رواية مليكه والسحر الاسود (كاملة جميع الفصول) بقلم جمال المصري
بسم الحي القيوم نبدأ
#مليكه_والسحر_الاسود
#الحلقه_الاول
بقلمى جمال المصرى
مليكه فتاه في قمة الجمال والاخلاق تبلغ من العمر ٢٣ عام درست حتي تخرجت من الجامعه عاشت في بيت مليء بالحب والاحترام وهي الفتاه التي كانت ترفض فكرة الجواز وتريد ان تبداء حياتها العمليه وتبحث عن عمل إلي ان جاء هذه اليوم الذي غير حياتها
سيف شاب وسيم يبلغ من العمر ٢٧ عام وهو شاب يضرب به المثل في الرجوله والاخلاق مات والده عندما اتم خمسه عشر عام وماتت امه عندما اتم العشرون عام تحمل مسئولية نفسه فكان يعمل بالليل ويذهب إلي المدرسه بالنهار حتي استطاع الحصول علي الشهاده الجامعيه واستطاع العمل محاسب في احد الشركات وكل شئ تغير في هذه اليوم الذي التقى فيه بمليكه لاول مره
سيف في مكتب المدير يمضي بعض الاوراق وتخبط السكرتيره ندي علي الباب و بتدخل يا كمال بيه فيه انسه بره جايه عشان وظيفه المحاسبه اللي فاضيه عندنا .خليها تدخل يا ندي . انا هروح اكمل شغلي يا كامل بيه بعد اذنك . دي متقدمه عشان تشتغل معاك في المكتب يا سيف استنا نعمل المقابله سوا .حضرتك عارف اني مش حابب اني تكون معايا بنت في المكتب بعد اذنك .مش عارف دماغك دي ايه يا سيف علي العموم اتفضل .يخرج سيف وفي نفس الوقت بتدخل مليكه وبيخبطو في بعض والورق يوقع علي الارض ومليكه بتعتذر من سيف وسيف من غير ما يبص لها لا عادي انتو كده كده ما تنفعوش غير في البيوت وبس . ده راي حضرتك وياريت تحتفظ بيه لنفسك .ما تزعليش يا استاذه سوبر مان وهنا بيرفع عينه وعينه بتيجي في عينها وما بيكملش كلامه وهي كمان بتكون هترد عليه لكن بتسكت في ثواني معدوده لحد الاتنين ما يفوقه علي صوت كمال بيه خلاص يا استاذ سيف حصل خير . سيف بياخد نفسه بالعافيه وهو مش قادر يبعد عنيه عنها ماشي يا كمال بيه واخد الورق ومشي .انا اسفه يا كمال بيه .كمال بيبتسم ولا يهمك يا بنتي اتفضلي ارتاحي ممكن اشوف شهاداتك و cv بتاعك .طبعآ اتفضل .كمال مسك الورق وقلب فيه وفضل يضحك.مليكه وشها اتغير وبتقول في نفسها هو بيضحك علي ايه انا الاولى علي دفعتي معقول هو كمان شايف ان البنات ما لهاش غير البيت وبتقول بعصبيه هو حضرتك بتضحك علي ايه . اسف يا بنتي خدي الورق وانتي هتفهمي .مليكه بتاخد الورق وبتبص فيه ايه ده مش معقول انا متاكده اني كان معايا ال cv بتاعي مش عارفه الورق ده جة منين .كمال ضحك ده ملف الشركه الاستاذ سيف اخد الورق بتاعك وانتي اخدتى الملف الي كان معاه . مليكه وشها بدا يظهر عليه ابتسامة خفيفه مش معقول وازي ده حصل .وطبعا سيف يدخل مكتبه وبيبداء يفتح الملف و تفاجئ لما يلاقي صورة مليكه والcv بتعها بدل الملف الي كان معاه وهنا عينه بتوقع علي تقديرها امتياز مع مرتبة الشرف ويقول لنفسة انها فعلآ تستحق الوظيفه دي ويقوم عشان يديها ال cv مليكه بتتكلم بتوتر وانا هروح اجيب الcv وارجع لي حضرتك .كمال يبتسم لا خليكي مرتاحه انا اخلي السكرتيره تجيب الورق مليكه بنبرة صوت هاديه شكرآ لحضرتك وهنا بيدخل سيف اتفضلي يا انسه ال cv بتاع حضرتك مليكه بفرحه شكرآ يا استاذ سيف وده الملف بتاع حضرتك .سيف بيشكرها وبيبص للمدير علي فكره يا كمال بيه الانسه مناسبه جدآ للوظيفه الي عندنا. كمال بيبص عليه باستغراب انت بتتكلم جد .سيف بنبرة صوت حازمه ايه حضرتك الcv بتاعها كويس اووي وفعلا احسن من كل الي اتقدموا للوظيفه دي .كمان بيبص وهو مش مصدق الي سيف بيقوله بس دي بنت يا سيف .سيف بداء يتوتر انا قولت راي بعد ما شوفت الcv بعد اذنك ومشي علي طول . مليكه بتبص بتعجب وهي ايه المشكله اني بنت يا كمال بيه ..كمال بيضحك المشكله مش عندي اصلك ما تعرفيش الاستاذ سيف مش بيحب يشتغل ما بنات نهائي عشان كده انا مستغرب كلامه خلاص الف مبروك تقدري تستلمي الشغل و فورا .
مليكه بدهشه ازي حضرتك حتي ما فتحتش ال cv بتاعي .كمال وهو بيضحك لا ما لوش لازمه مش مديرك قال انك احسن وحده في الي اتقدموا للوظيفه دي يبقا خلاص . مليكه وهي مندهشه مين مديري .ضحك كمال الاستاذ سيف .مليكه وشها اتغير وبتهمس بصوت واطي ده مديري انا ربنا يستر .مالك يا مليكه انتي بتقولي حاجه .لا يا كمال بيه بعد اذنك .اتفضلي والسكرتيره توصلك مكتبك .السكرتيره وهما مشين ربنا يكون في عونك يا انسه مليكه .مليكه بتبصلها بقلق ليه فيه ايه .ما تقلقيش كده بس الاستاذ سيف صعب اووي مليكه تحاول تخبي قلقها صعب علي نفسه احنا الي بينا هو الشغل وبس .السكرتيره ابتسمت من الناحيه دي ما تقلقيش هو اصلآ ما لوش غير في الشغل اتفضلي المكتب بتاع حضرتك هنا خبطي وادخلي .مليكه تحاول تتحكم في نفسها وبتخبط وبتدخل السلام عليكم سيف مركز في الملف الي قدامه وعليكم السلام ورحمة الله وبركاته اتفضلي مكتبك الي قصادي ده مليكه بتقعد علي المكتب وهي بتبص عليه وهو مش مركز معاها خالص وبعد دقائق معدوده بيتكلم ويقولها يا انسه في ملف قدامك افتحيه وعايزك تعملي كل المطلوب منك ومش هتمشي من هنا غير لما تخلصي الملف ده عشان بكره هنسلمه للضرائب .مليكه مسكت الملف وفتحته بس ده شغل كتير .سيف رفع عينة من الملف وبص ليها في الوقت الي حضرتك قولتي انه شغل كتير كنتي علي الاقل قريتي سطرين من الملف يلا ولو انتي مش قد الشغل يبقا اتفضلي امشي . مليكه بتبص له بتحدي لا مش همشي وهخلصوا .سيف يرجع يكمل شغله في الملف تمام ولو احتاجتى حاجه انا موجود تساليني علي طول . مليكه بصت له باستغراب حاضر .وفعلا كل ما كانت توقف معاها حاجه كانت ترجع له وكان بيرد عليها بكل ذؤؤؤق لحد ما خلصت الملف اتفضل يا استاذ سيف الملف جاهز شوف كده لو فيه اي غلطه .سيف مسك الملف و حطه جنبة تقدري تتفضلي .مليكه باستغراب يعني حضرتك مش هتشوف الملف . هشوفه بس الوقت اتاخر اتفضلي انتي .مليكه وقت ايه اتاخر . سيف بصلها الساعه ٥ المغرب . مليكه اتخضت ٥ المغرب ازي وطلعت التلفون وفعلآ لقيت الساعه ٥ المغرب ولقيت باباها رن عليها ٢٠ مره وهي عامله التليفون صامت من وقت المقابله مع كمال في الشركه الكل مشي ورنة علي باباها الو يا بابا . سمير بلهفه ايه يا بنتي فينك لحد دلوقت . اسفه يا بابا الشغل خدني وما خدش بالي من التليفون انا جايه علي طول .سمير هدي شويه تيجي بالسلامه يا حبيبتي ما تتاخريش . حاضر يا بابا وقفت وهي تحاول توقف تاكسي بس للاسف ما فيش ولا تاكسي يوقف وبعد ساعه بيكون سيف خلص شغله ونزل ركب عربيته ماشى لقي مليكه واقفه وما فيش تاكسي راضي يوقف لها و يقرب منها عربيته و بيفتح قزاز العربيه الي ناحيتها انتي لسا ما روحتيش . مليكه بتبص واول ما بتلقيه هو حضرتك ما فيش تاكسي راضي يوقف . اركبى كده كده انتي في طريقي . مليكه بكسوف مش عايزه اتعب حضرتك . ما فيش تعب انتي كده كده في طريقي زي ما قولتلك .بتفتح الباب عشان تركب جنبه .لا لو سمحتي اركبي وراه .
استغربت من كلامه وركبت وره وطول الطريق ساكت مش بيتكلم وهي كمان ولحد ما وصل شكرا يا استاذ سيف انا هنزل هنا .سيف بيركن علي جنب و يعتذر لها انه اخرها . مليكه وهي مستغربه لا عادي ولا يهمك وتنزل و بتمشي .سيف لسا بيتحرك لمح الشنطه بتعتها علي الكرسي وراه نزل بسرعه اخد الشنطه عشان يدهالها وبيجري وراها وكان باسم مستنيها وباسم ده شخص شمال يشرب مخدرات و بيحب مليكه واتقدم لها اكتر من مره واهلها رفضوا وباسم ده ما لوش غير اخت وعمه الي هو يبقا كبير المنطقه متبري منه بسبب السكه الشمال الي ماشي فيها واول ما بيشوف مليكه بيبداء يعاكسها ايه يا جميل امتي بقا توافقى عشان نعلي الجواب ونكتب الكتاب . مليكه بتبص له بقرف و بتكمل طريقها لكن هو يمسكها من ايديها أوقفى يا بت هنا . مليكه بتفقد اعصابها وبتضربه بالقلم وهنا بيبقا زي المجنون وبيهجم عليها والناس كلها بتتفرج وما حدش عايز يدخل وقبل ما يلمسها بيكون سيف قدامه و بيبص له من فوق لتحت و بيبص للناس الي حوليه و بيزعق كلكم ساكتين ايه ما فيش نخوه عند حد فيكم الكل بيبص في الارض ويمشي . مليكه امشي يا استاذ سيف ده حيوان مش انسان .باسم بيبصلو ده انتو طلعتو معرفه كمان .سيف بيزقو لوره ايه طلعنا معرفه ويلا خدلك جنب عشان نعدي .باسم بيطلع مطوه مش عايز ارتكب جنايه فيك يلا غور من قدامي .سيف بيدي الشنطه لي مليكه وبيقولها روحي انتي .باسم بيوقف في نص الطريق مش هتروح غير لما تشوف دمك سايح قدامها
دي اول مره اكتب بطريقه دي عايز اعرف رايكم كمل كده ولا ارجع لنظام السيناريو يعني الاسلوب الي كنت بكتب بيه من اول ما بدات
إلي اللقاء في الحلقه التانيه
#عباد_الواحد_وحدو_الواحد
