رواية غرام العيسي الفصل السابع 7 بقلم اسماء السيد
(غرام العيسي) part 7
الست:عاوزه عيسي جوزي
عامر بغضب:جوزك مين يا ولييه انتي
الست والي اسمها مي
مي:بقولك انا عاوزه جوزي هاتولي عيسي يااعيسي
كل دا وغرام بتعيط والعيله كلها مصدومه
عامر:قولتلك اطلعي برا عيسي متجوز وعمره ما هيبصلك حتي
مي:لاء انا متجوزه عيسي وحامل في ابنه كمان
عامر بغضب :اطلعي برا انقلعي ياامره جتك الهم برا يا بنت المركوب
مي بغضب:مش همشي من غير جوزي حبيبي
عامر بصراخ:يا غفيررر
الغفير :ايوا يا كبير
عامر:خد الم"ره دي وارميها برا القصر
الغفير:حاضر يا كبير يلا يا ست
مي بصراخ:ابعد عني سيبني يا حي"وان ابعد
وبالفعل خرجها الغفير برا
عامر:غرام انتي كويسه
غرام بصتله بدموع وجريت علي فوق
رحمه:انا مش مصدقه ان ابني يعمل اكدا
عامر:ولا انا مصدق والله
بسمه بصدمه:يعني عيسي متجوز قبل غرام
تفيده :عيسي اكيد ميعملش اكده
عامر:احنا نشوف عيسي لما يجي وخلاص
@@@@@@@@@@@@@@@@@@@@@@
عند غرام
كانت طلعت اوضتها وكانت منهاره من العياط وقفلت الباب بالمفتاح ودخلت قلعت النقاب والخمار ودفنت وشها وفي المخده وانهارت خالص
غرام في نفسها. وانتي كنتي متخيله ايه ما انتي خرسه ووحشه ومحدش عاوزك حتي هوا باعك وطلع متجوز وانتي الي كنتي معجبه بيه انا غبيه وعبيطه.
وفضلت تعيط لحد ما جه نور ومريم وفضلو يخبطو علي الباب وهيا مفتحتش فسابوها
لحد ماغرام نامت علي نفسها من كتر العياط
@@@@@@@@@@@@@@@@@@@@@@
عند عيسي
كان قاعد في الاجتماع في شركته وكان مشغول جدا وقافل تليفونه
........ بعد مده دامت 3ساعات
خرج عيسي واتجه لمكتبه وفتح تليفونه
وفجأه سرح في غرام وفتح الصوره الي صورها وهيا نايمه الصبح وابتسم
عيسي في نفسه :والله انا مش عارف انا مالي اليومين دول انتي اول ست تعرف تلفت نظري يا تري انا وانتي هنفضل مع بعض ولا الدنيا هتفرقنا
وفضل فتره سرحان فيها وبيبتسم
فجأه دخل عليه دياب ويوسف
دياب:هنرجع الصعيد النهارده ولا ايه
عيسي:ان شاء الله
يوسف بستغراب:مش قولت اننا هنقعد 3ايام
عيسي بضيق:اصلي عاوز اروح
دياب بمرح:ااه معتش يقدر يبعد عن البيت اصله بيوحشه اوي
يوسف بإبتسامه:ااه مش تقول كده يا عيسي ان البيت بيوحشك ولا غرام
عيسي بصله بصه مش مفهومه وفجأه تليفونه رن وكان عامر
عيسي:ايوا يا جدي
عامر:انت هترجع امتا يا عيسي
عيسي بخضه:ليه في ايه غرام كويسه جرالها حاجه
عامر:غرام منهاره وقافله علي نفسها من الصبح يا عيسي
عيسي بغضب:ليه يا جدي مين زعلها
عامر:في واحده جت هنا وبتقول انك جوزها وانها حامل بس انا مشيتها وغرام من ساعتها وهيا حابسه روحها
عيسي بغضب جحيمي:واحده مين دي ومراتي انا
عامر:انتا عملت اكده يا عيسي
عيسي :انا لومتجوز هخبي ليه او هخاف من مين يا جدي
عامر بإطمنان :انا قولت كدا برضو بس انا صعبان عليا غرام قوي دي من الصبح مش راضيه تاكل ولا تشرب وقافله علي نفسها بالمفتاح
عيسي:انا جاي يا جدي مسافه السكه وهكون عندك سلام.......وقفل الخط
دياب:في ايه يا عيسي
عيسي :هنرجع الصعيد حالا يالا بينا
يوسف:تب في ايه
عيسي:بعدين هتعرفو
وخرج الشباب من الشركه واتجهو للصعيد
@@@@@@@@@@@@@@@@@@@@@@
عند شهاب
شهاب:عملتي ايه يا مونيكا
مونيكا :لقد ارسلت مي وطردوها من القصر يا شهاب
شهاب بغضب :يعني ايه انا مش هعرف اخد غرام انا غرام دي بتعتي انا وحبيبتي انا وبس
مونيكا:هل ممكن سؤال ياشهاب
شهاب بملل:ارغي
مونيكا:لماذا انتا متعلق بغرام هكذا يمكن متكونش فاكراك أساساً وكمان دي حتي خرسه وانا اهو حلوه وممكن انفعك
شهاب بقرف:انتي واحده رخيصه وقذره انما غرام جوهره محطوته في تابوت محدش يشوفها ولا يكلمها انسانه جميله طيبه وحنينه قلبها طيب وابيض زي الحليب
مونيكا بغل:انها خرساء خرسااء انا كويسه اهو متجربني
شهاب :انتي شبه الحلاوه الي مش عليها غطا والدبان والنمل ملمومين عليها بتسلمي نفسك لأي حد عشانك قذره
انما غرام متغطيه ورده وسط الشوك
مونيكا بكره:المهم دلوقتي مي هتعمل ايه تاني
شهاب بقلق:اكيد عيسي مش هيسبها وهيجبها فهيا هتفضل سابته علي موقفها وهوا اكيد غرام هتطلب الطلاق.
مونيكا بطمع:وستعطيني الخمسه ملايين دولار
شهاب بقرف:بس لما اطول غرام هتطولي الفلوس اصلي عارفك كلبه فلوسه
مونيكا ببجاحه:كلبه كلبه اهم حاجه الفلوس
شهاب:تب غوري من وشي جتك القرف غورري
مونيكا جريت علي برا
شهاب بشر:والله يا غرام لهخدك وهتكوني ليا وبس ياروما
@@@@@@@@@@@@@@@@@@@@@@
في المساء وكانت غرام فتحت الباب
كانت الساعه 12بليل كانت غرام قاعده بتصلي قيام الليل وبتدعي ان الكلام دا يكون كذب وكانت بتعيط جامد
....... بعد مده خلصت غرام صلاه
قامت دخلت الحمام تاخد شاور
فجأه دخل عيسي وهوا في ايده كيسه فيها حاجات وقلع الجاكت رماه علي الكنبه وحط الكيسه علي التربيزه ودور عليها ملقهاش وسمع صوت ميه فعرف انها جوا
شويه وغرام طلعت وكانت لافه فوطه علي جسمها وكانت متجه لغرفه اللبس لاقت عيسي جوا وكان عاري الصدر وعيسي بصلها بإنبهار من جمالها وهيا اتصدمت واتسمرت مكانها من الصدمه
عيسي بدأ يقرب وغرام بترجع بخوف وتوتر لحد ملزقت في الحيطه وعيسي حاصرها
غرام بصتله بتوتر
عيسي بتوهان :وحشتيني
غرام بصتله بصدمه
عيسي وهو بيدفن وشه في رقبتها:بقولك وحشتيني
غرام حاولت تزقه بس مقدرتش فستسلمت لانها تعبت
عيسي بصوت حنين:غرام
غرام بصتله وهوا بعد وبصلها
عيسي:عاوزك
غرام برقت من الصدمه وحاولت تجري بس هوا مسكها
عيسي:تعالي انتي راحا فين
غرام عرفت تزقه وبقت ترجع وهو يقرب
لحد ما وقعت علي السرير وهوا اعتالها
غرام عيونها دمعت وهوا كان بيبصلها بحب
عيسي:غرام متعيطيش انتي مراتي
غرام فجأه حضنته وهوا مصدق وحضنها جامد
وفجأه عيسي باسها وهيا كانت بتحاول تبعده بس بعدين تجاوبت معاه.. ووووووووو
(استغفر الله العظيم🙂)
@@@@@@@@@@@@@@@@@@@@@@
عند مريم
كانت نايمه وفجأه تليفونها رن
مريم بنوم:الوو
المجهول:الو مريم
مريم:مين معايا
المجهول:مش مهم انا بس حبيت اقولك اني بحبك اوي
مريم:بتحبني تب انتا مين
المجهول :انا بس حبيت اسألك انتي بتحبي حد ولا لاء
مريم:ايوا انا بحب حد
المجهول بغيره:ودا مين بقا
مريم بعفويه:د.. وانتا مالك يا جدع انتا اقفل وغور عشان عاوزه انام... وقفلت
@@@@@@@@@@@@@@@@@@@@@@
عند دياب
دياب بغيره:ماشي يا مريم بتحبي كمان ماشي بس هتكون بتحب مين لازم اعرفه واقتله
وقعد يفكر لحد مانام
@@@@@@@@@@@@@@@@@@@@@@
عند سامي كان بيكلم حد في الموبايل
سامي بغضب:بقولك ايه يتخلصني منه يا تحل عني
المجهول :قريب ياسامي قريب بس عاوزك تخش في الشغل معاهم
سامي:انتا عارف ان عيسي مبيأمنش لحد
المجهول:معرفش اتصرف فاهم ولا لاء
سامي بخوف:بس انا مقلق لعيسي يعرف حاجه دا لو عرف هيقتلني دا مبيرحمش
المجهول بخبث:انا عارف انه ظالم متنساش انه واخد منك حب العيله وكل حاجه يا سامي
سامي بغل: فعلا هوا اخد كل حاجه وكمان ببيكرهني انا هنتقم منه
المجهول:حلو اوي كده المهم دلوقتي عاوزين طريقه ننتقم بيها منه ايه اكتر حاجه تزعله
سامي بتفكير:والله ما انا عارف لانه مهما حصل مش بيبين
المجهول:هوا بيحب مراته
سامي:لسا معرفش انا هتأكدلك وابلغك سلام
المجهول:في اسرع وقت سلام... وقفل
@@@@@@@@@@@@@@@@@@@@@@
في غرفه عيسي وغرام
كان عيسي نايم وحاطط ايده تحت دماغه وغرام قاعده جمبه ولافه الملايه عليها وبتعيط جامد
عيسي:خلاص يا غرام انتي بتعيطي ليه
غرام بصتله بدموع
عيسي بضيق :يا غرام في الاول او في الاخر دا كان هيحصل
غرام شاورتله بمعني. انتا هتطلقني قريب .
عيسي بعدم فهم:انا مش فاهم حاجه ثواني
وقام جاب النوت بوك والقلم
عيسي:اكتبي الي عاوزاه
غرام اخدتهم منه وكتبت. مش انتا قولت هتطلقني مكنش ينفع دا يحصل.
عيسي:لاء يا غرام ما انا غيرت رأي من زمان وقررت اني مش هطلقك
غرام بصتله بصدمه وكتبت. بس انا مش عاوزه افضل متجوزه انا اصلا مكنتش ناويه اتجوز.
عيسي بغضب:والله دا الي عندي يا غرام وان كان عجبك طلاق مش هطلق
وقام اخد هدوم واتجه للحمام وهيا انهارت اكتر علي الي حصل
.......... بعد مده طلع عيسي ولاقا غرام قاعده بتعيط لسا
عيسي قرب منها واخد السجاير الي علي الكومدينو
جمبها
عيسي بحده:كفايه بقا انا مقتلتكش قولتلك في الاول والاخر كان هيحصل انتي مراتي فاهمه مرااتي وطلاق مش مطلق انتي اتحكم عليكي بسجن العيسي العمر كله والي بيدخل سجني مبيطلعش الا بكيفي فاهمه والي عاوزه هاخده بالغصب او بالرضي
وطلع البلكونه وهيا قامت اخدت هدوم ودخلت الحمام
........... بعد مده
طلعت غرام وهيا لابسه بيجامه اوفر سايز من اللون الابيض في بنفسجي وكانت جميله جدا وعملت شعرها ضفيره
بصت علي عيسي بحزن
غرام في نفسها :انا شكلي غلطت هوا دا حقه وانا معرضتش هوا ملوش ذنب وبعدين متنكريش انك بدأتي تحبيه دا جوزك وبعدين هوا برضو غلطان انا مش سلعه ياريت كنت بعرف اتكلم
وعيطت غصب عنها بس بعدين مسحت دموعهاودخلت البلكونه وفجأه حضنته من ضهره وهوا اتصدم ولفلها
عيسي بصدمه:ايه انتي سخنه
غرام هزت راسها بلاء
عيسي برفعه حاجب:اومال ايه مش متعود منك علي الحنيه دي
غرام بصتله بغضب طفولي .. وطلعت من البلكونه
وعيسي ابتسم ابتسامه شبه معدومه
وغرام طلعت وشافت الكيسه الي جابها عيسي وجريت عليها وقعدت علي الكنبه وفتحتها ولقت فيها حاجات حلوه كتير وفرحت جدا
قعد عيسي جمبها
عيسي :ايه رأيك بقا
بصتله غرام وسابت الحاجه واتجهت للسرير
وهوا راح وراها
عيسي:انتي قومتي ليه
غرام جابت النوت وكتبت. عشان انتا خاين وطلعت متجوز قبلي.
عيسي بهدوء وغضب خفيف:اولا انا مش خاين ثانيا انا معرفهاش بس هجيبها وهعرف مين الي بعتها وانا متجوزتش غيرك
غرام كتبت. ازاي دي بتقول انها حامل في ابنك.
عيسي بخبث:علي فكره انتي اول وحده المسها في حياتي يا غرام وأنا اتعرض عليا كتير بس عمري مافكرت اغضب ربنا
غرام بصتله وابتسمت غصب عنها وبعدين استوعبت وكشرت تاني وعطيته ضهرها وهوا ابتسم وحضنها من ضهرها ودفن وشه في رقبتهاوهيا اتوترت جدا
عيسي:اهدي انتي بتترعشي ليه
غرام كانت بتترعش فعلا بس فجأه جريت علي الحمام
وبقت تستفرغ كتير وعيسي راح وراها
عيسي بخوف:انتي كويسه يا غرام
وغرام فضلت تستفرغ لحد ما خلصت وعيسي مسحلها بوقها وغسلها وشها من غير ما يقرف حتي
وغرام مكنتش قادره تتحرك حتي
عيسي بخوف:مالك يا غرام انتي كويسه
غرام بصتله وفجأه وقعت في حضنه اغمي عليها
عيسي شالها وحطها علي السرير وجاب ميه وحاول يفوقها مستجبتش
بسرعه دخل جاب اسدال ونقاب ولبسها ونزل بيها
وركبها العربيه وساق بأقصي سرعه للمستشفى وشالها ودخل بسرعه
عيسي:بسرعه يابهايم مراتي تعبانه بسرعه
الدكتور:حالا يا عيسي بيه حالا
وجابو ترول وعيسي حط غرام عليه
وكان الدكتور داخل عيسي مسكه من قفاه بغضب
عيسي بغضب:انتا رايح فين
الدكتور برعب:داخل اكشف عليها حضرتك
عيسي:انا عاوز دكتوره حالا يلا
الدكتور:حالا حالا يا باشا.. وطلع يجري
وبالفعل جت الدكتوره ودخلت وكشفت علي غرام وعيسي برا رايح جاي ومستغرب نفسه هوا عمره ماخاف علي حد كدا
..... بعد مده
طلعت الدكتوره وعيسي قرب منها
عيسي ببرود:في ايه هيا كويسه
الدكتوره:هيا كويسه الحمدلله بس انتا جوزها صح يا عيسي بيه
عيسي:اه انا جوزها في ايه
الدكتوره:مافيش المدام ضعيفه بس شويه ومحتاجه راحه لانها اتعرضت لعنف وهيا ضعيفه
عيسي:تب هيا فاقت دلوقتي
الدكتوره:اه ممكن تدخلها بس ياريت تمنع نفسك عنها فتره لحد ما المدام تخف.و.....
قاطعها عيسي بدخوله الغرفه وهيا اتنهدت ومشيت
عند غرام كانت فاقت وبتعيط ....دخل عيسي
عيسي:غرام انتي كويسه
غرام بصتله بدموع وحضنته وعيسي حضنها
شويه وغرام نامت في حضنه بسبب المسكانات والمهدأت
عيسي بصلها بقلق وشالها وخرج من المستشفى واتجه للقصر
وطلع بيها حطها علي السرير وقلعها الاسدال والنقاب وهوا كمان قلع التيشرت واخدها في حضنه ونام
@@@@@@@@@@@@@@@@@@@@@@
في الصباح
كان متجمع الكل علي الفطار معادا غرام وعيسي حتي دياب كان موجود الي كان بيبص لمريم بغضب وهيا مستغربه
فجأه نزل عيسي وغرام جمبه وساره ولعت لما شافتهم
عيسي:صباح الخير
الجميع:صباح النور
رحمه:حمد الله علي السلامه ياولدي
عيسي:الله يسلمك ياما
وقعد ووغرام كانت هتقعدجمبه وكانت ساره الي قاعده علي الكرسي دا
غرام بصتلها وبصت لعيسي
عيسي بجمود:قومي من هنا يا ساره
ساره بغل:ليه ما انا علي طول بقعد هنا
عيسي:بس هيا مراتي وهيا الي من حقها تقعد جمبي فزي قومي
قامت ساره بغضب وبصت لغرام بكره وغرام بصتلها بإنتصار
وراحت قعدت جمب امها وغرام قعدت وابتسمت لعيسي
عامر:عملت ايه في مناقصه امبارح
عيسى بثقه:اكيد اخدتها دا انا عيسي الهواري
والكل فرح معاد ساره وامها وسامي
كامل:الف مبروك ياعيسي
عيسي بحده:الله يبارك فيك
وفجأه دخلت مي
مي:عيسي يا حبيبي
الكل بص لمصدر الصوت
عيسي بصدمه:مي ...........
