رواية مليكه والسحر الاسود الفصل الثالث 3 بقلم جمال المصري
بسم الحليم الكريم بسم رب العرش العظيم
#مليكة_والسحر_الاسود
#الحلقه_الثالثه
بقلمى جمال المصرى
خالد وهو يقلب في الكاميرات رجع لقي المشهد وباسم ابن عمو يدخل المنطقه وفضل ماشي وراه لحد ما كسر باب المحل وسرقوا وبسرعه دخل يصحي ابوه .توفيق بيفتح عنيه يلاقي خالد قدامه والقلق باين عليه و بيبص علي الساعه يلاقيها ٢ بليل خير يا ابني حصل حاجه ايوه يا حاج باسم وواحد معاه كسروا باب المحل وسرقوا الفلوس .توفيق قام مره وحده من السرير ربنا يسترها انا عارف اني باسم مش هيجيبها لبر خالد يهدي ابوه ما تقلقش يا حاج انا هاخد الفلوس من عينه .توفيق بعصبيه فلوس ايه يا خالد انا خايف من حاجه تاني الفلوس في ستين داهيه يلا تعالي نشوف الكاميرات وبعد ما شاف الكاميرات و اتاكد انه مشي من المنطقه بعد ما سرق الفلوس توفيق بيقعد علي الكرسي الحمد لله انه غار في داهيه بالفلوس خالد باستغراب انا مش فاهم حاجه يا حاج توفيق بياخد كباية مياه ويشرب انا كنت خايف انه يتهجم علي بيت عمك سمير خالد ضحك لا يا حاج باسم اجبن من كده توفيق بيتكلم بهدوء انت يا خالد متعرفش الزفت الي بيشربه بيعمل ايه في الواحد يخليه يحس انه الحاكم بامره ومره وحده قام توفيق مخضوض من مكانة وهو بيبص علي الشاشه قدامه خالد استغرب في ايه مالك يا حاج توفيق بصوت كله توتر شكل الي خايف منه هيحصل باسم رجع تاني ومعاه واحد ودخلوا العماره الي فيها شقة عمك سمير يلا بينا نلحقه قبل ما يعمل مصيبه رن علي اخواتك يحصلونا و طلعوا من الشقه يجرؤ وكان بينهم وبين بيت سمير حوالي ١٥ دقيقه بس طلعوا جري وبعد خمس دقايق كانو هناك واول ما وصلوا لقيوا سمير مرمي علي الارض سايح في دمه وباسم يشيل مليكه واول ما شاف عمو قدامه سابها علي الارض اوعي من قدامي يا عمي بدل ما اقتلك توفيق يقرب منه انت النقطه السوده في حياتي اعمل ايه عشان اخلص منك انا من اول ما مات ابوك وامك وانا شايلك انت و اختك ومستحمل المصائب بتاعتك و كلامكم الي زي الرصاص وبعد ده كله توصل معاك انك تخطف بنت صاحبي واخويا يا خسيس ونزل ضرب فيه صاحبه اول ما شاف كده سابه ونزل جري عشان يهرب خالد يحاول يفوق سمير بس كان فاقد الوعي خالص وهو مشغول مع سمير باسم ضرب طلقه و جات في كتف توفيق وهنا خالد بيبص يلاقي ابوه يوقع علي الارض وباسم بينزل يجري علي السلم واول ما يلاقي ولاد عمو في وشه يجري منهم الناحيه التانيه وهو واحد منهم يجري وراه واخوه بيقولوا سيبك منه وتعالى اطمن علي عمك سمير و بيطلعوا بيلاقو سمير سايح في دمه ومليكه فاقده الوعي و ابوهم مرمي علي الارض غرقان في دمه خالد بيرن علي الاسعاف و بتيجي الاسعاف و بيفوقو مليكه الي اول ما بتشوف المنظر تصرخ وخالد بيبص لها ويحاول يطمنها وتجري علي اوضتها بتجيب التليفون عشان ترن علي ولاد عمها لكن خالد بيقول لها ما فيش داعي احنا موجودين وطول عمرنا اهل و تركب الاسعاف مع ابوها وخالد و اخواته يركبوا عربية الاسعاف التانيه مع ابوهم و يروحوا علي المستشفي
و بيدخلو العمليات و بتكون مليكه زي المجنونه من خوفها علي ابوها بس كانت تستغفر ربنا وتدعي انه يقوم بالسلامه وتقرا قرآن لحد الحمد لله ما طلعوا والدكتور طمنهم وقال لهم الحمد لله الاستاذ سمير كان عنده نزيف في المخ نتيجة انه انضرب علي دماغه بجسم صلب والحمد لله وقفنا النزيف وكل حاجه تمام والحاج توفيق الحمد لله طلعنا الرصاصه من كتفه وساعه كده ويبدأ يفوقوا من البنج مليكه تمسح دموعها و بتحمد ربنا و بتقعد علي الكرسي اما سيف راح الشركه ودخل زي العاده ويقول السلام عليكم لكن تفاجئ اني مليكه مش موجوده و استغرب عشان مليكه كانت بتكون في المكتب قبل منه وقال في نفسه تلاقيها اتاخرت في المواصلات وفتح الملف الي قدامه وحاول يشتغل فيه بس كان حاسس بقلق وخصوصا ان الوقت بيعدي وهي ولا جات ولا يعرف عنها حاجه وهنا قرار انه يرن عليها وجاب ملف تعينها واخد رقم تليفونها منه ومليكه قاعده في الاستراحه مستنيه يسمحوا لها تشوف ابوها وتطمئن عليه بتسمع صوت تليفونها بيرن وبتلاقي رقم غريب و بترد السلام عليكم سيف بقلق وعليكم السلام ورحمة الله وبركاته هو انتي كويس قصدي يعني فيه حاجه اقصد ما جتيش الشغل ليه مليكه بحزن وهدوء في نفس الوقت بابا في المستشفي ومش هقدر اجي سيف اتصدم مستشفي ايه يا مليكه اسف قصدي يا انسه مليكه .مليكه بتاخد نفس عميق عشان تقدر تكتم دموعها مستشفي الحياة الي جنبنا .سيف يقوم و بيقفل السكه علي طول و بينزل ياخد عربيته و بيطلع علي المستشفي الي بينها وبين الشركه نص ساعه مليكه بعصبيه ايه قلة الذوق دي ده حتي ما قلش سلام ربع ساعه والدكتور سمح لي مليكه تشوف ابوها وخالد وخواته يدخلوا يطمنوا علي ابوهم ومليكه دخلت مسكت ايد باباها ونزلت بوس فيها سمير بيتكلم بصعوبه انتي بخير يا بنتى مليكه بابتسامه كلها حزن انا بخير يا حبيبي المهم انت سمير يحط ايده علي راسها انا بخير يا بنتي هو حصل ايه والكلب ده راح فين وقبل ما ترد الباب خبط مليكه بتبص ناحية الباب وبتقول ادخل يفتح الباب ويدخل سيف السلام عليكم مليكه بتوقف وعليكم السلام ورحمة الله وبركاته وفضلت واقفه مش مستوعبه اني سيف يسيب شغله ويجي المستشفي سيف وهو بينهج كانو كان يجري الف سلامه عليك يا عمي سمير بصوت واطي اووي الله يسلمك يا ابني سيف بيبص علي مليكه مالك يا انسه مليكه مليكه بتفوق من الذهول الي هي فيه لا ما فيش حاجه هجيب لك حاجه تشربها سيف بهدوء لا شكرا دي مستشفي مش كافتيريا انا جاي اطمن علي عمي سمير
مليكه وهي مكسوفه من الي كانت بتفكر فيه وانه حتي ما قالش سلام وقفل السكه في وشها سيف ارتاحى يا مليكه ماله عمي ايه الي حصل قعدة مليكه علي الكرسي وقالت لي سيف و باباها كل الي حصل لحد ما اغمي عليها وكمان كملت الحكايه زي ما خالد قالها بالظبط وهنا سيف بص لها وازي ما تتصليش عليا في وقتها مليكه وهي بتبص بعيد معلش عقلي وقف لما لقيت بابا علي الارض و سايح في دمه سيف بيتكلم بغضب انا هشوف حل مع الحيوان ده سمير بيتكلم بصعوبه لا يا ابني انا الي اتصرف معاه ومن دلوقت مش هينزل الحته تاني إلا علي جثتي وهنا الباب يخبط سيف ادخل يدخل توفيق واولاده الف سلامه يا سمير انا الي مقدرتش اوفي بوعدي سمير بص عليه ما تقولش كده يا توفيق انا الي بشكرك لولا وجودك مش عارف المجنون ده كان هيعمل ايه في مليكه وانت اخ و هتفضل اخ مليكه بتقول اتفضل يا عمي توفيق ارتاح توفيق يقعد ربنا يريح قلبك يا بنتي ويمسك ايد سمير شد حيلك يا راجل يا عجوز سمير يحاول يضحك شكلنا كبرنا يا توفيق وراحت علينا توفيق يبتسم ما تقولش كده الدهن في العتاقي خالد يقرب من ابوه بعد اذنك يا حاج هروح ادفع فلوس المستشفي وارجع بسرعه توفيق يهز راسه يعني ماشي مليكه تقوم انا جايه معاك سيف يوقفها لا خليكي مع عمي وانا هروح مع خالد ما تقلقيش وطلع هو وخالد وبعد جدال طويل كل واحد فيهم دفع النص ورجعو الاوضه عند سمير توفيق بص علي خالد خلصت يا ابني خالد بص علي سيف ايوه يا بابا بس سيف صمم يدفع نص تكاليف المستشفي توفيق بص علي سيف ليه كده يا ابني ده احنا اهل سيف ابتسم معلش يا عمي اعمل ايه في الانسه مليكه هي الي ادتني الفلوس وطلبت مني ادفع مصاريف المستشفي توفيق بص علي مليكه ليه كده يا بنتي بتعملي فرق بينا مليكه بتبص علي سيف وتبتسم واحد يا عمي بس الحمد لله مستوره توفيق وهو بيضحك طالعه دماغك ناشفه زي ابوكى وفضلوا يتكلموا ويضحكوا اما سيف ومليكه كانوا في عالم تاني مليكه مش شايفه غير سيف وسيف اخير بداء يفقد السيطره علي نفسه وزي ما يكون رفع راية الاستسلام
و جات الشرطه اخدت اقولهم وبعد ما الدكتور اطمن علي سمير كتب له علي خروج وسيف اخد سمير ومليكه في عربيته و وصلهم البيت وكمان طلع معاهم فوق وبعد ما اطمن علي عمو سمير بعد اذنكم وان شاء الله بكره هاجي اطمن عليك يا عمي سمير يحاول يتعدل لا يا ابني انت هتتعشاء معانا علي الاقل يبقا عيش وملح مليكه تحط المخده ورا ظهر ابوها وبتقول ايوه يا استاذ سيف ولا انت مش عايز تاكل من عمايل ايدي سيف ضحك انا عارف ان الست عمرها ما بتكون شاطره في حاجتين يعني لو شاطره في الشغل يبقا مش ست بيت ولا ست بيت يبقا مش شاطره في الشغل وانتي شاطره في الشغل اووي سمير ابتسم لا ما تقلقش مليكه شاطره في الاتنين و هتشوف بنفسك يلا يا مليكه جاهزة العشاء بسرعه مليكه بتبص علي سيف من عنيه يا حاج نص ساعه بالكثير وجهز احلا اكل و جريت علي المطبخ سيف قعد مع عمو سمير وكانو يتكلموا بشكل عام وفعلا في نص ساعه كانت ريحت الاكل في كل مكان في الشقه ودخلت بصينية الاكل وحطتها علي الارض معلش بقا يا استاذ سيف السفره بره وبابا مش هيقدر يقعد معانا بره و اتفضل يا بابا انا عملت لك شوربه تجنن سمير بحزن بقا الروائح الحلوه دي وفي الاخر اشرب شوربه مليكه ابتسمت معلش يا حبيبي انت سمعت كلام الدكتور اسبوع بس وبعد كده كل الي نفسك فيه سمير وهو بيبص لي مليكه حاضر حكم القوي اتفضل يا ابني سيف وهو مرتبك حاضر يا عمي وقعد علي الارض هو ومليكه و بداء ياكل و بص لي مليكه مش معقول تسلم ايدك بجد انا اول مره احس بطعم الاكل بصراحه نفسك في الاكل يجنن تسلم ايدك وفعلا علي راي عمي سمير طلعتي شاطره في كل حاجه مليكه وشها احمر شكرا يا استاذ سيف ده من ذوقك وبعد ما كلو وعملت الشاي وشرب سيف الشاي استاذن ومليكه طلعت معاه لحد الباب سيف طلع فلوس اتفضلي يا انسه مليكه خلي الفلوس دي معاكي وانتي في اجازه اسبوع لحد عمي سمير ما يتحسن مليكه بصوت رقيق شكرا ليك بس الحمد لله انا معايا فلوس لكن سيف صمم انها تاخدهم وفعلا اخذتهم ومشي علي شقته واول مره يحس بسعاده كان سعيد جدآ كانه انسان تاني .باسم بعد ما هرب راح علي بيت اخته المطلقه خبط علي الباب ساره قامت مفزوعه من النوم مين هيجي في الوقت ده وكانت المسافه بينها وبين بيت سمير الي هو هرب منه ربع ساعه بالعربيه فتحت الباب مالك يا باسم وايه الي جايبك في الوقت ده باسم وهو بياخد نفسه بالعافيه ما هو جه لحد هنا جري انا ضربت عمي بالنار ساره انصدمت طاب ادخل بسرعه و إهداء اخير هنخلص من عمك الي ظلمنا واخد كل حاجه من بابا باسم وهو يحاول يهدا انا كنت خلاص هاخد مليكه و اتجوزها ساره بعصبيه مش عارفه ايه الي عاجبك في البنت المعصعصه دي يا باسم . باسم وهو بيبص لها من فوق لتحت المعصعصه الي مش عجبتك دي حب عمري ومهما حصل مش هتكون لراجل غيرى يا ساره فاهمه . ساره بقرف اشبع بيها يلا انا ادخل انام باسم قام من مكانه في بيره هنا ساره وهي دخله اوضة النوم في الثلاجة عندك ودخلت نامت وباسم شرب كانز بيره ودخل نام وصحي علي خبط جامد ساره قامت مفزوعه مين سمعت صوت بيقول شرطه وهنا ارتبكت حاضر هلبس هدومى وافتح رد عليها الضابط بسرعه بدل ما نكسر الباب دخلت تصحي باسم الي نايم زي القتيل و الشرطه بره باسم بيتكلم بخوف الشرطه لا انا مش هسلم نفسي وطلع المسدس
إلي اللقاء في الحلقه الرابعه
#عباد_الله_اذكره_الله
