رواية موضوع عائلي الفصل الخامس والثلاثون 35 الجزء الثالث بقلم رحاب القاضي
#موضوع_عائلي
"بيت الهنا"
_الحلقه الـ 35
ــــــــــــــــــــــــــــــــــــــــــــــــــــ
_لا عتاب للخائن ... إنما الهجر والنسيان يليقان بهِ
_في بيت يونس الصاوي كان قاعد في مكتبه وقاعده معاه شهد اللي قالتله بحده..
شهد
ما كانش ينفع تقوله يسيب رضوي يا يونس وانت عارف انه بيحبها وروحه فيها
يونس
بتقولي ايه انتي بقولك البت حامل في عيل صغير بينهم خلاص، هو غلط ويتحمل غلطه
شهد بحزن
مش بالطريقه دي، رضوي هتفضل عمرها كله شيفااه ندل وانه اتسلي بيتا وضحك عليها..
يونس
احسن ما تعرف الحقيقه ونشووف سمعت مرات ابننا وام حفيدنا، انا مش بفكر بمشاعري زيك انا ببص لقدام لـ اللي جاي يا شهد...
شهد
بتعمل زي ما ابوك عمل زمان نفس الغلكه هتكرر تاني..
يونس بعدم فهم
قصدك ايه؟
شهد بدموع
زمان ابوك اتجوز طنط هناء غصب عنها واللي دفع التمن انت وامك واخواتك، وبرضو انت اتجوزتني برغبة ابوك وانت بتحب واحده تانيه ودفعت التمن انا وعيالي ونفس الحكايه بتكرر مع يوسف اللي هيسيب البنت اللي بيحبها وهيتجوز واحده ما بيحبهااااش..
يونس بجمود
تمن ايه اللي دفعتيه انتي وعيالك، بتحمليني غلط تربيتك ودلعك ليه لو كنتي سبتيني اربيه زي ما انا عايز ما كانش قدر يغلط غلطه زي دي، انتي بس اللي عايزه ديما تبااني قدامهم مظلومه وضحيه، وانا ابن ستين كلب مش ده اللي انتي عايزااه...
ردت عليه بحده وقالت
انت الكلام معاك زي قلته، ولادك عندك اهم اعمل فيهم اللي انت عايزه وخليك ماشي بدماغك، انا بجد زهقت منك ومنهم كل حاجه غلط وانت اكبر غلط في حياتنا كلنا يا يونس..
_قالت كلامها وسابته ومشيت وهو فضل قاااعد مدايق، وبعد شويه جه يووسف ودخل عنده المكتب وعيوونه كانت كلها دموع وحزن...
يونس بجديه
عملت ايه؟
نزلت دموع يوسف وقال
سيبتها قولتلها اني مش هينفع اتجوزها، كانت وخداني عشان تختار فستان الفرح وانا جرحتها بطريقه هتخليها عمرها ما تساامحني، كلم بقي فتحي الجرجيري وحدد معاه معاد عشان اصلح غلطتي انا وبنته..
قال كلامه وجه يمشي بس يونس وقف وقاله
استني يا يوسف..
بصله يوسف بحزن وقال
نعم في حاجه تاني مطلوبه مني..
قرب منه يونس وحصنه بهدوء وقال
رضوي مش من نصيبك ده الاحسن ليك وليها...
رد عليه عليه يوسف ببكاء وقال
وجعتها اووي يا بابا، بعد ما كانت بين ايديا وخلاص كل حاجه هتتحقق انا اللي سيبتها..
بعد عنه يونس شويه وقال بهدوء
مع الوقت هتعيش حياتك وهتبقي هي مجرد ذكري كل ما تفتكرها تزعل شويه وبعدين خلاص هتكمل حيااتك عادي..
يوسف بسخريه
ليه هو انت نسيت حبك القديم، انا فاهم كويس ان سبب المشاكل اللي بينك وبين ماما من واحنا صعيرين انك كنت بتحب واحده تانيه ومش قادر تحب امي زيها..
اتفاجئ يونس من كلامه ويوسف قال بهدوء
تصبح علي خير....
_وسابه يوسف ومشي وهو رجع قعد مكااانه وافتكر نور وحبه ليها ووجعه بسببها زمان، وكأن فعلا التاريخ بيعيد نفسه في كل حاجه وكل اجيال عيلة الصاوي لازم يبقي فيها حد موجوع وهيفضل موجوع لاخر عمره..
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن كانت قااعده ليلي مع حسن وقالتله بعصبيه..
ليلي
حسن تعقل بنتك
حسن
انا بنتي عاقله وزي الفل
ليلي
يعني هتقف تتفرج عليها وهي بتخرب بيتها
حسن
مدام هي عايزه كده يبقي براحتها، وحقها تختار اللي يريحها
ليلي
جاتها كسر حقها هي وابوها في ساعه واحده..
ضحك حسن بهدوء وهي قالت بغيظ
ما تستفزنيش يا راجل انت، بالعقل كده الغلط اللي عمله عبدالله اكبر ولا غلط سيف؟
حسن
الاتنين غلطانين انا بناتي ما يتلعبش بيهم يا ليلي..
ليلي
البيوت بيحصل فيها اكتر من كده، ولو كان المنيل علي عينه سيف اتمسك بريناد وطلق الزفته اللي اتجوزها من الاول والله كنت رجعتهاله بس هو ندل وباعها، انما عبدالله جه مره واتنين وقابلك انت واخوك وقابلك لوحدك وكلم طارق وبعت امه وبعت مرات اخوه وكلمني انا وصالحني يعملكم ايه تاني يبنيلك تمثال انت وبنتك ويكتب عليه ام كرامه وابوها اهم..
ضحك حسن وهي مسكت المخده وقالت
انا احرق في دمي وانت تضحك، ايه البرود ده يا حسن..
حسن
خلاص يا ليلي هبقي اتكلم معاها تاني، وما تقلقيش روان مش هتطلق بس انا سايبها تربيه عشان يخاف علي زعلها بعد كده..
ليلي
قال وانا اللي فاكراك غلباان وربنا انتو عيله كلها عقارب وانا الغلباانه اللي بينكم..
بص حسن في ساعة ايده وقال
رضوي اتأخرت ليه؟
ليلي
زمانها علي وصول، وما تنكدش عليها ولا تزعلها دي راحت تختار فستان فرحها النهارده، عارف انا فرحتي بيها في حته لوحدها انت ما تعرفش انا كنت شايله همها ازاي...
حسن
مش لوحدك والاهم من كل ده انها مبسووطه والجوازه جايه علي مزاجها..
_ودخلت رضوي في الوقت ده وملامحها هاديه جداً، واول ما شافتها ليلي ابتسمت وقالت..
ليلي
اهي جات عروستنا الحلوه، تعالي قوليلي اختارتي الفستان ولا لا اوعي ما صورتيهوش..
رضوي
ما اختارتش حاجه ما فيش فرح يا ماما..
اختفت ابتسامت ليلي وحسن قال بقلق
ليه يا بنتي كف الله الشر، حصلت جاجه ولا ايه؟
رصوي بهدوء
مش عارفه ايه اللي حصل بس يوسف قالي انه مش عايزني وسابني ومشي وو وقالي انه هيتجوز واحده تانيه الاسبوع ده..
حسن
الولد ده مجنون ودماغه لاسعه تلاقيه بيهزر معاكي ده طلع عنينا عشاان يتجوزك..
ليلي بحده
دي قلة ادب هو في هزار يا حسن في الكلام ده، كلمه يا حسن واديه كلمتين في جناابه ينفع اللي هو عمله ده برضو..
حسن
استنو ابوه بيرن اهو..
_ورد حسن علي يونس ورضوي كانت بتبصله بأهتمام وامل اخير، ولكنه اختفي اول ما شافت ملامح وش حسن الحزينه وهو بيبصلها وبيقول ليونس..
حسن
لا ولا يهمك يا يونس بيه احنا مهما حصل برضو اهل وبينا نسب والموضوع من البدايه ما كانش علي مزاجي ولا مزاج بنتي والحمد لله انه خلص واحنا لسه علي البر...مع السلامه..
قفل يونس معاه وليلي قالتله بصدمه
هو ايه اللي خلص يا حسن ده فاضل اسبوع علي الفرح هما اتجننو في عقلهم هي البت ناقصه..
حسن بحده
خلاص يا ليلي هو ما بقاش عايزها هنجري ورااهم يعني..
طلعو اخواتها كلهم من اوضتهم وقالت روان بقلق
في ايه يا ماما مالك يا بابا بتزعق كده ليه؟
ليلي ببكاء
فرح اختك اتلغي سي يوسف العريس ما بقاش عايز يتجوز خلاص..
_اتملت عيون رضوي دموع وهما كلهم بيبصولها بحزن وشفقه وروان قربت منها وقالت بحزن..
روان
معلش يا رضوي هو اللي خسرك والله وما يستاهلكيش..
ليلي ببكاء
هنقول للناس ايه مين هيجيلك تاني وانتي كاسره التلاتين وتاني مره خطوبتك تتفسخ والمره دي غير اللي قبلها، ايه يا ربي بس المصايب دي..
رضوي ببكاء
كفايه ارجوكي ما تقوليش الكلام والنبي ما تقولي كده..
_وسابتهم ودخلت اوضتها وقفلت علي نفسها وفضلت تعيط وهي مش مستوعبه ان فجأه كل حاجه كانت بتحلم بيها وبتخطط ليها انتهت..
ــــــــــ #بقلم_الكاتبه_رحاب_القاضي ــــــــ
_وعدي الليل حزين علي كل الابطال وكل واحد فيهم بقي في صرااع مع افكاره، اللي ندم علي اختياره واللي ندم علي خطأ مش مقصود واللي افتكر ذكريات ماضيه المؤلمه....
ومنهم من "يغالبُ الدُّنيا بقلبٍ وحيد.... وحيدٌ تُلاقيني الليالي بثُقلِها"..
_وتاني يوم الصبح في بيت كمال صحي من نوومه علي صوت أسرار اللي واقفه جنبيه وهي ماااسكه الموبيل بتاعها في ايدها، فبصلها بعصبيه وهو لسه متدايق منها بسبب تجاهلها ليه بالليل وقال بحده..
كمال
عايزه ايه وايه اللي جابك هنا مش محرمه نفسك علي الاوضه دي وانا فيها
_أسرار بغيظ حطت ايدها علي الفون وقالت بصوت واطي واحراج...
أسرار
الله يفضحك امك معانا..
كمال
معانا فين؟
أسرار
علي الموبيل اهي عايزاااك ضروري وصوتها متغير..
اخد منها الموبيل بسرعه وقال
ايوه يا امي صبام الخير
علياء
لا صباح ولا سلام. تعالي بسرعه اخووك اتقبض عليه..
كمال بصدمه
ايييه؟! اتقبض عليه ازاي امتي ده. حصل؟
علياء ببكاء
اتقبض عليه بالليل وهو رااجع انا الغفير هو اللي قالي، تعالي بسرعه يا كمال خلف وابنه هما اللي وراها..
كمال بعصبيه
ما هو لو كان ماشي قانوني ما كانش كل ده حصل، فيها ايه لو كان بلغ عنهم انهم هما اللي قتلو عمر مش كان زمانهم مقبوض عليهم؟..
علياء
ابووس ايدك مش وقته الكلام ده، شووف محامي شاااطر كمان دي قضيه كبيره حاطينله مخدرات في عربيته، وانا هكلم. خالك عز برضو هو ليه معارف كتير ويتصرف، بس ورحمة ابووك تيجي بسرعه خلف وابنه ممكن يخربو البلد عشاان عبدالله مش موجود..
كمال
ولا هيقدرو يعملو حاجه انا جاااي حالا، اطمني يا امي انا هتصرف...
قفل معاها وأسرار سألته بقلق وقالت
في ايه ماله عبدالله؟
قام. بسرعه وقال
خالك وابنه لبسووه في مصيبه واتقبض عليه..
أسرار بخوف
وهو ازاي اتقبض عليه هيخرج منها صح؟
كمال
ان شاء الله اجهزي انتي ورضوي هننزل البلد دلوقتي، وانا هكلم سيف يشووف الشغل هنا لحد ما ارجع...
أسرار بخوف
حاااضر...
ــــــــــ #بقلم_الكاتبه_رحاب_القاضي ــــــــ
_وفي بيت الاستاااذ حسن كانو قااعدين كلهم بيفطرو معادا طارق ورضوي اللي ما خرجتش من اوضتها...
حسن
هو طارق ما عندوش شغل النهارده؟
ليلي
قالي ما عندوش محاضرات وكمان شويه هصحيه عشان يروح الكافي..
حسن
مش كان هيودي تيا لاخته؟
ليلي
ما تيا نايمه اهي وانا كلمت ريناد تيجي هي..
حسن بضيق
تيجي ليه ريناد مش كانت هنا امبارح وبتقولي مشيت وجوزها كان مدايق
ليلي بحده
يتفلق هو واهله هنفضل لحد امتي نعمل حساب للناس والناس ما بتقدرناااش، هي بعد كده اصلا تعمل حدود بينها وبين اهله ما لهاش غير شقتها وجوزها وما تكلمش حد منهم...
روان
يا ماما ومال موضوع رضوي بريناد بس
حسن
قوليلها قولي لامك يا بنتي، واسمعي يا ليلي تصحي ابنك يوصل تيا لامها ومالكيش دعوه بريناد ما تدخليش بينها وبين عيلتها التانيه، الجواز قسمه ونصيب والحمد لله ان الموضوع خلص واحنا لسه علي البر، والناس احنا ما شوفناااش منهم غلطه قبل كده فبتخربيش علي بنتك التانيه احنا مش ناقصين..
_الباب خبط في الوقت ده وليلي قالت لهنا وروان بحده..
ليلي
علي رجلك نقش الحنه انتي وهي ما واحده فيكم تقووم تفتح...
هنا
حاضر انا هفتح..
_قامت هنا تفتح وحسن بص لروز وروفان اللي كانو زعلانين وقال...
حسن
مالكم انتو كمان قالبين وشكم ليه؟
روفان
زعلانين عشان ما فيش فرح، ومش هنلبس الفساتين الجديده..
حسن
لسه هنفرح كتير قريب هنفرح بهنا وطارق وكمان رضوي هتتجوز وهنعملها احلي فرح
روز
هتتجوز يوسف؟
حسن بحزن
لا.. وما نجيبش السيره دي قدامها عشان ما تزعلش اتفقنا..
روفان
ان شاء الله يا ابو علي
حسن
انا مش خايف غير منك انتي وامك ولسانكم..
دخل في الوقت ده عز وقال
حسن عرفت اللي حصل لعبدالله؟..
حسن
لا في ايه ماله عبدالله؟
عز
اتقبض عليه امبارح بالليل، علياء لسه قافله معايا وبتقولي لقيو مخدرات في عربيته وشكلها قضيه كبيره..
ليلي
يا نهار اسود وايه علاقة عبدالله بالحاجات دي؟
حسن
اكيد مالوش دعوه وحد حطها ليه..
عز.
خلف وابنه مش هتطلع غير منهم الحركه دي، بقولك ايه انا نازل البلد وكمال سبقني هو ومراته وبنته..
حسن
هاخد اجازه من الشغل النهارده واجيلك..
عز
معلش خليك هنا عشان رضوي وانا هروح..
رولن بدموع
انا هاجي معاك يا عمو....
بصولها كلهم بعدم تصديق وعز ابتسم وقال
جدعه يا روان اجهزي وانا هكلمك وانا طالع ونرووح سوا..
حسن
طيب خد طارق معاااك برضو ما ترحووش لوحدكم..
عز
من غير ما تقول هو لما عرف اللي حصل قال هيجي معايا، وكمان كلمت محامي شااطر وهيجي ورايا علي البلد وان شاء الله خير..
ليلي
احنا كده كل ما نفرح شويه نحزن بعدها اكتر...
ــــــــــ #بقلم_الكاتبه_رحاب_القاضي ــــــــ
_وعند ريناد كانت نايمه جنب يزن لما موبيلها رن برقم ليلي، فمسكت الفون وردت وقالت..
ريناد
ايوه يا ماما..
ليلي
انتي فين بكلمك من الصبح
ريناد
يا ماما نايمه والله، تيا كويسه؟
ليلي
ايوه وقااعده معايا اهي بس في مصايب تانيه انا مش لاقيه حد اتكلم معاه لو كلمت خالتك هتشمت فيا..
ريناد
علي موضوع رضوي مش كده، انا هجيلها كمان شويه يزن قالي انها اختلفت هي ويوسف وساابو بعض
ليلي
لا يا حبيبتي كدب عليكي اخوه هو اللي سابها من غير اي سبب كده
ريناد
ازاي بس يا ماما هيعمل كده..
يزن بغيظ
هو مش انا نايم ما تروحي تتكلمي بره..
ريناد
لسه هقوم يعني هوطي صوتي خلاص، معاكي يا ماما..
ليلي
هو جنبك
ريناد
ايوه يا ماما هو اجازه النهارده فتأخرنا في النوم شويه، قوليلي رضوي قالت ايه؟
ليلي
ما قالتش حاجه هفطر بنتك وادخل اشوفها واعرف اللي حصل، المصيبه مش في رضوي وبس
ريناد بقلق
في ايه كمان بعد الشر من المصايب؟
ليلي
عبدالله اتقبض عليه بيقولو لقيو شنطه مليااانه مخدرات في عربيته
ريناد بصدمه وصوت عالي
يا نهااار مش فاايت ازاي ده حصل، وعبدالله فين دلوقتي؟
قام يزن وقال بقلق
في ايه يا ريناد بتزعقي ليه كده
شاورتله يسكت وليلي قالت
اتقبض عليه وعمك وطارق وران راحو البلد
ريناد
اكيد هيطلع منها وو...
مسك يزن الفون وفتح الصوت وليلي قالت
ان شاء الله يطلع منها علي خير ونخلص من خلف وابنه دول، بقولك اوعي تجيبي سيره لجوزك علي موضوع عبدالله ده وانه اتقبض عليه وكده..
ريناد بتوتر
ليه بس كده يا ماما يزن بقي واحد مننا خلاص
ليلي
هو بس انما اهله دول خلاص كده مالناااش علاقه بيهم
اتنهد يزن بضيق وريناد قالت بتوتر
يا ماما يعني ايه بس الكلام ده وبعدين انتي نسيتي ان لسه في نسب بينا تاني بين زين ويارا
ليلي
عمك وهو حر احنا ما يخصنااش من العيله دي غير جوزك وبحدود، وما تقوليش حاجه قداامه علي موضوع عبدالله عشان مش ناقصين حد يشمت فينا..
قاام يزن من جنبيها ودخل الحمام وريناد قالت بضيق
خلاص يا ماما مش هقول حاجه انا شويه وهجيلك خليكي بس مع رضوي..
ليلي
مااشي يا حبيبتي مع السلامه..
_قفلت معاها ريناد وفضلت مستنيه يزن يخرج من الحمام واول ما خرج قالتله بسرعه..
ريناد
والله ماما ما تقصد حاجه هي بس زعلانه عشان رضوي وكمان موضوع عبدالله صعب مش ساهل
يزن
فاهم يا ريناد خلاص
ريناد
طيب هتكمل نوم ولا اجهزلك الفطار..
قرب منها وقال بابتسامه هاديه
نجهز سوا الفطار وبعد ما نفطر نيجي نكمل نوم.
ريناد
كمل لوحدك بقي عشان انا هروح لماما
يزن
ماما ايه يا ريناد انا لسه جايبك من هناك امبارح، لو علي تيا هروح اجيبها واجي
ريناد
عايزه ابقي جنب رضوي يا يزن وبعدين افرض روحت هناك وشافك سيف هتبقي مشكله
يزن
انا ما بقتش حاسس اني متجوز علي فكره، انا عشاان اقضي معاكي شوية وقت بقعد ارتبلها معاكي يومين تلاته
ريناد بحزن
ما انت عارف الظروف من الاول يا يزن؟
يزن بضيق
انا هنام شووفي هتعملي ايه واعمليه، ولاخر مره هقولك لو الزفت طليقك راح لبيت اهلك وانتي هنااك زي الشاطره تيجي هنا علي بيتك وممنوع تكلميه ولا تتواصلي معاه لو في حاجه تخص تيا عندك ابوكي اخوكي امك عمك هما يتكلمو معاه والا والله يا ريناد ما تعرفي هعمل معاكي ايه..
قعدت جنبيه وقالت
حاضر اللي انت عايزه هعمله ومش هروح هناك دلوقتي بالليل هروحلهم، بس عشان خاطري ما تزعلش..
يزن بهدوء
هو انا اقدر ازعل منك برضو..
_واخدها في حضنه بهدوء وحنان وباس راسها، وبرغم حبه وتعلقه بيها الا انه حاسس ان موضوع تيا وطليقها هيسبب مشااكل كتير بينهم بسبب غيرته عليها وخصوصا ان سيف طلق مراته وبقي عازب دلوقتي..
ــــــــــ #بقلم_الكاتبه_رحاب_القاضي ــــــــ
_وفي بيت فيروز طلع زين من اوضته وسمع صوت مامته بتتكلم مع حد في المطبخ ، فتوقع انه باباه اللي معاها فأتنهد بضيق ودخل وقال..
زين
هو انا كل يوم اصطبح بيك وو..
سكت فجأه اول ما شاف يارا وقال بهدوء
يارا؟!
يارا بتوتر
صبااح الخير
زين
صباح النور غريبه يعني اول مره تيجي هنا وما قولتيش
فيروز بخبث
انا عزمتها تفطر معايا ونتعود انا وهي علي بعض وخلاص اتفقنا اننا هنبقي صحاب مش هنعيش بقي جو الحما ومرات ابنها، مش كده يا يارا؟
يارا
طبعا يا فيرو..
زين
وصلتي لفيرو كمان طيب كويس، انا هغير هدومي ونازل خدو راحتكم..
اتدايقت يارا وفيروز قالت
استني هنا هتفطر معانا الاول خد يلا طلع انت وهي الاطباق دي بره..
اخد منها زين الاطبااق وخرج وفيروز قالت ليارا بصوت واطي
روحي يلا صالحيه وانا مش هخرج دلوقتي من المطبخ..
يارا بتوتر
حااصر وربنا يستر احسن هدوءه ده مخووفني..
_وطلعت يارا من المطبخ وحطت الاطبااق اللي في ايدها علي السفره وكانت واقفه جنب زين اللي قالها بجمود..
زين
انتي جايه من نفسك ولا ماما عزمتك بصراحه؟
يارا
لا جايه عشان اصالحك عزمت نفسي عندكم بس لو وجودي هيدايقك انا همشي..
زين
لا طبعا ما اقدرش اقولك كده بس انا همشي مش هينفع اقعد وانتي هنا عندنا..
يارا بحزن
خلاص يا زين انا اسفه والله كنت فاكراها واحده ثاحبتك مش مرلت خالك وغيرت عليك..
زين
انتي عبيطه يا يارا هو انتي فاكره اني مااشي دلوقتي عشاان زعلان منك، وبعدين انا ايوه ادايقت من كلامك بس لما راجعت الموقف عرفت انك كنتي غيرانه..
يارا
يا سلام اومال انت مااشي ليه دلوقتي ومش هتقعد تفطر معانا..
زين
عشان احنا ما فيش بينا حاحه رسمي وعلي حسب اتفااقي مع ابوكس انا ممنوع اتكلم معاكي ولا نتقابل غير لما تخلصي الثانويه فحتي كلامي دلوقتي معاكي المفروض ما يحصلش، وده صعب عليا بجد لاني متعود عليكي بشكل غبي بس هستحمل لحد ما تعدي السنه دي واخطبك رسمي وقتها مش هفوت يوم غير لما اشووفك فيه ونتكلم..
ابتيمت يارا بخجل وقالت
خلاص فهمتك بس انت مش زعلان مني بجد..
زين
ولا عمري هزعل منك ولو كان ينفع اكلمك واصالحك يومها كنت هعمل كده بس احنا لاوم نمشي علي اوامر يونس الصاوي..
يارا
خلاص روح بقي شووف هتعمل ايه
زين
طيب بما اننا غلطنا واتكلمنا نكمل باقي الغلكه بقي وخليني اقولك اني بحبك واووي عشان بقالي كتير ما قولتهاش يا هُياامي..
ابتسمت بخجل ووشها قلب احمر وقالت
ااا.... انا هروح اشووف طنط فيروز وقولتلك مليون مره بلاش توترني وتقولي كده فجأه..
_قالت كلامها وسابته ودخلت المطبخ وهو ابتسم بهدووء ودخل غير هدومه بسرعه واخد شنطته ورااح للكليه بتاعته...
ــــــــــ #بقلم_الكاتبه_رحاب_القاضي ــــــــ
_وفي شركة يوونس الصاااوي كان قاااعد يونس علي مكتبه وقدااامه يوسف اللي قاله..
يوسف
يعني ايه يا بابا هتروح لوحدك.، انا هرووح معاك الموضوع ده يخصني والراااجل ده لسااانه طويل ومش محترم..
يونس
ما هو عشان كده بقولك خليك انا هتفق معاه علي كل حاجه وبعدين هقولك ايه اللي هيحصل
يوسف
انا مش هكمل في الجوازه دي لو ينفع نتجوز وتفضل عند اهلها يكون احسن وفتره كده واطلقها
يونس
الكلام ده لو هي مش حامل، انما انت هيبقالك ابنك معاها هترضي انه يعيش بعيد عنك وحتي لو وافقت دلوقتي تبقي غبي لما تبقي غريب بالنسبه لابنك او بنتك دي اوحش حاجه
يوسف بضيق
هو ما فيش اوحش من اللي بيحصلي ده انا ما صدقت ان رضوي توافق بيا وخلاص كانت كل حاجه في ايدي كل حاجه حلمت بيها معاها كان فاضلها خطوه واحده بس وتتحقق وفجأه كل حاجه انتهت انا حتي مش عارف اقولها الحقيقيه بس لما الموضوع هيخلص انا هقولها كل حاجه وهي هتسامحني وهترجعلي
يونس
مش هترجعلك وانت هتتجوز نيللي وهتكمل معاها خلاص انسي رضوي، وخليك راجل واتجمل نتيجة غلطك بلاش تخسر الاتنين انت خسران رضوي خلاص انسي الموضوع ده
يوسف
مش هنسي انا ما اقدرش اسيب رضوي كل اللي بيحصل ده فتره مؤقته وهترجعلي وهتجوزها لو الدنيا كلها وقفت في وشي رضوي ليا انا وبس، انت بتقولي انسي وكمل مع واحده ما بتحبهااش عشاان انت مش حاسس بيا الموضوع ده ما وجعش حد غيري
يونس بجمود
ولما واحد زي فتحي يكسرني في شقي عمري كله اللي بقي في ايده في لحظه ده سااهل عليا، لما حتت راجل زي ده خمورجي وبتاع نسوان يأمر ويتأمر عليا ده سااهل، هو دفع كتير عشان بس يقدر ياخد الاسم الاكتر في الصفقه دي عشان يقدر يخلينا نعمله اللي هو عايزه، بس ما كانش هيعمل كده لو انت كنت بعيد عن بنته وما عملتش حاجه، مش هقولك تعبي وشقايا والكلام ده، بس الشركه دي وكل اللي انا ببني فيه ده مش ملكك لوحدك عشان يتهد بسبب غلطه انت عملتها من غير ما تقصد، ده حقك وحق اخواتك معاك انت ما بنفعش تبقي اناني في الحته دي، وما ينفعش تتجوز نيللي وتطلقها وترمي ابنك او بنتك ليهم، دول عيله اصلا كل واحد فيهم عايش لوحده ناقصين احنا اجيال معقده في العيله..
يوسف
والحل اني اتجوزها واعيش عمري كله مع واحده لا بحبها ولا بتحبني
يونس
الله واعلم الاياام مخبيه ايه انت اعمل اللي عليك واللي فيه الخير يقدمه ربنا بس ما تقصرش يا يوسف، صلح غلطتك صح من غير ما تسيب اي أثر يأذيك في المستقبل فاهمني..
يوسف
انا ماشي قفلت من الشغل ومن كل حاجه ولما تقابل الراجل ده ابقي قولي اتفقتو علي ايه
يونس بجديه
علي مكتبك يا حبيبي اخوك اجازه وانت هتمشي ايييه نقفلها احسن، يلا رووح علي مكتبك وشغلك وشغل اخوك معاك النهارده وخلي بالك مش عايز غلط وتسرع يا يوسف، لما تيجي تشتغل افصل كل حاجه في حيااتك عن دماغك الوقت ده عشان تعرف تشتغل صح
يوسف
انا مش انت عشان اعمل كده، بس هحاول يا يونس بيه بعد اذنك..
_قال يوووسف كلامه وطلع من عند يوونس وكل تفكيره في رضوي وفي اللي حاسه بيه دلوقتي واللي هيحصل في الفتره الجايه..
ــــــــــ #بقلم_الكاتبه_رحاب_القاضي ــــــــ
_وبعد شويه في بيت الاستاذ حسن طلعت هنا من عند رضوي وقالت لـ ليلي وحسن بحزن..
هنا
بتقول مش جعانه ومش عايزه حاجه وقااعده ماسكه موبيلها وسااكته..
ليلي
هو مين ليه نفس يااكل بس..
حسن
كلمتي طارق يا هنا بكلمه هو وعز موبيلاتهم مقفوله..
هنا
ايوه كلمني وقالي ان موبيله فعلا هيفصل وعمو عز رااح لطارق وهو وروان راحو لطنط علياء..
ليلي
خير ان شاء الله بقولك ايه يا حسن ما تدخلش انت عند رضوي اتكلم معاها شويه وهون عليها..
حسن بحزن
تصدقي انا خايف ادخل اكلمها، مش عايز اشوفها زعلانه تاني واقف كده متكتف مش عارف اعملها حاجه..
ليلي بدموع
لا حول ولا قوة الا بالله، خليك انا هدخل اتكلم معاها..
حسن
وهاتي منها الشبكه انا الصبح هوديها لصحابها احنا مش عايزين حاجه من حد
ليلي
ليه ان شاء الله مش هو اللي سايب يبقي الشبكه من حقها هي...
حسن بحده
يووه يا ليلي مليوون مره اقولك احنا مش هنعادي النااس دي، عشان بنتك التانيه اللي هناك والجواز نصيب هو اللي خسرها وهو اللي يزعل غليها وهما كلهم اللي يزعلو مش احنا، وبكره رضوي تتجوز الاحسن منه مليون مره اهدي بقي مش دي اخر الدنيا يعني..
ليلي
انت بتزعقلي ليه ما طبعا انت ايديك في المايه البارده مش فااهم ولا واخد بالك من حاجه، بنتك اتسابت قبل فرحها بأسبوع وكبيره خلاص كسرت التلاتين يعني وارد اووي يا حسن تقعد معاك علي طول هتبقي مبسووط وقتها
حسن بحزن
نصيبها يا ليلي وهشيلها في عينيا عمري كله هي واي واحده في اخواتها، وما تقوليش قدامها كده بلاش تزوديها عليها فاهمه؟
ليلي بدموع
هقوم اجيبلك الشبكه من جوه وجايه..
دخلت ليلي عند رضوي وحسن بص لهنا وقال
انتي لسه قااعده..
هنا
هروح فين يعني عارف يا بابا حسن انا مش متفائلة في حاجه لسه هتحصل اكبر من ده كله
حسن
ما كفايه بقي ايه التشاؤم اللي انتو فيه ده، تفائلو بالخير يا شوية جاهله ومتخلفين انتو...
ابتسمت هنا بهدوء وقالت
خلاص مش قصدي هقووم اعملكم شااي قبل ما اروح اذااكر
حسن
لا لا مش عايز هروح اشووف روان ورووز وبعدين هناك اعملي لـ ليلي مش هتنام دلوقتي
هنا
من عينيا حاضر..
_وفي اوضة رضوي كانت واقفه عند الدولاب بتاعها وطلعت الشبكه وبصتلها بحزن وقلعت الدبله اللي في ايدها وحطتها في العلبه وقفلتها وقالت لـ ليلي..
رضوي
اهي يا ماما الشبكه
ليلي
هاتي وتعالي اقعدي هنا وقوليلي ايه اللي حصل بينكم يخليه يقولك الكلام ده
رضوي بدموع
مش عارفه..
ليلي بحده
ما تعصبنيش عليكي يا رضوي عملتي ايه خلي الواد قفل منك كده وكمان لغي الموضوع خالص؟
رضوي ببكاء
ما عملتش حاجه يا ماما ووالله ما اعرف هو ليه عمل كده، انا غلطتش في حاجه والله هو اللي اخد القرار من نفسه ونفذه
ليلي
ازاي يعني يسيبك قبل الفرح بحاجات بسيطه ليه، اكيد معمولك عمل عشان تبوري ما هو اللي بيحصلك ده مش طبيعي مين هيجيلك بعد كده واحد. مطلق ومعاه عيال او كبير في السن..
رضوي
ارجوكي يا ماما انا عارفه الكلام ده كله بس بلاش تقوليه قدامي، انا وجعي من الموضوع ده كله كوم وخوفي من كلامك ده كوم لوحده ومش منك انتي بس من الناس كلها وعارفه اللي هيتقال عليا، بس مش عايزه اسمعه منك انتي، انا عايزاكي جنبي عشاان اعدي الفتره دي بس...
حضنتها ليلي وقالت بدموع
حقك عليا انا مش قصدي والله ازعلك حقك عليا يا حبيبتي، وقطع لساان اللي يقول عليكي حاجه انا معاكي واللي هيقول عليكي كلمه تزعلك انا هقطعله لساانه وهتشووفي..
_ابتسمت رضوي من وسط دموعها، واتنهدات بحزن كبير وهي بتحاول تتماسك قدام اهلها وما تبينش ليهم حزنها اكتر من كده عشان تعدي اللي حصل..
_فهل هتقدر فعلا تتخطي حزنها ده ولا هيفضل عقبه كبيره في حياتها وحلها الوحيد. هو رجوع يووسف ليها؟...
ــــــــــ #بقلم_الكاتبه_رحاب_القاضي ــــــــ
_وفي الصعيد كانت علياااء بتكلم عز في الموبيل وبتقوله ببكاء وخووف..
علياء
يعني هو كويس يا عز انت شوفته
عز
لا لسه ما شوفتوش بس المحامي هناااك وانا رايح عنده اهو، وانتي كمال وطارق واسرار وروان هيبقو عندك دلوقتي، اهدي شويه وكل حاجه محلوله ما تقلقيش..
علياااء
مااشي يا عز واول ما تشووفه طمني عليه وخدله اكل معاك..
عز
حاضر يا علياء اقفلي بقي مش عارف اسووق منك...
_قفلت معاه علياء وفضلت قااعده بتعيط، وفجأه الباب بتاع البيت اتكسر ودخلو رجالة خلف بأسلحتهم ووراهم خلف وابنه..
خلف
مساء الخير يا ام كمال...
_بصتلهم عليااء بحده وغضب وخرجو الشغالين من المطبخ ووقفو يتابعو اللي بيحصل بخووف..
علياء
عايز ايه ودي طريقه تدخل بيها بيت الكبير يا خلف
شعباان
اسمه الحج خلف يا مرا..
علياء بحده
اخرس انا ستك وست عيلتك كلها وتتكلم معايا وانت عينك في الارض، بس معلش اللي زيك انت وابووك مش عليكم لووم عشان ما تعرفوش حاجه عن التربيه والاصول
بصلها شعباان بغيظ وقبل ما يتكلم قال خلف بحده
شعبان عيب اكده دي وليه كبيره ودماغها علي قدها، معلش خليها عليا يا ولدي المره دي..
علياء بحده
عااااايز ايه يا خلف؟
خلف
عايزك تكلمي ولدك تقوليلو بالذووق يجيب بت اختي ويجي عشان نخلصو من الموضوع ده خالص..
علياء
انت اتجننت ولا ايه انت وابنك مش هتقدرو تعملو حاجه لـ أسرار انتو فاهمين
خلف ضحك بسخريه وقال
ههههههههه ما خلاص اللي كان بيحميكم وعامل فيها كبير البلد قريب قوي هتشوفيه ببدلة الاعدااام، وولدك التاني ده يخليه في حاله احسن عشان مش قدينا..
_قبل ما ترد عليه علياء دخل كمال وطارق ومعاهم أسرار وروان ورضوي بنت كمال واول ما دخل كمال رااح وقف في وش خلف وقاله...
كمال
خير ايه اللي جابك هنا ورجالة البيت مش موجوده؟
خلف
وانت بقي حاسب نفسك من رجالة البيت، الحق يتقال من بعد ابوكم والرجاله ماتت كلكم اهنا حريم، تعالي يا أسرار يا بتي عشان نمشي من البيت ده..
اتنفضت أسرار بخووف ورد. عليه كمال بحده وقال
بقولك ايه بدل ما تبقي فيها مشاااكل اكتر من كده خد رجالتك وامشي من هنا والا هكلم الشرطه وهي تتصرف معاك..
شعبان
وانت هتجيب الشرطه تحميك، لا احنا عاملين حسابنا ومشاكل البلد هتتحل منها فيها مش هندخل الشرطه بينا تاني..
خلف
بص يا كمال انت طول عمرك. بعيد عن البلد ومشاكلها واحسنلك تفضل بعيد، انا هاخد بت اختي وامشي بالهداوه ويبقي اكده كل اللي بينا خلص، هتعملي فيها دمك حامي عاد انت اللي هتخسر..
شعبان
وبدل ما ناخدها وهي مطلقه هناخدها ارمله والقرار ليك..
طارق
انتو فاكرين نفسكم ايه طيب لو رجاله خليكم واقفين ونكلم الشرطه ونشوووف وقتها اللي هيحصل مدام فاتحين صدركم اووي كده علينا..
خلف
بس يا ولد الاستاااذ حسن خليكم انتو بعيد عن الموضوع ده،احنا مشكلتنا مع بيت القاضي مالناااش صالح بيكم يا هواره...
كمال
اطلع بره يا خلف انت وابنك ومراتي مش هتمشي من هنا واللي عندك اعمله..
طلع شعبان سلاحه وحطه في وش كمال وقال
لا عندنا كتير يا ولد القااضي طلقها احسنلك..
_مسك طارق موبيله ولسه هيكلم الشرطه بس شعباان ضربه بالنااار في كتفه فوقع علي الارض وهو بيتألم بصوت عالي، والكل بقي في حالة رعب وبالاخص روان اللي قعدت جنبيه علي علي الارض وقالت ببكاء وخوف..
روان
طاارق انتو عملتو ايه والله لتروحو في ستين داهيه..
خلف
بس يا مرا منك ليها وانت خلص هترمي يمين الطلاق ولا لا؟
أسرار بخووف وبكاء
اسمع كلامهم يا كمال انا هرووح معاهم..
بصلها كمال بحده وقال
وانا مش هطلق ومراتي مش هتمشي من هنا..
شعباان بغيظ
يبقي انت اللي جيبته لنفسك..
_وفي اقل من لحظه ضربه بالرصاص بطلقتين ووقع هو كمان علي الارض غرقاان في دمه قدام صدمة الكل وعليااء بدأت تصووت وهي بتنادي علي كمال اللي فقد الوعي وقبل أسرار ما تقرب منه مسكها شعباان من دراعها وقال بحده..
شعبان
خلصنا خلاص وما اسمعش حسك قولتلك يا أسرار مهما طولت اللي انا عايزه هعمله
خلف
يلا بينا يا ولدي انا ما كنتش جاي وناوي علي الشر بس هما اللي اجبروني اعمل فيهم اكده..
_واخدو أسرار غصب عنها ومشيو، وكلمت روان بسرعه الاسعاف...
ــــــــــ #بقلم_الكاتبه_رحاب_القاضي ــــــــ
_ وفي القسم عند عبدالله كان قااعظ معاه عز والمحامي اللي قاله..
المحامي
الموضوع مش ساهل والمشكله ان انت بتقول ان الكاميرات كانت متعطله الوقت اللي كانت فيه العربيه بتاعتك في الجرااش بتاع الشركه
عبدالله
ايوه حصل عطل فني وانا مشيت في نفس الوقت اللي هي كانت بتتصلح فيه
عز
والحل دلوقتي هيطلع منها ازاي؟
المحامي
ما فيش غير اننا نجيب حد يشيل القضيه دي وعبدالله بيه يطلع
عبدالله
مستحيل ما ابقاش انا مظلووم واظلم غيري، الحاجات دي بتاعت خلف ولازم تثبت ان خلف هو اللي حطهالي..
المحامي
صعب جدا وما فيش اي دليل
عبدالله بغضب
يبقي تغور في داهيه مش عايز منك اي حلول
عز
اهدي يا عبدالله، اتفضل انت يا استاذ بس شوفلي الدنيا هترسي علي ايه..
اتنهد المحامي بضيق وقام خرج وعز قال لعبدالله بهدوء
ما فيش حل غير اللي هو قاله
عبدالله
مش هنستغل فقر حد ونظلمه ياا خالي، شووف محامي غيره انت جايبلي واحد متخلف..
عز
طيب انا هتصرف وو..
قبل ما يكمل كلامه دخل الظااابط وقال
كفايه كده يا عز بيه وكمان احنا مش فاضين..
عز
يا علاء باشا انت اكيد عارف ان عبدالله مستحيل يعمل كده، واكيد برضو عارف ان خلف هو اللي ورا الموضوع
علاء
عارفين ومش مقصرين والله بس ده قانون انا لازم انفذه زكمان خلف عمل جريمه تاني في البلد
عبدالله بقلق
عمل ايه تاني؟
علاء
كمال اخوك وابن خالك الاتنين مصابين في المستشفي..
عز بصدمه
ازاي ده حصل؟
علاء
رجالتنا هناك وانا رايح علي طول
بص عز بحده لعبدالله وقال
فكر كويس يا عبدالله انت لازم تخرج من هنا...
عبدالله بخوف
طمني يا خالي عليهم ولو تقظر تاخد أسرار وتخليها ترجع القاهره بعيد عنهم اعمل كده ما تخليهمش ياخدو اسرار يا خالي دي امانه من عمر...
عز
اللي فيه الخير يقدمه ربنا..
ــــــــــ #بقلم_الكاتبه_رحاب_القاضي ــــــــ
_ وفي بيت فتحي الجرجيري كان قااعد هو ويووونس اللي قاله بجديه وثبات..
يونس
بص يا فتحي اني اجيلك لحد هنا واتكلم معاك ده مش خوف منك عشاان انا ما بخافش من حد، بس انا عندي ضمير وابني هيصلح غلطته وهيتجوز بنتك وهيربي العيل اللي جاي وما حدش هيشيل مسؤليته غيره، بس لو هنتكلم في الحق انت كمان بنتك غلطة..
فتحي
ما غلطتش.. انت ابنك اللي مش متربي
يونس بحده
والخضره الشريفه بنتك سابت ابني اللي مش متربي يقربلها ليه، سكتت ليه الفتره اللي عدت دي كلها لو هي كمان مش غلطانه..
اتنهد فتحي بضيق وسكت ويونس كمل كلامه وقال
انا مش جاي اهلي عليك احنا هيبقي بينا نسب ابني وبنتك غلطو وخلاص هنصلح الغلط ده يعني ما فيش داهي كل ما تشوف ابني تتعامل معاه علي انه مجرم هو هيبقي جوز بنتك في خلال اياام وكمان ابو حفيدك او حفيدتك، فخلينا نتفق واحنا حبايب وما ندخلش المشاكل بينا اكتر من كده..
فتحي بغيظ
طيب... بالنسبه بقي لشغلك..
يونس
لا ما انا هعرف احل الموضوع ده كويس وعمري ما هسمح لحد يضغط عليا ويخليني اعمل حاجه مش عايزها، لو هخسر كل حاجه مش هعمل برضو حاجه انا مش عايزها، انا جاي اتكلم معاك في الاصول وفي الصح عشان تهمني مصلحة ابني وحفيدي، وبرضو عندي بنت واللي ما ارضهوش علي بنتي ما ارضهوش علي بنات النااااس...
فتحي
انا عارف انك جدع وانك هتحل الموضوع من ناحية ابنك، ولو علي اني اتدخلت في شغلك فانا برضو اب ودي سمعة بنتي..
يونس
فاااهم... واعتبر اني دلوقتي جاي اطلب ايد بنتك لابني من غير ما تبقي بينا اي مشكله واللي تطلبه ابن يونس الصاوي هينفذه وبنتك هتبقي في عنينا كلنا اول ما تيجي عندنا..
فتحي
وهو ما جاااش معاك ليه؟
يونس
خليني انا وانت نتفق وبعدين يبقي يجيلك واللي عايز تقوله ليه قوله مش هنختلف..
فتحي
تمام يا يونس وانا ماليش طلباات غير انه يتجوزها واضمن انه مش هيأذيها بعد كده، انا واثق فيك انت بس مش واثق في ابنك...
يونس
من الاخر يا فتحي عايز ايه؟..
رد عليه فتحي بخبث وقال؟؟...
ــــــــــ #بقلم_الكاتبه_رحاب_القاضي ــــــــ
_وفي بيت الاستاااذ حسن كانت قاااعده ريناد مع رضوي في اوضتها ورضوي قالتلها بعدم تصديق..
رضوي
بتهزري يعني يوسف هيخطب نيللي؟
ريناد بحزن
انا يزن قالي كده ما كنتش اتخيل ان يوسف خبيث اووي كده، طيب مدام عجباااه اوي كده نيللي خطبك انتي ليه مثل عليكي وعلينا كلنا انه بيحبك ليه؟
رضوي بدموع
عشان يرد اللي عملته فيه لما رفضته، كل حاجه بانت خلاص وفهمت هو ليه سابني..
ريناد
ربنا يعوضك بالاحسن منه مليووون مره..
رضوي ببكاء
انا ما بقتش عايزه حد خلاص، كلهم زي بعض وانيل من بعض شوفتي اللي عملو فيا كمال ما يجيش حاجه في اللي عملو يووسف هما الاتنين زفت ووجعوني بس انا كنت متوقعه ان كمال ممكن يتخلي عني بس اللي صدمني بجد يوسف وفي وقت صعب اووي.
_قبل ما ترد عليها ريناد سمعو صوت ليلي بتزعق فقاامو هما الاتنين طلعو بره وكمان هنا وروفان وروز اللي كانو بيذااكرو مع بعض...
ريناد
في ايه يا بابا مالكم بتزعقو ليه؟
ليلي ببكاء
اخوكم اتضرب بالنااار وفي المستشفي..
اتصدمو كلهم ورضوي قالت
ازاي يعني مين اللي عمل فيه كده
حسن
خلف وابنه وعمكم هناك وقالي ان حالته كويسه وانا هروحله حالا اهو، المشكله ان كمال حالته خطر جدا ادعولهم..
ليلي
مش هتروح لوحدك انا هروح لابني
حسن
تيجي فين يا ليلي الوضع هناك زي الزفت انا هروح اجيب علياء وروان كمان معايا..
ليلي ببكاء
ما ليش دعوه انا عايزه اشوف ابني واطمن عليه، وماله هو بخلف وابنه مالنا احنا بالمشااكل دي كان يوم اسوود يوم ما قولتله يرووح..
رضوي
خلاص يا بابا نروح كلنا عشاان نطمن علي طارق وكمان عمتي وروان هناك..
حسن
انتو ما بتفهموش بقول الدنيا مقلوبه في البلد اخدكم معايا ازاي، وكمان مدارس اخواتك ما ينفعش تيجو اهدي يا ليلي وانا هكلمك علي طول..
ليلي بدموع
عشان خاطري طيب خدني معاك انتي عارف لو سيبتني هتجنن انا عايزه اطمن علي عيالي..
حسن اتنهد بضيق وقال
خليكم انتو هنا وخليكي يا ريناد معلش مع اخواتك وهكلم زين يجي يقعد هنا في شقتهم عشان لو احتاجتو حاجه..
ريناد
حاضر يا بابا بس طمنونا عليكم اول بأول وعلي طارق..
_دخلت ليلي بسرعه عشاان تغير هدومها وريناد قربت من روفان وروز اللي كانو بيعيجو وخايفين وقالتلهم..
ريناد
في ايه انتو كمان بتعيطو ليه
روز
انا خايفه علي طارق هو في المستشفي
روفان
انا عايزه اسافر مع بابا وماما وما اروحش المدرسه..
ريناد
اخرسي يا روفان وادخلو ذااكرو وما تخافيش يا روز طارق كويس اول ما بابا يوصل عنده هيخلينا نكلمه، وانتي يا هنا بتعيطي ليه انتي كمان..
مسحت هنا بسرعه دموعها وقالت
لا ما بعيطش بس الوضع بقي صعب ومشاكل كتير عمالنا تنزل علي دماغنا..
ريناد
ولا خايفه علي طارق..
هنا بقلق
ان شاء الله يبقي كويس هقعد انا مع البنات جوه، وتيا نايمه جنبينا..
_وبعد شويه مشي حسن هو وليلي وجه زين وقبل ما يدخل شقتهم خبط علي شقة حسن ففتحت ليه روفان ومعاها هنا..
روفان
عايز ايه يا زين؟
زين
جاي اطمن عليكم لو عايزين حاجه انا هقعد هنا لحد مع عمي يرجع..
هنا
ايوه بابا حسن قالنا انك هتيجي، وشكرا يا زين مش عايزين حاجه..
روفان
انت هتودينا المدرسه يا زين بكره
زين
ايوه ان شاء الله الساعه سبعه ونص تبقو جاهزين انتي عندك جامعه بكره يا هنا؟
هنا
ايوه بس ما تشغلش بالك انا هرووح لوحدي عادي...
زين
ليه تروحي لوحدك انا وانتي في نفس الجامعه، نوصل سوا البنات المدرسه وبعدين نروح الجامعه تمام..
هنا
تمام يا زين معلش هنتعبك
زين
لا تعب ولا حاجه، تصبحو علي خير..
_ودخل زين شقة باباه واول ما دخلت هنا وقفلت الباب قالتلها روفان بخبث..
روفان
طارق هيزعل علي فكره لو عرف انك روحتي مع زين الجامعه
هنا
وايه اللي يزعلو وانتي مالك بالكلام ده..
روفان
براحتك انا قولت اقولك وانتي حره يا هنون..
ريناد
مين كان بيخبط يا هنا؟
هنا
ده زين بيقول انه جه وقااعد في شقتهم
ريناد
طيب كويس وانا كلمت يزن وهبات معاكم النهارده وهمشي بكره بالليل..
هنا
هي رضوي نامت؟
ريناد
مش عارفه نايمه ولا عامله نفسها نايمه ربنا يهون عليها..
ــــــــــ #بقلم_الكاتبه_رحاب_القاضي ــــــــ
_وتاني يوووم الصبح في بيت يونس الصاااوي كان يوسف قااعد مع يونس وشهد وهو متعصب جدا وقال..
يوسف
يعني ايه ياخد عليا شيك علي بيااض هو فااكر نفسه ايه ده انا لو رفضت اتجوز بنته سمعتهم هتبقي في الطين..
يونس
وانت مش هتعمل كده وهتسمع كلامه الراجل خايف علي بنته منك وعايز يضمن انك مش هتأذيها
شهد
بس لو هو حب يطلقها فينا بعد او ما اتفقوش سوا
يونس
الموضوع ده بينه هو وهي لا احنا ولا اهلها هنتدخل
يوسف
يا بابا انا كنت هتجوزها شهر شهرين ونتطلق وتفضل هي في بيت اهلها وكل واحد فينا في حاله
يونس
ادي نفسك فرصه عشان خاطر العيل اللي جاي ده ومالوش ذنب في حاجه، ويمكن تتعود انت وهي علي بعض وتكملو سوا..
يوسف
هو بالعافيه انا ما بحبهاش، ومش هكمل حياتي غير مع رضوي
شهد
هوو انت فاكر ان رضوي هترجعلك، حتي لو عرفت الحقيقه انساها يا يوسف واسمع كلام ابوك..
يونس
اخر الاسبوع كتب كتاابك انت وهي وهنعمل فرح بسيط علي القد كده في اي فندق، وشقتك فوق جاهزه الراجل قال بكره هتبقي مفروشه احلي فرش عشان كل حاجه تبقي منطقيه قدام الناااس..
قام يوسف وقال
اللي عايزين تعملوه اعملوه هي كده كده خربت..
_قال كلامه وسابهم ومشي، واتنهد يونس بضيق وقال..
يونس
والله انا ما بقيت عارف اللي بعمله ده صح ولا غلط..
شهد
هو الصح نصيبه كده والله اعلم بقي لما يعيش مع نيللي ايه اللي هيحصل يمكن يتعودو علي بعض والعشره برضو بتفرق..
يونس
يزن فين؟
شهد
نزل بدري راح شغله عرفت اللي حصل في اهل الاستاذ حسن في الصعيد
يونس
عز كلمني وقالي وكمان ابن الاستاذ حسن اتصااب الموضوع ده كبير ومشاكل الصعيد تقيله مش هتخلص بسهوله..
شهد
طيب وما تعرفش الموضوع وصل لايه هناك؟
يونس
مش عارف بس شكله لسه صعب عز طلب مني اكلمله محامي كده تقيل هنا هيخلصله القضيه بتاعت ابن اخته وهو بيقولي لو ابن اخته خرج كل حاجه هتتحل..
شهد
ربنا يصلح حالهم، تهالي وصلني في طريقك لشغلي
يونس
لا تعالي معايا هخلص حاجه مهمه في الشركه ونمشي سوا نروح اليخت نقضي اليوم سوا هناك لوحدنا
شهد ابتسمت وقالت
والله انت رايق هو ده وقته يا يونس؟
يونس
اايوه وقته الجو بقي متكهرب وكمية ضغط ومشاكل فوق دماغنا كبيره، عايزين نفصل وانا ما بعرفش افصل غي. وانتي معايا..
شهد
خليها وقت تاني تكون يارا رتبت وقتها وناخد الولاد وتروح سوا..
يونس
ولاد بقي انا عايز اهرب منهم وانتي تقوليلي ناخدهم معانا..
شهد
قووم يا يونس خلينا نشووف اللي ورانا علي الصبح..
ــــــــــ #بقلم_الكاتبه_رحاب_القاضي ــــــــ
_وفي الصعيد في بيت خلف، كانت أسرار نايمه بهدوووء في الاوضه اللي حبسوها فيها وصحيت اول ما حست بحركه جنبيها، واول ما فتحت عينيها وشافت شعبان قااعد جنبيها علي السرير قااامت بسرعه وقالت بخوف..
أسرار
انت بتعمل ايه هنا؟
شعبان
ما تخافيش مش هعمل حاجه دلوقتي، قدامنا اربع شهور وهكتب عليكي ولما تبقي مرتي ابقي اعمل اللي عايزه..
أسرار بدموع
نجوم السما اقربلك من انك تطول مني شغره واحده، انت ايه فااكر اني هقبلك ده انا من زمان وانا مش بطيقك عقبلك دلوقتي بعد ما قتلت اخويا وجوزي..
شعبان
ما قتلتش عمر انا كنت قااصد. عبدالله جات في عمر، مالي انا بعمر هقتل ولد عمتي ليه، وكمال انا قاصد اقتله عشان خدك. مني هو لسه بين الحيا والموت بس لو عاش هقتله تاني...
تجاهلت كل كلامه وابتسمت بدموع وقالت
كمال عايش؟!..
قرب منها وقال بعصبيه
حبيتيه مش اكده والله لاحرق قلبك عليه وبرضو مش هابقي لحد غير ليا يا أسرار..
ذقته بكل قوتها وقالت بحده
ابعد عني اياااك تقربلي تاني انت فااهم
شعبان بغيظ
بتمدي ايدك عليا يا واطيه..
_قال كلامه وضربها بالقلم خلها وقعت علي الارض وهي ماسكه وشها بألم، ودخلت في الوقت ده فتحيه ام. شعباان وقالت..
فتحيه
بتعمل ايه اهنا غور اطلع بره..
شعبان
اسمعي يا امي البت دي لا يتحطلها وكل ولا شرب لحد ما تتعلم الادب..
فتحيه
من غير ما تقول ابوووك قال ما حدش يجي عندها اصلا ولا يديها حاجه لحد ما هو يتصرف، يلا تعالي معايا مش ناقصين نكد. من ابوووك..
_واخدت فتحيه ابنها وطلعو وقفلو الباب علي اسرار بالمفتااح وعي فضلت قااعده علي الارض بتعيط وخايفه من خلف ومراته وابنهم، وخوفها الاكبر علي كمال اللي طلع عايش بس حالته في خطر...
ــــــــــ #بقلم_الكاتبه_رحاب_القاضي ــــــــ
_وفي الوقت ده في المستشفي عند كمال كانت واقفه عليااء قدام الشباااك القزاز وبتبصله وهي بتعيط وجهاز القلب جنبيه شغال ببطئ ، وماسكه في ايدها رضوي بنته وواقفين جنبيها حسن وعز اللي قال..
عز
اسمعي الكلام يا عليااء قعدتك هنا ما فيش ليها اي لازمه ارجعي مع ليلي وحسن انتي وروان وانا هنا ما تقلقيش مش هسيبه..
حسن
طارق هيرجع معاهم وانا هحاول اخد اجازه واقعد معاك هنا لحد ما ما يقوم بالسلامه نشووف حل لموضوع عبدالله..
عز
لا يا حسن انت مش هتقعد هنا خليك جنب ولادك وشغلك وانا مش هقصر هنا والله...
علياء
اسمعو انتو الاتنين انا مش همشي من هنا، ومش هسيب بيتي ولا بلدي وولادي كل واحد فيهم في مصيبه..
حسن
هتقعدي فين هنا هو خلف هيسكت..
علياء
وانا مش ورايا رجاله تقدر تحميني ولا ايه، هطلع علي القسم هخلي الحكومه هي اللي تحميني من خلف يا حسن انت وعز..
عز
لا يا ستي انا هجيبلك حراسه هنا وخليكي قااعده..
جات روان في الوقت ده وقالت
الدكتور قال عادي طارق يسافر يا بابا حالته كويسه
عز
خد مراتك وولادك. وارجع انت يا حسن وانا هقعد هنا مع علياء
روان
هتقعدي لوحدك ليه يا عمتو ما تيجي معانا..
علياء
اجي معاكم فين واسيب ولادي هنا لوحدهم ولا أسرار اللي الله واعلم خلف وابنه يعملو فيها ايه، ما اقدرش اسيب كل ده وامشي..
روان
خلاص انا هقعد معاكي، معلش يا بابا امشو انتو وانا هقعد. مع عمتي..
عز
انتي عندك جامعه ودراااسه..
روان
اطمن علي جوزي الاول يا عمي وبعدين كل حاجه تتحل،ومش هينفع اسيب عمتي تقعد لوحدها هنا..
حسن بهدوء
خلاص خليكي مع عمتك وانا هاخد. ليلي وطارق وامشي..
عز
وما تنساااش يا حسن تقابل المحامي اللي هبعتلك العنوان بتاعه تحكيله كل حاجه وورق القضيه هتاخده من المحامي الاولاني، وقوله لو خلص القضيه دي علي خير اللي هيطلبه يااخده..
حسن
حاضر وخير ان شاء الله، ربنا يطمنك عليهم يا عليااااء...
_وفي الوقت ده رن موبيل عز برقم فيروز، فراااح وقف علي جنب ورد عليها وقال..
عز
ايوه يا فيروز..
فيروز
ايه الاخبار عندك ما فيش جديد؟
عز بضيق
للاسف حالة كمال كل شويه بتبقي اسوأ وعبدالله ما فيش جديد وعلياء حالتها حاله..
فيروز
ربنا يهون عليها، انت كويس طيب صوتك تعبان
عز
انا ما نمتش من امبارح سفر ومشاكل من هنا وهنا، طول عمري بهرب من البلد دي ومشاكلها واجي علي كبر اتدبس في حوارتت كبيره زي كده
فيروز
عشان زمان ما كانش بيهمك حد انما انت دلوقتي بقيت حد تاني انا ما كنتش اتخيل انك في يوم هتبقي كده وتبقي شايل مسؤلية عيلتك. كلها بالشكل ده..
عز
هو انا ليا غيرهم لما الدنيا داقت بيا ما فرجتش ونفسيتي بقيت كويسه غير لما رجعت عندهم وبقيت عايش وسطهم، وانتي كمان اهم حد في عيلتي دي انتي وزين..
فيروز
ان. شاء الله كل حاجه هتتحل، انا قولت اعمل بأصلي واطمن عليك...
عز
لا انتي كل شويه تتكلمي معايا كده افضفض معاكي ولا اشوف حد غريب احكي معاه
فيروز
زي مين ان شاء الله
عز
بهزر والله.. المهم انا عايز منك خدمه وتنفذيها..
فيروز
هي ايه؟
عز
تروحي تقعدي مع زين..
فيروز
انسي انا قاعده في بيتي ومش هقعد عند حد..
عز
زين دلوقتي لازم يبقي قااعد مع بيت عمه، ومش هينفع يسيبك لوحدك وعايز حد. يااخد باله منه وبعدين ده بيت جوزك يعني بيتك
فيروز
طيب هشووف..
عز
هتروحي يا فيروز انا مطول هنا انتي تخليكي جنب زين وسط تعله تمام ولو اي حد دايقك بنص كلمه كلميني..
فيروز
اللي هتدايقني اختك لمياء..
عز
مش هتروح هناك ولو راحت هتقعد عند حسن وانا هوصي ليلي قبل ما تمشي دلوقتي ما تخليش لمياء تتكلم معاكي خالص، هاا بقي هتروحي؟
فيروز
حاضر هكلم. زين واشووف هروح امتي..
عز بهدوء
تمام يا حبيبتي وخلي بالك من نفسك..
فيروز
حاضر وانت كمان مع السلامه..
_قفل معاها عز ورااح قعد مع علياء وروان مستنين يطمنو علي كمال قبل ما يمشو...
ــــــــــ #بقلم_الكاتبه_رحاب_القاضي ــــــــ
_ واخر اليوم في بيت غتحي الجرجيري كانت قااعده سوزان مع نيللي وقالتلها..
سوزان
المفروض تشكري بابلكي انه حل المشكله دي..
نيللي
حلها ازاب باني اتجوز واحد مش طيقااه واعيش معاه كمان...
سوزان بحده
كنتي قولي الكلام ده لنفسك. قبل ما يحصل اللي حصل، وبعدين دي مش جوازه وحشه ده ابن يونس الصاوي ولد شكله حلو ومن عيله كويسه واهله ناس محترمين وهو بعد الجواز بقي يتلم وانتي وشطارتك
نيللي
مش لما ابقي موافقه الاول انا اخري معاه كتب الكتاب وبعدها بطلقني وما حدش فيكم بعد كده يتدخل في حياتي تاني..
دخل عندهم فتحي وقال بحده
انتي بتقولي يا بت انتي، سمعيني كده ايه اللي قولتيه..
سوزان
خلاص يا فتحي هي هتسمع كلامك بس دلوقتي هي اعصابها بايظه ومش عارفه تاخد قرار..
فتحي
كفايه بقي دلع فااضي انتي تنفذي اللي انا اقوله وبس يا بنت انتي فاهمه ولا لا
نيللي بدموع
لا مش هنفذه انا مش عايزه اعيش معاه، مش هتقدرو تجبروني علي حاجه زي دي..
مسكها فتحي من دراعها جامد وقال بحده
لا هتنفذي كلامي وهتتجوزيه وهتعيشي معاه في بيت اهله واللي يعمله فيكي يعملو وانتي تتحملي وتسكتي عشان الغلطه دي تتلم فاهمه ولا..
نيللي ببكاء
قولتلك لا مش هعيش معاه حتي يوم واحد، وانت ما لكش حق تمشي كلامك عليا لا انت ولا مراتك..
سوزان
عيب كده يا نيللي ازاي تتكلمي معانا كده...
نيللي
انتو مين هو انتو عايشين في الدور اووي كده ليه، هو انتو امتي كنتو اب وام ليا...
سابها فتحي وقال بحده
شايفه يا هانم هي دي تربيتك ليها، انا سيبتهالك عشان تربيها بس خلتيها بنت مستهتره ومهمله حتي في شرفها..
نيللي بحده
انتو السبب انا بقالي ست سنين عايشه لوحدي كل واحد فيكم ما صدق يخلص مني عشان يفضي لحياته لو كنتو خايفين علية بجد. ما كنتوش خلتوني اعيش لوحدي وانا عندي 19 سنه، وقتها قلتو فكره كويسه عشان تبقالك شخصيتك المستقله وتعتمدي علي نفسك، بس كل ده كلام كنتو بتريحو ضمريكم بيه وبس وانتو كنتو عارفين اني هتعب لوحدي ومش هعرف اعيش لوحدي، شكرا بجد علي اهتماكم اللي كنت بحس بيه من مكالمة كل كام شهر، ده انت يا بابا لما كنت بحتاج منك فلوس كنت بكلم السكرتيره بتاعتك عشان تقولك لانك مش فاضي، واليوم اللي تعبت فيه لو كنت انا اللي كلمتك ما كنتش هتيجي ولا تسأل فيا، بس لما المستشفي كلمتك جيت عشان خوفت علي سمعتك لما يقولو ساب بنته تعبانه في المستشفي وما سألش فيها..
اتملت عيون سوزان دموع وقالت
انا ما كنتش اقصد اسيبك، بس ما حبتش اتدخل في حياتك واخنقك بتحكماتي..
فتحي
اللي حصل حصل خلاص، فرحك اخر الاسبوع واللي انا قولته يتنفذ واطمني انا ضامنلك انك هتعيشي هناك هانم ما حدش هيقدر يزعلك بنص كلمه، وقدام امك لو كلامي ما اتنفذش اقسم بالله ما هخلي حد يعرفلك طريق مكان واناوكده كده اناني ووحش في نظرك انتي وامك..
_قال كلامه وسابهم وسوزان قربت من نيللي وحصنتها وقالت بدموع وحزن..
سوزان
ما تزعليش منه احنا والله بنعمل كده عشان مصلحتكم..
بعدت عنها نيللي وقالت بضيق
سبيني لوحدي لو سمحتي اطلعي بره..
سوزان
طيب اهدي وانا بكره هجيلك تاني وهكلم باباكي ما يزعلكيش خالص ولا يتكلم معاكي اوكي..
_ما ردتش عليها نيللي وسوزان طلعت، وقفلت نيللي الباب علي نفسها ومسكت موبيلها وكانت هتكلم يووسف عشان تلغي الجوازه دي بس خافت من رد فعله او انه يحرجها زي اخر مره كلمته فرجعت قفلت موبيلها وفضلت قااعده لوحدها بتعيط بحزن وقلة حيله..
ــــــــــ #بقلم_الكاتبه_رحاب_القاضي ــــــــ
_وفي بيت الاستااذ حسن كانت قااعده هنا هي وروفان وروز بيتغدو ومعاهم ريناد اللي بتأكل في بنتها والباب خبط وخرجت رضوي من اوضتها وقالت..
رضوي
خليكم انا هفتح..
واول ما فتحت الباب لقيت لميااء واقفه قدامها في ايدها شنطه كبيره وقالت..
لمياء
انتي هتقفي تتنحيلي كده امسكي..
رضوي اخدت منها الشنطه وقالت
حاضر يا عمتو اتفضلي..
دخلت لمياء وقالت
جيلتلكم اكل عارفه انك خايبه ما بتعرفيش تطبخي وخطيبة اخوكي تلاقيها عامله فيها هانم ومش بتطبخ..
رضوي
لا طبخت هي وريناد اتفضلي عشان تتغدي معانا..
لمياء
هي ريناد هنا طيب كويس..
ودخلت لمياء وقعدت معاهم وقالت
زي ما انتو يا بنات لا سلام علي طعام، وايه الاكل الصايص ده..
بصت هنا هي وريناد لبعض وردت عليها ريناد وقالت
علي قد ما عرفنا يا طنط..
لمياء
تيا حبيبة تيتا هاتي اوديها لابوها قااعد مع زين جوه..
رضوي
خليكي قااعده يا عمتو وانا هوديها ليهم.
لمياء
تسلمي يا رضوي ما تعرفيش قلبي وجعني عليكي ازاي لما عرفت ان جوازتك باااظت بس اكيد انتي اتعودتي بقي هي اول مره..
_اتملت عيوون رضوي دموع وما ردتش عليها واخدت تيا وخرجت من عندهم، وريناد قالت بضيق..
ريناد
دقيقه يا طنط هجيبلك طبق عشان تاكلي معانا
لمياء
اغرفيلي من الاكل اللي جايبااه بلاش تحطيلي من العك اللي بتاكلوه ده..
ريناد
حاضر زي ما تحبي..
روفان
انتي. جايبه الاكل عشان تاكليه يا عمتو؟
هنا
عيب يا روفان كده..
لمياء
وانتي بقي اللي هتعلميها العيب، بنت اخويا تتكلم براحتها ما تزعقيش فيها كده تاني
هنا
انا ما زعقتش فيها..
روفان
ما تزعقيش انتي في هنا اختي..
ابتسمت هنا وقالت
انا شبعت هقوم اعمل شااي تحبي اعملك معانا يا طنط..
لمياء
شكرا انا بشرب الشاي من ايد ريناد..
طلعت ريناد من المطبخ وقالت
في حاجه ولا ايه؟
لمياء
ما فيش يا حبيبتي بقولها مش بحب اشرب الشاي غير من ايدك يا حبيبتي..
دخلت رضوي في الوقت ده وقالت
ريناد كلمي سيف عايزك
ريناد بضيق
عايز ايه مش تيا معاه
لمياء
هو هيااخد منك حته بعني ما تروحي تشوفي الراجل عايز ايه..
رضوي
روحي وخلاص زين هناك اصلا...
_اتنهدت رضوي بضيق وراااحت هناااك وكان سيف قااعد بيلاعب في بنته وزين قااعد معاهم..
زين
تعالي اتفضلي يا ريناد..
بصلها سيف بهدوء وقال
كويس انك موجوده هنا عشان عايز اتكلم معاكي
زين
طيب انا هعملك حاجه تشربها يا سيف، واسيبكم تتكلمو..
ريناد
لا معلش يا زين خليك قااعد، خير يا سيف عايز ايه؟
سيف
طيب اقعدي يا ريناد نتكلم بالرااحه..
قعدت ريناد وقالت بجمود
اديني قعدت اهو نعمم؟
سيف
انا عارف ان الوضع بينا ما كانش احسن حاجه الفتره اللي عدت دي، بس والله انا اتغيرت وما بقتش عايز منك اي حاجه غير تيا انها تبقي كويسه وما تبعدش عني..
ريناد
وانا مش مقصره معاك في حاجه ومش بقولك تشوفها عن طريق المحكمه انت اهو في اي وقت بتشوفها زي ما تحب
سيف
مش كفايه انا مش واحد غريب عشان اشوفها بالطريقه دي انا ابوها
ريناد
نعم يعني عايز ايه؟
سيف
انتي مش قاااعده معاها هنا الاسبوع كله، فالاياام اللي انتي مش معاها فيها اولي انا ببنتي انها تقعد معايا..
ريناد بتوتر
لا طبعا انا قااعده مع بنتي علي طول..
سيف
ازاي يعني علي طول انتي مش اتجوزتي وبتسبيها لامك وبتروحي بيت جوزك
زين
هي قصدها يعني انها بتبقي مطمنه عليها اكتر وهي مع طنط ليلي كأنها معاها بالظبط
ريناد
ايوه ده اللي اقصده
سيف
فكري في الموضوع يا ريناد عشااان خاطر ربنا يا شيخه انا عايز بنتي متي يومين في الاسبوع
ريناد بضيق
انا ما عنديش ثقه فيك انك هتخلي بالك منها بعد اللي حصل من مراتك قبل كده، خد قعدتك مع تيا وابقي هتهالي يا زين لما يمشي..
_قالت كلامها وخرجت من عندهم واتفاجئت لما شافت يزن طالع علي السلم وهو ماسك الفون وقالها..
يزن
انتي فين بقالي ساعه واقف تحت وبكلمك ما بترديش..
ريناد بتوتر
الفوه جوه..
يزن
هو عمك رجع من الصعيد؟
ريناد
لا ده زين جوه
يزن
وانتي بتعملي ايه جوه عند زين؟
ريناد
ايه طريقة كلامك دي الباب مفتوح اصلا
يزن
مالها طريقة كلامي انا بسألك عادي كنتي عند زين بتعملي ايه؟
ريناد بتوتر وقلق
اكل... كك كنت بوديله اكل عشان قااعد لوحده، يلا نمشي طيب عشان انا عايزه اروح معاك..
يزن
طيب مش هناخد تيا معانا..
ريناد
هخلي زين يجيبها ورايا عشان عمتي علياء جوه وعي قاعده معاها يلا بينا..
يزن بجمود
في ايه يا ريناد اهدي وبعدين هنمشي كده من غير ما تجيبي حاجتك ولا حتي الموبيل بتاعك..
وقبل ما ترد عليه قال سيف من جوه
ريناد لو لسه واقفه عندك تعالي ثواني عايزك..
غمضت عينيها بخوف ويزن قال بغيظ
ايه ده بقي؟
ريناد
هو مش قاعد عندنا قاعد اهو في شقة عمي مع زين..
يزن بنبره غاضبه
وانتي كنتي عنده جوه وكسرتي كلامي..
طلع سيف في الوقت ده وهو شايل بنته وقال
انت بتزعق كده ليه، صوتك ما يعلاش هنا يا استاذ انت، وانتي انا مش بنده عليكي مش سامعه يعني
_اتعصب يزن جداً وذق ريناد علي جنب وقرب منه وو...
"تفتكرو بقي ايه اللي هيحصل؟"
ـــــــــــــــــــــــــــــــــــــــــــــــــــــ
#بقلم_الكاتبه_رحاب_القاضي
