رواية جنه والمجهول الفصل الرابع 4 بقلم جمال المصري
بسم الله والصلاه والسلام علي رسول الله
#جنه_والمجهول
#الحلقه_الرابعه
هاله.. بتخبط و بتدخل علي طول واول ما شافت دكتور جاسم اتخضت
جاسم .. مالك يا هاله اتخضيتي ليه شفتي عفريت
هاله .. لا يا دكتور انا كنت جايه اجيب لحضرتك تقرير حالة المريض اللى حضرتك كنت طالبه واتخضيت عشان عارفه انك مش في المكتب
جاسم .. ازي مش في المكتب لسا قدامي ساعه علي ما النبطشيه تخلص
هاله .. وانا جايه شفت واحد داخل العنايه عند جنه افتكرته حضرتك عشان كده اتخضيت لما شفتك
جاسم .. تلاقيه حد من طاقم التمريض .
هاله .. لا ده دكتور واضح من البالطو اللي كان لابسه وكمان زي حضرتك في الجسم عشان كده ما اهتمتش وقولت هسيبلك الملف علي المكتب عشان انا مستاذنه و هروح .
جاسم .. ازي ما فيش اي دكتور غيري يدخل للحاله من غير اذني كده يبقى في حاجه غلط تعالي معايا نشوف فيه ايه .
هاله .. حاضر يا دكتور
جاسم .. كان حاسس احساس غريب مش عارف يفهمه وبيجري بسرعه لحد ما وصل غرفة العنايه المركزه وفتح الباب براحه خالص وشاف واحد واقف بيتكلم مع جنه وهو بيضرب حقنه في المحلول ويرجع الحقنه في جيبه وهنا فهم انه جاي عشان يقتلها وبيدخل بسرعه انت مين
القاتل .. بيلف ويزق جاسم ويحاول يجري
جاسم .. بيمسكه وبينزل ضرب فيه
القاتل .. بيضرب هو كمان في جاسم
هاله .. بتصرخ علي الامن
جاسم .. بصوت عالي اقفلي المحلول بسرعه يا هاله المحلول فيه سم
القاتل .. بيزق جاسم و بيطلع مسدس و يوجهه ناحية جنه وهيدوس علي الزناد
جاسم .. بيهجم عليه تاني ويرفع ايده لفوق و الطلقه بتيجي في الهواء ويفضل يضرب فيه لحد المسدس ما يقع
هاله .. بتجري ناحية جنه و بتقفل الكانيولا و تشيلها خالص من ايد جنه وتطلع تجري برا وهي بتصرخ علي الامن
القاتل .. بيحاول يتغلب بكل قوته علي جاسم عشان يهرب
جاسم .. ما تحاولش مستحيل اسيبك يا قاتل يا حقير .
القاتل .. بيطلع مطواه ويضرب جاسم في ايده
جاسم .. اه يا حقير
القاتل .. بيقدر في اللحظه دي يهرب من جاسم
الامن .. بيجي جري من تحت هو فين يا دكتور
جاسم .. هرب مني اقفلوا كل ابواب المستشفي مش عايزه يطلع و بلغوا الشرطه بسرعه ولحد ما الشرطه تيجي مش عايز حد يدخل ولا يخرج من المستشفي وكمان عايز اتنين منكم يقفوا هنا قدام الاوضه
الامن .. حاضر يا دكتور وبينتشرو بسرعه في المستشفي والقاتل بيستخبى في اوضه لحد الدنيا ما تهدا
ناديه .. اول ما سمعت صوت الرصاص وقفت مره وحده ده صوت رصاص يا استاذ عادل
عادل .. رصاص في المستشفي مش معقول
ناديه .. انا شايفه نروح نطمن علي جنه
عادل .. حاضر بس اهدي مالك قلقانه ليه كده
ناديه .. بتبقى ماشيه بسرعه كانها بتجري وعادل وراها لحد ما بيوصلوا غرفة العنايه المركزه ويلقوا الباب مفتوح والدكتور جاسم متعور وكان لسا بيدي الاوامر للامن اول ما شافت المنظر بنتي وجريت ناحية جنه
عادل .. في ايه يا دكتور
جاسم .. واضح اني اللي حصل لي انسه جنه والاستاذ سامر ما كنش حادثه في حد كان عايز يخلص منها ولما لقي اني خطته فشلت جه هنا وحاول يكمل اللي ما قدرش عليه
عادل .. انا قولت الموضوع ده مش هيعدي علي خير
جاسم .. موضوع ايه
عادل .. جنه كشفت اكبر قضية فساد وتجارة اثار وكان فيها ناس تقال واكيد بينتقموا منها
جاسم .. انا بلغت الشرطه واللي حصل ده مش هيتكرر ان شاء الله
ناديه .. بنتي حبيبتي انتي بخير
جنه .. بتتكلم بصعوبه الحمد لله انا بخير يا ماما والدكتور لحقني في الوقت المناسب
جاسم .. بيقرب منها بعد اذنك يا مدام هاله غيري المحلول ده بسرعه واول ما تيجي الشرطه تسلميه ليهم عشان يحللوه ويعرفوا نوع السم
هاله .. تمام يا دكتور بس ايدك بتنزف انا هركب المحلول وحضرتك اتفضل عشان اي دكتور يشوف ايدك
جاسم .. ما تقلقيش انا بخير ويلا بسرعه
هاله .. بتطلع تجيب محلول اتفضل يا دكتور
جاسم .. بيعلق المحلول حمدلله بسلامتك
جنه .. الله يسلمك يا دكتور مش عارفه اشكرك ازي
جاسم .. ما فيش شكر ولا حاجه ده واجبي وانتي الحمد لله بقيتي بخير وهنقلك علي غرفة عاديه علي طول عشان ماما تفضل جنبك وانا كمان موجود
جنه .. الف شكر يا دكتور بس انا عايزه اطمن علي سواق التاكسي اللي كان معايا عامل ايه
جاسم .. سكت للحظه مش وقته المهم تقومي بالسلامه بعد اذنك
هاله .. اتفضل معايا يا دكتور اشوف الجرح
جاسم .. حاضر يا هاله ما انا وقعت تحت ايدك
هاله .. لو تحب انده لي اي دكتور وهو اللي يشوف جرحك
جاسم .. لا مش مستاهله انتي احسن من مية دكتور وابتسم وهو طالع من الباب لقي الكل متجمع قدام الباب في ايه يا جماعه يلا كل واحد علي شغله و بيبص لقي المسدس مرمي علي الارض لبس جونتى ومسك المسدس بالراحه وطلب من هاله تجيب له كيس
هاله .. حاضر يا دكتور وبسرعه جابت كيس اتفضل
جاسم .. اخد الكيس وحط المسدي فيه واده للامن المسدس ده سلموه للشرطه ومش عايز حد يدخل عند المريضه غير مدام ناديه بس مفهوم
الامن .. مفهوم يا دكتور
عادل .. الحمد لله اننا اطمنا علي بطلتنا هستنى انا بره لو احتاجتوا اي حاجه انا موجود
جنه .. لا يا استاذ عادل انت وراك شغلك اتفضل انت علي الجريده وانا الحمد لله بخير
عادل .. بس
جنه .. بتقاطعه ما فيش بس انا الحمد لله بخير ولو احتاجت اي حاجه هكلمك وبجد مش عارفه اشكر حضرتك ازي
عادل .. علي ايه يا جنه انتي زي بنتي بالظبط ولو احتاجتي اي حاجه في اي وقت انا موجود و هبقا اجي عشان اطمن عليكي
جنه .. تسلم يا ريس
عادل .. السلام عليكم
الكل .. وعليكم السلام ورحمة الله وبركاته
ناديه .. انا قولتلك مليون مره بلاش الشغلانه الزفت دي اللي مش بنشوف منها غير المشاكل والمصايب يا جنه
جنه .. خلاص يا ماما ده مش وقته
ناديه .. امال وقته امتي لما تموتي زي السواق
جنه .. انتي بتقولي ايه السواق مات
ناديه .. اهدي يا جنه ده عمره يا بنتي
جنه .. كله بسببي انا . انا اللي كنت مقصوده مش هو ليه كده بس وبتصرخ
ناديه .. اهدي يا بنتي عشان خاطري
جنه .. انا اللي كنت مقصوده مش هو ازي هعيش بذنبه في رقبتي
ناديه .. طلعت تجري و بصت على فرد الامن من الاتنين الي علي الباب ارجوك يا ابني انده دكتور جاسم بسرعه
الامن .. جري وكان جاسم لسا هيدخل المكتب يا دكتور الحق الحاله اللي في العنايه
جاسم .. حصل ايه دي كانت كويسه وطلع جري
هاله .. بتجري وراه
جاسم .. دخل الاوضه
جنه .. انا السبب انا عايزه اموت ده بنته لسا صغيره
جاسم .. اهدي حقنه مسكنه بسرعه يا هاله
هاله .. حاضر يا دكتور
جاسم .. حصل ايه يا مدام ناديه
ناديه .. يقطعني من غير ما اخد بالي قولتلها ان السواق مات
جاسم .. ده كلام يا مدام هو ده وقته
هاله .. اتفضل يا دكتور الحقنه
جاسم .. اخد الحقنه و ادهالها
جنه .. بدات تهداء لحد ما نامت
ناديه .. انا مش عارف ازي قولتلها انا خايفه عليها ومش قادره اسكت وانا بشوف بنتي ممكن تموت في اي وقت وهي ولا فارق معاها
جاسم .. معاكي حق واسف اذا كنت اتعصبت عليكي
ناديه .. انت زي ابني وانا عارفه اني غلط بس انا ام ومش هقدر استحمل اللي جنه بتعملوا فيا انا بموت في اليوم مليون مره دي مش اول مشكله تتعرض ليها بس قبل كده كان تهديد تخويف لكن توصل للقتل لا مستحيل استحمل
جاسم .. ان شاء الله ما فيش غير الخير والحمد لله الانسه جنه بخير وهو ده المهم دلوقت وما فيش مشكله ملهاش حل تقداري ترتاحي بره وهي قدامها ساعه عشان تفوق وقبل ما تفوق انا هكون هنا وما تقلقيش ان شاء الله هتعدي الفتره دي
ناديه ..انا مش عارفه اشكرك ازي يا دكتور
جاسم .. الشكر لله عز وجل وكلنا اسباب
ناديه .. ونعم بالله والحمد لله علي كل حاجه
جاسم .. بعد اذنك
ناديه .. اتفضل
احلام ..يلا يا مكه اتوبيس المدرسه تحت
مكه .. حاضر يا تيته
احلام .. بتنزل عشان توصل مكه للاتوبيس بتلاقي عفاف منزله مريم وبناتها ما كلهم في مدرسه وحده مع اختلاف الفصل وبعد ما العيال بيركبو الاتوبيس
عفاف .. عامله ايه يا حبيبتي
احلام .. الحمد لله علي كل حاجه خلاص مبقاش ليا في الدنيا غير مكه بنته ربنا يقدرني واقدر اعوضها عن ابوها امها ماتت وهي بتولدها ودلوقتي ابوها لكن ربنا موجود وعالم بحالنا
عفاف .. ونعم بالله ربنا يقوي ايمانك انا هروح اطمن علي جنه وبعد كده اجي نقعد سوا
احلام .. استني هغير ونروح سوا انا كمان عايزه اطمن عليها
عفاف .. بس انتي تعبانه ارتاحى شويه انتي طول الليل ما نمتيش
احلام .. القعده وحدي هتتعبني اكتر
عفاف .. خلاص مستنياكى
احلام .. بتطلع تغير وتنزل ياخدو تاكسي ويطلعوا علي المستشفي
الشرطه بتفتش المستشفي كلها واخدت اقوال جاسم وبدور علي القاتل
الضابط .. ممكن ناخد اقوال المجني عليها
جاسم .. بيرد وهاله بتخيط له الجرح بكره ان شاء الله عشان حالتها الصحيه ما تسمحش حاليا
الضابط .. تمام شكرا يا دكتور وده رقمي لو حصل اي حاجه كلمني
جاسم .. الشكر لله حاضر ان شاء الله لو فيه اي حاجه هكلمك
الضابط .. هسيب حراسه قدام الاوضه يلا السلام عليكم
جاسم .. وعليكم السلام ورحمة الله وبركاته
هاله .. الف سلامه يا دكتور انا خلصت
جاسم .. تسلم ايدك يارب ومعلش انتي كنتي مستاذنه عشان تروحي بدري انا اخرتك ساعتين بعد ميعاد العمل
هاله .. ولا يهمك يا دكتور انت دايما بتحسسني انك اخ ليا ودي اقل حاجه اعملهالك وحتي لو عايزني اطبق ما عنديش مشكله
جاسم .. تسلمي يارب وانتي اخت غاليه ربنا يسعدك يلا اتاخرتي علي ولادك
هاله .. وحضرتك مش هتمشي
جاسم .. لا خلاص جنه هتفوق ولازم اكون جنبها عشان لو حصل حاجه
هاله .. ماشي يا دكتور يلا السلام عليكم
جاسم .. وعليكم السلام ورحمة الله وبركاته
عفاف .. بتوصل المستشفي وبتسال علي العنايه وبتروح علي هناك
ناديه .. اول ما بتشوفهم بتمسح دموعها وبتوقف وبتحضن احلام سامحيني يا احلام
احلام .. مالك يا ناديه هو حصل حاجه لي جنه
ناديه .. لا جنه بخير
احلام .. امال مالك وسامحك علي ايه
ناديه .. بتبص في الارض جنه كانت مع سامر في التاكسي
احلام .. استغربت وبصت علي ناديه وايه يعني اللي حصل حصل ولكل اجل كتاب والمهم نطمن علي جنه
ناديه .. جنه هي الي كانت مقصوده
احلام .. مقصوده ازي با ناديه انا مش فاهمه حاجه
ناديه .. الحادثه كانت مدبره عشان. يخلصوا من جنه
احلام .. بصتلها وسكتت
إلي اللقاء في الحلقه الخامسه
#عباد_الله_وحده_الله
