رواية في حصار قلبه الفصل الثاني 2 بقلم ميادة يوسف
#_الحلقة_الثانية
#_فى_حصار_قلبه
#_بقلم_ميادة_يوسف_الذغندى
فى داخل دوار العمدة اجتمع صفوت والحاج عبدالرحمن النوافعى ، والحاج منير الزيني
صفوت:: اسمعوا ياجماعه ، احنا دلوقتى قدام موقف صعب ، ولو مش اخدنا موقف صارم الدم هيبقى للركب ، ومش معقول لسه هنمشى بحكم التار بينتنا والضحايا أولادنا.......عبدالرحمن ومنير بصوا لبعض .....
الحل الوحيد من غير تفكير علشان نخلص من كل ده ، هو نسب بيناتكم ودم جديد مشترك بينكم
منير :: نسب بينا تانى ناسى اللى حصل زمان إياك لما عمتى الله يرحمها اتجوزت عمه ، ايه اللى حصل فاكر
عبدالرحمن:: عمتك ماتت موتة ربنا وهى بتولد
منير :: ومين موت ابنها ، مش سلفتها اللى كانت طمعانه فى كل شئ
صفوت :: إحنا متجمعين لحل المشكله مش نعمل مشاكل جديدة ولا نفتح فى القديم
عبدالرحمن:: تقصد ايه بنسب
صفوت :: شهاب يتجوز ملكة
عبدالرحمن:: مين شهاب ، متجوز وعنده بيته ومرته
منير :: دكتور شهاب، ده قد ابوها ، دا لو كان خلف اول ما قال ياجواز كان جاب قدها ، عايزنى اخسر ابنى وارمى بنته فى النار
صفوت :: ياحاج منير ، شهاب لسه فى عز شبابه ، ودكتور ناجح وسمعته عطرة ، وفاهم ، وملكة ، عايزة تكمل علامها، وهو فاهم وهيساعدها
صفوت: ياجماعة بلاش نفتح النار على اللي فات، اللي حصل حصل واتعلمنا منه. احنا دلوقتي قدام مسئولية على ظهورنا — ولادنا ومصلحتهم أهم من أي كره قديم.
منير: (بانفجار) مسئولية؟! يا صفوت، المسئولية بتبقى لما حد ياخد خطوات محسوبة. مش مسؤولية إنك تيجوا تقترحوا كلام يجرح ويعيدنا تاني لتحت.
عبدالرحمن: (مقاطعا) اسمع يا منير، احنا بنحل هنا ...... هنا مش محكمة. وانا مش بضغط عليك ولا على حد. بس لازم نفكر بعقل قبل ما نتحجر من الخوف.
منير: (بصوت مكسور) وانا خايف يا أخي… خايف على بنتي. تخيلي ملكة تدخل بيت جديد وتلاقي ناس بتتهمها، ولا حقوقها ضايعة، ولا حد يحميها لو حصلت حاجة.
صفوت :: راح ناحية ، منير ، ايه يامنير انت نسيت انتوا صحاب عمر وكان ماحدش يقدر يفرقوا عن بعض زمان
منير :: اديك قولت زمان ، قبل مايحصل اللى حصل ، وعمه التانى يقتل عمى ، وعلشان الدم يقف حكموا بجواز عمتى وايه اللى حصل ، قتلوها ، عايزنى ارمى بنت ابنى ونعيده لا والف لاء
صفوت :: سكت دقيقه واتنهد ، ......صح كلامك وعلشان كدة الحل المنطقى اننا نبدا بدايه جديدة وتصفى الانفس وحق ملكة ومكانتها فى بيت جوزها لازم يكون متأمن زين ولك كل الشروط اللى تقول عليها تتنفذ
منير :: بقول له ايه ، يقول لى جواز وشروط ......
صفوت .......اسمعنى بس ....
وده منطقي جداً. علشان كده لازم الشروط تكون مكتوبة وواضحة: مهر محترم، سكن ملائم، وضمانات على حقوقها — ومش بس كلام، عقد مأمن لها الحياة
منير: (يتنهد) عقد وضمان ، الضامن هو الله يا صفوت؟ انت تعرف شهاب كويس فعلاً؟ هو راجل ممكن يثبت قدامك الكلام ده ولا لأ؟
صفوت: شهاب راجل ابننا متربي — تربية محترمة، شغله في المدينة لكنه معروف بطيبته وحسن خلقه. جراح كبير ، وصاحب خير ، والصراحة شخصيه مش تترفض ......
منير: طب و مراته؟ انت قلت متجوز وعنده بيته ومراته!
صفوت: (بهدوء) ده كلام مهم يا حاج منير. آه صح هو متجوز وعيب الخلفه من مراته مش منه ، وهو متمسك بيها ، والدين حلل الجواز التانى قول موافق
منير :: طب هو موافق على كدة
عبدالرحمن:: ولا يعرف حاجه ، عن الموضوع ده ، وكان عايز يمشى قانوني
منير : ايه ، وندخل الحكومه بينا ، اهو ده اللى ناقص ،هو مش عارف عوايدنا ولا ايه ؟
صفوت ::: اهو ، ده اللى بقول عليه ، نلم الحكايه بالجواز واجبارى.......
عبدالرحمن: طيب… وملكـة؟ مين يتكلم معاها؟ مين يفتح الموضوع ده معها؟
منير: (ينظر لجهة الباب وكأنه يفكر في ابنته) ملكة بنتي… هي مش لعبة تتبادَل. لازم حد يحكي لها بالصراحة، بدون ضغط، تخبرنا برأيها وتختار.
صفوت: انا أوافق آخد الدور ده — ملكة صحبتى نيرة حفيدتى ويعتبر متربيه معها وانا افاتحها
منير :: لاء ، انا هكلمها واجبار لاء ، وانت ياعبد الرحمن، تكلم شهاب وان حصل قبول نبقى ، نرتب ليهم مقابله
ونخلي اللقاء يكون أنا وانت يا حاج منير، وشيخ العيلة وصفوت ، محدش يفرض عليها حاجة. ونتفق إن لو قالت لا، الدنيا تكمل عادي ومحدش يضايقها ولا يلمسها بكلمة.
منير: (يمسح رقبته) وبعدين لو قالت نعم؟ نبقى نتوكل على الله ......
صفوت: يبقى احنا اتحضرنا — بنود مكتوبة، شهود، والتزام من العيلتين.
نكلم شهاب نعرف موقفه بصراحة، وبعدين نسمع ملكة.
عبدالرحمن: (ينظر لمنير بحزم) انا مع كلام صفوت في النقطة دي. الأول نعرف رأى شهاب، بعدين نقرر.
صفوت :: قعد مرة واحده وشاور بايدة لهم ، استنوا ، انا عند كلامى الإجبار مش المحايله تعالوا على الخيمه
داخل الخيمه بعد وقت بسيط........
دخل صفوت و منير وعبدالرحمن على العلتين ، والكل كان مترقب الاتفاق وعيونهم عليهم ، صفوت وقف والكل انتبه له ،
اسمعوا ياجماعه الخير ، احنا اتفقنا على الاتى، وبعدها مافيش كلام هيتقال ، الحل الوحيد لحل المشكله دى ، هى نسب بين العلتين ودم جديد بينهم .....
الكل بيهممم بكلمات غير مفهومه ، ومستغرب نسب تانى
صفوت :: بصوت أعلى وبكل حزم ، حل المشكله دى اسمعوا ، هو جواز ملكه وشهاب
شهاب :: اول لما سمع الحكم ، اتنفض من مكانه ، جواز ايه ، قولنا فيه قانون
اول لما العلتين سمعوا كلمه قانون ، قاموا انتفضوا من مكانهم والكلام كتر ، قانون ومن إمتى القانون بيدخل بينا ، وكمان انتو عايزين محاكم ، وبدأ الحضور بالانفعال والغضب
عبدالرحمن اول لما شاف اللى حصل راح بسرعه ناحية شهاب واخدة برة الخيمه
انت شايف اللى حصل ده دلوقتى ، بحر الدم هيمشى تانى بينا ، احنا جاين نلم اللى حصل وانت شعلتها
شهاب :: الجواز هو الحل عندك
عبدالرحمن:: نسيب أرضنا يعنى ونتعرى قدام الكل
اسمع كلامى الجواز هو الحل الاخير ولو مش وافقت لا انت حفيدى ولا اعرفك ومتبرى منك ليوم الدين
وأثناء الحديث وصل مأمور المركز
المأمور:: خير ياحاج عبدالرحمن، ايه مش حلتوها، ادخل ياابنى هات الناس اللى جوه دول
عبدالرحمن:: جرى ايه ياحضرة المأمور ، احنا قاعدين هنا بنتفق فى جواز حفيدى من حفيدة منير الزينى
العمدة :: اول لما شاف المأمور ، جرى عليه ، اهلا اهلا ياحضرة المأمور شرفتنا ، اتفضل
منير :: يااهلا بالحكومة، مرحب
صفوت :: خير ياسيادة المأمور ، فيه حد اشتكى ولا حاجه
المأمور:: ابدا انا معدى دوريه ، شفت الشغب ده ، واجبى وشغلى ياسيادة المستشار
عبدالرحمن:: اتفضل ، احضر معنا قراية الفتحة ، فتحة الدكتور شهاب اتفضل
ودخل الجميع الخيمه ، والكل التزم الهدوء ......
الحاج عبدالرحمن......
يامرحب بالحضور ، اهلا وسهلا بيكم ، احنا النهاردة متجمعين علشان نحضر كتب كتاب حفيدى الدكتور شهاب ، على حفيدة الحاج منير الزينى على سنه الله ورسوله ، فين ياابنى المأذون
المأذون:: بالرفاء والبنين ، الف مبروك ياجماعة ......
عبدالرحمن وصفوت ، بصوا لبعض وغمزوا ......
فلاش باك ..... امس ليلا
عبدالرحمن بيتكلم فى الفون ، اسمع بس ياصفوت ، هو ده الحل الوحيد ، النسب ، وكلنا كسبانين، اولا نوقف الدم ، والأرض ترجع لنا تانى ، وثانيا حفيدى ربنا يكرمه بالذريه الصالحه ، ومش هتيجى الا بالغصب والقوة ، وانا عارف منير زين دماغه ناشفه ، بس قلبه طيب واكيد هو رافض الدم ، وانا لو رحت وقولت له على كدة هيركب راسه أكتر ويرفض
صفوت :: يعنى انت شايف كدة وهتمشى ازاى
عبدالرحمن:: إحنا هنتكلم معه ، واكيد هيثور ويرفض ، وكذلك العليتين ، ولما يحصل اشتباك المأمور يجى ، والماذون وانا هرتب معهم ، ويبقى امر واقع ، بس انت اللى تتكلم ،
صفوت :: طب وملكة وضعها هيبقى ايه ؟
عبدالرحمن:: دى هتبقى ملكة بحق ، وفى حمايتى الشخصيه ، وكل كلامها هيبقى أوامر، وكمان احميها من ابن عمها سمير
صفوت :: طب وشهاب مين يقدر عليه ؟
عبدالرحمن :: شهاب سيوه عليا انا هفاجأه مرة واحدة
صفوت ........
نتقابل فى صلاة الفجر ونتفق على كل شئ
باك .......
صفوت :: مبروك يادكتور شهاب
فى فيلا عبدالرحمن النوافعى
شهاب غاضب وثاير رايح وجاى فى غرفته ، كدة ياجدى انا يحصل معى كدة
عبدالرحمن:: طالع السلم لغرفه شهاب ، وبيكلم فى سرة جيب العواقب سليمه يارب استرها معنا ....وصل الغرفه فتح الباب نص فتحة وبيدور بعينه يمين وشمال ، قفل الباب وفتحه مرة واحدة ويرسم الغضب على وشه ، شهاب وقف مرة واحدة جدى ......يتبع
ياترى ايه اللى هيحصل ؟
وايه رد فعل ملكه ؟
هنعرف فى البارت القادم من رواية
#_فى_حصار_قلبه
#_حكايات_ميادة_يوسف_الذغندى
