رواية انا والشيطانه الفصل العاشر 10 بقلم محمد طه
#أنا_والشيطانه
#بقلم_محمد_طه
#العاشر
_طيب مش عايز تعرف مراتك بتعمل إيه من وراك
_رديت عليها بغضب..لو عملو جايزه للشرف مراتي اللي هتاخدها..وبلاش تلعبي معايا ف السكه دي..لأني مش هسمحلك إنك توقعي بيني وبين مراتي
_ردت عليا ببرود شيطاني وهيا بتمد إيدها على كفه إيدي وقالتلي..عالفكره أنا مش بوقع بينك وبينها..أنا بس عيزاك تحرص منها..ولو مش عايز تعرف هيا بتعمل إيه..أنته حر..بس على الأقل ما تنفذش آخر طلب طلبته منك..بقلم..محمد طه
(سألتها سؤال وتقريبا كانت لحظه غباء مني لما سألتها السؤال ده)
_هوا إنتي إزاي بتعرفي كل حاجه وأي حاجه
(ردت عليا بابتسامه وف نفس الوقت بدأت تحرك إيدها من على كفه إيدي لخدي لكني بعدت إيدها بسرعه عن وشي)
_هوا إنتو مش عندكم لما واحد بيكون يعرف كل حاجه بتقولوا عليه دا شيطان إبن شياطين..أنا بقي شيطانه بنت شياطين بجد..وبعدين أنته أذكي من إنك تسأل سؤال زي ده..ولا أنته بدأت تتوتر وتحس إنها فعلا بتعمل حاجه من وراك
(اتهربت منها وسألتها السؤال اللي كان المفروض أسأله)
_ليه مش عيزاني أنفذلها آخر طلب طلبتوا مني..
أخوها هيحصله حاجه ومش عيزاني أساعده
_أخوها مش هيحصله حاجه..بس وجوده معاك مش ف مصلحتك..بقلم..محمد طه
_أخوها دا يبقي إبن خالتي..ومستحيل يفكر يأذيني
_أخوها ما يبقاش إبن خالتك..أخوها يبقي إبن عيله النادر..اللي لحد دلوقتي مقتو،ل منهم أتنين (وتبتسم) وبعدين أنته عمال تلف وتدور ليه..ما تقولي هيا مراتك عايزه تجيبه هنا ليه وأنا أقولك
_رديت عليها بثقه وقولتلها..روفيده مستحيل تفكر تأذيني..إنتي شيطانه..وللمره التانيه بقولك مش هسمحلك توقعي بيني وبين مراتي
ردت عليا بدهاء شيطاني..قولي يا عبدالرحمن..لو أنا قولتلك دلوقتي..إن أبوك وروفيده فيه واحد منهم هيمو،ت..هتختار مين فيهم اللي يعيش
(الشيطانه كانت فاكره إنها سألتني سؤال صعب مش هقدر أجاوب عليه.. لكني فاجئتها بسرعه إجابتي..
وف نفس الوقت عطتلها الإجابه اللي هيا كانت عيزاها)
_رديت عليها بثقه وبدون تردد..أختار أبويا يعيش
_ردت عليا بابتسامه خلتني فعلا أبدأ أشك ف روفيده وقالتلي بكل ثقه..هيا كمان جاوبت نفس الإجابه..وبدأت ف التنفيذ
_رديت عليها والتوتر بدأ يسيطر عليا..يعني إيه بدأت ف التنفيذ
_يعني مراتك ما تستاهلش إنها تكون مراتك..بس أنا عيزاك تطمن.. طول ما أنا معاك..أنا مش هسمح لحد إنو يأذيك يا عبدالرحمن..بقلم..محمد طه
_أنا عايز أعرف روفيده بتعمل إيه بالظبط
(بدأت تستدرجني وزي ما يكون عايزه إني أحبها مقابل مساعدتها)
_لو قولتلك..٠ هتحبني
_مش عايز أعرف حاجه وكل اللي قولتيه كذب وأنا مش مصدقك
_هتصدقني لما تسألها سؤال واحد..وتشوف رد فعلها وتسمع إجابتها..ساعتها هتتأكد إني ما بكذبش عليك
(وسكتت شويه وبعدين قالت) هيا والدتك لمحتلك لإيه وأنته ف البلد
رديت ف سري وهيا طبعا عرفت الرد..أمي سألتني عن الخلفه والأولاد
_كده أنته عرفت هتبدأ معاها منين (وسكتت شويه وقالتلي) لو عايز نصيحتي بلاش تنزل البلد اليومين دول لأنو مش ف مصلحتك..روح على شغلك عادي ولما ترجع لمراتك قولها إن المدير رفض يديني أجازه
ولو احتاجت مني مساعده ف أي وقت قول بس إسمي هتلاقيني قدامك..بس مش إسمي الحقيقي..
إسمي اللي أنا بحبه..سديل..ودلوقتي هوصلك لشغلك
(ووصلتني الشيطانه لشغلي وطبعا طول الوقت اللي كنت معاها فيه كنت رافض إني أفكر ف أي حاجه قدامها لأن أي حاجه هفكر فيها هتعرفها)
(وبعد ما وصلتني لشغلي أستلمت شغلي عادي ورفض إني آخد أجازه وأخدت بنصيحتها وأجلت نزولي البلد اليومين دول..وخلصت شغلي وأنا مروح على البيت كنت عمال أفكر إزاي هواجه روفيده)
(قلبي رافض كل حاجه سديل قالتها عليها وعقلي فيه حاجات مصدقها..معقوله روفيده حب عمري ومراتي وبنت خالتي ممكن تفكر إنها تأذيني..طيب أنا عملتلها إيه أو قصرت معاها ف إيه..لأ يا عبدالرحمن متخليش الشيطانه تلعب ف دماغك..وقطع سرحاني وتفكيري صوت تلفوني وهوا بيرن وكان أبويا اللي بيتصل)بقلم..محمد طه
(وفتحت وما رضيتش أرد وأبويا اللي بدأ بالكلام وكان غضبان ومتضايق أوي)
_بغضب وصوت واطي..أيوه يا عبدالرحمن..رياض حكالي على كل حاجه..أنا عايز أعرف أنته عرفت مكان أختك إزاي
_رديت عليه بكل هدوء..أنا اللي قولت لرياض يحكيلك على كل حاجه عشان تتصرف..وقبل ما أقولك أنا عرفت مكانها إزاي..أنا عايز أعرف إزاي أختي تبقي غايبه عن البيت لنص الليل وأنا معرفش.. وما تتصلش بيا وتعرفني
_لأنك لو كنت عرفت كنت هتنزل البلد وأنا مش عايزك تنزل البلد..وبعدين أنا مكنتش ساكت أنا قلبت عليها البلد كلها
_رديت عليه بسؤال مكنش يتوقعه..من الآخر كده يابا إيه اللي تعرفه عن ق،تل عماد مرزوق النادر..وما تقوليش إنك ما تعرفش حاجه..لأنك الوحيد اللي تعرف كل حاجه عن الموضوع ده
_رد عليا بهدوء واستسلام..الكلام مش هينفع ف التلفون..لما أشوفك هبقي أحكيلك على كل حاجه..
المهم دلوقتي قولي أنته عرفت مكان أختك إزاي
_لما أشوفك يابا هبقي أقولك..عشان زي ما حضرتك قولت..الكلام مش هينفع ف التلفون
(وقفلت مع أبويا ودلوقتي بقي خلاص أنا متأكد إن أبويا ليه يد ف ق،تل عماد إبن مرزوق النادر..وما بقاش فاضل غير إني أعرف التفاصيل)
(ووصلت البيت..فتحت الباب ودخلت لكن روفيده ما حستش بدخولي..أنا قولت إنها خرجت تشتري طلبات للبيت..لكني لما قربت من أوضه النوم أتصدمت بجد من اللي سمعته...........
_ويتبع..........
_بقلم..محمد طه
_تحياتي لمتابعيني الأعزاء
