابقي مشكله. بس المهم ابقي مشكلتك وتخصك
عز حط ايده علي راسه وهو بيضحك: هتجننيني... المهم عايزه حاجه اجبهالك وانا راجع
ملك سكتت شويه وهي بتفكر: أه.. ممكن شوكولاته
عز: شوكولاته؟ بس كدا؟
ملك: أه بس كدا
عز: طيب اعملي حسابك.. لو دخلت البيت ومشوفتكيش انتي اول وحده قدامي، مش مسؤليتي لو اديتها لاي حد اشوفه قدامي
ملك بهزار: هستناك من دلوقتي
عز: ماشي هههه... يلا سلام
ملك: سلام
عز قفل من هنا، اتكئ علي الكرسي وفضل باصص علي الموبايل وكلمه "حبيبي" بترن في أذنه ثم نادي علي يحيي
يحيي: نعم ياعز
عز: تعرف مكان عند شوكولاتات
يحيي باستغراب: اعرف اه بس ليه
عز: من غير ليه... عايزك تخليه يعملي جيفت كدا يحطلي فيه كل الانواع الغاليه... وعايزه معاهم هديه تكون **** و****
يحيي باندهاش: عز انت سخن؟. فيك حاجه يعني؟
عز: في اية يايحيي...انت شايفني تعبان؟
يحيي: لا بس غريب يعني... عموما حاضر
عز: طيب اخلص.. ومترغيش
&&&&&&&&&&&&&&&&&
بعد مرور ساعتين
ملك ورقيه وسعيده مشغولين في تجهيز السفره وملك عينها مبتنزلش من علي باب القصر، مستنيه عز بفارغ الصبر لتلاحظ رقيه: جاي.. جاي، مش هيبات برا
ملك باحراج: هاااا.. لا انا كنت
رقيه بهزار: ركزي في شغلك ياختي ركزي
وفجأه باب القصر بيتفتح ليدخل عز الجبالي، ملك بتجري عليه، كانت الصاله كلها فاضيه
ملك: حمدلله ع السلامه
عز بصلها بابتسامه: الله يسلمك ياباشا... عامله اية؟
ملك: كويسه
عز وهو ماسك الصندوق المغلف: تعالي
ملك: علي فين... وايه الي معاك ده
عز: علي أوضتنا... واصبري شويه
عز اخد ملك وطلعوا،
ملك بفرحه: الحاجه دي ليا صح؟
عز: للاسف
ملك ضحكت: يعني كل معصبك هتجبلي هديه؟
عز سحبها ليه: ميمكن جايبها عشان قولتي حاجه عجبتني
ملك بصتله بحب وحضنته: شكرا أوي
عز شد ايده حوليها: طيب يلا افتحيها
ملك خرجت من حضنه ومسكت الصندوق وبدأت تفتحه، اول مفتحته منظر الشكولاتات كان لوحده كفايه بنسبالها وباندهاش: كل دا ياعز... انا مطلبتش غير وحده
عز: كملي
ملك: هو في حاجه تاني
ملك نزلت ايديها كمان وخرجت بعلبه جلد لونها كحلي غامق ولقت جواها سلسله فاخره متدلي منها حرف ال M فيه حجر صغير من الزمرد
ملك كانت هتتجنن من جمالها: اية التحفه دي ياعز... انا لساني عاجز عن الكلام والله
عز بثبات: كملي
ملك: لا كدا كتير عليا
ملك نزلت ايديها تاني وخرجت بعلبه اصغر فتحتها لتجد اسوره فاخره برضو منقوش عليها بإتقان، وبحفر عميق إسم "عز الجبالي"بخط عربي فخم
ملك شافت اسمه، عينها لمعت، قلبها دق، الاسوره بالنسبالها افضل بكتير من السلسله والشوكولاته بصتله والدموع في عنيها بس منزلتش
عز قرب منها وقال بهدوء:" كل حاجه ليها علامه... وأنا مش بحط إسمي علي حاجه إلا لو كانت بتاعتي"
ملك بدموع: يعني أنا بتاعتك؟
عز: ملك عز الجبالي! تبقي بتعت مين غير عز الجبالي
فرحتوا؟ اتبسطوا؟ اجهزو للي جاي بقي🙂
