رواية وهم الخيانة الفصل السادس 6 بقلم نيرة عبدالله
هبه بابتسامه وفرحه: طبعا ي سليم موافقه
سليم ابتسم ولبسها الخاتم وباس ايديها؛ وهبه حضنته بفرحه والقاعه كلها صقفت
بس عند نورالدنيا كانت بطي'ئة؛ كل تصفيقة كأنها صف'عة على وشها، كل ابتسامة كأنها خن'جر في قلبها
عينيها كانت مليانه دم'وع بس كانت ماسكه دم'وعها بالعافية
اتنفست بالعافية؛ نفسها كان تق'يل، كأن في حاجة تق'يلة على صدرها
عينيها فضلت على سليم مش مصدقة ده اللي قال في يوم أنه بيحبها ووعدها انه عمره ما هيسبها دلوقتي بيتقدم لواحده تانيه قدام عنينها؛ جواها كان بي'صرخ وبيقول بدم'وع ووج'ع مش كفايه كس'رتني زمان؛ جاي دلوقتي تخل'ص عليا
الجد اتج:مد في مكانه، نظراته كانت رايحة جاية بين سليم وهبة، ومش مصدق اللي بيحصل.
بص للسليم بنظرة كلها غض'ب ودهشة، وقال بصوت واطي بس مليان ته'ديد: واضح إنك مصمم تفضل قدامي، بس أنا مابتهزش بسهولة يا سليم… اللع'بة لسه ماخلصتش.
أما وائل فكان باصص للي بيحصل بغض'ب شديد وباصص لسليم بك'ره اكبر وقال بصوت واطي: لو فاكر اللي عملته ده هيخليك تعلي في السوق تبقي غلطان ي سليم لأني مش هسمحلك تعلي اكتر من كده وهكتب نه'ايتك بايدي قريب
عند سليم وهبه
عدنان حضن سليم وهبه وبارك ليهم
عدنان لسليم: هبه بنتي الوحيده ي سليم ونور عيني خد بالك مش هوصيك عليها
سليم ابتسم: هبه في عيوني ي عدنان بيه
هبه مسكت ايد سليم وقال بفرحه: انا مش مصدقه ي سليم أن ربنا استجاب لدعائي وخلاك من نصيبي
سليم باس ايديها: لا صدقي انا وانتي بقينا لبعض وهنفضل مع بعض
هبه فرحت وحضنت سليم وسليم حضنها وبص علي نور من غير ما تاخد بالها؛ ونور كانت بتابع كل ده بمنتهي البرود بس جواها كان بي'صرخ وق'ايد ن'ار
روضه مسكت ايد نور وقالت: نور انتي كويسه
نور بصتلها وابتسمت: اه انا تمام هروح الحمام وهاجي
نور قامت عشان تروح الحمام وهي رايحه عدت من جنب سليم وهبه وسمعت صوت هبه بتقول ليها: ايه ي نور مش هتباركي لينا
نور بصت ليهم وابتسمت كأن مفيش حاجه: لا طبعا هبارك بس لاقيتكم مندمجين سوا فمحبتش اقطع اللحظه
هبه ضحكت ومسكت ايد سليم وقالت: اه فعلا أصلها حاجه حلوه اوي لما تتجوزي اللي بتحبيه عقبالك كده لما تجربي الشعور ده
نور سمعت صوت تكس'ير جواها أما هبه قالت كده بس مبينتش؛ وسليم كان حاسس بخ'نقه ووجع جواه بس مكنش مبين ده وبيتعامل عادي
نور ابتسمت وحضنت هبه: مبروك ي هبه ربنا يسعدكم
هبه حضنت نور: الله يبارك فيكي؛وقالت ليها بهمس: خدي بالك بقي عشان اللعب بعد كده هيبقي معايا انا وسليم وانا مش هخليكي تنت'صري عليه
نور ابتسمت ليها ببرود؛ وبصت لسليم ومدت ايديها له وقالت: مبروووك ربنا يسعدك معاها
سليم بصلها ومد ليها ايده وسلم عليها وقال بابتسامه خافيه وج'ع كبير: الله يبارك فيكي
نور ابتسمت نص ابتسامه ومشت وسابتهم وسليم فضل باصص عليها لحد ما اختفت عن نظره
نور راحت الحمام وبصت للمرايه ودم'وعها نزلت ب'وجع وقالت بدموع: يعني ايه يعني هو اتخ'لي عني زمان عشانها هي وجاي دلوقتي يخطبها قدامي ويوجـعني زياده
وغمضت عينيها ودم'وعها نزلت بس مسحتهم وبصت المرايا وقالت بقوه: اوعي تت'ضعفي ي نور اوعي خليكي قويه وهاتي حقك؛ وحطت ايديها علي بطنها وقالت ب&وجع: وحق ابنك اللي اتحرمتي منه بسببه
وغسلت وشها وظبطت الميكب وطلعت رجعت الحفله تاني
نور لجدها: جدو ممكن نمشي
جدها: تمام ي نور وبص لروضه يلا
روضه: حاضر؛ وخدت نور وطلعت
وائل: سليمان باشا محتاجين نتكلم ضروري
سليمان: هستناك بكرا عندي في الفيلا
وائل: تمام ي باشا
سليمان هز رأسه وسابه ومشي؛ وبعد شويه الحفله خصلت وكل واحد مشي وروح بيته
في فيلا سليم
سهيله حضنته بفرحه: مبروووك ي أبيه واخيرا هنفرح بيك وهتبقي أحلي عريس
سليم ضحك وحضنها: الله يبارك فيكي ي سوسو عقبال ما افرح بيكي
مامته حضنته وقالت: واخيرا ي حبيبي سمعت كلامي وهتفرحني بيك ي عيوني؛ هبه بنت حلال وبتحبك بجد وهتعوضك عن الوحش اللي عديت بيه
سليم ابتسم: أن شاء الله ي ماما وباس رأسها
سهيله: الفرح هيبقي امتي ي أبيه
سليم: بعد شهرين
مامته: وليه الاستعجال ي سليم اخره شويه
سليم باستغراب: ليه ي ماما مش حضرتك لسه قايله هبه بتحبك وبعدين احنا عارفين هبه كويس ومعشرنها كذا سنه
مامته: ما اللي قبلها برضوا كنا عارفينها كويس ومعشرنها كذا سنه وفي الاخر طعت مق'لب كبير اسمع كلامي ي سليم وريح قلبي
سليم اتنهد: حاضر ي امي واطمني هبه مش زي نور
مامته: عارفه ي حبيبي بس اسمع كلامي وبلاش استعجال
سليم باس ايديها: حاضر ي ست الكل؛ تصبحوا علي خير
مامته وسهيله: وانت من اهله
سليم طلع وغير هدومه ونام علي السرير وكان بيفكر في اللي جاي
في فيلا نور
نور طلعت اوضتها وقفلت الباب وطلعت من الدرج خاتم علي شكل قلب ومح'فور عليه اسم سليم وتاريخ كتب كتابهم؛ نور انه'ارت في الع'ياط وافتكرت يوم كتب كتابهم(فلاش باك)
صحاب نور وسليم المقربين بس اللي كانوا حاضرين ومامته واخته وعم سليم عشان كان وكيل نور كانوا موجودين في الشقه اللي أجرها سليم عشان يتجوز فيها هو ونور
واول ما المأذون قال: بارك الله لكما وبارك عليكما وجمع بينكما في خير
الكل زرغط وسقف ونور دم'وعها نزلت بفرحه وماما سليم حضنتها بحب؛ وسليم جري علي نور وحضنها بحب وشالها ولف بيها وسط تصقيف وتصفير من الكل
سليم بفرحه: واخيرا ي نور عيني واخيرا حلمنا اتحقق وبقيتي مراتي وباس جبينها
نور بدموع وفرحه: انا اسعد واحده في الدنيا دي كلها دلوقتي ي سليم أن حلم السنين اتحقق
سليم مسح دموعها: معتش عاوز اشوف دم'وعك دي أبدا الكل كله فرحه وبس
نور ابتسمت بحب وقالت: هيبقي فرحه وحب عشان انت معايا وجنبي اوعي تس'بني ي سليم
سليم باس ايديها وقال: اسي'بك ازاي ي نور انتي روحي وكل حياتي عمري ما اقدر اسيبك
نور حضنته جامد وسليم بادل الحضن؛ وبعدها طلع من جيبه خاتم علي شكل قلب ومحفور عليه اسمه وتاريخ كتب الكتاب ودبله له محفور عليها اسم نور وتاريخ كتب الكتاب برضوا
سليم لبس لنور الخاتم وباس ايديها وقال: كان نفسي اجيب ليكي حاجه اعلي من كده واعملك فرح يليق بيكي
نور مسكت ايده وقالت بحب: انت بتقول ايه يا سليم الخاتم ده عندي بالدنيا كلها ومش مهم فرح ولا اي حاجه المهم اننا سوا ومع بعض
سليم: بحبك
نور ابتسمت: وانا كمان؛ ولبسته دبلته وشدته ليها وقالت:اوعي في يوم تقلعها فاهم
سليم بضحك: فاهم يا باشا؛ وحضنها وباس جبينها(نهايه الفلاش باك)
نور بانه'يار:وفي الاخر سب'تني واتخ'ليت عني عشان خاطر واحده تانيه وطلعت ك'داب في كل قولتها ليا؛ وغمضت عينيها وقالت ب:وجع: ياريتني ما حبيتك يا سليم
تاني يوم؛ في شركه سليم
سليم كان قاعد في المكتب بيشتغل هو ومعتز علي مشروع جديد
معتز: فيه سوال عاوز اساله ليكي ومحتاج منك اجابه
سليم: سوال ايه اسال
معتز: انت عملت كده امبارح عشان انت فعلا عاوز تتجوز هبه ولا عشان حاجه تانيه
سليم اتنهد: حاجه تانيه زي ايه يعني
معتز: انت فاهم قصدي كويس يا سليم بلاش ل'ف ودو'ران
سليم: انا عملت كده عشان عاوز اتجوز هبه فعلا يا معتز ومفيش اي سبب تاني
معتز: اتمني يكون كده فعلا وخليك فاكر أن هبه بنت عدنان الراجل اللي بسبب شاركته معانا قدرنا نفتح الشركه دي ونقف علي رجلنا
سليم: فاكر ي معتز متقلقش
الباب خبط ودخل منه خالد وهو بيقول: ي عريس ي عريس الف مبروووك ي صاحبي
سليم ضحك هو ومعتز؛ وقام سلم علي خالد: الله يبارك فيك يا صاحبي عقبالك
خالد بضحك: يارب يخويا يارب
معتز بضحك: مستعجل اوي ي اخويا مصاحب من ورانا ولا ايه
خالد بضحك: لا بس مستني فرح سليم يمكن اظ'بط فيه حد؛, الا قولي صحيح الفرح امتي
سليم بضحك: لسه محددناش وبعدين متقلقش هخلي هبه تشوفلك حد من صحابها انت والواد معتز
معتز: انزل من علي دماغي يعم انت وهو
خالد بضحك: سيبك منه عيل ف'قري؛ بس صراحه ي سليم عمري ما كنت اتوقع انك تحب بعد نور
معتز: خالد وبعدين معاك
سليم: عادي ي معتز ذكر الماضي معتش بيضايقني؛ وبص لخالد: نور ماضي وانتهي ي خالد خلاص انا رم'تها برا حياتي من زمان واللي بيني وبينها ع'داوه شغل وبس؛ وهبدا مع هبه حياه جديده
خالد ابتسم: ربنا يسعدك يصاحبي
سليم: يارب
خالد: هروح اكمل شغلي بقي عن اذنكم؛وسابهم وخرج وسليم ومعتز كملوا شغلهم
خالد راح مكتبه وطلع صورة من الدرج وبص فيها وابتسم وقال: عمره ما حبك ولا اس'تاهل حبك انا بس اللي كنت استاهل حبك يا نور ....(يتبع)
*توقعاتكم ايه للي جاي
وهم الخيانه بقلم نيره عبدالله
