رواية مليكه والسحر الاسود الفصل العاشر 10 بقلم جمال المصري
بسم العزيز الجبار نبداء
#مليكه_والسحر_الاسود
#الحلقه_العاشره
بقلمى جمال المصرى
سمير بيطلع الشقه بسرعه بيلاقي مليكه بتكسر في الشقه زي المجنونه سمير بيقرب منها ومن غير ايده ما تلمسها مجرد ما بتبص عليه بيحس كاني في شئ قوي بيزقو لورا ويوقع علي الارض يوصل توفيق وخالد و يقوموا سمير من علي الارض والكل مصدوم من اللي بيحصل وخالد يحاول يقرب منها بتبص له وعينها كلها دم بيطير في الشقه و يتخبط في السقف ويوقع علي الارض توفيق بيقراء قرآن وهنا بتزيد العاصفه في الشقه وتصرخ كفايه بدل ما اقتل مليكه
توفيق بيخاف علي مليكه وبيسكت والمنطقه كلها واقفه تحت والناس مش فاهمه ايه الي بيحصل مش سامعه غير تكسير وبس
.
سيف استنا يا عم الحاج وسيف قرب من القبر وافتكر انه في الحلم كان شكل العجينه ناشفه بس لما لمسها بايدو ظهر اني الي فتح القبر رش حاجه عليه من بره عشان ما حدش يعرف ان القبر اتفتح والراجل اول ما شاف كده قرب من سيف حقك عليا يا ابني طلع عندك حق وجاب فاس عشان يفتح القبر وهنا تليفون سيف بيرن بيطلعوا بيلاقي عم سمير بيرد علي طول الو سمير بصوت في خوف الحقنا يا سيف مليكه اتحولت وحش وما فيش حد قادر يوقفها وانا خايف عليها سيف بصوت هادي ما تقلقش يا عم سمير ان شاء الله دقايق وكل حاجه هتنتهي سمير باستغراب ازي مش فاهم سيف وهو بيفتح المقبره مليكه في حد عملها سحر وانا قربت من مكان السحر خليك معايا وفتح المقبره الراجل صاحب المقبره بيبصلو هتعمل ايه عشان تعرف الساحر الملعون ده دافن السحر فين سيف بيغمض عينه وبيحاول يفتكر الكلب الي هجم عليه في الحلم هجم عليه من فين وهو مغمض عينه بيمد ايده وبيدور في التراب وبيطلع الحجاب او العمل الي الساحر دافنه وهنا يطلب من الراجل انه يجيب كباية مياه وفعلا الراجل بيجيب كبايه وفيها مياه ويجي جري
سيف يمسك الكبايه و بيقراء عليها ايات فك السحر وهي الايات الي ذكر فيها السحر و بيفتح العمل وبيرميه في المياه وبيقعد ويسند ظهره علي الحيط وهنا مليكه بتوقع علي الارض و بتفقد وعيها و بيشيلها سمير ويدخلها اوضتها وبيفوقها واول ما بتفتح عينيها بتشوف ابوها وعمها توفيق وبتقول هو في ايه يا بابا سمير وهو بيبكي ما فيش حاجه يا حبيبتي انتي بخير مليكه بتقوم توقف انا الحمد لله بخير بس حاسه اني جسمي متكسر خالد من بره عم سمير سيف علي التليفون سمير بيطلع ومليكه وتوفيق وراه و بياخد التليفون من خالد ايوه يا سيف الحمد لله يا ابني مليكه بخير مليكه بتبص عليهم وهي مش فاهمه حاجه وبتتفاجئ اكتر لما بتلاقي الشقه كلها مكسره هو حصل ايه يا بابا ومين عمل كده في الشقه هو باسم جه تاني سمير هقفل دلوقت يا سيف و مستنيك تعالى علي طول مليكه ادهوني يا بابا مال صوتك متغير ليه يا سيف انت بخير سيف بيرد بسعاده انا بخير طول ما انتي بخير مليكه بقلق بس صوتك ما بيقولش كده سيف ودموعه بتنزل من عينيه من السعاده انا بخير ما تقلقيش وانا جيلك دلوقت مليكه وهي بتدي التليفون لي باباها خلاص مستنياك توفيق بيحط ايده علي كتف سمير الحمد لله يا صاحبي اننا اطمنا علي مليكه وربنا يحفظها من كل سوا وانا هروح ادور علي الشيطان ده قبل ما يعمل حاجه تاني وفعلآ بياخد خالد وبيطلع علي شقة ساره واول ما تفتح الباب توفيق بيزقها فين اخوكي يا بت ساره وهي تتظاهر انها صاحيه من النوم مين عمي مالك يا عمي ما انت عارف اني اخويا مش هنا توفيق بيقرب منها انتو ايه شياطين خالد اقلب الشقه عليه وطلع خالد بيقلب الشقه عليها وطيها ومش بيلاقيه ساره بعصبيه ما انا قولتلك انو مش هنا توفيق بيضربها بالقلم انا طول السنين دي كنت بربي شياطين مستحملكم وانا عارف انكم بتتمنولي الموت وقول يمكن ربنا يهديهم لكن توصل لي السحر بتكفرو بالله وتعملو سحر لمليكه طاب ربنا ابطل سحركم ايه هتعملو ايه ولا هتعملو سحر تاني ساره بغضب انت الي خلتنا كده اخدة فلوس ابويا وحتي الفلوس الي كنت بتدهالنا كنا بنحس انك بتشحتنا توفيق وهو بيبصلها انتي طلعتي عقربه زي امك الكدابه الي بدل ما تقول الحقيقه كذبة عليكم عشان بتكرهني بس ربنا موجود وحسبي الله ونعم الوكيل يلا يا خالد يا ابني خلينا نبعد عن الشياطين دول وحسبي الله ونعم الوكيل حسبي الله ونعم الوكيل حسبي الله ونعم الوكيل ساره بتحط ايدها علي خدها انا هدفعك تمن القلم ده وكل الي عملتوا قبل كده غالي يا توفيق الكلب وتنزل عند اخوها باسم يلاقيها تبكي فيه ايه يا ساره. ساره بتقعد و بتحكي كل حاجه لي باسم وهي في قمة غضبها و بيتفقو يبدو دلوقت يحضروا عشان ينتقمو من الكل وفعلا يبدو واول ما يحضر المارد ساره بتخاف هو نفس المسخ اللي ظهرلها قبل كده وبيضحك بصوت مرعب انتو حضرتوني وانا ملك ملوك الجن سهسهوني قولوا عايزين ايه باسم بيتكلم وهو مرعوب احنا عايزين يكون عندنا خدام ونتعلم السحر سهسهوني بيقرب منهم وانا هحققلك كل اللي انت عايزه وزياده بس تنفذ كل اومري انت وهي قولتوا ايه باسم وساره وهما مرعبين موافقن سهسهوني بيختفي وبيفضل صوته اول ما اظهر قدامكم هتسجدو قدامي وبيظهر مره تاني وباسم وساره بيسجدو قدامه بيضحك انتو دلوقت عبيدي وتحت امري كل ما تتقربو ليا اكتر قوتكم هتزيد هتجيبو اللبن و تستحمو بيه انتو الاتنين مع بعض فى الحمام وانتو من غير لبس فاهمين بيردو بصوت مرعوش حاضر يقرب منهم تاني هتقعدو بعدها اربعين يوم من غير ما تلمسو المياه و تقعدوا في اوضه وحده مع بعض و تجيبو ديك اسود بريشه بيضه وتدبحوه في الحمام و تاخدو دمه وتدهنو بيه جسمكم ده قربان ليا وبعد اربعين يوم اشوف هقبلكم ولا لا وبيختفي بعد ما بيكون باسم وساره جسمهم بيتنفض من الرعب والخوف وفعلآ بيوافقو وبيبداو في التنفيذ وهما كده كفرو بالله وعبدو الشيطان من دون الله .
سيف بيشكر الراجل صاحب المقبره وبعد ما بيسدو المقبره بيستاذن عشان يروح يطمن علي مليكه والراجل بيلم اهل البلد ويطلعوا علي بيت الساحر وهما يكبر و يذكرون الله واول ما يوصلوا البيت و يحاصرو البيت كله الساحر بيطلب المساعده من الجن ونسي (إِنَّ كَيْدَ الشَّيْطَانِ كَانَ ضَعِيفًا)وبيقوم زلزال شديد وبيتهد الببت علي الساحر وسيف بيركب عربيته وبيروح علي بيت مليكه واول ما بيوصل سيف مليكه بتجري عليه وبيمسكو ايدين بعض وهما ساكتين لكن عيونهم بتقول الي ما فيش لسان يقدر يقوله وببدخل سمير انا مش عارف اشكرك ازي يا سيف علي الي انت عملتو سيف بيبص علي سمير ما تقولش كده يا عمي انا من غير مليكه اموت مليكه بزعل اوعي تقول الكلمه دي تاني فاهم ولا لا يا استاذ سيف ولا عايزني ازعل سيف بيضحك لا كفايه انا مش قد زعلك انا كنت هتجنن من امبارح لحد دلوقت وانا مش عارف مالك وايه الي غيرك مليكه باستغراب بس انت عرفت ازي يا سيف انا عايزه اعرف سيف يبتسم انا اعرف شيخ اسمه سعد إمام المسجد لما حكتلو الحكايه قالي صلي ودعي ربنا وربنا هيدلك علي سبب الي خلى مليكه تتغير وهو ده الي حصل صليت وفضلت ادعي ربنا لحد ما نمت وشوفت كل حاجه في المنام مليكه سبحان الله انا قريت قبل كده الحكايه دي في قصة سحر الرسول عليه افضل الصلاه وسلام سيف وهو بيبصلها الله ينور عليكي الرسول عليه افضل الصلاه والسلام الي بيعلمنا كل حاجه في دينا وحياتنا والحمد لله ان السحر اتفك وطول ما انتي قريبه من ربنا ما فيش انس ولا جان هيقدر عليكي وانا عمري ما هسيبك أبدا يا مليكه انا ما صدقت الاقيكي مليكه بتتكلم بكسوف انا الي مش عارفه من غيرك كنت هعمل ايه يا سيف شكرا ليك سيف بيضحك كنتي هتكملي علي الشقه تكسير وبيضحكو وبيرجع توفيق من عند ساره وهو متعصب وبيطلع علي سمير عشان يطمن علي مليكه واول ما بيدخل بيلاقيهم كلهم بيضحكو السلام عليكم وبيردو وعليكم السلام ورحمة الله وبركاته توفيق بفرح الحمد لله اني اطمنت عليكم وحمدلله بسلامتك يا بنتي مليكه بابتسامه الله يسلمك يا عمي بس انت مالك متعصب ليه كده توفيق وهو بيحاول يكون هادي رحت عند ساره وقلبت الشقه وما لقتش اخوها وواضح انو مش هيسكت سيف بيقرب من مليكه ما تقلقش يا حاج انا هتجوز مليكه باذن الله حتي لو الدنيا كلها بالانس والجن وقفت قدامي توفيق ابتسم ربنا يتمم بخير يا ابني سيف بيقرب من سمير ممكن يا عمي كتب الكتاب والفرح يكونوا الخميس ده لا الخميس الي بعده سمير بيبص لي مليكه وبيلاقيها فرحانه ما فيش مشكله يا سيف انا موافق يا ابني
خالد وهو مبسوط الف مليون مبروك يا سيف ايوه كده اخيرآ هنفرح سيف بيستاذن ويرجع شقته وسمير بيجيب نجار وبيصلح العفش الي اتكثر وبتدخل مليكه اوضتها وهي مش مصدقه الي حصل معاها وبتحمد ربنا اني الحكايه عدت علي خير والحمد لله وبيرن سيف علي الشيخ سعد وبيشكره وبيحكي له الحكايه كلها لكن سعد كان جواه خوه زي ما يكون كان عارف اني دي كانت البدايه وبيقفل مع سيف وبيكمل قرأءة القرآن علي بنت عمه وطبعآ مش هيلاقي حاجه عشان الساحر مات ولما الساحر بيموت كل الاعمال الي عملها بتتفك بمجرد موته وبيفهم اني دي كنت لعبه عشان يبعد عن سيف وهنا بيحس اني فيه حاجه كبيره هتحصل وبيرجع في اول قطار وهو بيفكر يا ترى هيحصل ايه وفعلآ بيوصل علي صلاة الفجر بالظبط وبيلاقي سيف في المسجد اول ما سيف بيشوفه بيقوم يجري عليه ويحضنه سعد بابتسامه الحمد لله انك بخير يا ابني سيف كله بفضل ربنا ثم حضرتك سعد وهو بيطبطب علي كتفه لا يا ابني كلو بفضل ربنا وحده احنا في الدنيا مجرد اسباب فربنا يجعلنا سبب في الخير سيف بصوت هادي امين يارب العالمين والمواذن بيقيم الصلاه وبيصلو وبعد كده كل واحد فيهم بيروح واول ما الشمس تطلع ترن مليكه علي سيف الي اول ما بيشوف اسم مليكه بيرد علي طول السلام عليكم مليكه بصوت كلو رقه وعليكم السلام ورحمة الله وبركاته صحي النوم يا باشا سيف بيضحك اهو صاحي انتي بترني بدري كده ليه مش احنا وخدين اجازه من الشغل مليكه بصوت جاد ايوه بس مش معنا كده اني حضرتك تقضيها نوم يلا قوم وتعالى انا عملالك مفاجئه سيف باستغراب مفاجئة ايه مليكه بتضحك مش هقولك يلا تعالي نفطر سوا وبابا هيقولك بنفسه سيف يقوم من علي السرير مسافة السكه وكون عندك
إلي اللقاء في الحلقه الحاديه عشر
#عباد_الله_اذكره_الله
