رواية عروسة بلا سترة الفصل الخامس 5 بقلم شيماء طارق
★عروسه بلا سترة ★
الفصل الخامس
★الكاتبه شيماء طارق★
★صلي على الحبيب يا امه الحبيب★
دينا (بصيتلها بصدمه وقالتلها): ازاي يعني هي كانت متجوزة قبل كده ومالك على كده يعرف ولا ما يعرفش؟
نرمين (بمكر): ايوه كان متجوزه بس تقريبا هو ما كانش عايزها كان متجوزه جواز تقليدي واول ما طلعوا من الصعيد وصل القاهرة قالها في وسط الشارع انتي طالق بالتلاته لأن اهله كانوا ضغطين عليه علشان يتجوزها؟! ابن عمها ما قدرش يستحملها وعمل كده معاها ومالك يا روحي يتجوزها بارادته ده اكيد بيهزر !
دلال (بصوت مخنوق): مش معقول يكون مالك عارف ده كله وافق اكيد لا ما يعرفش؟
نرمين (بخبث):
أكيد لأ… هي ماقالتش وبتستغفلوا لابسه قدام الوش الطيب البريء وعايزة اطلعك انتي الوحشه يا طنط!
دينا (وهي بتقوم بسرعة): لا طبعا لازما يعرف دلوقتي حالا يلا يا ماما نقوله؟!
( مالك قاعد في مكتبه، بيفتح لاب توب، وياسمين داخلة بهدوء وبتشيل له عصير في صينية.)
ياسمين (بخجل): جبتلك العصير ده باين عليك تعبان انا حضرت الشنط وكل حاجه لو رايد مني حاجه تاني ناديلي؟
مالك (بابتسامة): احلى عصير مانجا من أحلى مانجايه؟
ياسمين (بصوت واطي): عيب بقى انا الحديت الماسخ ده ؟!
مالك وهو فطسانه على نفسه من الضحك وبيقولها: حديت ماسخ إيه يا بنتي انا جوزك؟!
ياسمين بقلق: بتحدت جد يا مالك انا خايفه قوي اما نروح البلد يا ترى أخويا هيعمل إيه لما يعرف اللي انت كتبت كتابك عليا ؟
مالك (يقفل اللاب توب وبيقولها): انا قلتلك كذا مره ما تقلقيش من الموضوع ده لان انا هحله مع أخوك وهخلص كل حاجه معايا ما تقلقيش؟
( الباب بيتفتح بعنف، دينا داخلة، وراها دلال ونرمين)
دينا (بصوت عالي): لازما تعرف كل حاجه عن البنت اللي ناويه تدخلها حياتك علشان تدمرها انت ما تعرفش نواياها ولا تعرف أي حاجه عن حياتها السابقه !
مالك (واقف بحدة): في إيه انتي بتتكلمي عنها كده ليه ما تهدي شويه على نفسك؟
نرمين (بتقاطع):
دي مطلقة، وابن عمها طلقها يوم فرحهم، وسابها في الشارع…وكانت يا عيني بتتوسل له علشان ما يسيبهاش بس للاسف هو رفض ان هو يفضل معاها اكيد فيها عيب علشان كده ما رضيش يكمل معاها؟!
مالك (بيبص لياسمين): اخرسي خالص اما تكلمي على ياسمين اتكلمي بطريقه كويسه انا عارف كل حاجه عنها والكلام ده كله انا عارفه إيه المشكله
يعني ان هي مطلقه انا راضي وعارف من اول دقيقه دخلت فيها حياتي ؟
ياسمين (بدموع ): ايوه انا مطلقه
مش لأني وحشة، لأني كنت ما ليش راي ولازما البنت تتجوز من ابن عمها وكان كل حاجه بالغصب هو ما كانش رايدني وانا ما كانش ليا راي بس برده جوزة لي وده اللي حصل ؟!
مالك (بعد لحظة صمت، بنبرة هادية قال): وانا راضي حتى لو إيه بحبك يا روح قلبي مالك؟
ياسمين (بكسوف وعينيها فيها دموع وامتنان قالتله): أنت اللي ربنا بعتك ليا زي الملاك علشان تلحقني من اللي انا فيه أنت اختيار ربنا ليا وانا رضيت باختيارة لانه كان احسن اختيار.
مالك (بصوت واضح): انا عايز كل واحده فيكوا تفهم اللي هتفكر تدخل تاني في حياتي او تتكلم على مراتي هتشوف وشي التاني بلاش علشان ما تخسرونيش؟!
عايز اقولكم ان انا ومراتي هنسافر الصعيد علشان نحدد ميعاد الفرح ولما نحدده هبعتلكم علشان تيجوا حابين تحضروا تمام مش حابين براحتكم يلا بقى اطلعوا بره ؟!
دلال (بصوت مخنوق):يعني هتكمل يا مالك؟
مالك (بيبص لياسمين): زي ما سمعت يا ماما يا ريت تشرفيني في الفرح هكون فرحان قوي؟!
(دلال بتبص في الارض بحزن على ابنها اما دينا ونرمين بيبصوا لبعض بنظرات سامه وهم خارجين من الاوضه ونرمين بتبص لياسمين بحقد وغل وياسمين واقفه على جنب وبتعيط بصوت مكتوم )
اما في الصعيد في المندرة الكبيرة في بيت ناصر كان قاعد الحاج صبري عم ياسمين الكبير وعم ياسين دخل ياسين البيت علشان يتكلم معايا بخصوص جوازة مين ياسمين وكل اللي حصل معاه ويبرروا له هو ليه عمل كده.
ياسين (بهدوء مصطنع): جايه اوضحلك كل حاجه يا عمي صبري واقو لك انا ليه سويت اكده؟
عم صبري (بيبص له ويقوله):
بعد ما رميت بت عمك يوم فرحها في نص شارع في القاهرة؟! دي فضيحة يا ولد عاشور فضحتنا ما بين الناس حرام عليك سويت اكده ليه !
ياسين (ببرود): انا من جبرت اتجوزها والجوازة كلها كانت غصب عني وهي كانت عارفه الحديت ده ما قدرتش استحمل دمي فار كل ما اشوفها قدامي ما قدرتش استحمل اكتر من كده ؟!
في الوقت ده كان مالك خرج من القصر واخذ ياسمين معاه وساق العربيه لطريقه للصعيد كانت ياسمين قاعده ومتوتره جدا وخايفه من اللي ممكن يحصل اما يوصلوا الصعيد .
مالك (بنظرة ثابتة وهو سايق): بلدي جميله قوي يا ياسمين؟
ياسمين (بصوت هادي ومتوتر): ايوه فعلا البلدين جميله النجع كله مليان زرع وفيها حاجات حلوه بس مصر برده حلوة؟
مالك بحب: مش أحلى منك يا قمر؟!
ياسمين اتكسفت وسكتت في الوقت ده مالك وقف بالعربيه قدام بيت ناصر وبيفتح زر القميص وبينزل بكل هيبه وقار وبيحط الكاب بتاعه تحت باطه وماشي اتجاه البيت وساب ياسمين في العربيه.
خبط على الباب وفتحتله الست زينات خالة ياسمين وقالتله: نعم يا ولدي رايد مين؟!
مالك (بصوت هادي ومليان قوة قال ): عايز ناصر بلغيه ان الضابط مالك الدسوقي عايز يقابلوا ضروري ممكن لو سمحتي؟!
ناصر (يقوم فورًا، يبص لخالتو ويقول): مالك الدسوقي ظابط الشرطه؟
ناصر يفتح الباب بيلقى مالك واقف مستقيم، ولابس اللبس الميري والطاقيه بتاعته في ايديه ويبص بمنتهى الاحترام .
ناصر (بصوت ثابت):
اتفضل يا باشا… البيت بيتك؟!
مالك (بهدوء وصوت رجولي): انا كنت جايبه امانه معايا ولازما اسلمها لك؟!
ناصر (واقف): امانه امانه إيه انا سويت حاجه يا باشا؟
مالك (رافع راسه):
أنا مالك الدسوقي… ضابط شرطة، خدمتي فـ المديرية… وابن حسين الدسوقي، معروف فـ كل دواير الحكومة اختك كانت مسروق منها شنطه وجاتلي القسم وعرفت منها كل حاجه حصلتلها في اليوم ده من وقت ما جوزها سابها في الطريق لوحدها لحد ما جت القسم مع الست الكبيرة اللي لقيتها في الشارع وصعبت عليها ووصلتها لحد القسم لأنها ما كانش تعرف اي حاجه في القاهرة من يومها ما سبتهاش وانا اعتبرتها مسؤوليتي!
ناصر (يبصله بحدة): الحديت اللي حضرتك بتقوله واعر قوي يا بيه كيف خيتي كانت وياك؟
مالك (من غير ما يتهز): هي كانت عايشه مع امي واختي في قصر العيله وانا استنيت فترة صغيرة وبعد كده كتبت الكتاب واتجوزتها انا عارف ان هي ما لهاش عده بس كنت عايز اديها وقت علشان تفكر وتختار كنت عايز كل حاجه تكون بارادتها وأول ما لقيتها موافقه؟
كتبت كتابي عليها علشان احميها من كل اللي حواليها وما اخليش حد يقربلها
بس طبعا أختك زي ما هي وعاشت في البيت مع امي واختي وانا حافظت عليا لحد ما وصلتها لبيتك
وجيت اطلبها منك؟!
ناصر (ناصر بدأ يتعصب وهو بيقوله):
ما حدش طلب منك تشيل همها… ليه سويت اكده؟كان دماغك وقتها وين او نيتك اتجاهها كانت إيه اما سويت فيها اكده لو خيتي جرى لها حاجه أنت اللي هتشيل مسؤوليتها احنا صعايدة واللي بتقولوا ده واعر؟
مالك (يبصله في عينه بقوة وصراحة): نيتي من أول لحظه اني اساعدها وانا ما عملتش اي حاجه غلط غير اما لقيت بنت محتاجه مكان تعيش فيه اخذتها وخليتها عايشه مع امي واختي وحافظت عليها ما طمعتش فيها حتى بعد ما كتبت الكتاب ما رضيتش اجي جنبها غير اما اجي البلد هنا واطلب ايديها منك وفي الوقت ده نقدر نعمل فرح ونتجوز وانا عارف كل حاجه عنها وراضي وما عنديش اي مشكله واللي انت تطلبه هيكون عندك وانا تحت امرك ؟؛
ناصر (ساكت لحظة، وبعدين):
يعني جايلي دلوقت علشان تطلب يدها هي وين دلوقت ؟!
مالك :هي في العربيه ممكن تبعتلها اي حد وهي هتنزل؟!
ناصر بصوت عالي وهو بينادي على مراته منال وبيقولها :منال اطلع نادي على ياسمين من العربيه اللي بره وخليها تنزل وياكي جوه واخليها تستريح في اوضتها؟!
منال فعلا راحت ونزلت ياسمين رغم ان ياسمين كانت خايفه جداً بس أول ما شافت خالتها زينات اترمت في حضنها وفضلت تعيط وخدوها ودخلوها اوضتها فضلت قاعدة مستنيه تعرف إيه اللي هيحصل .
مالك (يخد نفس ويكمل):
أنا جيتلك دلوقتي وطالب أختك بالحلال.
أيوه، أنا ارتبطت بيها قدام ربنا
بس دلوقتي، جاي أحط إيدي في إيدك… واطلبها منك لان دي الاصول ؟!
ناصر : يعني انت جاي دلوقت تتجوز خيتي بس افرض في يوم من الايام زعلتها او ضايقتها بسبب اللي حصل وياها في جوازتها الاولانيه اللي كانت ليوم واحد وكمان اللي زاد وغطى ان كان الحوار كله من ولد عمها اللي رفضها خيتي مش معيوبه خيتي اتجوزت راجل ما عندهوش أصل ؟
مالك: لا طبعا انا عايزها ومعجب بيها من اول لحظه شفتها هي بنت محترمه وبنت اصول وباين عليها ان هي متربيه علشان كده انا عايز ارتبط بيها انا ما فكرت في ياسمين كنت بفكر في ام العيالي في المستقبل مش زوجه ليا بس
عايزك تسال عليا زي ما انت عايز انا العيله معروفه باحترامها وسط الناس وسمعتنا زي الجنيه الذهب و زي ما بيقولوا كده انا ما عنديش مشكله معاك في اي حاجه؟
ناصر :تمام هتيجي معايا دلوقت المندرة عند عمي وهتقول قدامك كل اللي انت قلته دلوقت وانك. عايز تتجوز خيتي بس مش هتقول حكايه انك كتبت عليها قبل سابق؟!
مالك: زي ما انت عايز تفضل؟!
🏛️ في المندره كانت رجاله كلها بتاعه البلد موجودين وكبرات العيله علشان الورطه اللي وراتها ياسين لابوه ولنفسه في الوقت ده بيدخل ناصر ومعاه مالك.
ناصر (واقف في النص):
يا رجالة… ده مالك بيه الدسوقي، جاي من آخر الدنيا علشان يطلب خيتي ياسمين للجواز وهو ما شاء الله عليه ظابط مال وهدومه وانا موافق ايه رايكم هتباركوا لبنتكم ولا ايه؟!
(الناس تسكت، ياسين موجود، واعمامي كلهم موجودين في القعده وناصر بكلامه ده كسر الصمت )
الحج صبري: هو ده حديت يتقال اكده على الواقف…تعال يا ولد اتفضل انت دخلت الدار من بابه انت ولد اصول باين عليك؟!
عبد الرحمن ابن الحاج صبري
(بصوت مليانه غضب وهو بيتكلم مع ياسين): انا دلوقت شايف الفرق ما بين الناس ده راجل ما نعرفهوش دخل الدار من بابه اما ياسين ولد عمنا لما بنتنا يوم فرحها اما مالك بيه جاي من اخر الدنيا علشان يتجوز بنتنا هو ولد اصول ماصل؟
نورت البلد كلها يا بيه!
حسين ابن خال ناصر: مالك بيه عيلته معروفه ومشهورة قوي ألف مبروك يا ناصر هو ده النسب اللي يشرف!
الناس كلها تبدأ تتكلم، وياسين متغاظ جدا ومش قادر يصدق ان واحد زي مالك ممكن يبص لياسمين بنت عمه اللي هو رفضها في يوم من الأيام من كتر نظرات الاستحقار اللي كانت في عيون عمامه بقى بيبص في الأرض مش قادر يرفع عينيه لفوق.
مالك بيقف، ويقول بصوت هادي: انا عايز اتجوز بنتكم لانها بنت اصول وباينه عليها محترمه ومتربيه علشان كده بطلب ايديها منكم ويا ريت توافقوا وطلباتكم كلها اوامر وانا تحت امرك في اي حاجه انتم عايزينها؟!
ناصر: الحاضر يعلن الغايب كتب الكتاب يوم الخميس الجاي والاسبوع ده كله ذبايح علشان فرح خيتي الصغيرة أحلى بنات الصعيد هنعمل لها فرح ما اتعملش البنت في البلد قبلك اكده؟
الحج صبري (عم ياسمين الكبير، بصوت عالي): قبل ده كله يا ناصر اصبر قبل ما تعلن يوم الفرح خيتك لازما حقها يوصل لها يا ولدي
في حساب لازم يتقفل اليوم!
فين اللي كان المفروض يبقى سند لبت عمه ويسترها بدل ما يمرمطها ؟!
(الناس تبص على ياسين، وهو واقف في آخر المندرة محني شوية)
عم مجدي (بصوت مليان غضب):
تعال اهنا يا ياسين!
تعال يا ابن أخويا، خلّي الناس تسمع وتعرف إنت عملت إيه في عرضنا!
(ياسين بيمشي متردد، ورجليه مش شايلاه
وبيجي يقف قدامهم والناس كلها ساكتة ومستنية)
تابع....؟!
