سكريبت حمزة وشمس (كامل) بقلم الاء محمد
ـ انتي لسه صاحيه!
*انا عاوزه اطلق.
ـ طلاق اي اللي بتتكلمي عنو ده يشمس.
*حمزه لو سمحت انا اعصابي تعبت، ومش قادره اتكلم.
ـ علي فكره انتي مكبره الموضوع اوي.
*يعم انا مكبره الموضوع، واوفر كمان، طلقني بقا.
ـ وانا طلاق مش هطلق تمام.
*يبقا هخلعك، تصبح علي خير.
دخلت شمس اوضتها، وحمزه انتهد وحط ايدو علي دماغو وقعد يفكر.
عند شمس في الاوضه»...
*شمس في نفسها: عمري مكنت اتنمي نوصل لكده يحمزه، زي عمري مكنت اتوقع انك تكوني سلبي للدرجه دي.
كنت فاكره اني محظوظ وامي دعيالي علشان اتجوزت الشخص اللي بحبه وقلت هعوز ايه من الدنيا تاني.
بس الحكايه بتدأت من بعد الجواز الحب ده بدا يقل وشخصيته بقت سلبيه اوي بياخد رائ مامته في كل حاجه في حياتنا، حتي اسرارنا كلها عندها، كنت لما اقوله في حاجات شخصيه مينفعش حد يعرفها غيرنا، كان يرد بكل برود اعصاب: امي مش غربيه، طب منا عرفه انها مش غربيه بس مينفعش، لحد مكتشفت انه ابن امه.
*"ابن أمه...! آه يا جماعة، ده مش دايمًا الولد الحنين اللي بيحافظ على أمه ويبرّها… لأ، ده ساعات بيبقى شخصيته ضايعة، حياته كلها ماشية بأوامرها.
أمه تقول له: سيبها، يسيبها. تقول له: اشتغل هنا، يروح يشتغل، حتى لو قلبه مش مرتاح. تقول له: متجوزهاش، يكسر قلبه ويمشي.
ابن أمه يفتكر إنه كده بيبرّها، بس الحقيقة إنه بيدفن نفسه بإيده.
الست ساعات بتشوف مصلحتها أو بتخاف عليه زيادة عن اللزوم، بس يا ما خساير حصلت من زيادة الخوف.
ابن أمه ييجي يوم يفتح عينه يلاقي عمره فات، أحلامه طارت، وقلبه اتكسر ألف مرة، وهو لسه واقف يستنى رضاها.
يا ما ناس ضاعت حياتهم عشان كانوا دايمًا يسمعوا "اعمِل كده يا ابني"، وهو يقول حاضر، حتى لو قلبه بيصرخ "لأ".
يا ابن أمه... حب أمك وبرّها، بس افتكر إن ليك حياة، ليك حلم، ليك قلب. متخليش رضاها يدفن روحك، لأن في الآخر هي هترحل، وإنت هتفضل تايه لوحدك وسط دنيا كبيرة.
افتكرت اول موقف حصل بعد الجواز بينا وده كان اول التغيير بينا»...
فلاش باك»...
*حبيبي، كنت عاوزه اتكلم معاك في موضوع.
ـ عيون حبيبك، نعم يشموسه موضوع اي.
*بصراحه كده يحمزه انا عاوزه اجل الخلفه شويه.
ـ ليه يشمس؟
*حبيبي انا بقول احنا لسه متجوزين، خلينا نعيش حياتنا شويه من غير اطفال.
" الموضوع مكنش كده معايا لا، انا مكنتش مستريحه، في حاجه جوايا بتقولي لا، ودايما اللي بحسه بطلع صح".
-بس انا عاوز اطفال يشمس، عاوز يكون ليا حته مني ومنك.
*يحبيبي هو انا قولت مش هنجيب خالص لا، بس فتره كده.
ـ حمزه بعصبيه: قولي بقا انك مش عاوزه تخلفي مني يهانم.
*يحمزه صدقني الموضوع مش كده خالص.
ـ حمزه بعصبيه وصوت عالي: طب الموضوع اي بقا لو مش كده.
*حمزه لو سمحت وطي صوتك انت عارف ان اكتر حاجه مش بحبها هي الصوت العالي.
ـ وطيت صوتي ممكن افهم بقا.
*اصل يعني... وملحقتش اكمل جملتي ولقيت جرس الباب رن كنت ناويه احكيله علي كل مخاوفي بس للاسف ملحقتش.
ـ ازيك يامي عامله ايه.
~بخير الحمدلله يحبيبي، انت عامل ايه،اه صح انت صوتك كان عالي ليه انا سمعاه وانا علي الباب.
"كنت مفكراه مثلا هيقول لها عادي يا امي ما فيش حاجه اي حاجه يعني غير ان هو يقول لها ان احنا كنا بنتخانق عشان كده بس ضرب كل كلامي عرض الحيطه لما حكلها كل حاجه".
حكلها كل حاجه ويوميها حماتي قعدت تهزقني وهو واقف ما بيعملش اي حاجه ما دافعش عني اي حاجه خالص ومن هنا ابتديت، يومها قالتلو:
~ "هيّ دي مش عايزة تربطك بيها، أكيد وراها حاجة، دي مش حابة تشوفنا مبسوطين.
*انتي بتقولي ايه يماما لا طبعا، انا اكيد برضو نفسي في اكون ام بس انا عاوزه اجل فتره مش اكتر.
~يبقا انتي اكيد مبتخلفيش، ومستنيه تتعالجي، انا همشي بقا يبني وربنا يصبرك علي ما بلاك، سلام.
"متكلمش ما قالش اي حاجه يومها انا كمان قررت اسكت وما اقولش اي حاجه وكل واحد فينا دخل نام".
حماتي نست إن دي حرية شخصية بين الزوجين، ومش من حقها تتحكم فيهم.
عوده من الفلاش باك».....
ومن هنا بدات تزنّ وتضغط على ابنها:
"عايزين نفرح بيك، نفسي أشيل حفيدي قبل ما أموت، كل الناس حواليك خلفوا وإنت لسه!"
وتدخل في كل مشكله بينا وهو ساكت عمره ما دفع عني.
فوقت من شرودي ببكي مش ببكي عليه، لا انا ببكي على اختياراتي ان انا اخترت شخص زيه كده، سلبي عمره ما وقف معايا عمره ما نصفني دايما مع امه.
بعد شويه سمعت صوت خبط علي الباب وبعدها دخل».....
ـ كنت متاكد انك صاحيه يشمس.
*خير يحمزه.
ـ انا اسف.
*أسف دى تقولها لما تدوس على رجل حد غصب عنك مش لما تدوس على قلبه ، أسف دى تقولها لما تكسر كوباية حد مش لما تكسر بخاطره ، أسف دى تقولها لما تنسى عيدميلاد حد مش لما تنسى العِشرة و العيش و الملح ، فيه غلطات بتبقى أكبر من الأسف ، مشاعرنا مش زرار هاندوس عليه ، و هانقدر نسامح و ننسى فى لحظتها ، "رفقآ بمشاعر لن تصلحها كلمة أسف".
*لو سمحت يحمزه اطلع.
طلع فعلا وانا سرحت في دوامه افكاري واخر موقف حصل بينا!
فلاش باك»...
ـ شمس جهزتي.
*ايوه يلا.
" وصلنا عند حماتي واتشكفت انها مش عزمنا احنا بس لا، دي عزمه كمان خالتو وبنتها والحمدلله الاتنين مش بيطقوني مش عارفه ليه".
•وانتي بقا يشمس مش شايفه نفسك تخنتي شويه، قصدي شويات الصراحه.
"دي كانت كلمه سمر بنت خالتو استنيت منو اي رد عليها مفيش، حسيت بخنقه فظيعه، المكان ده مش مكاني كل حاجه مش مريحه بالنسبالي كان نفسي اطلع اجري بس استحملت وسكت انا كمان اصلي هقول اي المفروض اللي يجبلي حقي ساكت".
*لا يسمر يحبيبتي متخنتش ولا حاجه، انتي بس محتاجه كشف نظر.
معلش يسمر يحبيبتي اصل شمس قاعده الاربع وعشرين ساعه مش بتتحرك زيك كده، علشان كده انتي جسمك مظبوط عنها، ودا كمان ردي خالتو مامت سمر، وبرضو فضل ساكت.
~اي يحمزه يحبيبي مفيش حاجه جايه في السكه كده ولا اي!
ـ لا يا امي انا اتكلمت انا وشمس في الموضوع ده، و قلنا ناجل شويه.
~ده اكيد كلام المحروسه مراتك، بقولك اي يشمس انا هخدك اكشف عليكي انتي شكلك كده ارض بور.
*اي الكلام الفارغ ده، انا مش هروح في حته اكشف.
~ما تتكلم تشوف مراتك يحبيبي.
ـ حمزه برتباك: مهو يماما عادي يعني.
~الحماه بزعيق: يعني ايه عادي، لا يحبيبتي لو انتي ارض بور، وضحكه على الواد بكلمتين، انا بقولك اهو نقبك على شونه، دا انا اجوزه ست ستك كمان، خلصت كلامها وهي بتبص لسمر.
*يعني اي الكلام ده، متتكلم يحمزه وانت تتكلم ليه طول عمرك ساكت هتتكلم دلوقتي يعني، اقولك انا مكنتش عاوز اخلف ليه؟
علشان خايفه.
ـ خايفه؟
*"ايوه خايفه من اول لما اتجوزنا، وانت بتسمع كلام مامتك بطريقه غربيه تقولك تقول لك: يمين يمين تقول لك شمال شمال عمري مشوفتلك راي بعدها، او حتي اعتراض، خوفت تقولك طلقها تطلقني فعلا، اهو حصل قالتك اتجوز وسكت ما قلت لهاش لا يا ماما دي حب عمري اللي ما صدقت اتجوزتها فضلت ساكت، عرفت ليه خفت علشان حياتي معاك مهدده".
~الحماه بزعيق: ايوه كده اظهر على حقيقتك عايزه تبعدي الواد عن حضني عايزه تفرقينا انت من اول الجوازه دي وانت عايزه تعملي كده، انت اصلا اهلك ما يعرفوش يربوك انت لو ما تربيه ما كنتيش عملتي كده.
* شمس بزعيق: لحد هنا وكفايه بقى انا متربيه احسن تربيه، ولو انت هتفضل ساكت حمزه انا مش هسكت، انا كنت خايفه عشان عارفه ومتاكده ان انت ابن امه واهو خوفي طلع صح انت فعلا ابن امه.
ـ اخرسي قطع لسانك، قال كده مع ضربها قلم مش بس علم علي خدها، لا ده كمان علم في قلبها و ونهى كل حاجه كانت بينهم.
*شمس بدموع: انت بتمد ايدك عليا يحمزه، انا مستحيل اقعد على ذمتك دقيقه واحده بعد النهارده.
عوده من الفلاش باك»....
فوقت من شرودي: مسحت دموع اللي نزلت وانا مش وخده بالي، وقولت لنفسي خلاص يشمس مفيش دموع من بعد النهارده، زي كمان مفيش حد في حياتك اسمه حمزه، خلصت كلامي لنفسي ونمت وانا كلي امل اصحي علي بدايه جديده ليا بعيد عن هنا.
صباح تاني يوم»...
شمس قامت من النوم لمت هدومها وطلعت من الاوضه:
-انتي رايحه فين يشمس؟
*راجعه بيت اهلي يحمزه، مش علشان يربوني زي ماقالت والدتك، لا راجعه علشان ابويا قال لي المكان اللي تتهني فيه بيتك اولى بيكي فيه.
ـ طب ما ده بيتك.
*ده عمره ما كان بيتي ولا هيكون، لو سمحت يا حمزه زي ما دخلنا بالمعروف نخرج بالمعروف عشان ما تطرنيش اخلعك.
حمزه كان رايح يطبطب عليها:
*ارجع مكانك يحمزه علشان الايد اللي تضرب، مستحيل تعرف تطبطب.
ـ بس انتي بتحبيني!
*لا، كان في وخلص يحمزه، انا خلاص ما عدتش بحبك، وطلقني علشان تقلبش كره.
ـ كره مره واحده، اصلا هتلحقي تكرهني؟
*انا قولتلك قبل كده:
"ممكن أحبك في سنين وأكرهك في ثانية ، وزي ما القلب مالهوش سلطان في الحب فملهوش سلطان برضوا في الكُره ، فمتراهنش على قوة تحملي ، ولا كرامتي ، وإياك تستخف بمشاعري أو تراهن على وجودي أنا قلبِتي وِحشة".
ـ شمس ممكن تديني فرصه؟
*فرصتك اخدتها من زمان يحمزه.
قولت كلمتي ومشيت حتي مبصتش ورايا، مش عاوزه ابص ورايا اشوف تحكمات حماتي فيا، وسكوت جوزي علي اهنتي، وصلت بيت اهلي وحكيت ليهم اللي حصل بختصار.
بعد شهر وانا قعده علي البحر بعد ما رجعت من اول يوم شغل ليا وبعد طلاقي:
اللي طبعا مكنش سهل يحصل غير في وجود حماتي، اصل اهلي حاولوا معاه ما رضيش حماتي قالت تطلق طلق على طول، اول مره ابقا عاوزه احضنها، وسمعت امبارح انو خطب سمر بنت خالتو.
* عوض ربنا دايمًا بيجي بعد التعب، وبعد الحزن، وبعد الإحساس بالظلم، وبعد المجهود، وبعد الصبر، وبعد الدعاء، وبعد الإبتلاء، وبعد ڪل إحساس ڪان تقيل على نفس الإنسان.
بيجي عشان ينسيك ڪل اللي فات، ويبقالك بس شعور الفرحة والإمتنان ولذة الوصول، وعِوضه بيبقى مُبهر وجميل.
وانا الحمدلله ربنا عوضني باهلي اللي وقفوا جنبي وما سابونيش لحظه وبشغلي اللي لقيته.
•شمس.
*نعم يبابا.
*في عريس متقدملك.
•بابا انا لسه في شهور العده، "وكمان انا مش عاوزه اتجوز دلوقتي انا عاوزه لما ادخل في علاقة جديدة اكون فهمت الدرس من العلاقة اللي قبليها.. اتعلم الأول، اقوي قلبي، اصلح روحي، وبعدها لما ادخل علاقة جديدة، ادخلها وانا عارفة اختار صح واحافظ على نفسي."
•تمام يبنتي.
نصيحه مني لكل بنت "يا بنتي، الحب مهم بس مش كل حاجة.. قبل ما تحبي فكري في عقلك قبل قلبك. واللي حياته كلها بتدور حوالين أمه ومش بيعرف ياخد قرار لوحده، هيكون ابن أمه طول عمره.. ما تربطيش حياتك بحد كده، عيشي ملكة وتستاهلي شريك يقدرك ويكون سندك مش عبء عليك."
ومش معنا كلمي انك ما تكونش كويس معاها بلعكس اسمع كلام أمك وبرّها، لأن رضاها جنة، بس ما تخليش طاعتها توصلك إنك تظلم نفسك أو تدمر حياتك. البر مش معناه إنك تلغي شخصيتك، اختار الصح وخلّي أمك دايمًا فخورة بيك بس مش علي حساب نفسك ".
تمت يسكاكر.
ايها القارئ اللطيف🍒:
ابتسم وافرح انت اتخلقت عشان تكون فرحان ، نوّر وشڪ بِـ إبتسامتك الجميلة.. أتمنى لك يوم جميل ڪـ جمالك❤❤❤❤❤❤❤❤❤❤❤❤❤❤❤❤❤❤❤❤❤🍒."""":
بقلمي /آلاء محمد 💗🖇
#AlaaMohammedHijazi
تمت
