رواية انا والشيطانه الفصل الحادي عشر 11 بقلم محمد طه
#أنا_والشيطانه
#بقلم_محمد_طه
#الحادي_عشر
(لكني لما قربت من أوضه النوم أتصدمت بجد من اللي سمعته..وكانت روفيده بتكلم أخوها ف التلفون..
ومكنتش مصدق اللي بسمعه..ومن حسن حظي إني جيت من بدايه المكالمه لكني مكنتش بسمع غير ردود روفيده بس)بقلم..محمد طه
_روفيده..أيوه يا حسن..عبدالرحمن هيتصل بيك ف خلال اليومين دول عشان تيجي..أنا مش عيزاك توافق بسرعه..أرفض ف الأول عشان ما يشكش ف حاجه (وبعدين سكتت شويه لحد ما يرد عليها وبعدين قالت) عالفكره هوا نازل البلد النهارده بسبب اللي حصل لأخته (وبعدين سكتت شويه) أنا كمان هتجنن هوا عرف إزاي..بس هوا كان نايم وقام من النوم مفزوع وقالي إنو كان كابوس (وبعدين سكتت شويه) إزاي ما تعرفوش عنو حاجه أنا لما سألت عبدالرحمن قالي إنو هرب من رياض إبن عمه..
عالعموم ما تقلقش ممكن يكون هيختفيلو يومين وبعدين يظهر
(وخلصت مع أخوها ف التلفون وأنا روحت قعدت ف الصاله وحاسس إن هيغمي عليا من الصدمه..يعني روفيده كانت عارفه باللي هيحصل لأختي..وعايزه تجيب أخوها هنا ليه وفجأه طلعت روفيده من أوضه النوم ولما شافتني ف الصاله ما قدرتش تسيطر على تعبيرات وشها..ودي اللي أكدتلي كلام الشيطانه من غير ما اسأل روفيده أي سؤال..وهسألها إيه بعد اللي أنا سمعته)
_بصوت هادي..أنته جيت يا عبدالرحمن..أنته مش كنت هتاخد أجازه وتنزل البلد
_المدير ما وافقش على الاجازه
_بتوتر..طيب لما جيت ما دخلتش تغير هدومك ليه
_أنا لسه داخل..وقولت إنك خرجتي تشتري حاجه من برا فقولت أريح ف الصاله شويه..بقلم..محمد طه
_طيب هحضرلك حاجه تاكلها
(وسابتني ودخلت المطبخ وأنا قومت أخدت دش وغيرت هدومي وخرجت ودخلت عندها المطبخ)
_كلمت أبوك بخصوص اللي حصل لحنين
_كلام زي دا مش هينفع ف التلفون..هستني ليوم أجازتي وهنزل أشوف إيه اللي حصل
_صعبانه عليا أوي حنين من اللي حصلها
_ما يصعبش عليكي غالي..إن شاءالله هرجع حقها تالت ومتلت..واللي حاولوا يعملوا كده هجيبهم
_عالفكره يا عبدالرحمن أنته أتغيرت..أنته ما بقتش عبدالرحمن اللي أنا حبيته ووقفت قصاد عيلتي عشان أتجوزه
_المؤذيين اللي حوالينا هما اللي بيجبرونا على التغيير..المهم كان فيه موضوع كده كنت عايز أكلمك فيه
_خير يا حبيبي..موضوع إيه
_إحنا بقالنا سنه متجوزين ومفيش حمل حصل
(أول ما سألتها السؤال بدأت تتوتر..وأتأكدت فعلا إنها مخبيه عليا حاجه وردها مكنش مقنع)
_بتوتر..هوا إحنا ف إيه ولا ف إيه دلوقتي يا عبدالرحمن..لما نشوف المشاكل اللي إحنا فيها دي الأول وبعدين نبقي نفكر ف العيال..وبعدين إحنا بقالنا سنه مش كتير يعني..ولا أنته بقي مستعجل على دوشه العيال وقرف العيال
_رديت عليها باستغراب..قرف العيال..هما العيال بالنسبالك قرف يا روفيده..دا العيال رزق ونعمه وزينه الحياة الدنيا..ولو إنتي مش عايزه أنا عايز
(وبكل جديه) إحنا من بكره هنروح نكشف ونشوف المشكله فين ونعالجها..ولا إنتي ليكي رأي تاني
_ببرود..لا تاني ولا تالت يا عبدالرحمن..أنا مش عارفه هوا إيه اللي طلع الموضوع دا ف دماغك فجأه كده..
خلاص اللي أنته شايفه..نروح نكشف بكره
(بصتلها بعدم رضا وسيبتها وخرجت من المطبخ ودخلت أوضه النوم وأنا متضايق منها ومن ردودها البارده وف نفس الوقت بقول إني ممكن أكون ظالمها..لأنها ما أعترضتش على إننا نروح نكشف..لأن لو فيه حاجه مخبياها عليا أكيد مكنتش هتوافق نروح نكشف بالسهوله دي..وبعدين قولت يا خبر بفلوس بكره يبقي ببلاش)بقلم..محمد طه
(تاني يوم روحنا عشان نكشف..لكن حصلت حاجه غريبه عند الدكتوره..هيا تبان حاجه طبيعيه..بس أنا كنت مركز ذياده عن اللزوم مع روفيده وأكتشفت لعبتها وفهمت هيا ليه ما أعترضتش إننا نروح نكشف
(وإحنا عند الدكتوره مستنيين دورنا وكان فيه ناس كتير وإحنا كان دورنا لسه بدري عليه..ف لقيت روفيده بتقولي بصوت واطي)
_أنا هنادي على الممرضه وأقولها إني عايزه أدخل الحمام..وهاخدها معايا وهديها فلوس عشان تتدخلنا
إحنا لو أستنينا دورنا مش هنروح النهارده
(ووافقت بدون أي تردد..لكني بردوا ما سيبتهاش..
وقومت وراها هيا والممرضه من غير ما ياخدو بالهم مني وسمعت اللي قالته روفيده للممرضه)
_بصوت واطي للممرضه..أسمعي..خدي الفلوس دي وهديلك قدها مرتين ولو عايزه قدهم خمس مرات هديلك..أنا عيزاكي تتدخلينا بدري عن معادنا..
وعيزاكي تخلي الدكتوره تقول لجوزي إن مشكله عدم الخلفه من عندو هوا وإنو مستحيل يخلف
(ما كنتش مصدوم من اللي سمعته..أنا خلاص من كتر الصدمات اللي أتصدمتها أتعودت..المهم بسرعه روحت قعدت مكاني ولا كأني سمعت حاجه)
(ودخلنا للدكتوره وكشفت على روفيده وطلبت مننا نعمل تحاليل إحنا الأتنين..وروحنا عملنا التحاليل واستنناها لما طلعت ورجعنا للدكتوره تاني..لكن ما كانتش نفس الدكتوره اللي كشفنا عندها الأول..كانت دكتوره تانيه)
(وطبيعي إني أسأل على الدكتوره اللي كشفتلنا..
إحنا ما غبناش حوالي ساعتين.. لكن قالولي إن جالها مشوار ضروري وكلمت دكتوره صديقتها تيجي تكمل مكانها)بقلم..محمد طه
(المهم ما أعترضتش لأني فاهم اللي بيحصل..
وشافت الدكتوره التحاليل وقالتلنا كل اللي قالته روفيده للممرضه وطبعا مثلت قدام روفيده إني مصدوم ومنهار من اللي سمعته وهيا طبعا مثلت قدامي دور الزوجه الوفيه المخلصه اللي هتضحي
ومستحيل هتسيب جوزها لأى سبب)
(وبعدين أخدتها وروحنا البيت وطول الطريق تقولي كلام حلو ومفيش مشكله إلا ولازم يكون ليها حل وإن لما نفوق من المشاكل اللي ف البلد نبقي نروح لدكتور تاني وتالت.. وأنا ولا كأني سامعها هيا بتقول إيه لحد ما وصلنا شقتنا)
(دخلنا أوضه النوم وسيبتها لما غيرت وبقت بقميص النوم وروحت قافل الباب بالمفتاح وقربت منها وأنا جوايا نا،ر بتغلي وقومت ضار،بها بالقلم أترمت قدامي على السرير وقومت قالع الحزام وقولتلها بكل غضب)
_أنا سمعت كل اللي قولتيه للممرضه..ودلوقتي أنا عايز أعرف إنتي مش عايزه تخلفي مني ليه؟
_ردت عليا بخوف..هقولك على كل حاجه...........
_ويتبع.............
_بقلم..محمد طه
_تحياتي لمتابعيني الأعزاء
