رواية صراع القاسم (كاملة جميع الفصول) بقلم سلوي عوض
#سلوي_عوض
#صراع_القاسم
بارت 1
في صعيد مصر الجميل حيث الاصاله والعراقه، وتحديدا في منزل البكاروه الحج محمد البكري، الساعه الان العاشره صباحا، نجد الجميع جالسين.
شريف: ايه يا اما الساعه بجيت عشره حرام عليكم موتونا من الجوع.
شرف: مش عارف انا ليه الذل اللي معيشينا فيه.
حليمه: لما ينزل اخوكم.
عفاف: حرام عليكم يا ناس انا برضع جلبي نشف.
شريف: اه ما هو كل الناس عارفين اننا كبار البلد بالاءسم بس، لكن اللي يدور علينا يلجانا جعانين.
حليمه: اتكلمو براحتكم بردك مافيش وكل غير لما جاسم بسلامته ينزل.
وهنا تنزل صابرين ليفرح الجميع.
هدي: فين جاسم يا صابرين؟
صابرين: نازل اهو.
عفاف: غريبه يا صابرين مع اننا عايشين ف شح وبخل بس انتي الله اكبر عليكي زي البطه البلدي.
صابرين: عز ابوي يا حبيبتي وانا زيكم مجطوعه.
ليسمع الجميع صوت كحه.
قاسم: صباح الخير يا اما.
حليمه: صباح الهنا والسعاده يا جلب امك.
قاسم (بغضب): ايه اللي مجعدكم كده؟ مروحتوش تشوفو مصالحنا ليه جاعدين زي الحريم تلتو وتعجنو؟
شريف: كنا مستنينك عشان نفطرو.
قاسم: همكم علي بطونكم علي طول كده! غورو ياله علي الارض، التاجر جاي عشان يشيل المحصول.
شريف: طاب ناكلو لجمه الاول.
قاسم: مافيش طفح.
حليمه: ايوه كده اديهم فوج نافخوهم، جرفوني من الصبح جعانين جعانين.
قاسم: بت يا فاتن.
فاتن: نعم يا كبير.
قاسم: حضري الفطور فول وجبن جديم.
شريف: يا اخوي احنا طالعين علي شجا فول ايه بس؟
قاسم: انته صح خلاص يافاتن متعمليش فطور. وانتو يا شجيانين علي الارض ياله معايزش اشوف وش واحد فيكم.
شرف: خلاص يا اخوي بس هدي نفسك ياله بينا.
قاسم: عايزكم نوجفو علي رأس الرجاله وهما بيحملو الفاكهه والخضار، معايزش حبايه تنجص.
شرف: تحت امرك يا كبير.
ليخرج اخوته الكبير إلي الأرض.
اشرف: لميته بس هنعيشو ف المرار الطافح ديتي.
شرف: خلاص بجا نبجو ناكلو فاكهه.
اشرف: انته مش سامعه بيجول معايزش حبايه تنجص؟
شريف: يعني هو هيعد الفاكهه ياله بس، عبد السميع التاجر ف الأرض من فجر ربنا.
شريف: طاب متاجو نعملو فرج سعر ونتفجو مع عبدالسميع علي كده.
شرف (بخوف): ولو الكبير عرف هيعمل فينا ايه؟
اشرف: بطل الخوف والجبن اللي انته فيه خلاص، انا واخوك اللي هنعملو كده، خليك انته كده خايف علي طول.
شرف: له خلاص انا معاكم وربنا يستر.
أما ف المنزل.
قاسم: فين بتك يا اما؟
حليمه: فوج ف جاعتها.
قاسم: وانتي ياست صابرين عيالك فين؟
صابرين: جاعدين عند عمتهم.
قاسم: والله معارف انتي لزمتك ايه عامله بس زي الجاموسه، كان مكتوبك هم.
صابرين: وانا عملت ايه طيب؟
قاسم: اما لبسي بتك كويس، عشان جاني عريس ليها، واعملو فروجتين علي الغدا. فروجتين بس يا اما. والحوايج بتاعتهم اوعي ترميهم ولا حد ياكلهم، واعملي جارهم رز.
حليمه: بس مفتاح اوضه الخزين معاك.
قاسم: خدي المفتاح اهو.
حليمه: مين هو العريس؟
قاسم: عبدالسميع التاجر الكبير.
حليمه: بس ده جد ابوك!
قاسم: اما الراجل عيبه جيبه، بلا كبير بلا صغير.
حليمه: اللي تشوفه يا كبير.
قاسم: اندهي عليها.
حليمه: بت يافاتن، اطلعي اندهي ستك نواره.
فاتن: حاضر ياحجه.
لتصعد فاتن الي نواره.
فاتن: ست نواره، كلمي الكبير.
نواره: حاضر، نازله وراكي.
لتنزل نواره.
نواره: نعم يا اخوي.
قاسم: اسمعي يا بت، انتي عريسك جاي النهارده علي الغدا.
نواره: مهران؟
قاسم: مهران مين؟ عريسك عبدالسميع اللي بيشتري منينا الخضار والفاكهة، راجل مليونير.
نواره: اللي تشوفه يا كبير.
قاسم: ابجي البسبلك حاجه زينه.
نواره: حاضر يا اخوي.
قاسم: اما يا اما.
حليمه: نعم يا كبير.
قاسم: زي مجولتلك فروجتين بس.
حليمه: والله كترو عليهم.
قاسم: ده عشان الضيف.
ليرن هاتف قاسم.
قاسم: أيوه يا معلم انا جاييك اهو.
عبدالسميع: عاوزك ضروري.
قاسم: خير فيه ايه؟ ما خواتي عندك.
عبدالسميع: ما انا عاوزك عشان كده، خواتك عاوزين يعملو فرج سعر، واتفجو معايا عليك.
قاسم: هما عملة كده؟ طيب انا جاي، سلام.
ليغلق قاسم الهاتف.
قاسم: والله لاربيكم من جديد يا كلاب.
ليخرج قاسم مسرعا إلي الأرض.
شريف: عبد السميع كان بيكلم حد ف التلافون، شكله كان بيكلم الكبير.
شرف: نهارنا اسود.
شريف: بس بطل عويل زي الحريم، لو الكبير كلمني هجوله عملنا كده عشان الضرايب، واللي كنا هناخدوه من عبدالسميع هندوهوله، يعني عملنا كده عشان المصلحه.
شرف: ربنا يستر.
وهنا يصل قاسم الي الأرض.
عبدالسميع: اهلا بالكبير.
قاسم: اهلا بيك يا نسيبي.
ليفـرح عبدالسميع.
عبدالسميع: العروسه وافجت، وهتتغدي عندينا كمان.
قاسم: يافرحه جلبي.
ليخرج عبدالسميع شيك.
عبدالسميع: خد يا كبير حج الخضار والفاكهه.
قاسم: بس ده كتير جوي.
عبدالسميع: وه يا نسيبي.
ليضحك قاسم ويقول في سره: باين عليه اهبل.
قاسم: العربيات بتاعتك هتحمل الزرع، وبعد ميتوكلو علي الله نروحو بيتنا، وبالمره تشوف العروسه.
عبدالسميع: أوامرك يا كبير، كل كلامك ماشي.
أما ف المنزل.
حليمه: بت يافاتن، امسكي فروجتين كبار وادبحيهم.
فاتن (بضحك): اتنين بحالهم؟
حليمه: اه يا اختي.
فاتن: طاب انا لي طلب عند حضرتك.
حليمه: طلب ايه؟
فاتن: واحده صاحبتي يتيمه وملهاش حد، ينفع اجيبها تشتغل معايا؟
حليمه: هاتيها بس فهميها.
فاتن: فهمتها، الخدمه هنا باللجمه والنومه.
حليمه: ايوه كده جدعه.
فاتن: هيا واجفه برا.
حليمه: اندهيها أجله تساعدك.
فاتن: حاضر.
لتخرج فاتن دهب.
فاتن: بت بادهب، نعالي الست حليمه وافجت.
لتفرح دهب: حلو جوي كده.
وبعد اذان العصر كان قاسم في طريقه الي المنزل مع عبدالسميع.
عبدالسميع: اوجف هنا يا كبير.
قاسم: ليه؟
عبدالسميع: هجيب حاجه بس.
قاسم: ادينا وجفنا.
لينزل عبدالسميع من السياره ويدخل دكان جواهرجي.
عبدالسميع: بجولك يا خواجه عاوز كردان يكون حلو وغالي وست غوايش كمان.
جورج الجواهرجي: من عيني حاضر، استريح حضرتك.
ليحضر له ماطلب.
قاسم (ف السياره): الحزين ده اتاءخر كده ليه؟ ودخل ليه عند جورج؟ اروح اشوفه.
ليذهب قاسم الي دكان الجواهرجي.
قاسم: اخبارك ايه يا جورج؟
جورج: ف نعمه يا كبير.
قاسم: ايه يا معلم بتعمل ايه هنا؟
عبدالسميع: بشتري هديه لعروستي.
قاسم: طاب وام العروسه لهاش نفس يعني؟
عبد السميع: عيني لام العروسه.
قاسم: هات يا جورج غوايش وكردان زي دوله.
جورج: حاضر يا كبير.
وبعد أن أشتري عبدالسميع الدهب.
جورج: الفاتوره يامعلم.
عبدالسميع: ده شيك بالمبلغ وزياده تلاتين الف للعمال.
جورج: كتر خيرك يا معلم.
عبدالسميع: ياله بينا يا كبير.
قاسم: روح انته علي العربية وانا جاي وراك.
ليذهب عبدالسميع الي السياره.
قاسم (لجورج): بجولك ايه يا جورج طلع خمستاشر الف.
جورج (بخوف): ليه ياكبير؟
قاسم: نصيبي يا اخوي، ولا انته ليك راءي تاني؟
جورج: له طبعا كلامك أوامر يا كبير.
قاسم: بعد كده لما ياجيك الاهبل ده تاني ابجا غلي عليه السعر.
جورج: اصل يا كبير ديه فواتير.
قاسم: ابجا بيعله من غير فواتير، هو انته هتغلب يعني؟ وبعدين فين الساجع ياراجل؟ مالك بخيل كده ليه؟
جورج: حاضر من عيني يا كبير.
قاسم: له من الدكان يا خفيف، اخلص شيع الواد وخليه يجيب الساجع علي العربية.
ليتركه قاسم ويذهب الي السياره.
قاسم: عوجت عليك معلش، اصلي كت بوصي جورج علي سلسله لمرتي.
عبدالسميع: أخص علي، معلش نسيت ام زياد.
قاسم: المره الجايه.
وهنا يحضر الصبي.
الصبي: الساجع يا كبير.
قاسم: هات خد يا معلم اشرب الساجع، اصل جورج حلف علي لازم يجيبلنا ساجع. ياله بينا علي البيت بجا.
عبدالسميع: ياله ياكبير.
وف الطريق.
عبد السميع: اوجف هنا يا كبير.
قاسم: ليه تاني؟
عبدالسميع: هجيب حاجه حلوه من السوبر ماركت.
قاسم: حاضر.
لينزل عبدالسميع ويدخل الماركت.
عبدالسميع: يا معلم عندك شكلاته؟
صاحب الماركت: في كل حاجه.
عبدالسميع: شنطه كبيره وعبيهالي حاجات حلوه.
لينزل قاسم من السياره ويدخل الماركت.
قاسم: ايه عوف اخبارك؟
صاحب الماركت: الحمدلله ياكبير.
قاسم: يخساره، العروسه بتحب الجيلاتي، بس لو خدناه هيسيح منينا ف الطريج.
عوف: حضرتك انا عندي ايس بوكس، بيخلي الحاجه تفضل ساجعه زي التلاجه كده.
قاسم: طاب عبيه جيلاتي وهات كرتونه شيبسي وكرتونه بوذو ولبان وملبس.
عوف (بفرحه): حاضر يا كبير.
ليخرج قاسم رزمه ماليه من جيبه.
قاسم: حسابك كام يا عوف؟
عوف (في نفسه): يا مرك يا عوف، هياخد كل حاجه ببلاش، كان لازم يعني انسحب من لساني واجوله عندي ومعنديش.
عبدالسميع: بتعمل ايه يا كبير؟ والله ما حد دافع غيري.
ليتنهد عوف: الحمدلله.
قاسم: طاب وبتحلف ليه؟
عبد السميع: ميجيش من بعد خيرك.
ليحمل عوف الاشياء ويضعها ف السياره، ويحاسبه عبدالسميع، ويذهب قاسم وعبد السميع الي المنزل.
قاسم: بت يا فاتن.
فاتن: نعم يا كبير.
قاسم: العربية بتاعتي برا فيها حاجات، ناخديهم وتطلعيهم جاعتي الجاعه الخصوصي بتاعتي.
فاتن: حاضر ياكبير.
قاسم: تعالي خش يا معلم.
ليكح عبدالسميع.
قاسم: اجعد وانا دجيجه وجاي.
ليتركه قاسم وينده علي حليمه.
قاسم: اما يا اما.
حليمه: ايه يا كبير، حمد الله علي سلامتك.
قاسم: ليه كت ف الحرب انا؟ اياك فين بتك؟
حليمه: فوج جاهده مع مرتك.
قاسم: شيعي حد ليها خليها تنزل تسلم علي العريس، واه جهزتو الوكل؟
حليمه: جدامنا ياجي ساعه كده.
عبدالسميع: طاب اعملو شاي.
حليمه: حاضر.
حليمه: بت يادهب.
دهب: نعم.
حليمه: اطلعي اندهي ستك نواره.
دهب (باءدب): حاضر.
قاسم: جيبتوها منين الخيمه ديه؟
حليمه: ديه صاحبت البت فاتن، يتيمه ومجطوعه.
قاسم: والله مجطعينك كتير ياسيد.
حليمه: ديه هتشتغل بالنومه والوكل.
قاسم: ناجص انا خشم زياده علي الخشوم اللي ف البيت.
حليمه: مخلاص بجا اهي تخدم ابوك، انا كبرت ومش جادره اخدم حد، وبعدين البنيه يتيمه وغلبانه.
قاسم: ومن ميته الحنيه ديه؟
حليمه: اهي خيتك نزلت اهي.
قاسم: بت يا نواره ابجي هاتي الشاي وخشي بيه.
نواره: حاضر يا اخوي.
ليتركهم قاسم ويدخل المندره لعبد السميع.
قاسم: عروستك هتجيب الشاي وجايه.
أما نواره.
نواره: يا امي هخش بالشاي بس من غير اي حاجه حلوه، انا هطلع عند صابرين اشوف عنديها اي حاجه اجدمها مع الشاي.
لتصعد نواره عند صابرين.
نواره: بت يا صابرين، انتي ممبطلاش وكل ليل نهار.
صابرين: من خير ابوي يا اختي.
نواره: طاب عندك اي حاجه حلوه اجدمها للعريس مع الشاي؟
صابرين: اه استني، خدي طبج الحلويات ده جدميه مع الشاي، بس اياك يتمر فيكي.
نواره: شكرا يا مرت اخوي.
حليمه: بت يا نواره تعالي خدي الشاي.
لتاءخذ نواره الشاي من فاتن، وتضع طبق الحلوي بجانب الشاي، لتدخل نواره.
نواره: السلام عليكم.
عبدالسميع: وعليكم السلام، اتفضل.
عبدالسميع: تسلم يدك.
قاسم (بغل): ايه اللي ف الطبج ده يا عروسه؟
نواره: صوابع الست ورموش الست.
قاسم: وليه يعني صبعتها ورموشها فين بجا الست نفسها؟
ليضحك عبدالسميع ويضع رزمه ماليه كبيره ف الصنيه.
لتنظر نواره الي أخيها، ليهز قاسم رءسه بمعني "خديها".
لتاءخذ نواره النقود.
قاسم: تعالي يا نواره عايزك.
ليخرج قاسم ونواره من المندره.
قاسم: هاتي الفلوس.
نواره: خد اهي.
قاسم: يعني اسيب مفتاح اوضه الخزين لامك، تجوم تعمل جال صبعه ورموش الست؟ اه طبعا! مال سايب سمن ودجيج وسكر!
طيب يا اما.
نواره: له ديه مرتك هيا اللي ادتني الحلويات من عنديها.
قاسم: نهار ابوها اسود.
