رواية حب تحت الوصاية الفصل السادس عشر 16 بقلم عائشة الكيلاني

 رواية حب تحت الوصاية الفصل السادس عشر 16 بقلم عائشة الكيلاني

واحد اتنين تلاته الان مع المفاجأة 

سيف بص في عينيها:- انتي بجد 

ميرا اتسعت عينيها بتوتر و عدم فهم :- اي هو الى بجد ، استاذ سيف حضرتك كويس 

سيف و هو على نفس الوضع :- سبحانه من خلق ليك مكان في قلبي و خلني مش قادر ابعد عنك ثانية 

ميرا رمشت عينيها بصدمة و عدم استيعاب رفعت ايديها بتردد و حطت على جبينه:- انت مش سخن ، انت شارب حاجة انت هتقتلني جايبني هنا علشان تخلص مني انا اسفة انا كنت اوفر معاك من شوية انا اسفة بس مشيني من هنا الله يخليك 

قالتها برجاء و توتر كملت:- ط طب اكلم خالد اودعو هو صحيح واطي و اناني و ابن جزمة بس هو اخويا برضو و ميهونش عليا اموت قبل ما اودعو 

سيف بيسمعها بهدوء و بيحاول ميضحكش لكن قال:- بسسس كفاية ودني يا بنتي مش كدا اسمعي كلامي الاول و بعدين اتكلمي ااي راديوو افصلي شوية يا بنتي 

ميرا بتوتر و لخبطة:- فهمني من بعدي ممنوع الاقتراب قول احنا هنا ليه 

سيف اتنهد بهدوء :- احنا هنا يا ستي علشان اخد رايك في بيتنا الجديد بيتنا احنا التلاتة انا و انتي و كوكي لان مش معقول يعني هيقعد بعيد عننا ، عايز اعرف رايك و تخطيطك ليها 

ميرا بصت حواليها بعدم فهم و دهشة دخلت المطبخ او بعدين الاوض سيف كان وراها خرجت وقفت في الصالة و هى بتبص حواليها صحيح سيف اشتري شقة جديدة ليهم بس على المحارة يعني لسه هتتوضب و تتفرش 

ميرا اخيرا اتكلمت :- انت عايز توصل لاي  ، انت مين بالظبط 

سيف بهدوء و ابتسامة:- انا مش عايز اوصل لحاجة يا ميرا انا عايز ابننا يعيش حياة هادية بعيدة عن الضغط و المشاكل 

ميرا ربعت ايديها و قالت بوجع و سخرية:- المشاكل الى انا سببها صح بلاش لان انا على تكة اعتبرني اختك 

سيف قرب منها مسك ايديها  و قال و هو بيبص لكفها: بحب :- عارف انكي مش هتصدقيني و دا حقك بس انا بجد بحبك و نفسي ابدا معاكي من جديد 

ميرا بصتله بوجع و عتاب سيف رجع شعرها لوراء اتنهد بهدوء:- المدام سليمة كانت مرحلة في حياتي  كنت فاكر انى  ان حياتي وقفت بس ، انتي غيرتي فكرتي خلتني واحد تاني 

ميرا بصتله  و قالت:- هو انت عرفت ازاي ا

سيف بابتسامة و هو بيشدها لحضنه :- شهر كفاية علشان اعرف الى قدامي و الى عايشة معايا مراتي طبيعي احس بيكي و اعرف سبب زعلك و تغيرك و حقك 

ميرا بعدت عنه :- انت غريب اوى  انت بتضحك عليا 

سيف بهدوء طالع صورة سليمة و قطعها و رمها :- و علشان تصدقي كلامي ، مدام سليمة مفيش حاجة بينا و دا من زمان ، مش من الصح اننا نجيب سيرة ست متجوزة ، أسوأ يوم في عمري  كلنا بنزعل على حاجات مش خير لينا ولا احنا خير ليها ، 

سيف سرح فلاش 

سيف جاه دخل اوضته و اتجه لدولاب لكن لحظ ان الدفتر مش محطوط في مكانه الصح في حاجة غلط 

قال بتوتر:- معقول تكون فتحته ، ا انا لازم افهمها ان دا كان زمان لازم تفهما كل حاجة فتح الدفتر اخد الصورة و قفل الدولاب 

باك 

ميرا بصوت مرتعش:- هفضل احبها ولا واحدة تملي مكانها في قلبي حتي لو الواحدة دى كانت مراتي  دى عادي يا سيف صحيح مش بحبك ولا بتحبني بس انت كسرتني من غير ما تحس 

سيف مسك ايديها  قبلها و قال بحب:- انا كتبت كلام انا نفسي مكنتش مدرج بيه و دلوقتي انا بكل عقلي وقلبي بقولك ولا ست في الدنيا تملي مكانك أو اى واحدة تدخل قلبي غيرك ، صحيح شهر بس خطفتني من غير ما تحسي انا بحبك بكل ما فيكي جنانك حنيتك على كريم الى امه نفسها لو كانت عايشة مكنتش حبته ربع الحب الى في قلبك له والله العظيم بحبك و مش عايز اكمل غير معاكي 

سيف طالع علبة صغيرة فتح كان فيها خاتم الزواج :- تتجوزيني يا انسة ميرا 

ميرا رمشت عينيها لفت وشها الناحية التانية و هى بتضحك و دموعها بتنزل على خدها مختلطة بالفرح و الدهشة الغيظ و الحب مكنتش تتخيل ان في يوم حد يعمل علشانها كدا كان نفسها زياد لانها مكنتش متوقعة ان سيف يعمل كدا و لمين ليها  سيف حضنها من ضهرها و مسك ايديها و لبسها الخاتم و الدبلة ميرا لفت له و هى حرفيا مش مصدقة الى بيحصل لبسته الدبلة حضنته بحركة لا ارادية كانت فرحانة متوترة مشاعر متلخبطة لقت حب حياتها الى كان ولا على البال ولا الخاطر سيف ضمها له بقوة اكتر ميرا غمضت عيونها بهدوء و ابتسامة أما عند سليمة سليمة وصلت الحارة و معاها شنطة هدومها حسبت السواق و دخلت الحارة ماشية ببطء و ألم فضلت ماشية لحد ما وصلت البيت و خبطت على الباب عبلة من جوا:- ايوة يا الى بتخبط جاية اهو 

عبلة فتحت الباب بصتلها بدهشة سليمة رمت نفسها في حضن عبلة و بقت بتعيط بقهرة و وجع عبلة بقت بطبطب عليها بحنان و قلق في نفس الوقت :- مالك يا حبيبتي مالك يا سليمة بسم الله الرحمن الرحيم فيكي اي يا بنتي ردي عليا ابوس ايدك 

سليمة بصوت مخنوق و متقطع من العياط :- مش عايزني يا ماما ز زياد بيتسلي بيا هو طالع مش بيحبني دمرني يا ماما دمرني 

سليمة قالت كدا و اغمو عليها في حضن امها عبلة حست بيها:- س سليمة ردى عليا يا بنتي مالك يا بت سليمة يلهووى الحقيني يا مفيدة 

مفيدة كانت نزلة لم لقت عبلة مطلعتش ف قلقت و نزلت ليها هى و فاطمة :- اي دا هى مالها يا خالتي 

عبلة  بخوف و رعب:- مش عارفه يا بنتي فتحت الباب لسه هتكلم وقعت زى ما انتي شايفة كدا البت فيها حاجة مش طبيعيه بنتي فيها حاجة يا مفيدة كا كانت كويسة الصبح معرفش حصلها اي 

مفيدة :- اهدي مفيش حاجة ضغطها تلقيه وطي شوية 

فاطمة دخلت جوا و خرجت و هى معاها مياة و بيرفان حطته على انف سليمة و مفيدة ترش ماية على وشها لحد ما فاقت فتحت عيونها ببطء و فزع بصت حواليها بخوف: حااا عبلة حضنتها و سليمة قعدت تعيط بوجع اكتر لانها افتكرت كلام زياد عبلة قامت و هى حضنها و وراها مفيدة و فاطمة  سليمة قعدت على الكنبة فكت شعرها :- كان بيضحك عليا يا امي بعد ما حبيته  انا ادمرت يا ماما  ادمرت يا فاطمة 

فاطمة بقت بطبطب عليها بحنان و حزن مفيدة قعدة و هتموت من الخوف :- اهدي يا حبيبتي كله هيتحل 

سليمة:- صعب يا خالتي مفيش حل انا مش عايزاه انا هطلق منه ، حتي ابني هربيه لوحدي لكن رجوع ليه تاني لا زياد كسرني 

سليمة حكت ليهم كل حاجة هما مصدومين مفيدة مش وحشة بس لم صدقت ان ابنها فاق و حياته بدات تستقر بعد وقت سيف و ميرا اخيرا رجعوا في شقة سيف 

ميرا شايلة كريم و بتهز رجليها بعصبية و توتر سليمة رجعت و دا قلقها اكتر سيف قعد جانبها و حط ايديه على كتفها:- ممكن اعرف حبيبتي متعصبة ليه 

ميرا سرحانة :- سليمة رجعت و ناوية على طلاق واخد بالك ولا اوضح اكتر ، الحب القديم الى مستمر في قلبك رجع 

سيف بعد عنها بصدمة و عدم تصديق قام و قال بغضب مكتوم:- انتي بتتكلمي بجد انتي بتشكي في حبي ليكي بتشكي فيا انتي بتعملي كدا ليه اعتذارت و شرحت ليكي كل حاجة و لسه في الهبل دا ، انا مالي ترجع تطلاق تتجوز تقعد جانب امها انا مالي بيها بصيلي و انا بكلمك 

قال كدا بزعيق و عصبية ميرا حطت كريم على السرير و قامت وقفت و قالت بغضب و صوت عالي:- بس الى شوفته في عينيك و شوية الطبطبة بتوع امك ليهم و بيقولوا حاجة تانية سيف انت لسه بتحبها و انا اموت ولا اكون بدييييلة ليها 

قالتها بوجع و صوت عالي الصمت ملي المكان قعدت على السرير بوجع و ياس:- انا عيشت عمري بديلة بديلة لاخت بديلة لاصحاب بديلة لكل حاجة دا دا انا بديلة ليه امه البديلة  و دلوقتي زوجة بالاسم و بديلة لسليمة انا تعبت من الدور دا و تعبت من عمري الى بيضيع على الفاضي انا هنا ليه علشان الوصية تتحرق أيوة تتحرق دى وصية الى تخليني اهين نفسي كريم عندك ابقا ربيه انت مع حبيبت القلب 

قالتها و هى بتقوم كانت هتشيل الخاتم من صباعة سيف مسك ايديها  و قال بصدق و هدوء ممزوجين بحنان و حب:- طب ممكن تروقي ميرا بلاش تقولي اى كلام و تخدي قرارات ممكن تخرب حياتك في لحظة غضب ، انا ولا مرة حسيتك بديلة في حياتي أو كنتي ام بديلة لكريم ولا زوجة بالاسم او الكلام دا 

حط ايديه على كتفها:- يا ميرا انا والله العظيم بحبك و بعدين انا هستفاد اي برجوع الاخت سليمة يعني بدل ما تتعصبي ادعيلها ان بيتها ميتخربش اتكلمي معاها ساعديها 

رفع وشها بصباعه :- انا عارف انكي مش وحشة ولا زى ما باين عليكي انتي في عيني ست البنات و في قلبي سلطانة قعدة في فيه و مربعة 

ميرا دموعها نزلت :- بتقول كدا علشان تغطي على حبك ل 

سيف بهدوء و ابتسامة اطمئن:- انا معرفتش الحب غير على ايديكي ، انا مش عايز اكمل الا معاكي و مهما فضلت اقولها مش هزهق ولا همل ، بحبك 

قالها و هو بيقبل ايديها مسح دموعها و قبل راسها ميرا استخبت في حضنه بخجل و فرح  اما عند سليمة كانت قعدت في اوضتها مسكة الفون بوجع و قالت بابتسامة وجع:- حتي محاولش يتصل بيا صحيح بيتسلي بيا يييااا اد اي انا ولا حاجة بالنسبالك لدرجة دى رخيصه في عينيك اااه يا وجع قلبي الدنيا ضحكت عليا لمرة الالف عشمتني بحاجات و اصح على كوابيس مش بتخلص ربنا يسامحك يا زياد و يوفقك مع ناريمان 

تاني يوم الصبح زياد صحي فرك عينيه:- سليمة سالي 

ملقاش رد قام دخل التواليت و البلكونة و غرفة الملابس  مش موجوده غير هدومه و نزل بقا بيدور عليها زى المجنون و بقا بينادي عليها :- سليمة سليمة 

الشغالة بتوتر:- سليمة هانم هربت من البيت انا شايفها بعيني و هى بتخرج من القصر 

زياد بصلها بغضب:- طب غوري على شغلك 

الشغالة جريت بخوف زياد وقف شوية و بعدين خرج من القصر و مش معبر ناريمان الى بتنادي عليه ركب عربيته و اتحرك بعد وقت في الحارة 

عبلة و هى متجها لباب:- طيب طيب يا الى على الباب 

عبلة فتحت الباب و قالت بتمثيل:- زياد خير يا ابني مالك بتنهج ليه انت كويس حد حصلوا حاجة 

زياد:- سليمة فين 

عبلة بهدوء و تمثيل:- هى مش معاك يعني اي سليمة فين بنتي مالها يا زياد 

زياد بصلها بتوتر و قفل الباب و خرج في شقة سيف 

سيف نايم على الكنبة و ميرا في حضنه 

سيف بعصبية:- مين الحيوان الى بيخبط كدا 

ميرا:- معرفش بس اكيد مش اخويا ولا حد من عائلتي 

سيف بصلها و قال قبل ما يخرج:- اياكى تخرجي فاهمة و لو خرجتي الطرحة تكون على راسك و ملفوفة كويسة مفهوم 

قالها بحذر و غيرة راح فتح الباب و اتصدم من زياد :- انت 

زياد زق رزع الباب بغضب و جنون:- سلييييية سليييمة اطلعي انا عارف انتي هنا 

سيف بغضب:: انت اتجننت انت بتتهجم على بيتي في و بعدين مراتك اي الى هيجيبها هنا 

زياد بعصبية:- اسال مراتك أميرة المصايب و البلاوى انا عارف انها لعبة من لعبها 

سيف مسك زياد و كانوا هيتخنقو مع بعض بس ميرا خرجت ببرود:- اهلا وسهلا يا ابن عمي خير 

قالتها بابتسامة مستفزة 

زياد وقف قدامها و قال بغضب:- مراتي فين يا ميرا سليمة فين انطقي 

ميرا بصت في السقف و بتصفر و دا عصب زياد اكتر قال بغضب جحيمي:- انطقي يا ميرا و الا 

ميرا قعدت على الكرسي ببرود:- و الا اي هتضربني ولا هتبلغ عني و بعدين انا مالي بيها هى كانت معايا ولا معاك تو اخص عليك يا زياد خليت البت هربت منك ملكش حق 

قالت بتفكير مزيف:- متكنش البت ناريمان خطفتها و باعتها أعضاء تعملها مانت مش فاهم يا ابن عمي الى يخلي ضراير تحت سقف واحد يعمل اكتر من كدا صدقني و بعدين جدو كان مسيطر و انت الصراحة شكلك بيقول انك جوز الست 

قالتها بسخرية و ابتسامة سكتت شوية و قالت 

عموما التلاجة و الفرن عندك المطبخ على ايدك اليمين دور عليها و لو لقيتها خدها 

فاطمة واقفة نفسها تضحك بس مسكة نفسها 

زياد بين سنانه:- انا هوريكي 

ميرا ببرود:- هتوريني الساعة كام بس علشان ابقا عارفه سليمة خدمتني و خدمتك و خدمت جدو و البشرية و ظلمت نفسها بالجوازة المهببة دى تصدق انت اصلا مجبكش تبقا سواقه عربيتي بس الحظ انك ابن عمي ، كان نفسي اقولك تشرب اي بس الماية قطعة من امبارح اطلع برا و اياك تظهر في وشي تاني برررا 

زياد خرج من البيت ميرا قامت رزعت الباب بغضب:- في ستين داهيه هو انا ناقصه ارفكم اي يا الهم دا 

سيف بصلها و قال:- كنتي فين من ساعتين 

ميرا اتوترت و بقت بتتهرب:- كريم صحي و لازم اغيرله و اكله بعد اذنكم يا جماعة 

ميرا دخلت بسرعة مفيدة بتبص لسيف برجاء بمعنى متكلمهاش دلوقتي اما في مكان تاني 

ايناس بعتاب:- بقا كدا يا سالي اعرف انكي حامل من ميرا انتوا بتعملوا فيا كدا ليه ، انا حاسه اني مع عصابة 

سليمة بهدوء و حزن:- انا معملتش حاجة ولا ميرا كمان ابنك هو الى بدا اروح الشركة اقوله انى حامل القيه هو و الهانم في وضع زبالة و لم كلمته بجح و بيتكلم عنها اكنها ملاك 

ايناس بغضب:- اه يا حقيرة لا بقا هى زودتها اوى هى و امها بس انا بقا الى هوريهم ، معلشي يا حبيبتي متزعليش نفسك 

سليمة بابتسامة وجع:- ازعل ليه يا طنط انا مجرد لعبة في حياته يحبني وقت ما يحب و يرميني وقت ما يحب عادي 

ايناس بإصرار:- زياد بيحبك صدقيني ابني و انا عرفه اكتر من روحي 

سليمة:- كلام كنت بحسبه بيحبني بس طالع العكس جرحني و كسرني و علشان مين ناريمان 

ايناس سكتت و بعدين قالت بتسأل:- عمي كويس ، طب الدكتور قال اي هيفوق امتي ط 

سليمة بمقاطعة:- الدكتور قال ان الحمد لله جدو بدا يستجيب للعلاج و باذن الله هيفوق قريب و يربي الزفتة و امها 

ايناس قامت مسكت شطنتها:- سبيهم عليا نادين و الحية بنتها خدي بالك من نفسك و لو احتاجتي اى حاجة اتصلي بميرا و انا هجيلك كل يوم 

سليمة برجاء:- ارجوكي بلاش زياد يعرف 

ايناس:- طبعا مستحيل يعرف خليه يلف حوالينا نفسه و يتربة و يعرف غلطه 

ايناس ودعت سليمة و مشيت سليمة حطت ايديها على بطنها و قعدت تعيط بوجع و هى بتفتكر كلام زياد و ايامها معاه و حنيته الى بقا مكانها القسوة 

بالليل عند الدجال 

ناريمان بخوف و ارتعاش:- بقولك ش شوفت جدو 

الدجال:- الأرواح بتتلقي يا هانم و بعدين الاسياد حميينك 

ناريمان بصوت واطي و بتبص حواليها:- انا شوفت تيعبان على سريري و كان بيقول زي ما سمتيه هسمك انتي و امك 

الدجال بصلها بهدوء و مكر:- انتي اكيد عملتي حاجة أو سميتي حد و روح جاية على شكل دا علشان تنتقم منك يا هانم قوليلي علشان الحقك 

ناريمان طالعت صورة ميرا :- خد الصورة دى 

الدجال:- اعمل اي 

ناريمان:- دى اذيتني زمان و مذل بتاذيني عايزها تمشي تكلم نفسها تجنن تتعب تبقا مش قادرة تجيب لنفسها كوباية الماية و اهمهم جوزها يشوف غيرها و يطلاقها 

الدجال:- بس دا هيكلف كتير اوى 

ناريمان قامت و قالت بغرور و ثقة:- مقلقش اعمل الى اتفاقنا عليه ليك المكافأة سلام 

قالت كدا و خرجت 

الدجال :- اظهر و بان و ليك الامان 

زياد خرج:- عفارم عليك شيخنا 

استووووب 

ولعت ولعت و زياد طالع مش سهل زى ما كونا متخيلين 

يا تري زياد عرف منين و ناوي يعمل اي في ناريمان و امها رايكم في مواجهة و كلام ميرا ليه رايكم في سيف كمان 

حب تحت الوصاية 

عائشة الكيلاني

         

             الفصل السابع عشر من هنا 

لمتابعة باقي الرواية زوروا قناتنا على التليجرام من هنا      

تعديل المقال