رواية صاعقة الحب الفصل العاشر 10 والاخير بقلم جمال المصري
بسم الله ولا حول ولا قوه إلا بالله
#صاعقة_الحب
#الحلقه_العاشره_والاخيرة
#بقلم
#ساحر_القلوب
الكاتب جمال المصري
(اسال الله العظيم رب العرش العظيم ان يجمعنا في جنات النعيم)
اميره بتصرخ يحيي حقك علي ابوس ايدك رد عليا يحيي وبتحضنه وبتشوف نبضه الحمد لله عايش انا لازم اخده علي المستشفي بس لازم بسرعه عشان النبض ضعيف انا لازم اهداء و بتاخد نفس وبطلعو . يحيي بيفوق اميره انتي بخير . اميره انا بخير يا حبيبي وانت ان شاء الله هتكون بخير بس لازم تساعدني عشان ننزل . يحيي فين منتصر . اميره وقع من البلكونه المهم سيبك منه ويلا حاول تسند عليا . يحيي يسند علي اميره ويقوم و ينزلوا سوا واميره بتقوله هشوف تاكسي .يحيي دي العربيه بتاعتي وبيركبو واميره بتسوق استحمل يا يحيي .يحيي بينام علي كتفها واميره بتسوق باقصى سرعه عشان تقدر تسعفه وبتكلمو خليك فايق يا حبيبي قربنا نوصل . يحيي ما تقلقيش عليا انا متاكد ان شاء الله ان ربنا هيجمعنا مش هيفرقنا . اميره ان شاء الله يا حبيبي عمرنا ما هنفترق وبتوصل المستشفي وبياخدو يحيي علي غرفة العمليات الدكتور اشرف بيقرب من اميره يا دكتوره اميره انتي مش هينفع تعملي العمليه دي . اميره ليه يا دكتور . اشرف انتي جسمك كله بيترعش انا اللي هعمل العمليه . اميره بصت في ايديها فعلآ بتترعش ومش قادره تسيطر علي نفسها من الخوف علي يحيي ماشي يا دكتور بس هدخل معاك العمليات . اشرف طبعا اتفضلى
وبيدخلوا العمليات وبعد ساعه في اوضة العمليات قدر الدكتور اشرف يوقف النزيف ويطلع الرصاصه و بيطلعو يحيي من اوضة العمليات وبينقلوه علي غرفه عاديه وبتكون اميره جانبه وكانت ماسكه ايده و بتبوسها وبعد كده اتصلت بي رنا و بلغتها بي اللي حصل و جات رنا ومعاذ و المستشفي انقلبت و بداء يحيي يفتح عينيه و الكل حواليه مستنين يطمنوا عليه واميره كانت فرحانه اووي انه الحمد لله عدى مرحلة الخطر وقعد يومين في المستشفي وبعد كده روح علي شقته واميره معاه وطلب من معاذ يجيب مأذون .اميره وليه الاستعجال يحيي ده مش استعجال بس مش هينفع تقعدي هنا وتخلي بالك مني وانتي مش مراتي ده غلط واحنا صعايده اميره كانت سعيده جدا وبعد كتب الكتاب الكل مشي وفضلو هما سوا ويحيي مسك ايد اميره وقعدها على طرف السرير بكل حنيه . وقال لها أننا مش هنتمم جوازنا يا حبيبتى غير لما اعمل لك فرح كبير وكمان اكون عرفتك على أهلى ٠ اميره فرحت اووي بكلامه انا بحبك اووي يا يحيي و ابتسمت وهنا يحيى قال لها لا بالله عليكى مفيش ضحك لغايه لما نفك الحظر وفضلو اسبوع لحد ما قدر يوقف وبقي كويس وحجز التذاكر ونزل علي الصعيد و الجو كان جميل واميره كانت منبهره بكل حاجه حوليها و اتفاجئت لما لقيت نفسها قدام فيلا في وسط جناين ولقيت جد يحيي ونجلاء اخته في انتظارهم نجلاء حضنت اميره مش معقول ايه الجمال ده انتي ازي وفقتي علي يحيي ده . اميره ابتسمت وسكتت . الحاج رفعت قرب منها حمدلله بسلامه يا بنتي ونورتي الصعيد وبيسلم عليها ومره وحده كده سكت وهو ماسك ايديها وهو بيبص علي عينيها والاتنين سكتو اميره بتقول في نفسها انا حاسه ان الشكل ده مش غريب عليا اما رفعت حاسس بي احساس غريب ناحيت البت دي . نجلاء في ايه يا جدي نحن هنا الحق يا يحيي شكل جدك عينه منها ضحكوا ودخلوا جوه الفيلا واول ما اميره دخلت الفيلا كانت فيه صور متعلقه علي الحيطه ولسا هتقعد لمحت صوره لي ست كبيره ووقفت وقربت من الصوره والكل بيبص عليها وهي واقفه قدام الصوره وبتقول لنفسها دي نفس الصوره الي كانت مع بابا لي امه الله يرحمها يحيي بيقرب منها في حاجه يا اميره . اميره مين دي . يحيي دي جدتي ليه بتسالي . اميره قالت في نفسها اكيد انا تعبانه من السفر او ان الصعايده قريبين من بعض في الملامح لكن جد رفعت كان جواه احساس غريب مش عارف معناه وبيقول في نفسه في حاجه بس ايه هي هو مش عارف وتتحرك اميره من قدام الصوره وبتتكعبل و السلسله الي هي لبسها الذكرى الوحيده من جدتها الي باباها ادهالها وهي صغيره عشان تلبسها ولي كانت مستخبيه جوه الفستان طلعت . يحيي خدي بالك يا حبيبتي وتعالي ارتاحي واول ما قعدت . رفعت لمح السلسله وكانت مميزه وما كنش ليها اي شبيه وقام مره وحده السلسله دي بتاعتك . اميره ايوه يا جدي دي بابا ادهاني وانا صغيره وقالي انها بتاعت جدتي الله يرحمها . رفعت ممكن اشوفها يا بنتي . يحيي ونجلاء قاعدين مش فاهمين اي حاجه واميره بتقلع السلسله و بتديها لرفعت اللي اول ما مسكها كان بيحاول يفتحها . اميره دى مش بتفتح . رفعت لا بتفتح بس انا الوحيد اللي عارف بتتفتح ازي دي عامله زي الخزنه وبتتفتح بطريقه معينه . يحيي هو فيه ايه يا جدي احسن تكون انت الي صنعها . رفعت كان مركز في السلسله وفعلا فتحها ولقي صورة مراته جواها وتحرك ناحيت اميره والكل وقف وبص في الصوره الي في السلسله . يحيي مش معقول دي جدتي اميره وقفة لا دي شبها اوي انا في صوره عندي في اوضتي لجدتي هي قريبه من الصوره دي و شاورت علي الصوره اللي علي الحيطه . والدموع بدات تنزل من عين رفعت ممكن اشوف بطاقتك . اميره انا مش فاهمه حاجه بس اتفضل يا جدي . ورفعت اول ما شاف بطاقتها وقراء الاسم وقع علي الارض . يحيي جدي مالك فيه ايه ومسك البطاقه مش معقول الاسم مشابه اووي لينا انا مش فاهم اي حاجه رفعت بيحاول يقوم وبيجيب البوم الصور القديمه وبيديه لي اميره . واميره بتفتحو وبتقلب فيه ومره وحده بتوقف ايه ده ابويا وعمي بيعملو ايه في الالبوم ده . رفعت بيبكي وبيشكر ربنا الف حمد وشكر ليك يارب انك جمعتني بي حفيدتي . نجلاء حفيدتك ازي احنا مش فاهمين حاجه . رفعت اميره تبقي بنت عمك يا نجلاء بنت عمك يا يحيي بس اللي انا اعرفو اني عمي مات . رفعت لا انا كنت حاسس اني الجثتين اللي لقناهم وقتها مش هما كنت متاكد بس كل الادله كانت بتقول هما .
اميره وقفت ورجعت لي وره مستحيل يعني ابويه كدب عليا لما قالي انه من جزيرة شندويل . رفعت انا هقولك كل حاجه ابوكي حب وحده من مصر وجه وقتها وقالي وانا رفضت عشان كنت عايزه يتجوز بنت اخويا لكن صمم ووقتها انا قولتلو انت لا ابني ولا اعرفك وكان عمك مراد معاه وهما الاتنين وقفو ضدي وانا كان قلبي بيتقطع بين ولادي وزعل اخويا المهم اخويا كان شراني وكان حالف لا ينتقم من ابوكي وعمك وقتها انا حسيت اني عيالي هيضيعو مني وكان ابو يحيي عاقل وطلب مني اني لازم اقف مع ابوكي وعمك مراد عشان اخويا اخد سلاح وعايز يقتلهم ووقتها انا اخدت البندقيه وطلعت علي البيت الي متجوز فيه ابوكي وكان عايش معاه عمك مراد وكان لسا متجوز من اسبوع والي عرفتوا بعدها اني واحد صاحبه لما شاف في ايدي البندقيه افتكر اني هقتله ورح قالوا واخد امك وعمك وهربوا من البلد وبعدها بيومين لقينا جثتين متشوهين في النيل والناس قالت هما وزمان ما كنش فيه تحليل والحاجات الي لسا طالعه وتقفلت الصفحه علي كده بس مش عارف هو ليه كدب عليكي في اسم القريه . اميره عشان انا كنت بطلب منه علي طول يقولي ان من فين بالظبط وهو كان خايف اني اجي هنا لحسن تقتلوني عشان كده اداني الاسم غلط عشان حتي لو حبيت اجي مش هوصل لي حاجه و همشي . رفعت و ابوكي وعمك فين دلوقت . يحيي الله يرحمهم يا جدي واميره دلوقت وحيده ملهاش غيرنا . رفعت سامحيني يا بنتي انا السبب في كل الي حصل ده وبياخدها في حضنه وبيبكي وهي كمان بتبكي ونجلاء بتاخدها في حضنها وهي بتبكي دي معجزه من ربنا عز وجل والكل مبسوط والدموع دي دموع الفرح و بيعدي اليوم واميره قاعده مع جدها و بيحكي لها عن طفولة ابوها وعمامها وثاني يوم نجلاء بتاخدها تفرجها علي الجنينه وبتفاجئها اني جدها رفعت كتب الجنينه دي ليها اميره كان سعيده بحب جدها ونجلاء ليها اما يحيي ده الحب كله وبداء يحيي يجهز للفرح وكان فرح هيفضل الصعيد كله يحكي عليه كانت الدعوه عامه لكل محافظات مصر وكل اهل يحيي وأصحابه كانو واقفين في الفرح يستقبلو الناس ويقوموا معاهم بالواجب والحمد لله الفرح خلص علي خير ويحيي بياخد اميره و بيطلعو علي اوضتهم وعلي باب الاوضه يحيي يشيل اميره ويدخل بيها الاوضه و بيقعدها علي السرير اخيرا يا حبيبتي . اميره اخيرا يا حبيبي يا سبب فرحتي وسعادتي يحيي بيساعد اميره عشان تقلع الفستان وبعد كده اتوضو وصلوا ركعتين شكر لله عشان تبدا اول ليله في حياتهم الزوجيه بشكر الله عز وجل انه جمعهم سوا وعاشوا في سعاده ويحيي بنى مستشفي لي اميره وكانت مستشفي خيري وربنا كرمهم بي الاولاد والبنات وعاشوا في سعاده
يا اجمل متابعين مهما كان الشر موجود فالخير موجود اكتر واقوى المهم اننا بكون قريبين من ربنا عز وجل في اختبارت بيمر بيها الانسان ولازم نتحمل عشان الدنيا دار تعب مش راحه انتي راجعي نفسك شوفي الي بتعمليه غلط ولا صح حاسبي نفسك قبل ان تحاسبي وانت كمان حاسب نفسك كفايه كره ومشاكل الحياه بسيطه والنهايه معروفه فاللهم ارزقنا حسن الخاتمه واعينا علي ذكرك وشكرك وحس عبادتك
واتمنا تكون القصه نالت اعجابكم
#عباد_الله_اذكره_الله
تمت
