رواية مليكه والسحر الاسود الفصل الثاني 2 بقلم جمال المصري
بسم العزيز الجبار
#مليكه_والسحر_الاسود
#الحلقة_الثانيه
بقلمى جمال المصرى
باسم يهجم علي سيف مره وحده وسيف يتحرك من مكانه وهنا باسم يرتمي علي الارض وسيف بيبص له ويبتسم يلا يا حبيبي خد اللعبه الي في ايدك وامشي من هنا يلا يا انسه مليكه انا اوصلك وبيدي ظهره لي باسم الي يستغل الفرصه و بيهجم عليه من ورا بس سيف كان مركز معاه ولف بسرعه ومسك ايده ونزل فيه ضرب واخد المطوه منه ورماها علي الارض وفضل يضرب فيه ومليكه قربت منه بالله عليك خلاص يا استاذ سيف هيموت في ايدك وهنا بيجي اولاد عم باسم و بيسحبو كل واحد عصايا وهما ثلاثه ومليكه بتوقف قدامهم لكن سيف يبعدها و بيقلع جاكت البدله وقبل ما يبدائو يهجمو عليه يدخل الحج توفيق عم باسم الشارع و يزعق في عياله هو فيه ايه بيرد عليه ابنه الكبير يعني مش شايف يا حاج باسم اضرب واحنا مش هنسيب الي ضربوا سيف بيبص علي باسم و بيرجع يبص عليهم طاب يا ابو الشباب انت وهو مش تعرفوا هو اضرب ليه ولا الاصول ماتت هنا ومبقاش فيه نخوه ولا رجوله هنا الحاج توفيق يقرب من سيف كلامك عين العقل تعالي عندي في المحل ونشوف مين الغلطان سيف بياخد الجاكت من الارض بس الاول اوصل الانسه مليكه وبعد كده نقعد براحتنا .ماشي يا ابني وده المحل وانا مستنيك ويلا انت وهو سيبو العصيان دي وكل واحد علي شغله وانت خد باسم علي المستشفي .مليكه انا اسفه يا استاذ سيف مش عارفه انت ليه دخلت نفسك ده انسان بلطجي و همجي سيف يبتسم وانا بحب اتعامل مع الناس دي ما تقلقيش انتي .مليكه بتوقف بس علي الاقل اتفضل اشرب حاجه .سيف ضحك ما انا هشرب عند الراجل الكباره ده .مليكه تبتسم قصدك الحاج توفيق علي فكره ده راجل قمة في الادب والاخلاق وهو كبير المنطقه عندنا .عندك حق يا انسه مليكه واضح من هيئة انو ليه هيبه وبسم الله ما شاء الله علامة الصلاه ظاهره علي وشه يلا بعد اذنك . مليكه بصوت كله رقه اتفضل .سمير واقف في البلكونه و شاف مليكه وهي ماشيه مع سيف وكمان وقفوا تحت البيت ويتكلم ويقول في نفسه مين ده وليه مليكه جايه معاه .مليكه بتطلع البيت وتخبط علي الشقه .سمير بيفتح الباب حمدالله بالسلامه يا مليكه
.مليكه بتترمي في حضنه انا تعبت يا بابا مش هخلص من الزفت باسم ده .سمير بعصبيه ليه هو عملك حاجه تاني . مليكه وهي بتعيط ايوه وكمان اتجراء ومسك ايدي وانا ضربته بالقلم ولولا الاستاذ سيف كان مد ايدو عليا .سمير يعني الي كان واقف معاكي تحت هو سيف . مليكه باستغراب ايوه يا بابا انت شوفته . سمير بهدوء ايوه يا حبيبتي وانا هنزل اشوف حل مع عمه احنا مش كل يوم هنعمل مشكله انا والله لولا اني عمه راجل محترم كنت قولت لي اولاد عمك يجو يقطعوا ادخلي انتي حضري الاكل وانا هروح للحاج توفيق . مليكه بتبص لي باباها حاضر يا بابا بس خالي بالك من نفسك . سيف يدخل المحل السلام عليكم . الحاج توفيق يوقف ويسلم علي سيف وعليكم السلام ورحمة الله وبركاته اتفضل يا ابني ارتاح .سيف يقعد و بيبص لي الحاج توفيق تحت امرك يا حاج . الحاج توفيق يبتسم الامر لله يا ابني انا خلاص عرفت الحكايه .سيف بيبص باستغراب عرفت القصه ازي .الحاج توفيق يقوم من مكانه من علي كرسي المكتب و بيقعد علي الكرسي الي قدام سيف اول ما شوفة مليكه فهمت كل حاجه ولسا ما كملش كلامه كان سمير دخل وهو متعصب وبعدين يا توفيق ابن اخوك ده مش هيجيبها لبر . الحاج توفيق طاب يا اخي قول السلام عليكم . سمير ويحاول يسيطر علي غضبوا استغفر الله العظيم .الحاج توفيق ابتسم ايوه كده يا سمير ده احنا عشرت عمر وانت عارف اني غلبت معاه والله لو اقدر اسجنه كنت عملتها من يوم ما ابوه وامه ماتوا وانا شايل همو هو واخته وانت عارف عملوا ايه معايا . سمير هدي شويه عارف يا توفيق بس الحكايه دي لازم يتحط لها حد . توفيق قام وقعد علي كرسي المكتب ورن علي رئيس مباحث القسم الي تابع ليه وبعد السلامات طلب من الضابط انه يقبض علي باسم وقالوا علي كل الي حصل وقفل السكه . سمير ابتسم يعني كده انحلت المشكله . توفيق اتنهد تنهيده طويله لا طبعا بس انا مش عارف اعمل فيه ايه . سيف يقاطع كلامهم يا حاج ما فيش حاجه اسمها اعمل ايه انا استغربت الناس كلها واقفه تتفرج وما حدش قادر يتكلم ليه الخوف الي انا كنت شايفه في عيون الناس . توفيق كلامك صح الكل خايف اصلو لا يقدر كبير ولا صغير وكل واحد بيقول خليني في حالي بس فعلآ لازم يكون فيه حل واوعدك انه مش يوقف لي بنتك تاني في المنطقه هنا .
سمير بيبص له بارتياح وانا عارف كلمتك يا توفيق . ومتزعلش مني كنت عصبي معاك .توفيق ابتسم ازعل ايه يا صاحب عمري ده بنتك مليكه هي بنتي . سيف قام من علي الكرسي كده انا ماليش لازمه استاذن انا وهنا يدخل ابن توفيق الكبير خالد اشرب العصير الاول واحنا اسفين علي الي حصل مننا . سيف بابتسامه حصل خير وادي العصير اهو وشرب العصير يلا انا تاخرت تصبحوا علي خير . سمير مسكه من ايدو استنا يا ابني انا عايزك بعد اذنك يا توفيق . توفيق قام اتفضلوا .سمير طلع بره المحل هو وسيف انا مش عارف اشكرك ازي يا ابني . سيف بابتسامه خفيفه انا معملتش غير الواجب واي حد مكاني كان عمل الي انا عملته ويمكن اكتر كمان . سمير بصوت كله محبه لا الناس كلها كانت واقفه انت الوحيد الي ادخلت وياريت تقبل عزومتي علي العشاء زمان مليكه حضرت الاكل . سيف يقرب منه معلش يا عمي خليها وقت تاني انا اتاخرت اووي وعندي شغل الصبح بدري ومشي ودخل شقته الي كل حاجه فيها كانت مترتبه عمل اكل لنفسه ما هو وحيد لا اخ ولا اخت ولا اب ولا ام ودخل علي السرير يحاول ينام لكن صورة مليكه مش راضيه تروح من دماغه ويقول لنفسه لا انا مش واقع في الملعون الي اسمه الحب تاني كفايه الوجع الي انا عشته قبل كده بس الغريب اني فضل يتقلب طول الليل و معرفش ينام لحد الصبح قام عمل قهوه وشربها ونزل علي الشغل واول ما دخل المكتب تفاجئ اني مليكه قاعده علي مكتبها ومن غير ما يبص لها السلام عليكم . مليكه وقفة وعليكم السلام ورحمة الله وبركاته . بص عليها انتي وقفتي ليه يا انسه مليكه . مليكه بابتسامه مش حضرتك المدير بتاعي لازم اقف لك . سيف وهو يحاول يخبئ ابتسامته لا ما فيش داعي لكده انا المهم عندي هو الشغل مش الحاجات التافه دي وياريت تركزي في الشغل . مليكه و شها اتغير وبتقول في نفسها مش معقول يكون ده سيف الي كان هيموت باسم عشاني امبارح وقعدت علي المكتب وهي بتشكره علي الي عملوا امبارح . سيف ما اهتمش بكلامها وكل الي قالو ان الي في الماضي خلاص بقي في الماضي وياريت نركز في شغلنا .وفضل علي الحال ده اسبوع ومليكه تحاول تفهم شخصيته ومش عارفه وفي احساس يكبر جوا سيف يحاول يخبئه ومليكه بقت تحب الشغل عشان لما بتتكلم في الشغل بيكون لطيف و بيرد عليها و بيفهمها كل كبيره وصغيره واول ما الشغل يخلص يتحول لي انسان تاني خالص وكانت مليكه ترفض تطلع في معاد الشغل و بتفضل قاعده معاه يخلصوا الشغل سوا وبينما مليكه تحاول تفك لغز شخصية سيف بيطلع باسم من الحبس الضابط مقدرش يحبسه اكتر من اسبوع وباسم طالع وكل تفكيره انه لازم ياخد مليكه وتكون ملكة وهو طلع من السجن راح علي واحد صاحبه عشان يجيب منه ايس (شابو) عشان يضبط دماغه لكن صاحبه رافض قالو هات فلوس وتعالى خد الي انت عايزه وباسم بقي زي المجنون طالع من السجن و دماغه تنفجر وفضل يفكر هيجيب فلوس من فين وعلي طول فكر في محل عمو توفيق هو كان عارف اني عمو يسيب الفلوس في المحل ورتب كل حاجه مع صاحبه عشان يسرقوا محل عمه توفيق وفي الوقت ده كانت مليكه مش بتفكر غير في سيف الي بذرة حبه بدات تكبر جواها وهي تحاول تمنع نفسها بس القلب زي البركان مستحيل يقدر يوقف قدامه انس ولا جان فالحب بحر فياض يغمر الانسان وترى الارواح تتعانق رغم بعد الاجساد وبذور المحبه تنمو ومن المستحيل الكتمان وكانت مليكه قاعده علي المكتب سرحانه .سيف بينده عليها ولما لقيها مش بترد بص عليها وكانها في دنيا تانيه يا انسه مليكه . مليكه اتخضت ايوه يا استاذ سيف .
سيف بقلق مالك حاسه انك تعبانه . مليكه تحاول تستجمع نفسها لا حضرتك انا بخير .سيف ابتسم بخير فين انا ليا ساعه بنده عليكي . مليكه بتوتر لا انا بس سرحت شويه معلش . سيف يقوم من المكتب ولا يهمك يلا انا اوصلك في طريقي . مليكه وقفت لا شكرا انا اتصرف . سيف ابتسم مش هتلاقي مواصلات يلا وكده كده انتي ف طريقي مليكه جابت شنطتها ونزلت معاه
وبتفتح الباب الي وراه عشان تركب . سيف وهو مركز قدام اتفضلي اركبى قدام عشان الكرس الي ورا انكسر الصبح ولسا هصلحوا . مليكه بتبص فعلآ لقيت الكرس مكسور و قفلت الباب وركبت قدام جنبه وزي العاده الاتنين ساكتين لحد ما وصلها علي راس الشارع شكرته و روحت وعملت اكل و اتعشت هي و باباها وسيف دخل شقته اخد دش وصلاه العشاء وعمل اكل وبردو صورة مليكه مش تفارق خياله لدرجة انه بيحس اني الساعه او الاتنين الي بينامهم زي ما يكون بيغمي عليه من التعب وبعد الساعه ١٢ بالليل يدخل باسم وصحبه المحل عند عمو بعد ما كسروا القفل و بياخدو كل الفلوس الي في الدرج و بيمشو وصاحبة بيدي له الايس (الشابو)وبعد ما يضبط دماغه بيروح علي بيت مليكه عشان يخطفها هو ومعاه صاحبة وخلاص قدام باب الشقه ويفتح الباب . سمير سمع صوت الباب قام يشوف مين لقي دول قدامه هي وصلت بيك انك تتهجم علي بيتي يا حيوان صحيت مليكه علي صوت باباها جري باسم علي سمير وضربه بي ايد المسدس علي دماغه ووقع في الأرض سايح في دمه مليكه طلعت من اوضتها شافت المنظر صرخة و جريت علي ابوها وباسم يمسكها ومعاه منديل راشش عليه مخدر يحطوا علي وشها وبيغمى عليها
إلي اللقاء في الحلقه الثالثه
#عباد_الله_وحدو_الله
