رواية وتلتقي القلوب الفصل السادس 6 بقلم عائشة الكيلاني
هى طيبة جلبي دى اللى مشندلة حالي 😂
و تلتقي القلوب
سلمى بصتله بصدمة قالت بعصبية و وجع:- ااانت حيوان
هشام بحادة:- احترمي نفسك و اخر مرة تعلي صوتك ساامعة
كمل و هو بيبصلها من فوق لتحت بغضب انتي ازاى مستحملة نفسك كدا
سلمى بصرخ:- ملكش دعوه بيا سااامع اانت مين اصلا
ضربته في كتفه و جريت على جوا خبطت في رباب الى متجها لهشام طالعت اوضتها و قعدت تعيط قامت شغلت اغنية و بقت بترقص وقفت و قعدت تعيط و هى بتفتكر خناقهم بعد شوية
سلمى:- الو مين معايا
محمود:- ازيك يا سلمى انتي نسيت عمك
سلمى و هى بتجفف شعرها:- لا طبعا يا اونكل ازي حضرتك
محمود بابتسامة:- طب تعالي علشان عايزك في حاجة مهمة
سلمى باستغراب:-دلوقتي
محمود:- ورايكي حاجة
سلمى:- لا طب خمس دقائق و هكون عند حضرتك
محمود:- تمام مع السلامة
سلمى قفلت الفون و هى بتفكر محمود عايزه في اي لبست و ظبطت الميك اب و خرجت من اوضتها كعبها كان بيرن على الارض
رباب بصتلها و هى على الكرسي و قالت بصوت عالي و سخرية:- مامي انا رايح ابات عند اصحابي اعتقد ولاد
منال ؛- مش بنت ممثلة عادك ولا هتشتريها
سلمى نزلت بصتلهم باحتقار و فتحت الباب و خرجت بعد شوية وصلت بيت عمها صح محمود و نارد الفيلال بتاعتهم بينهم مسافة بسيطة يعني جانب بعض
سلمى خبطت على الباب الشغالة فتحت ليها :- الحرباية قتلتي اخوكي و عايشة بكل جبروت
سلمى اتسعت عينيها:- انتي كمان ، يا جماعة والله دا تمثيل و انا واحدة عادية زايكم
فاتن جات بكل كبرياء :- واقفة عندك بتعملي اي يا شهد امشي شوفي شغلك
شهد :- استني بس يا هانم خليني معاها شوية سبني عليها دى مستفزة دى قتلت جوزها دبحته
فاتن:- امشي لعلقك دلوقتي يلا
شهد مشيت على المطبخ فاتن بصت لسلمى بهدوء:- اتفضلي يا سلمى واقفة عندك ليه عمك في الجنينة جو
سلمى بصت ليها بتوتر و راحت معاها الجنينة كان هشام و محمود و ياسين قعدين
محمود قام على طول اول ما شافها و ياسين كمان
ياسين :- اااوه مش معقول لا دا حلم والله العظيم حلم سلمى قدام عيني انتي احلي من الشاشة بكتير
سلمى بصتله من فوق لتحت:- افندم
بصت لهشام:- مين دا
هشام بص لياسين بغضب و غيرة:- ياسين ابن خالتي اشهر و اصغر راجل اعمال في الشرق الأوسط
ياسين بغمزة:- و مش مرتبط ولا مصاحب سنجل فاضي يعني
سلمى فتحت بؤها بدهشة و رمشت عينيها:- فاضي يعني اي انت ميكروباص يعني يعني اي على كل حال فرصة سعيدة لحظة واحدة ارد على الموبايل
سلمى بعدت شوية :- الو يا مروة
مروة:- انتي فين يا بنتي مش قولتي جاية اتاخرتي ليه
سلمى نفخت بملل:- انا في مشوار و احتمال مجيش
مروة:- فاتك نص عمرك دا حصل احداث إنما اي انتي بتعملي اي دلوقتي مالك اوعي تكوني اتخطفتي
نور:- مش معانا ندفع فيدية هيهي
سلمى:- اخرسي الحيوانية دى
صوفيا:- يعني سوسو اتحبست
سلمى:- لا و انتي الصدقة انا هتشل مش هتحبس
سلمى حكت ليهم عن ياسين و هشام و هما ميتين ضحك
صوفيا:- يعني نقول مبروك و نسبنا الحكومة
نور:- واحد بيشقط و واحد بيغير يا ناس
سلمى بغيظ:- انتوا مش متربيين و عايزين ضرب الجزم باي باي
قفلت معاهم و رجعت قعدت مع عمها
هشام:- اي يا ياسين هتبات معانا ولا اي نظامك افهم بس
ياسين:- جاي لخالتي و بطل رخمتك دى
هشام بسخرية و غيرة:- والله طب خالتك جوا و بص قدامك لتوحشك عينيك
ياسين قام خرج يقعد مع خالتو
محمود بهدوء:- امك حكتلي على كل حاجة بصي يا بنتي امك تعبت في حياتها كتير و بعدين هى مش صغيرة علشان تتاخد منك انتي هتتجوزي و هيبقى ليكي حياتك
سلمى:- ييه انت مش فاهم حاجة
محمود:- لا فاهم و بعدين دا مش بابى يوسف الى معاكي في كل مصيبة و ياما وقف جانبك مش دا الى رباكي معاها
سلمى رجعت شعرها:- في الوقت الى دادي بيتجوز و بيعيش حياته ، انا مش بكره لكن انا مش عايزة يكون ليه جوز ام اه بشتغل بس برجع البيت القيها ، معايا في التصوير في المسلسلات الافلام و اوقات المسرحيات و اونكل يوسف نفس الكلام اه كويس بس كان نفسي انا دادي الى يعمل معايا كل دا ، يوسف لم بيكون مش معايا بيبقا موصي الكل عليا بيتصل يطمن عليا بيخاف عليا بس برضو دا غريب عني انت مش حاسس بيا لانك مش مكاني
محمود:- متبقيش انانية امك من حقها تعيش حياتها ثانيا مش احترام لم ترفعي صوتك عليها و تمشي و تسيبي البيت ولا من الصح تعنديها و تمثلي فيلم يجيبك الارض
سلمى بصتله محمود:- انتي عارفة الكلام دا و بتكابري خصوصا لم عرفتي بموضوع ابوكي
هشام بيقلب في الفون و مش بيتكلم سلمى بصتله:- و الاخ اي كلامه ، انا بتكلم على فكرة
هشام قفل الفون:- رايى انكي عايزة اعادة تربية بلاش تقسي على امك يا سلمى حاولي اشبعي من حبها مش معاكي بس بتحبك و دا احسن ما تكوني عايشة معاها و اكنك لوحدك
سلمى هزت راسها :- حاضر يا عمي. انا مقتنعة و كلامك صح بس برضو هو يشاركني في امي بتاع اي و بعدين افرد اتغير بعد كدا و بعدها عني
محمود:- مفيش فايدة عليه العوض في الجيل دا ، ابوكي
سلمى:- و مالو دا كمان
محمود:- المفروض تتكلمي معاه
سلمى:- انا هنا علشان شغلي مش اكتر ربنا يسعده مع عيالو و لو مضايق مني أقيم في اي فندق او اخد شقة بعيدة عنهم و ابقا في حريتي
هشام:- انتي عايزة جزم على وشك اي الهبل دا حرية اي و هباب اي انتي اتجننتي عايزة تعيشي لوحدك بطلي زفت نفخ و ردي علينا
سلمى:- بكلم عمي بلاش تتحشر لو سمحت
هشام:- اولعي
محمود :- انتي هتبات معانا النهاردة
سلمى:- مستحيل ، مينفعش طبعا
محمود :- هتقعدي في اوضة هشام لان عنده شغل
هشام :- فعلا و مقلقش بنات خالتي جايين يباتو مع امي
سلمى بصت لمحمود :- مش هينفع يا اونكل و بعدين مينفعش ان هشام يطلع من بيته بسببي و كمان مبحبش اقعد مع ناس مش عارفهم و سوري يعني مرات حضرتك صعبة جدا و مش بطقني و مش بعرف اتعمل معاها
محمود:- طب مفيش مرواح من هنا و بعدين اي غريبه دى غريبة و انتي في بيتك دا بيتي يعني بيتك فاهمة ، و بالنسبة هشام ف هو هيقعد في اوضة تانية مفيش مرواح مفهوم طالما هتسيبي بيت ابوكي و بيت امك يبقا تقعدي معانا
سلمى بصتله بقلت حيلة و قعدت تتكلم معاهم و هشام هيطق يعني اي تخد اوضته و تنام على السرير بتاعه جوم بنات خالته و في الى حب سلمى و في الى خافت أو غارت منها اليوم خلص و كل واحد طالع اوضته
عند سلمى بتبص لى الاوضة بإعجاب و استغرب
مسحت الميك اب و تعمدت ان ترمي مناديل المكياج في الارض باهمال قامت دخلت غرفة الملابس كانت ايديها بتمشي على هدومه و بتندن وقفت و قالت:- اسود في اسود اي اوضة الاموات دى ماشي يا هشام
راحت تنام
تاني يوم هشام دخل اوضته و اتصدم من المنظر شعر سلمى في المشط بتاعو و مناديل الميك اب على الارض :- اي دااا ازاااي تبهدل اوضتي كدا هى فاكرها بيت ابوها
دخل التواليت اتعصب لان ريحت البرفان بتاعها فيه موقعة كل حاجاته على الارض مسح التواليت و الاوضة و اخد شور و هو هيتشل منها دخل غرفة الملابس و مسك قميص لونه ابيض بص له بصدمة ريحة البرفان بتاعها في هدومه اتسعت عينيه بصدمة غضب لم شاف الروج بتاعها على القميص قال بصوت عالي:- سلمىىىىى
لبس هدومه و نزل جري كانت سلمى قعد بتتكلم مع فاتن و بيضحكو اختفت ابتسامتها لم شافته وراها :- اااع
قامت جريت و هو وراها لحد الجنينة
سلمى :- انت اتجننت
هشام:- بهدلتي اوضتي و هدومي و تقولي اتجننت انا هوريكي الجنان الى على اصلو حد انااا يتعمل فيا كدا
سلمى و هى بترجع لوراء:- حد جاه جانبك ما بلاش ظلم بقا انت علشان ظابط هتتبلي عليا ولا انا علشان غلبانة هتجرح مشاعري انا مليش حظ في حاجة
هشام و هو بيقرب منها
سلمى رفعت صابعة:- مكانك لتولع
سلمى بترجع لوراء و وقعت في البسين ووووووو
و تلتقي القلوب
عائشة الكيلاني
سلمى شكلها هتطلع مجنونة رسمي 😂🫣
يا سلام لو هشام مش بيعرف يعوم و يسبها تغرق رايكم في سلمى و طريقتها مع هشام مين المجنون هى ولا هو
