رواية عشق في قلب صعيدي الفصل الخامس 5 بقلم اسماء السيد
(عشق في قلب صعيدي ) part 5
زين:عشق اتقبض عليها... وصدمه حلت علي الجميع وسليم قلبه اتقبض...
يعقوب:ازاي وليه ايه الي حصل انطق
زين:والله ما اعرف ايه الي حصل
فريده ببكاء شديد :بنتي يا يعقوب هاتلي بنتي
يعقوب :متقلقيش إنشاء الله خير
وفجأه كلهم عيطو حتي ام سليم واختو بس فريده ودنيا كانو منهارين من العياط
يعقوب :احنا لازم نتحرك حالا يلا يازين.....
زين:يلا يا ابويا
سليم:انا هجي معاكم يلا ياكريم..... والاربعه اتحركو وطلعو علي القاهره
&&&&&&&(عند عشق) كانت وصلت مدريه الامن
الظابط والي اسمه علي
علي:اتفضلي يا انسه عشق اقعدي
عشق بجديه:ممكن اعرف انا هنا ليه
علي:انا قولت لحضرتك اختلاس وصلنا بلاغ انك بتتهربي من الضرايب من 6شهور
عشق:انا متهربتش من حاجه وبعدين اصلا الشركه لسا مفتوحه جديد بقالها 8شهور بس
علي:والله قولي الي نفسك فيه عند وكيل النيابه بكرا
عشق :وانا مش هفضل لحد بكرا هنا
علي بغضب:انسه عشق لو سمحتي دي اجراءت مش انا الي حاطتتها وانتي اثبت انك مختلسه انا اعمل ايه
عشق بغضب:بلاش كلمه مختلسه دي انا عشق الجبالي ابويا صاحب شركات الجبالي وبيتهيئلي انها معروفه وانا عندي شركه في السعوديه من اكبر الشركات انا عندي مليارات يبقي مش هعرف ادفع للضرايب كام الف ولا مليون يا حضرت الظابط
علي بتفهم:انسه عشق انا متفهم حالتك وعارف انك مكملتيش اسبوع في مصر بس صدقني انا مش بإيدي حاجه
عشق:انا عاوزه قهوه بعد ازنك
علي:حاضر...... وطلبلها قهوه..... اطلبلك اكل
عشق: لا شكرا عاوزه اعمل مكالمه بس
علي :اتفضلي يا انسه خدمه خمس نجوم كمان
عشق ابتسمت وطلبت عز (عز المنشاوي يبلغ من العمر 35سنه وهو محامي عشق ومدير حسابتها كلها وماسك الحسابات الشخصيه وبتاعت الشركتين)
عشق:الو
عز:الو مين معايا
عشق:انا عشق الجبالي
عز:ايوا يا عشق كله تمام وجهزت الورق وكل حاجه تمام
عشق بجديه :بكره الصبح تكون في النيابه تمام. وقفلت
عشق :لو سمحت يا حضرت الظابط انا مش هنزل الحجز تمام بعد اذنك يعني واه صحيح انا مش هعمل فيش ولا اي حاجه ولا هيتعملي ملف تمام انا معملتش حاجه
علي:مينفعش يا انسه عشق لازم تنزلي الحجز وحكايه الملف دي بكرا انشاء الله
عشق:استحاله انزل الحجز انا وديني في اي حته الي الحجز
علي:مينفعش يا انسه عشق خالص
عشق: عاوزه اكلم بابا معلش انا متأسفه بس اخر مكالمه
علي بتفهم:ماشي ياستي بس كفايه بقا عشان انا عمري ماعملت حد كدا
عشق:متشكره يا حضره الظابط... ورنه علي البيت كان والي رد دنيا
عشق:الو
دنيا:مين معايا
عشق:انا عشق يادنيا
دنيا بقهره :عشق حبيبتي اني كويسه وبكت بحرقه ...... اول ما فريده سمعت اسم عشق جريت علي التليفون واخدته
فريده :عشق قلب امك انتي كويسه يا نور عيني وعيطتت بحرقه
عشق بحزن علي اهلها:اهدي يا يا ماما كله هيبقا تمام يا حبيبتي
فريده ببكاء شديد:ارجعيلي يا نن عيني انتي وحشتيني اوي ياضنايا
عشق:اهدي ياماما والله هرجعلك متقلقيش بابا فين
فريده:ابوكي وزين جاينلك يا حبيبتي وعيطتت جامد
عشق :لي جاي خليه والله هتتحل اهدي انا كويسه والله متزعلنيش عليكي بقا
فريده:خلي بالك من نفسك يا قلب امك
عشق:حاضر ياماما هقفل انا بقا لإني مش في الشارع
قامت فريده معيطه اكتر وعشق قفلت
عشق :متأسفه يا حضره الضابط علي تفهمك
علي:ولا يهمك.
&&&&&&&&&&&&في قصر الجبالي..
كانو فريده ودنيا بيعيطو بحرقه
فريده :يا قلب امك يابنتي يارب رجعلي بنتي سالمه يارب
مجدي:اهدي يا فريده اهدي يا حبيبتي
فريده:مش قادره يا مجدي قلبي هيتخلع علي بنتي وعيطتت
وكل دا وكريمه ومنار هيطيرو من الفرحه
مجدي يالا يا فريده نروح القصر عقبال مايجيو يعقوب وزين ابقو ارجعوو
فريده:لا مش هاجي معاكم
مجدي بصرامه:انا عذرك يا فريده بس مش هسيبكم لوحدكم اهنه يالا...
فجأه قامت فريده جابت صوره لعشق من علي الحيطه وحضنتها وقعدت تعيط وكله كان حزين بس جوز الحربي كانو فرحنين جدا... وبعدين كلهم مشيو واتجهو لقصر القناوي بعد مافريده اخدت صورت عشق ومشيت ومبطلتش عيط وبعد ساعتين كانو وصلو يعقوب وزين وسليم وكريم القاهره في وقت قياسي وراحو مدريه الامن
فوق في مكتب الضابط دخل العسكري .وبلغه ان في ناس بره عاوزين يدخلو
علي:دخلهم.... وعشق كانت قاعده علي جمب بتفكر هتعمل ايه .... وبعدين دخلو كلهم واول ما يعقوب دخل وشافها
يعقوب:عشق... وعشق جريت عليه وحضنته جامد .. وحضنت زين وبعدين وسليم راح وحضن علي
سليم:وحشني يا علي فينك من زمان
علي:والله موجود بس انتا الي واطي
(اه نسيت اقولكم ان سليم ظابط في المخبارات اصلا بس هو استقال من 5سنين واشتغل في شركات العيله وبقت ملكه عشان سبب هنعرفه بعدين)
ويعقوب وزين قعدو مع عشق
سليم: تهمتها ايه يا علي
علي: في بلاغ ضد الانسه ان هيا متهربه من الضرايب ومختلسه من 6شهور
سليم:تب ينفع تطلع بكفاله علي زمةالتحقيق
علي:لا والله ما هينفع دي ضرايب مش خناقه يعني حقوق دوله
سليم بتفهم:تب وهتخرج امتا
علي:والله انا هنزلها الحجز لغايه متتعرض علي النيابه الصبح
سليم :عشان خاطري يا علي خليها تبات هنا
علي:حاضر يازين عشان خاطرك
يعقوب :انا بنتي مش هتبات هنا مش هينفع
علي:يا جماعه انا متفهم وانا معملتهاش وحش من ساعه مدخلت مكتبي يا جماعه
زين:بس اختي مينفعش فعلا تبات هنا خالص
عشق:اهدي يازين والصباح رباح إنشاء الله خير ياجماعه اهدو بس واتفضلو وسيبها علي الله
يعقوب:بس يابنتي..... عشق:بابا حضرتك إنشاء الله خير وعز هيكون معايا بكره إنشاء الله.. سليم حس بغيره
سليم:مين عز ده
زين : دا المحامي بتاعها
علي :ياريت حضرتكم تتفضلو دلوقتي لان كدا ضرر عليا وعلي شغلي
سليم بتفهم :يلا ياعمي يلا.... يعقوب حضن عشق جامد وزين كمان ...... يعقوب:هبعتلك اكل يا حبيبتي خلي بالك من نفسك الصبح هتلقيني عندك
عشق:متبعتش حاجه يابابا مليش نفس ... بصلها بحزن ومشيو وبعد 3ساعات
علي:طيب يا انسه عشق.. قاطعه دخول العسكري في شنطه جايه للانسه عشق
علي:هات دا ااكيد الاكل.. واخدها والعسكري خرج
علي:اتفضلي الاكل اهو وعن اذنك همشي انا وعند حمام هنا لو احتجتي مش قولتلك خدمه خمس نجوم بس هضطر اقفل عليكي
عشق بتفهم وابتسمت:اتفضل يا حضرت الضابط... وبعدين خرج علي وقفل عليها كأن عشق كانت مستنيه اللحظه دي
وفجأة انفجرت في العياط بحرقه اوي ونامت علي الأرض وفضلت تعيط لحد مغلبها النوم
&&&&&&&&&(في قصر القناوي)
فريده قاعده تعيط وماسكه صورت عشق وكلهم قاعدين حوليها
كريمه بخبث:صحيح يا فريده هيا تهمة بنتك ايه
دنيا :منعرفش لسا يامرات عمي
منار :يعيني دي لسا غلبانه وصغيره علي الحبسه
دنيا :بس عشق عمرها مأذت حد وطيبه الدنيا فيها
وفجأة تليفون رن وكان زين
دنيا:الو يازين عملتو ايه
زين بحزن :هتبات في هناك النهارده وبكرا هتتعرض علي النيابه .......دنياعيطت جامد وفريده اخدت التليفون
فريده :بنتي فين يازين
زين بحزن :هتبات النهارده هناك وهتتعرض علي النيابه بكرا يا ما متزعليش نفسك وفجأة فريده انهارت هيا كمان وحضنت الصوره اوي ورامي اخد التليفون
رامي :في ايه يازين هيا محبوسه في ايه
زين :ضرايب واختلاس امول من6شهور
رامي بصدمه:ايه دي تهمه تقيله اوي تب هيا فين دلوقتي
زين :هتبات هناك اليله وهتتعرض علي النيابه بكرا ربنا يسهل خلي بالك من امي يارامي.... وقفل
مجدي: ها تهمتها ايه
رامي:ضرايب واختلاس من 6شهور
فريده:يا حبيبتي يابنتي
مجدي :تب والحل....... رامي :هتتعرض علي النيابه بكرا وهنشوف إنشاء الله تعدي علي خير
تاني يوم الصبح.. علي فتح الباب وكانت نايمه علي الارض وفجأة سرح في جمالها وقال في نفسه دي ملاك مش انسانه
وقاطع سرحانه دخول العسكري العربيات جاهزه يا بيه
علي:تمام... وخرج العسكري.. علي قرب منها وبدء يصحيها بهدوء انسه عشق يا انسه عشق وفجأة فتحت عنيها الورمه من كتر العياط
عشق قامت وقفت
علي:صباح الخير
عشق:صباح النور
علي اتفضلي يلا اغسلي وشك عشان نتحرك وفجأة عينه جت علي الاكل اي دا انتي مكلتيش ليه
عشق بحزن وهيا متجه للحمام:عادي مجليش نفس... وبعدين نزلو واتحركو بعربيه علي ودا كان طلب عشق وبعدين لما وصلو لقت يعقوب وزين وسليم وكريم مستنين برا ونزلت حضنت ابوها وزين وسلمت علي سليم وكريم وبعدين قالت
عشق:عز فين
زين:كلمته وجاي في الطريق
علي:يلا ياانسه عشق هنتأخر
عشق:تمام يلا يا حضرت الظابط.. كل دا وسليم حاسس بغيره ليه مش عارف ..... عند وكيل النيابة والي اسمه حازم
حازم: اتفضلي اقعدي ... قوليلي بقا انتي عملتي كدا
عشق بجديه:حضرتك انا معملتش كدا والله معملت كدا انا عندي شركه في السعودية ومن اكبر الشركات في الوطن العربي وانا كبرتها في وقت قصير جدا وحضرتك اسأل عن شركه العشق للهندسه وانا ابويا يعقوب الجبالي وعند اكتر من 30شركه في دول كتير
حازم :يعني الشركه الي في مصر دي فرع من الفرع الاساسي
عشق :بظبط حضرتك وبعدين انا فتحتها من8شهور بس واول مناقصه كانت من يومين واخدتها الحمدلله
حازم :تب ممكن ورق دفع الضرائب الي في السعوديه والي هنا
عشق بتوتر: حضرتك انا المحامي بتاعي علي وصول ممكن ننتظر 10دقايق بس
حازم بتفهم: تمام ممكن تديني تفاصيل عن الشركه وكده
وقعديحقق مع عشق حولي 15ساعه
حازم :بقالنا ربع ساعه لاسف يا انسه عشق هتفضلي اربعه ايام علي زمه التحقيق... وفجأة دخل عليهم عز
عز بتوتر :انا متأسف علي التأخير انا معايا كل الورق الي يثبت ان البلاغ كاذب
حازم:وريني.. وعز عطاله الورق. وحازم كان بيشوفه بتفحص
عز :متقلقيش يا عشق كل خير إنشاء الله وبعد ساعه من فحص الاورق والتحقيق مع عشق ويعقوب والباقي قاعدين علي نار
حازم:اكتب يبني يخلي سبيل الانسه عشق يعقوب الجبالي بإثبات الاورق............ هتخرجي دلوقتي علي مدريه الامن تعملو الاجاراءت وتخرجي
عشق بفرحه :شكرا ياباشا ... وخرجت طمنت ابوها
يعقوب :عشق حصل ايه
عز: ابسط يا عمي براءه ....... كلهم فرحولها جدا
يعقوب يلا نروح
عز:مينفعش لسا في اجراءت بس هيا هتمشي النهارده
سليم :تمام ياجماعه يلا نطلع علي المدريه عشان نخلص بسرعه وانا همشلكو الدنيا بسرعه لان عمتي هتموت من الخوف عليكي ... ومشيو وراحو يخلصو
(في قصر القناوي)
________----_______
فريده قاعده بتعيط بحرقه وماسكه صورت عشق
صفيه:كفاية بقا يافريده انتي دمعتك منشفتش من امبارح كفايه
فريده بعياط:مش قادره يا صفيه قلبي موجوع عليها اوي
كريمه بحقد:ما خلاص يا فريده من امبارح عياط كفايه بقا وبعدين بنتك الي غلطان وطلعت هربانه من الضرايب
منار بغل وفرحه :لا وكمان مختلسه دي فيها 10سنين دي
فريده بغضب :اخرسي تقطع لسانك منك ليها انا بنتي اشرف من الشرف ومتعملش اكده ابدا
مجدي:اهدي يا فريده كريمه اتلمي انتي وبتك جتكم الهم ........ وعند عشق كانت خلصت واتحركو وكانو نص ساعه ويوصلو
فريده كانت بتعيط وبيتحيلو عليها تاكل ومش راضيه وكريمه ومنار فرحنين اوي
كريمه :بس بقا يافريده كفايه عياط بنتك قدامها 10سنين بكتير لما تتطلع دي حقوق دوله
منار: وقال عملالي فيها الجامده وهيا طلعت مختلسه قد الدنيا وانا عشق الجبالي وهيا عكت اسم الجبالي خالص
فريده :اسمعي يا ........ عشق :من وراها سيبهالي انا يماما
قامت فريده جريت عليها وحضنتها جامد ودنيا كمان وكريمه ومنار اتصدمو
فريده: وحشتني يا قلب امك عملو فيكي حاجه انتي كويسه عشق:ايوا يا حبيبتي انا تمام
دنيا حضنتها تاني :وحشتيني اوي ياعشق
عشق :وانتي كمان يا قلبي
ودخلت عند كريمه ومنار...
عشق:ها سمعوني كنتو سامعكم بتقولو حاجه و10سنين وحاجات كدا ومختلسه وكلام كتير ... لا فوقو انا عشق الجبالي مش انا الي اعمل كدا انا بنت عز واصول انما انتو معندكمش بربع جنيه اصل عشان بتتكلمو علي الغايب وحش وبتتطعنو في سمعتي ربي بنتك ياطنط ومفيش مانع تربي نفسك معاها حبتين تلاته
كريمه بغضب:اخرسي تقطع لسانك ولسا هتضربها بالقلم عشق مسكت ايدها وقالت لا ايدك دي متترفعش عليا بنتك عملتها واسأليها انا عملت فيها ايه وبعدين راحت تسلم علي الباقيين وهما كانو مصدومين من رد فعلها ومبسوطين
عشق:عن اذنكم يا جماعه انا لازم اروح دلوقتي
فريده :يلا يانور عيني .
رامي: حمد الله علي السلامه ياعشق..... عشق:الله يسلمك يارامي..... وعشق راحت نحيت سليم
عشق:شكرا بجد يا سليم انا مش عارفه اقولك اي علي الي انتا عملته شكرا
سليم :ولا شكر ولا حاجه حمد الله علي سلامتك
عشق: الله يسلمك
سليم :عدي الجمايل بقا بس خلي بالك انا مش ناسي حقي
عشق:تصدق خساره فيك... ومشيت
&&&&&&&
(في قصر الجبالي) وصلو وعشق طلعت اخدت شاور طويل جدا بتنزل بيه الهم الي شافته الليله الي فاتت
وخلصت ولبست بيجامه ونزلت تتعشا معاهم
زين:نورتي بيتك ياعشق
عشق:خلاص يعم متدقش مجتش من ليله يعني
دنيا :والله احنا كنا هنموت عليكي ياقلبي
عشق: والله كنتو وحشني اوي
فريده :انا قلبي كان هيتخلع عليكي ...... قامت عشق حضنتها جامد
عشق بمرح :يلا بقا عشان انا مأكلتش من اول امبارح حاجه
فريدة:يا قلب امك بألف هنا كلي ياحبيبتي
يعقوب:هوا مش سليم بعتلك اكل امباررح
عشق :ما هو الاكل وصل بس انا مكنش ليا نفس لحاجه
زين :معلش يا حبيبتي بس متعرفيش مين الي بلغ
عشق :والله ما انا عارفه بس إنشاء الله هعرف
&&&&&&&&&&&(في قصر القناوي) في غرفه سليم
كان قاعد سرحان في عشق وبيفكر فيها
سليم :انتا بتفكر في ايه اعقل ياسليم لالا مستحيل انا بفكر فيها ليه انا وقعد يفكر لحد منام
عند عشق كانت خلصت اكل وراحت نامت علي رجل فريده لحد مراحت في النوم
فريده:يا حبيبتي يابنتي تعبانه ياقلبي... وخدها يازين ياولدي طلعها فوق
زين : حاضر يما .. وراح شال عشق وطلعها ونيمها وغطها ونزل وراحو الكل نامو
يتبع....
