رواية اسماعيل ونورهان (كاملة جميع الفصول) بقلم اية محمد
كـل مرة بـروح لخطـيبتي بتحصـل حاجه غـريبة بـس اللي حصـل المرة دي كـان أغرب من كـل مرة..
" مسـاء الخـير يا حبيبي نـورت البيت "....
" مساء النـور يا طنط ".
" اتفضل واقف بـرا ليه؟ "
" هو عمـي سليمان موجـود! "
"أيوا طبعـا ومستنيك، و نـورهان بتغير هدومها وهتخـرجلك دلـوقتي".
أول ما دخـلت حسيـت بجسـمي بيتهـز بس متكـلمتش، بـدأت أتلفت حـواليا، حاسس حد بيـراقبنـي بس مش شايفـه، أوقات بحس إنهـا حطالي كاميرات في المكان، أنا مش بشك فيها.. أنا بحبها..
بس الشـك بياكلنـي من جوايا، حاسس بحـاجة غلط بتحصل ومش قـادر أكدب شعـوري..
" إسماعيـل! مالك يا ابني سهمت كدا ليـه! "..
" ها! لا ولا حاجه "..
قعـدت مستنـي حمايا و خطـيبتـي، هي اللي جـت الأول سلمت عليـها وإديتها هديتهـا وقالتلي بحماس:
" عملتلك كب كيـك تحفة أوي، هيعجبك أوي حطـيتلك كمان كذا واحده في علبـة تبقي تتسلى فيهـم في البيـت".
"تسـلم إيـديكي يا حبيبـتي"..
" صحيح، إحنا مش هنروح نشوف القاعة بقي ونحجـزها! "
"لسه شوية يا نور، الشقـة لسه عاوزة شغـل"..
" يا حبيبي هنكملها بعد الفرح "
"إزاي يعني! هنقعد فيها والصنايعيـه داخلين خارجين؟ اصـبري علي أول السنة الجـديدة يا نور".
" ماشي مهو القاعة لازم تتحجز بـدري شويـة "..
" أنا مخطط لكـل حاجه في دمـاغي و كمـان عملت حسابي علي كذا قاعـة يناسبوا الميزانيـة إبقي اختـاري منهم اللي تعجـبك "..
" ربنا يخـليك ليا يا حبيبي، أنا هقـوم أحط سفرة العشاء مع ماما "...
" ماشي براحتكم، أنا هصـلي المغـرب في الركن دا علي ما تخلصوا "..
سـابتنـي ومشيـت وأنا فضلت مكـاني، مش لأي سبب غير إني كنت لازق مكـاني مبتحركش، حاولت أقوم معرفتش، قاومت ومقدرتش.. أنا مبقيتش فاهم حاجه.. وخايف..
" مصليتش ليه! "
" ااا.. لما أروح هصـلي "..
" طيـب تعـالا يـلا، أنا عملتلك الأكل اللي بتحبـه، مال ايدك ساقعـة ليه كدا؟! "..
" لا، هي طبيعتها كدا عادي "..
" طيب تعـالا "..
مقعـدتش إلا دقايق وبعـدها اتحججت بمؤمن صـاحبي إنه تعـبان ومشيت بـسـرعة، اللي بيحصـل دا مش معقـول، بس أنا لازم اي اللي بيحصـلي دا، وليه بيحصلي عندها بالذات!!
فضـلت اسبـوع علي نفس الحيـرة، مبكلمهاش غير قليل و مروحتش بيتهـم وطبعـا مقولتش لأي حد عن اللي حـصل معـايا...
" إزيك يا مؤمن "..
" مبقيتش تيجي تصلي في الجامع ليه!! "
" إزاي يعني!! أنا مصلي جمبك الضهر النهاردة ".
" محصلش!! ".
" اي!!!
يتبع..
#آية_محمد
