سكريبت ماسات متزوجه (كامل) بقلم جمال المصري
السلام عليكم ورحمة الله وبركاته
#ماسات_متزوجه
عاشت سعاد طفوله تعيسه بين مشاكل الاب والام والخلافات التي لا تنتهي وكبرت وهي تتمنى من الله ان يرزقها زوج يحتويها وتعيش معه المشاعر التي حرمت منها ولكن تزوجت سعاد رجل يحتوي كل السيدات إلا هي وهنا لا اقصد انه بتاع ستات لا ولكن عندما تطلب بنت عمه اي شئ يلبيه لها يضحك معها ويمزح وكانت سعاد تشاهد كل هذه وتسكت عاشت حياه تعيسه وربنا كرمها بي ولد وبنت ونشغلت سعاد بتربيتهم ومع ذالك كان شعور الحرمان يتغلغل بداخلها فكان الوقت الوحيد الذي يكون فيه وحيد زوجها قريب منها هو وقت العلاقه فكرت سعاد كيف تجعل زوجها يهتم بها ويعاملها علي الاقل كما يعامل غيرها من السيدات وحاولت بكل الطرق وفي يوم من الايام اقتربت من وحيد وهو جالس في الصاله وحيد عايزه اتكلم معاك في موضوع . وحيد وهو يلعب بلاستيشن خير يا سعاد انا سامعك . سعاد انا بحبك حب مستحيل اقدر اوصفه نفسي احس انك مهتم بيا انت بتتكلم مع قريبك اكتر مني وباسلوب احسن وبحسك مهتم بيهم لكن انا لا هو انت مش بتحبني . وحيد وهو مركز في اللعب لا طبعآ انا بحبك وانا بتعامل كده مع السيدات اللي بيكون لبها طلب عندي بحكم شغلي من باب المجامله لكن انتي زوجتي ولازم تقدري الضغط الي انا فيه . سعاد لكن . وحيد بيقطعها ايه ده خسرت لو سمحتي يا سعاد نتكلم في الموضوع ده بعدين وقومي اعمليلي كباية عصير .
سعاد قامت وهي مخنوقه وحزينه وبتقول في نفسها ده ولا كاني كنت بقول حاجه معقول كل الناس المتزوجين عايشين كده مستحيل ده مش جواز ده عذاب وبيعدي يوم والتاني وبتتعب سعاد وبتيجي امها تقعد معاها ووحيد علي طول مشغول ولا مهتم بسعاد ولا حتي بيطمن عليها لحد ما سعاد بتستعيد صحتها وبتعدي الايام والحزن مسيطر علي سعاده وعلي البيت كله اما وحيد ده عايش في دنيا تانيه بين شغله وحل مشاكل بنات عمه وخاله وزميلاته في الشغل لحد ما في يوم سعاد سمعته بيكلم وحده زميلته والي فهمتو انها بتشتكى له من اهمال زوجها ليها وانه قالها انه هيكلمو وانها معاها حق وان زوجها غلطان وفعلآ كلم جوزها وبداء يقوله انها مش جاريه عندك احنا صحاب اه بس مراتك عندها حق لازم تهتم بيها انت دلوقت جوزها واخوها وابوها مش هينفع الي انت بتعملو ده الستات بيحبوا الراجل اللي يهتم بيهم هتلها هديه حتي لو بسيطه هتلاقيها طايره من الفرح بيها بلاش تتجاهلها دي مراتك وام عيالك كانت سعاد بتسمع وهي منسجمه خالص وبتقول في نفسها اه منك يا وحيد بتعرف تخلص مشاكل الناس ومش عارف تخلص مشكلتك وانا جبت اخري منك انا مبقتش قادره اتحمل وبتلم هدومها وبتروح عند امها وبيروح وحيد عشان يعرف هي ماشيت ليه ولما بتتكلم الكل بيغلطها وامها بتقول انتي طلبتي منه حاجه وقالك لا بترد سعاد لا ما حصلش يبقا انتي غلطانه وقومي روحي مع زوجك و وحيد بياخدها ويروحو بيتهم لكن سعاد جواها وجع ما حدش حاسس بيه غيرها اما الي حوليها شايفين طول ما بيصرف عليها وعلي اولاده خلاص ما فيش مشكله اما سعاد حاسه انها محرومه من ابسط حقوقها وهو الاهتمام انها تحس بحب جوزها واهتمامه وفي يوم من الايام وحيد كان قاعد مع احمد زميله في الشغل واحمد ده كان انسان زباله وبتاع بنات واحمد كان بيكلم سعاد وقفل الخط وهو بيقول فعلا الستات دول ناقصات عقل ودين احمد قرب منه فيه ايه يا صاحبي. وحيد ولا حاجه الهانم كل شويه تقولي انت مش مهتم بيا وعلي طول مشغول اسيب شغلي بقا واقعد لها هي . احمد هي فعلآ الستات كلها كده وسكت احمد وهو بيفكر اني سعاد كانت جميله جدآ هو شافها مره مع وحيد وقال في نفسه هي اكيد دلوقت محتاجه انسان يفهمها ويعوضها عن الحرمان اللي عايشاه مع وحيد وفاق علي صوت وحيد وهو بيقولو احمد انت روحت فين . احمد لا بس افتكرت حاجه ممكن تليفونك اعمل مكالمه عشان رصيدي خلص . وحيد طبعآ اتفضل وفتح التليفون ودهوله . احمد اخد التليفون وطلع بعيد عن وحيد واخد رقم سعاد ورجع لي وحيد شكرآ يا وحيد .
وحيد العفو وبيبص في التليفون ما لقيش في ارقام في الصادر قال في نفسه اه يا احمد مسح الرقم الي كلمو اكيد وحده من البنات الشمال الي يعرفهم وبيفوق علي صوت احمد انت هتيجي بالليل عشان الماتش . وحيد اكيد طبعآ هاجي ونتقابل علي القهوه الشاله كلها هتكون موجوده وبيعدي الوقت وبيروح وحيد يسمع الماتش والشله كلها موجوده إلا احمد الي كان مخطط انه يكلم سعاد بالليل وجوزها بره وفعلآ بيمسك التليفون وبيرن علي سعاد .سعاد بصت لقيت رقم غريب ردت عليه السلام عليكم . احمد وعليكم السلام ورحمة الله وبركاته . سعاد مين حضرتك . احمد انا الشخص الوحيد الي اقدر اطلعك من الي انتي فيه . سعاد وايه الي انا فيه . احمد الحرمان الي انتي عايشه وجوزك الي موجود في حياتك زي الغريب انا عارف انه لا مهتم بيكي ولا حاجه وانك حقك انك تعيشي سنك وتتمتعي بالحياه . سعاد ضحكت والله وانت الي هتعيشني سني . احمد ايوه عشان انا فعلآ معجب بيكي وبحبك . سعاده ومين حضرتك . احمد مش مهم المهم اني بحب وعايزك تكوني حبيبتي وحياتي وكل حاجه ليا . سعاد يعني عايزني اطلق واتجوزك . احمد ارتبك وسكت للحظات . سعاد سكت ليه اتصدمت ولا انت مش بتحب تهتم غير بالستات المتزوجة يا زباله يا رخيص اقسم بالله لو رنيت تاني لخليك تندم علي اليوم الي امك جبتك فيه وهخلي جوزي هو الي يهتم بيك ويحتويك فاهم يا خنزير وقفلت السكه في وشه وهي بتفكر مين ده وعرف من فين الي بيني وبين جوزي انا مش بحكي لي حد حتي مش بتكلم مع صحابي في حاجه زي دي ممكن يكون وحيد اتكلم مع حد وفتكر انه ممكن يتعرف عليا ويكلمني اكيد ده الي حصل عشان ماما مستحيل تحكي لحد وما ما حكتش يبقا اكيد وحيد . احمد ايه ده وانا الي كنت فاكرها هدوب من كلمتين ده طلعت محترمه اووي وقويه كمان الحمد لله اني كلمتها من رقم غريب وإلا كنت هروح في داهيه وحيد رجع من الماتش واول ما دخل البيت سمع صوت سعاد بتتكلم مع حد في التليفون . سعاد ايوه يا حبيبي انتي الراجل الوحيد الي حسستني بانوثتي انا هكون ملكك العمر كله وبتضحك لا جوزي مين سيبك منه انت جوزي واخويا وحبيبي انا في البيت لوحدي وجوزي طلع يسمع الماتش مع اصحابه انا مستنياك . وحيد وقف مصدوم وفتح الباب بسرعه ودخل خطف التليفون منها مين ده يا بنت ال....... . سعاد ده حبيبي وكل حاجه ليا مش زيك . وحيد ضربها بالقلم ووقعت علي السرير وبقها بيجيب دم وبيفتح التليفون بيلاقي صورته وبينزل علي ركبته علي الارض وبيفهم اني سعاد كانت جايبه صورته وبتكلمو وبتنزل الدموع من عينيه وهو بيبص لي سعاد الي بتتعدل والدم نازل من بقها ووحيد مش عارف يقول ايه ولا يعمل ايه وبيمسك ايد سعاد وبيبوسها سامحيني يا حبيبتي انا اتجننت لما حسيت انك ممكن تكوني بتكلمي حد غيري انا بغير عليكي اووي وفضل يبوس في ايدها وهي قومتو وحضنته وانا ما فيش راجل يملا عيني ولا قلبي غيرك يا وحيد يا جوزي وخويا وحبيبي وكل حاجه ليه . وحيد من النهارده كل وقتي هيكون ليكي انتي وبس ويلا هوديكي لدكتور عشان الدم الي نازل من بقك . سعاد لا انا كويسه انت علاجي وبتطفي النور ومن وقتها وحياتهم اتغيرت وعاشو اجمل قصة حب كانت بتتجدد كل يوم
#قصه_علي_الماشي
المستفاد من القصه
اولآ بلاش الزوج او الزوجه يطلع اسرار البيت وحياتهم الشخصيه قدام اي حد
ثانيآ الست الاصيله تتحمل جوزها مهما حصل وشيطان الانس مهما عمل ما يقدرش عليها
ثالثا كل راجل يعرف اني الست الي معاه مش حجر لا دي انسانه لو روتها بالاهتمام هتكون لك اجمل نساء العالم
#فكن_لها_رجلآ_تكن_لك_إمراه
#فكن_لها_ذكر_تكن_لك_انثي
#فكن_لها_ابآ_تكن_لك_امآ
#فكن_لها_اخآ_تكن_لك_اخ
#عباد_الله_اذكره_الله
تمت
