سكريبت الحب البعيد (كامل) بقلم جمال المصري
بسم الله ولا حول ولا قوه إلا بالله
#الحب_البعيد
(اتمنا كتاباتي تنال اعجابكم ويوصلكم الهدف من كل قصه)
سلمي فتاة جميله هادئه عاشت طفوله حرينه تبلغ من العمر ٢٤ سنه فتاه قويه رغم الظروف اللي اتعرضت لبها إلا انها حاربت الظروف وتمردة علي الواقع ونسمي بسم الله ونصلي علي رسول الله عليه افضل الصلاه والسلام ونبداء القصه ونبدأها من البيت وام سلمي بتولد والاب مستني بره في الصاله والدايه بتولدها جوه واول ما الاب بيشوف الدايه بيجري عليها
حكيم .. ولد ولا بنت
الدايه.. يا حكيم يا ولادي المره دي بنت جاتلك بعد تسع ولاد
حكيم .. وشه اتغير بنت ايه دي ليله سوده
علياء .. بتطلع وهي شايله البنت وبتسمع كلامه وتقول له احمد ربك يا حكيم والمهم ان اختي قامت بالسلامه والحمد لله انت عندك ٩ ولاد عايز ايه تاني شوف بنت زي القمر ازي وبتقرب منه عشان يشوفها
حكيم ..بيبعد عنها وببقول يا علياء اختك عندك وانا هسبلكم البيت وماشي وبيمشي حتي قبل ما يشوف بنته
علياء .. بتدخل علي عفاف اختها والبنت علي ايديها شوفي يا عفاف بنتك زي القمر زيك يا عفاف
عفاف .. بسم الله ما شاء الله وبتاخدها في حضنها اومال حكيم فين
علياء .. مشي زعلان انك خلفتي بنت زي ما تكوني انتي اللي جبتيها
عفاف .. هو مش بيحب البنات بس دي بنته يعني كام يوم وقلبه هيحن
علياء .. لو الحجر حن جوزك مستحيل يحن هقوم اعملك فرخه عشان تشدي حيلك كده علي ما ترضعي القمر دي
عفاف .. معلش تعبتك معايا
علياء .. ما تقوليش كده احنا مالناش غير بعض
وبتعدي الايام وحكيم ومش طايق يشوف البنت وخالتها علياء هي الي سمتها سلمي وهي اللي كتبتها في مكتب الصحه اما حكيم كان لو شافها يحس الدنيا كلها اتقلبت ومش طايق يشوفها ولما بيقعد ياكل يرفض انها تقعد معاه علي الطبليه ياكل هو واولاده التسعه وهي تاكل لوحدها هي وامها بعد ما يخلصوا اكل وسلمي كبرت وهي شايفه المعامله دي وانكسرت اكتر بعد ما ماتت امها وكده الشخص الوحيد اللي كانت حنينه عليها وبتدافع عنها ماتت وابوها طلعها من المدرسه ولما علياء حست ان كده سلمي هتتعقد ومستقبلها هيضيع وممكن تدمر نفسيا قرارت تروح تحكي مع حكيم وفعلا راحت البيت وقعدت معاه
علياء .. حكيم حرام عليك اللي انت بتعملوا في البت ده و بعد كل اللى عملتوا فيها كمان عايز تطلعها من المدرسه دي بنتك مش كلبه هتفضل مش عايز تبص في وشها لحد امتي
حكيم .. انتي قولتي بنفسك دي بنتي وانا حر وانتي ما لكيش تدخلي في حياتنا
علياء .. ما انا مش هسيبلك البنت تعمل فيها كده وتدمر مستقبلها
حكيم .. خلاص خديها
علياء .. وانا موافقه كده كده انا جوزي متوفي وربنا ما رزقنيش بي اطفال بس هيجي يوم وتندم يا حكيم
حكيم .. لا مش هندم واشبعي بيها دي كانت ليله سوده يوم ما شوفتها
علياء .. بتدخل تلبس سلمي وتاخدها وتحاول تعوضها عن غياب امها وتربيها علي الاخلاق
وتكبر سلمي وتدخل كلية الطب وهناك يشوفها عاطف زميلها في الكليه واكبر منها ومخلص الكليه وبيعجب بيها وبيقرب منها عشان يتكلم معاها وهي طالعه من الكليه
عاطف .. السلام عليكم
سلمي .. وعليكم السلام ورحمة الله وبركاته خير
عاطف .. بصراحه انا معجب بيكي
سلمي .. قاطعته لو شوفت واحد بيوقف اختك كده وبيقولها الكلام ده هتوفق
عاطف .. سكت لي ثواني لا طبعآ وانا اسف بس انا عايز اتقدملك عشان كده وقفت اتكلم معاكي
سلمي .. تقدر تطلبني من ابويا وده عنوانه
عاطف .. فعلآ راح لي ابوها وطلب منه ايد بنته ولكن استغرب من رد حكيم
حكيم .. انا ما عنديش بنت اسمها سلمي انا بنتي اسمها الليله السوده
عاطف .. مش فاهم يا عم الحاج
حكيم .. سكت شويه يعني الي انت عايزه هتلاقيها في العنوان ده
عاطف .. طلع وهو مش فاهم حاجه لكن طلع علي العنوان وخبط علي الباب
علياء .. سلمي شوفي مين
سلمي .. حاضر يا خالتو وبتفتح الباب وبتتفاجئ لما بتلاقي عاطف في وشها
عاطف .. الحمد لله العنوان اللي الراجل ادهونى صح
سلمي .. راجل مين
عاطف .. اللي انتي قولتي انه ابوكي وهو ما عندهوش بنت اسمها سلمي بنته اسمها الليله السوده
سلمي .. الاسم نزل عليها زي الصاعقه وجريت علي اوضتها
علياء .. في ايه يا سلمي وبتبص لقيت واحد واقف علي الباب قربت منه مين حضرتك
عاطف .. انا عاطف زميل سلمي وكنت جاي اخطبها
علياء .. وسلمي بتبكي ليه
عاطف .. حكالها الحوار الي دار بينه وبين سلمي لحد ما جريت من قدامه
علياء .. اتفضل يا ابني ارتاح
عاطف .. دخل انا مش فاهم حاجه هو فيه ايه وايه علاقة سلمي بالراجل ده علياء .. ده يبقا ابوها ومن يوم ما اتولدت وهو بيقول عليها الليله السوده وعشان كده انا اخدتها بعد امها ما ماتت وربيتها وانا ابقا خالتها
عاطف .. عشان كده زعلت لما قلت الاسم قدامها
علياء .. ايوه
عاطف .. حس اني سلمي مش محتاجه زوج بس لا دي عايزه اخ واب يعوضها عن الحرمان اللي عشته وبيقول لي علياء انا عايز اتجوز سلمي وفي اسرع وقت
علياء .. واضح انك ابن حلال وبتحبها وانا ما عنديش مشكله بس اخد راي سلمي وبتدخل لي سلمي
سلمي .. في الاوضه بتبكي وهي بتفتكر كل اللي ابوها عملوا معاها
علياء .. بتدخل وبتطبطب عليها اهدي يا حبيبتي وانسي الماضي وخلينا في الحاضر انا حاسه اني عاطف بيحبك وجاي يتقدملك ايه رايك
سلمي .. بتمسح دموعها موافقه يا خالتو
علياء .. بتحضنها الف مبروك يا حبيبتي طب يلا امسحي دموعك عشان تقعدي مع خطيبك ونتفق علي كتب الكتاب
سلمي .. حاضر يا خالتو
علياء .. بتطلع هي وسلمي وبيقعدو مع عاطف الف مبروك يا عاطف بس انا وسلمي لوحدنا وما ينفعش تدخل وتطلع علينا كده يعني لازم نكتب الكتاب عشان الناس كلها تعرف انها مراتك
عاطف .. انا موافق وياريت نتجوز علي طول
علياء .. لا الجواز بعد ما تخلص السنتين الي فاضلين وتتخرج انا مش عايزه اي حاجه تعطلها عن حلمها
عاطف .. وعشان سلمي أنا موافق علي كل طلباتك
وايام وبيتكتب الكتاب وعاطف بيوصل سلمي ويرجعها عند خالتها وكمان كان بيقعد معاها بعد شغله يزكرلها وبعد احيان يطلعوا يتفسحو كان بيحاول ينسيها كل الي شافته بحياتها وفعلا عاشت سلمي اجمل سنتين بحياتها مع عاطف وبعد ما اتخرجت بمتياز مع مرتبت الشرف واشتغلت مع عاطف في نفس المستشفي واتجوزت وسلمي ما سبتش خالتها اللي ربتها وعاشت معاهم اما حكيم التسع اولاد اتجوزه وكل واحد منهم بقي ليه بيت غير التاني وسابو ابوهم وحيد بينهشو المرض ونظره بداء يروح يعني حتي مش قادر يخدم نفسه ولما سلمي بتعرف كده ورغم كل الي عملوا فيها بتستاذن جوزها وبتروحله والباب بيكون مفتوح وبتدخل بتلاقيه فاقد الوعي وبتاخده المستشفي وتهتم بيه ولما يستعيد صحته بترجع معاه للبيت وهو كل ده بيقولها يا دكتوره وما يعرفش دي مين وكانت بتاكله وتهتم وكل ما يسالها عن اسمها تتهرب وهو طبعا سنين ما سمعش صوتها ولا يعرفها وفي مره الح عليها عشان يعرف اسمها وردت عليه وقالت انا الليله السوده
حكيم .. عرف انها بنته وفضل يبكي وقبل ما يموت قال قصيدة شعر الابيات دي منها
ليت الليالي كلها سود
دام الهنا بسود الليالي
لو الزمان بعمري يعود
لاحببتها اول وثاني
ما غيرها يبرني ويعود
ينشد عن سواتي وحالي
تسعه رجال كلهم جحود
تباعدوا عني وعن سؤالي
ما غير ريح المسك والعود
ابنتي كل يوم تعود
يا ليت ايامي كلها سود
وإلي هنا تنتهي قصتنا اتمنا تنال اعجابكم
#البنات_كنز_البيت
#البنات_نعمه
#لا_اعتراض_علي_القدر
#المتخلف_هو_الذي_يفرق_بين_الاولاد_والبنات
🎀المقصود بالحب البعيد هنا هو حب الاب لبنته ولكن بعد فوات الاوان 🎀
#عباد_الله_اذكره_الله
تمت
لمتابعة مزيد من الروايات والاسكريبتات زوروا قناتنا على التليجرام من هنا
