رواية انا والشيطانه الفصل الثالث عشر 13 بقلم محمد طه
#أنا_والشيطانه#بقلم_محمد_طه
#الثالث_عشر
(ووصلت الشقه ودخلت أوضه النوم لقيت روفيده قاعده عالسرير وبتعيط ..قربت منها وقعدت قصادها عالسرير وكلمتها بكل غضب لكن بهدوء)
_كملي
_ردت بعدم فهم..أكمل إيه
_كملي باقي القانون الأهبل بتاع عيلتكم
_أنا قولتلك على كل حاجه..بقلم..محمد طه
_رديت عليها بغضب..لسه فيه جزء ما اتقالش
_بخوف..ما ينفعش أقول غير اللي اتقال..لو حد عرف إني قولتلك حاجه هيدفنونا إحنا الأتنين صاحيين
_رديت عليها بإصرار..كملي
(أترددت إنها تتكلم وكانت فعلا خايفه لأن الظاهر الكلام اللي هتقوله كارثه..وكان فعلا كارثه بمعني الكلمه..وفضلت أضغط عليها لحد ما بدأت تتكلم
ويا ريتها ما اتكلمت وعرفت باقي الحكايه)
_بتردد وخوف..زي ما قولتلك..لو واحده من العيله أتجوزت برا العيله..تنسي موضوع الخلفه دا خالص..
بس لو عايزه تخلف من غير ما تأذي نفسها هيا واللي ف بطنها فيه حل واحد مفيش غيره (وسكتت)
_كملي..حل إيه ده
_إنها تنام مع واحد من العيله وتحمل منو من ورا جوزها..ويوم الولاده لو كان الطفل ولد..أبوه الحقيقي بياخده عشان يربيه وبيقولوا لجوزها إن الطفل ما،ت..إنما لو الطفل بنت بيسيبوها لجوزها يربيها ويكتبها بإسمه..بقلم..محمد طه
(أنا بعد ما سمعت الكلام المقرف دا ما حسيتش بنفسي إلا وأنا بضر،ب فيها بجنون..لحد ما كانت هتمو،ت تحت إيدي..وكنت عمال أشتم فيها وف عيلتها واضر،ب فيها بإديا ورجليا لأني تقريبا كنت فاقد الوعي من القرف اللي سمعته..دا الشياطين ما يعملوش كده..وأخدت قرار إني خلاص هطلقها..بس مش بعد ما أشفي غليلي منها ومن عيلتها)
(وحبستها ف أوضه النوم وطلعت الصاله وقعدت أفكر هعمل إيه وهتصرف إزاي وفضلت أجيبها يمين وأجيبها شمال لحد ما قررت إني أستدعي سديل عشان تساعدني ف الإنتقام من روفيده وعيلتها)
(لكن قبل ما أستدعي سديل قولت لنفسي)
_لأ يا عبدالرحمن أنته ف لحظه غضب..بلاش..أنا أطلقها وأخلص منها واساومها هيا وعيلتها إنهم يبعدوا عننا قصاد اللي عرفته عنهم..وبعدين قولت لأ مش هوا دا اللي هيشفي ويطفي ناري..أنا لازم أنتقم..
وخلاص أخدت القرار إني أستدعي سديل
_وناديت على سديل بكل غضب..سدييييييييييل
(وقبل ما أخلص الأسم كانت واقفه قدامي..وأنا كنت حاسس أصلا إنها كانت موجوده بس كانت منتظره إني أستدعيها)
_بابتسامه شيطانيه..قلب سديل
_رديت عليها بغضب وحقد..محتاج مساعدتك
_قربت مني وحطت إيدها على خدي..طيب هدي نفسك..أنا مش حابه أشوفك متضايق كده..أهدى وكل اللي أنته عايزه هيحصل..بقلم..محمد طه
_أنا جوايا نا،ر بتاكل فيا.. جوايا بركان مش هينطفي غير لما أنتقم من الناس دي
_وأنا معاك.. ولو عايز تنتقم من أولاد آدم كلهم هنتقملك منهم..أنا بس مش عايزه أشوفك زعلان
(وبدأت أهدى شويه عشان أعرف أفكر أنا هعمل إيه وهبدأ منين وف نفس الوقت ما أسلمش نفسي للشيطانه..أنا بس آخد منها اللي أنا عايزه..وأخليها تساعدني زي ما أنا عايز مش زي ما هيا عايزه)
(وبدأت رحله إنتقامي أنا والشيطانه من مراتي وعيلتها)
_بغضب..جاهزه يا سديل
_بنظره شيطانيه..جاهزه
_ويتبع...........
_بقلم..محمد طه
_تحياتي لمتابعيني الأعزاء
