رواية جمعتهم الاقدار الفصل السابع والاربعون 47 بقلم فريدة احمد
عاصي فاق لنفسه وفجأة بعد عن حلا، بقي مصدوم مش مصدق اللي حصل وانو قرب منها!!!
مسح علي وشه بضيق وهو بيوبخ نفسه،مكانش قادر يبص في عنيها، بس قال.. انا. انا مش عارف عملت كده ازاي.. انا اسف. اسف ياحلا.. مش عارف ازاي حصل كده
بس هي قالت بسرعة.. عاصي انا
بدون وعي منها كانت هتقولو انها بتحبه
بس هو قاطعها لما افتكرها هتفكره انهم هيطلقو وان في حد في حياتها زي ما مفهماه... قال ..عارف ياحلا.. وعارف انك تستاهلي حد احسن مني ميكنش سبقله الزواج ولا عنده ابن.. عارف اني منفعكيش،
كمل بتلقائية وقال... زي ما متأكد انك انتي كمان مش هتنفعيني انا لايمكن هنسي جوليا.. اول ما تخلصي دراستك هعملك اللي انتي عايزاه
وسابها وخرج من الاوضة بسرعة
اما حلا بقت واقفة مكانها زي ما هي شاردة، ظاهريا مكانش واضح علي ملامحها اي تعبير، لكن في داخلها، كانت حاسة بوجع شديد جدا.وخيبة امل كبيرة
غمضت عيونها تستعيد نفسها، ثم فتحت مرة تانية واتحركت راحت علي السرير بهدوء. واخيرا ابتسمت بسخرية علي نفسها وهي بتقول في نفسها... فاكراه نسي مراته وحبك ولا ايه
فاقت حلا من شرودها وهي بتفتكر الموقف ده اللي حصل ما بينهم خلال الفترة اللي قضوها مع بعض
وقتها الاتنين فضلو فترة بيتلاشو النظر لبعض
لكن في النهاية الموقف عدي و رجعو يتعاملو عادي
"عاصي وحلا طول فترة ال 8 شهور اللي عدت عليهم وهما مع بعض، حياتهم كانت ماشية كويس جدا، دايما كانو بيقربو من بعض ويتعلقو ببعض اكتر والدليل ان حلا من شهرين انتهت من دراستها والغريب انهم فضلو مع بعض وكأنهم نسيو انهم كانو متفقين علي الطلاق من الاساس"
عاصي كان طول الوقت بيتعلق بيها اكتر، وهي كمان، لكن محدش فيهم اباح بحبه للتاني ف عاصي برغم من انه كان طول الوقت مش بيقدر يستغني عنها الا انه كان بينكر بينه وبين نفسه ان ده حب، دايما كان معتقد انه بس تعود
حياتهم كان معظمها ضحك وهزار...كان حنين عليها جدا
ودايما معاها وبيدعمها
عدت عليهم مواقف كتير
منهم :
فلاش بااك
: يلا ياحلا انجزي
قالها عاصي وهو واقف تحت مستنيها
لترد عليه وهي نازلة بسرعة وتقول.. حاضر نازلة اهو انت ايه مش بتصبر خالص
وهي نازلة بسرعة جات في اخر السلم فجأة تتكعبل وتقع علي رجلها
جري عليها بلهفة وخوف وهو بيقول.. علي مهلك،
بقت ماسكة رجلها بالم، قالت بدموع... عاجبك كده
قال... وانا اللي قولتلك تجري كده. مش تنزلي براحة
بصتله بغيظ وقالت... ما انت اللي عمال تستعجلني
: اااه
قالتها وهي ماسكة رجلها بالم
فشالها علطول وهو بيقول.. تعالي نروح للدكتور طيب نشوفها
وبالفعل وقتها اخدها للدكتور اللي كشف عليها وطمنه انه فيها جزع مش كسر وبعد ما لفهالها برباط ضاغط كتبلها علي ادوية وطمنه بعد اسبوع هتكون كويسة
في الوقت ده كان امتحانتها، مكانش عاصي بيسيبها علطول معاها بيراعيها، كان بياخدها الامتحان ويرجعها تفضل معاه في الشركة تذاكر وهو معاها بيساعدها
وفي يوم
عاصي اتصل بيها واول ما جالو صوتها اتخض فكانت بتعيط
قال بقلق...حلا مالك في ايه
ردت بدموع..... عاصي ضافري اتكسر
مسح علي وشه بيحاول ما يتعصبش.. انتي بتتكلمي بجد يعني انت بتعيطي عشان كده
قالت بدموع... اه انت مش عارف انا بربي فيهم بقالي قد ايه
: لا حول ولاقوة الابالله.. طب شدي حيلك
حست انه بيتريق فقالت.... هو انت بتتريق عليا ولا انا فهمت غلط
قال... لا برافو عليكي انتي فهمتي صح
اتغاظت وقالت... طب اقفل عشان حرفيا مش طايقة نفسي.
وقبل ما تقفل رجعت قالت... صحيح كنت بتتصل ليه
قال...كنت عازمك علي العشا بره بس خلاص بقي انتي عندك فترة حداد
بس هي قالت بسرعة.. لا انا جاية
ضحك وقال متتاخريش
بااك
......
كانو بيغيرو علي بعض جدا فاكتر حاجة كانت بتضايقها يوم ما تدخل عليه الاوضة وتلاقيه نايم حاضن صورة مراته وهو اكتر حاجة كانت بتعصبه لما تجيب قدامه سيرة الشاب اللي مفهماه انها معجبة بيه كان بيحس بغيرة مكانش عارف ايه سببها
اول مرة عاصي نظرته اتغيرت ليها يوم ما دخل عليها اوضتها
فلاش بااك
كانت واقفة قدام المرايا بتعمل شعرها بالمكواه وهي بتدندن وتقول.... انت عارف ليه. بحبك ليه وحبك ليه بيحلالي.. ليه ليه بسهر ليه وادوب في عنيك واحبك تبقي طوالي... حيران علطول كده ومشغول وحالك يبقي من حااليي
وعشان بتكون عاشق مجنون وحبك ليا مالي الكون. وبتبقي برئ ساعات وجرئ و
وقتها دخل عاصي اتفاجأ بيها كده، بقي واقف يتفرج عليها بإعجاب، شقاوتها،، صوتها وهي بتغني بدلال،، وشكلها الجذاب،، كل حاجة فيها تخطف،
قرب منها بتمهل وحاوط خصرها من ورا ومال عليها وقال... واي كمان
شهقت بخضة ولفت ليه وفي لحظة جميلة اتلاقت عيونهم
كان بيبصلها بإعجاب لاول مرة، نظرته كانت مختلفة، ففي اللحظة دي بس مشاعره اتحركت تجاهها
اما هي كانت اتوترت جامد ف حمحمت وقالت بحرج... احم انت.. انت واقف من امتى
قال بتسليه... من ساعه ما كنتي بتقولي انت عارف بحبك ليه
كمل بمشاكسه وقال.... بصراحه مش عارف احب اعرف قوليلي بقى بتحبيني ليه؟
مكانتش ناسية يوم ما قرب منها وبعدها شافت في عيونه الندم، مكانتش ناسية انه دايما بيصرح قدامها انه استحالة هينسي مراته، حبت تردهاله فبعدت وقالت ببرود، ... انت ليه اخدت الكلام علي نفسك.. انا بغني عادي علي فكرة.. ولو كنت اقصد حد بكلمات الاغنية ف اكيد هيبقي رامـ..
قطعت كلامها لما بصلها بحدة وقال... هقطعلك لسانك لو حاولتي تنطقي اسمه تاني
قالت بسخرية... وده بقي اسمه ايه ان شاء الله. غيرة
قال... اعتبريها كده
بصتله للحظات لكن معلقتش، زرجعت تاني قدام المرايا عدلت شعرها واخدت شنطها وقالت... اناجاهزة
ونزلو وقتها وصلها جامعتها وهو طلع علي شركته
.....
باااك
حلا بقت تقول لنفسها... ايه يا حلا هتفضلي عاملة عبيطة زي ما هو سايق فيها
غمضت عيونها وهي بتحسم امرها ان خلاص لازم تطلق وبقت رايحة جاية في الاوضة مستنياه يرجع عشان تتكلم معاه يحددو ميعاد الطلاق،
لكن هو اتأخر وهي في الاخر نامت بعد ماحاولت تتصل بيه اكتر من مرة لكن كان تليفونه مقفول
.....
تاني يوم
: جبتلك بقا صفقة العمر
قالتها شريكة عاصي بعد ما دخلت عليه مكتبه حطت الملفات اللي كانت في ايدها علي المكتب وقربت عليه
كان واقف قصاد الشباك بشرود وقبل ما يلف علي صوتها
اتفاجأ بيها لما حضنته من ظهره وهي بتقول... وحشتني اووي
اتصدم من فعلتها وعلطول بعدها عنه بسرعة وبصلها وقال بغضب... انتي اتجننتي.. ايه اللي بتعمليه ده
بس هي قربت ليه تاني بقت تعبث في ازرار قميصه، هزت كتفها وقالت ببراءة مصطنعة .... بعمل ايه.
وهي عيونها في عيونه .. كل ده علشان بقولك انك واحشني.. طب ما انت بتوحشني اعمل ايه
نزل ايديها بحدة وبصلها بتحذير وقبل ما يتكلم،
قالت علطول... كفاية بقا ياعاصي.. هتفضل كده لحد امتا. مراتك ماتت من سنين.. والتانية انت مبتحبهاش.
هزت راسها وقالت... عرفت انكم عايشين اخوات وانكم هتطلقو
حاوطت وشه بإيديها وخلته يبصلها وقالت... عاصي انا بحبك. بحبك اووي. هموت عليك.. هو انا مش بعجبك..بصلي احنا شغالين مع بعض من زمان مفيش مرة عجبتك
وبتاخد ايده تلمس جسمها، كانت في حالة هيـ،اج وهي بتقول .. عايزاك ياعاصي.. هموت عليك
بتحضنه وايدها بتتسلل داخل فتحة قميصه وهي بتغمض عيونها و بتقرب تبوسه
بس هو علطول دفعها عنه
وقبل ما تستوعب كان قرب عليها ومرة واحدة في لحظة عصبية شديدة منو..شقلها البلوزة اللي كانت لابساها لتشهق بصدمة
وهو قال... ده اللي انتي عايزاه. مش كده.. بتعرضي نفسك عليا زي اي واحدة مومس وعايزاني اعمل فيكي
بس مش هيحصل. مهما تحاولي تعملي حركاتك الرخيصة دي وتغريني.مش هلمسك.
في نفس اللحظة دي الباب اتفتح ودخلت حلا اللي اتفاجأت بالمنظر قدامها عاصي وشريكته اللي واقفين قصاد بعض مفيش بينهم خمسة سم مسافة
قربت عليهم ببطئ من صدمتها، بلعت ريقها وقبل ما تتكلم
كانت شريكة عاصي ضمت بلوزتها عليها وهي بتبص ل عاصي و بتقول بدموع..انت ازاي حيوان كده
وخرجت وهي بتبكي بتمثيل بارع وهي من جواها بتبسم بخبث وشماته. بعد ما اتاكدت ان خلاص حياته اتخربت
كانت حلا بتبص بزهول عليها لحد ما خرجت وهي مصدومة في عاصي، رجعت لفت لـ عاصي اللي كان لسه هيتكلم بس هي قالت بنفس زهولها. هو. هو اللي انا فهمته ده صح.. انت كنت..
حلا مكانتش فاهمة غير حاجة واحدة بس وهي ان عاصي اعتدي علي شريكته
بس عاصي قال بسرعة ...حلا انتي فهمتي غلط.. اسمعي ياحلا..
بس هي صرخت فيه وقالت... اسمع ايييه.. هو اللي شوفته ده ليه تفسير تاني غير اللي فهمتهه
ضربتو بادبها الاتنين علي صدره وقالت.... انت ازاي كده.. ازاي حيوان كده.. عاملي فيها الوفي اللي عايش علي ذكري مراته وانت اساسا زبا، لة وقذ، ر
: انتي فاهمة غلط صدقيني .. اهدي وانا هفهمك
كان بيحاول يهديها عشان يفسرلها اللي شافته بس هي
قالت...تفهمني ايه.. انت اقذر بني ادم انا شوفته بحياتي..طلقني يازبالة
قلم قوي نزل علي وشها منه وهو بيقول..... اخرسي بقا
حطت ايدها علي خدها بصدمة
عاصي ادرك اللي عمله.. مسح علي وشه بغضب. هو مكانش حابب توصله انه يمد ايده عليها
قال.. انا مش عارف عملت كده ازاي
وقرب لسه هحط ايده عليها، بس هي بعدته بعنف
وبصتله بصه كلها استخقار ولفت خرجت من المكتب بسرعة
مسح علي وشه بضيق وتعب. بس علطول خرج وراها
وهو بيحاول يوقفها. بس هي كانت نزلت تجري
لحقها تحت الشركة وقفها وهو بيقول... اقسم بالله انتي فاهمة غلط.. اهدي واسمعيني ياحلا.. انا مش كده اقسم بالله
بس هي مدتلوش فرصة يفهمها ولا ادت لنفسها فرصة تسمعه، كانت زي المجنونة، زقته وقالت بعصبية وغضب.. ابعد عنييي ابعدد
واتحركت ناحية العربية وهي بتفتحها وبتقول للسواق .. وديني سوهاج
قال عاصي .. طب اهدي.. انا هوديكي.. تعالي
بس هي زقته وقالت بعصبية... ابعد عني قولتلك.. مش عاوزة اشوفك
وركبت العربية وهي بتقول للسواق ... يلا اطلع ان كمان
هنا السواق بص لعاصي بمعني يعمل ايه
عاصي كان شايف حالة الجنان اللي كانت فيها وكان عارف انها مش هتهدي ف سمحلو يوصلها يوصلها مكان ماطلبت لما هز راسه بقلة حيلة وقالو.. وصلها وخلي بالك منها
...
ورجعت حلا الصعيد،، عاصي حاول معاها كتير يفهما بس هي مسمعتوش واصرت علي الطلاق، حتي بعد ما اعترفلها لاول مرة بحبه
.........
: قدامكم فرصة اخيرة راجعو نفسكم ان ابغض الحلال عند الله الطلاق
الجملة دي قالها الماذون للمرة الاخيرة وهو ينظر لهما
لترد هي وتقول بجمود ... اتفضل ياعم الشيخ انا واخدة قراري
وهو ايضا قال بهدوء... اتفضل خد اجراءاتك ياعم الشيخ
ليبدأ المأذون في اخذ اجراءته
وبالفعل تم الطلاق
...
وتاني يوم سافرت لمراد وهي في حالة صعبة جدا
كانت ماشية تايهة وهي جارة شنتطها وراها بعد مانزلت من الطيارة في مطار امريكا، دموعها بتنزل بدون توقف
قابلها مراد اللي كان في انتظارها واللي بمجرد ما شافها قرب عليها بسرعة
هي كمان اول ماشافته اترمت في حضنه.. بقت تبكي بشهقات
وهي في حضنه وبقي هو يطبطب عليها ويهدي فيها
: ايه اللي حصل ياحبيبتي
سألها بقلق وهو بيمسح علي شعرها
لتقول وهي بتبكي بشدة... مش عايزاه مش عايزة اشوفه تاني
وهي بتبكي اوي ومراد بيهدي وهو مش فاهم حاجه ولا ايه اللي حصل من عاصي خلاها بقت في الحالة دي
..بعد شوية كانت معاه في العربية بعد ما هديت وبطلت بكا، بصلها وقال.... ها احسن دلوقتي
هزت راسها بهدوء وهو قال... قوليلي عمل ايه عاصي
بصتله وسكتت
محبش يضغط عليها، باس راسها وقال... مش عايزك تزعلي ابدا. وهو ايا كان اللي عمله وغلاتك لندمه عليه.. مش هسمح لاي لحد يدوسلك علي طرف. مش هسمح لحد يزعلك بعد كده.
ابتسمت بدموع وقالت... ربنا يخليك ليا.انا محتجالك اصلا
باس راسها وقال... وانا مش هسيبك تاني ابدا
وابتسملها وشغل العربية وطلع بيها علي شقته الخاصة
وبعد وقت قصير وصل، فتح الباب دخل وهي معاه
كان واضح عليها الارهاق، بصلها وقال.. تعالي نستني الاكل. اكيد جوعتي..عموما انا طلبت اكل وزمانه علي وصول
بس هي قالت بتعب .. مليش نفس.. انا عاوزة انام
لكن هو اعترض وقال... هتاكلي الاول وبعدين نامي براحتك..
وبعد وقت كان اكلها ونامت
.. كان بيكلم عاصي اللي كان بيطمن علي حلا وبعدها حكي ل مراد اللي حصل، مراد صدقو لانه عارف عاصي ملوش في الحرام، لكن كان عارف بردو ان عاصي هيفضل عايش علي ذكري مراته وانه مش من السهل ينساها ف كان شايف ان طلاقهم كان لابد منه
........
بعد مرور ثلاث سنوات
..
: ماما مين معاكي في الصورة ده
بصت مرام في الموبايل علي الصورة اللي ابنها كان بيوريهالها
ردت علي سؤال طفلها وقالت بدون ماتحس... ده بابا ياحبيبي
فكانت صورتها هي وزين
عقد الطفل حواجبه باستغراب ورجع بصلها وقال بتصحيح... ماما بقي طارق
بصتله واستوعبت، للحظات مكانتش عارفة ترد عليه
لحد ما قالت ببتسامة وهي بتوهه قبل ما يسألها تاني ... ايه رايك ننام دلوقتي.. عشاان عندنا بكرة Exercise كتيييير اوي
رد الطفل بالموافقة وقال .. ok ماما
وهي فتحتله ايديها وهي بتقول.. تعالي
وضمته لحضنها وهي بتقوله... حبيب مامي انت ياسولي
وباسته وبقت تمرر ايدها علي شعره بشرود لحد ما نام
......
: انا موافقه نتجوز يامراد
ردت بيها مرام علي مراد اللي قاعد قصادها علي ترابيزة في كافيه في احدي مناطق امريكا بعد ما اتقابلو و عرض عليها يتجوزها
يتبع.....
#جمعتهم_الأقدار
#البارت_47
#بقلم_فريدة_احمد
قبل ما تسألو ازاي ومرام متجوزة طارق، فيه 3 سنين مرو وان شاء الله هشرح وهوضح اللي حصل فيهم البارت الجاي
