رواية جدي الفصل الرابع 4 بقلم اسماعيل موسي
#جدى
٤
لقيت جثه فى غيطى، لقيت جثه فى غيطى، جثه عريانه كأنها حيه..
كانت الشمس أشرقت للتو، نسمة شارده تداعب اكواز الزرة داخل فستان العروسه وأوراق الشجر الزاهيه
وغليون فى منتصف النهر القريب يسبح مثل الشبح وسط الشبورة
اول من انتبة والدى، كان جالس فوق سطح البيت كأنه متوقع إلى هيحصل، بعد اسبوع من اختفاء الجثه الأولى ظهرت جثة جدى حتى ان والدى لم يغمض له جفن
شيء داخله أراد أن يصدق ان والدة كامل ولى من أولياء الله الصالحين، نزل والدى درجات السلم ركض.
أوقف على الديب وسط الطريق جثة مين يا على؟
لكن على الديب كان فيه إلى مكفيه، حتى انه اقسم امام كل الناس انه لن يروى أرضه بعد الفجر مره اخرى فى حياته
والدى إلى شعر بخيبة امل اخد الرجاله وطلع على غيط على الديب، بس جدتى مطلعتش من البيت، فضلت قاعده على الحصيره غير معنيه بأى شيء
لما وصل الرجال غيط على الديب كانت الشرطه بعتت إشاره محدش يقرب من الجثه ويعطل عمل القانون لكن الناس شافت وقربت
الجثه كانت تخص عتمان، الشاب إلى اختفى اولا من قريتنا
وذى ما حصل مع جثة جدى الجثه كانت طازجه، لسه ميته
الشرطه حضرت والطب الشرعى وكالعاده فشلو فى إيجاد اى اجابه على تساؤلات الناس، والغريب انهم لقيو دم لا يخص الجثه تحت منها، الدم كان يخص الجثه التانيه...
فاكر جدا إلى حصل اليوم ده، جدتى خرجت من البيت لكن مرحتش على الغيط ذى كل اهل القريه
لكن راحت على المقابر وكان معاها بخواجى إلى كان بيصرخ يا بلد يا همج يا أغبياء مش قلتلكم الحج كامل ولى من أولياء الله الصالحين؟
جثة جدى كانت موجوده قدام قبره، القبر إلى مش مفتوح
ولما الشرطه راحت تدفن جثة عتمان لقيو جدتى وبخواجى قاعدين جنب جثة جدى، وبخواجى بيصرخ مدد يا أولياء الله الصالحين وجدتى بتهمس فى شرود تأخرت ليه يا كامل دا ميعاد ظهورك
