رواية عشق ابيض واسود الفصل الثاني 2 الجزء الثاني بقلم عائشة الكيلاني

 رواية عشق ابيض واسود الفصل الثاني 2 الجزء الثاني بقلم عائشة الكيلاني

قاسم حضنها:- و انتي كمان وحشتيني يا جميلتي وحشتيني اوي 

جميلة بابتسامة و عتاب:- لو كنت وحشتك صحيح كنت جيت سلمت علينا ثم ازاى اعرف انك رجعت من روما من الفيس 

بعدها عنه بصلها بهدوء و ابتسامة:- حقك عليا يا حبيبي انا فعلا كان لازم اقولك انى رجعت مصر ب الشغل نسني 

جميلة رجعت شعرها لوراء:- ولا يهمك يا حبيبي المهم انك بخير لكن انت مش واخد بالك من حاجة 

قاسم :- حاجة اي 

جميلة اتنهدت بارتباك و خجل:- أننا بقلنا كتير مع بعض بنتقابل في السر ، قاسم انا مقدرش اخبي على اهلي اكتر من كدا ولا اكسر بابا و ثقته فيا دى اخر مرة هنشوف بعض فيها 

قاسم كان بيسمع بهدوء و ملل و سخرية :- انتي عايزة اي دلوقتي 

جميلة:- مش عايزة حاجة غير ان تفهم حاجة واحدة بس انى بحبك اكتر من نفسي و ان ادفع عمري بس انت تبقا بخير قاسم انا بحبك اوى متكسرنيش 

قالتها وهي بتحط ايديها على ايديه برجاء و حب نزلت من العربية بسرعة و طالعت بيتهم قاسم نفخ بملل و اتحرك بعد وقت في بيت سمر 

شهد :- اانت بتقول اي 

قاسم:- لازم اتجوزها 

شهد قربت منه مسكت ايديه:- يعني اي لازم تتجوزها ا انت نسيت انها بنت الراجل و الست الى كانوا السبب في سجن امك و اعدامها نسيت ان بسببهم خسرت حلمك و حياتك فوق يا حبيبي و متخلنيش اندم ان ضيعت عمري و الى استحملته علشانك انت كدا بتقهر امك في تربتها يا قاسم من غير ما تحس يا حبيبي طمني مالك يا حبيبي و رياحني 

قاسم قبل راسها:- و انا مش ناسي تعبك علشاني يا احلي ام في الدنيا و حق امى هجيبه بطريقتي ، جميلة هى نقطة ضعف عمي و مراته و انا هشتغل على النقطة دى و هتجوزها يعني هتجوزها لانى بعشقها 

بص لشهد بابتسامة و هى كمان أما عند لبنى 

نور :- محتاجة طفل و مش عايزة اتجوز اي الغربية في كدا يا طنط 

لبنى وقع الكتاب من ايديها بصتلها بصدمة لكن قالت بانفعال:- يا نهار اسود انتي اتجننتي يا نور هاا يعني اي عايزة طفل و مش عايزة تتجوزي هو القعدة مع المجانين اصرت على عقلك ولا هو عمك عطكي حرية زيادة و هتستخدميها غلط ولا انتي عايزة اي بالظبط فهمني 

نور قامت و قالت بعصبية خفيفة:- يا لولو افهمني انا مش عايزة ابقا منى اتنين ولا ابقا زيك ولا ابقا زي الستات دى الى تتذل و تتهان و لازم تسكوت ليه علشان الاولاد تعرفي انا بشوف كام حالة من نوع امى و غيرها يبقا اتجوز ليه فهمني انا اعيش لوحدي أفضل مع اعيش مع حد كل همو انه يمتلك الست الى معاه و بس لكن يحترمها ولا يحبها ف لا 

لبنى بصتلها بصدمة لكن قالت بقلق و هدوء:- يا بنتي انتي في سن التلاتين الى من سنك معاهم عيال طولك و الأصغر منك انا عايزة اطمن عليكي عايزة لم اقبل امك اقولها انى احلامها اتحققت 

نور بابتسامة:- مليون جوازة تتفك و مليون قطار يفوت ولا اركب قطار غلط و يدوسني ذات يا لولو الجواز مش انجاز يعني انا اتاخرت على الشغل و لازم امشي حالا اشوفك بالليل 

لبنى لسه هتتكلم كانت نور اختفت ضربت كف على كف بذهول:- يا بنت المجانين بس مقدرش اقول ان معندهاش حق فعلا مليون جوازة تتفك ولا جوازة واحدة عك 

بعد وقت نور نزلت من عربيتها و دخلت المصحة 

صباح الخير يا دكتورة 

نور بابتسامة:- صباح النور علا اي الأخبار 

علا:- كله تمام بس هى الحالة الى في غرفة ٢٠٩ الى على نفس الحالة و انصح حضرتك بلاش تدخلي ليها 

نور بهدوء:- طب روحي على شغلك 

نور دخلت مكتبها و بدات تشتغل و بعدين خرجت تشوف الحالات زى كل يوم 

اما في الشركة في مكتب قاسم 

اسر بهدوء:- اي سبب الزيارة 

عاصم بابتسامة:- هو عيب لم اشوف عمي حبيبي 

اسر:- لا تجي وقت ما تحب بس هو من امتي يا عاصم 

عاصم بعدم فهم:- مش فاهم 

اسر:- من امتي و انت بتكلمني اصلا بقلي زمان مشوفتكش 

عاصم باحراج:- معلش يا عمي حضرتك عارف انى بسافر كتير ف مش بيبقا عندي وقت اشوف حضرتك أو بابا حتي اصحابي مش بشوفهم ، انا جاي النهاردة اقعد مع حضرتك و بالمرة استاذنك اجي انا و بابا نقعد مع حضرتك شوية مع ياسين و سليم دا بعد اذن حضرتك و كمان في موضوع لازم اقوله بس خليها بالليل احسن 

اسر:- تمام 

بالليل في الجنينة في بيت اسر 

ياسين :- انا بحب واحدة 

نور بفرح:- اخيرا هتتجوز و نخلص من ذنك يا يسو 

ياسين:- انا قولت بحب مش هتجوز لان دى خطوة كبيرة و 

نور وقفت و بعدت شعرها عن عينيها:- في اي يا ياسين قلقتني قولي مين و انا اروح اكلمها لو عايز 

ياسين:- خايف افتحها في الموضوع و ترفض 

نور:- و مين المجنونة الى ترفضك هى تطول انها تتجوزك اصلا 

ياسين:- مش تعرفي مين الاول 

نور:- واحدة نعرفها انا اعرفها طيب طب مين ما تقول بقا يا رخم انت 

ياسين مسك ايديها:- انا حاولت اخبي كتير بس مش قادر 

نور بتبصله بذهول بس ساكته:- مش قادر اي مالك يا ابني 

ياسين:- نور انا بحبك و عايز اتجوزك 

مكملش كلامه و لق كف على وشه حط ايديه على وشه بصدمة و غضب نور رفعت صابعة في وشه:- اياك تقول الى قولته دا انت مين اصلا مين عطك الحق ان تقول حاجة زي كدا انا مش طيقة اشوفك حتي لو بالصدفة سامعة 

نور دخلت على جوه بغضب كان عاصم و قاسم جوم 

اسر:- اي بقا يا سيدي الموضوع الى عايز تكلمنا عنه 

عاصم:- هقولك يا سيدي البيه اخيرا قرار انه يتجوز 

ياسين باختناق:- والله و احنا مالنا بالموضوع 

قاسم:- انا طلب من حضرتك ان اتجوز جميلة بنتك و اوعدك هتكون اسعد واحدة في الدنيا 

اسر :- انا اسف بس جميلة لسه صغيره و مش بتفكر في الموضوع دا 

عاصم حس باحراج قام هو و قاسم:- طب استاذن لان ورايا شغل و لازم امشي 

قاسم بيبص لاسر بحقد و توعد عاصم مسك ايديه و خرج بسرعة و غضب 

جميلة خرجت من اوضتها بسرعة:- بس انا بحبه يا بابا و هتجوزه 

اسر و لبنى قاموا بصدمة 

اسر قرب منها و ضربها كف

جميلة حطت ايديها على خدها بصدمة 

لبنى بصرخ:- اااسر 

اسر مسك جميلة بغضب و طالعها على اوضتها زقها بغضب:- انا لو نسيت اربيكي زمان في معنديش مانع اربيكي دلوقتي و دا لو اخر واحد في الدنيا مش هتتجوزيه ساامعة 

جميلة بصتله بدموع و انهيار:- بس انا بحبه يا بابا بحبه مش هتجوز غيره ساامع 

خرج و قفل الباب بالمفتاح 

نزل كان الكل واقفين 

لبنى:- ااانت عملت كدا ليه ازاى تمد ايدك عليها يا اسر انت اتجننت 

اسر بصلها بغضب:- صوتك ، بنتي و انا حره فيها و انا عملت كدا علشان عارف مصلحتها كل 

واحد يروح على اوضته و اياك اسمع حد فتح الموضوع دا تاني سامعين 

لبنى ؛- انت كدا بدمرها يا اسر 

اسر مردش عليها و دخل اوضته باختناق و حزن من نفسه اول مرة يمد ايديه على حد من عيالو خصوصا جميلة اخر العنقود بس هو عمل كدا لمصلحتها نور و سليم راحوا لبيتهم الى جانب بيت عمهم بالظبط 

سليم:- هو ياسين كان بيقولك اي و ليه متغيرة كدا حتي ملامح وشك 

نور باختناق:- مفيش حاجة يا سليم تصبح على خير 

نور دخلت اوضتها قبل ما تسمع سليم هيقول اي رمت نفسها على السرير و هى حاسه باختناق دموعها نزلت بوجع لم افتكرت الماضي 

فلاش

منى بدموع و انهيار:- شاهين اسمعني انا والله العظيم ما عملت حاجة من دى والله العظيم انا بريئه 

شاهين مسكها من شعرها و خرج برا الشقة و هو بيشتمها و يضربها 

باك 

غمضت عيونها بألم و نامت و هى بتحاول تكتم دموعها و صوتها حاسه بالذنب تجاه ياسين انها انفعلت و ضربته مع ان مقالش حاجة تستاهل كل دا كان ممكن ترفض بطريقة تانية تاني يوم في بيت اسر 

لبنى اخدت المفتاح من اسر و خرجت اتجهت لاوضة جميلة فتحت الباب اتجمدت مكانها بصدمة  لم شافت جميلة وقعة على الارض ودم نزل من ايديها و السكينة مرمية جانبها ابووووو

يتبع 

الحلقه التانية 

عشق ابيض واسود 🤍 🖤 2

يا تري اسر هيعمل اي و رايكم في تصرف اسر مع بنته صح ولا غلط و رفضه لقاسم و تصرف نور مع ياسين و تفكيرها صح ولا لا شاركوني رايكم ♥️ 

عائشة الكيلاني

        الفصل الثالث الجزء الثاني من هنا 

لمتابعة باقي الرواية زوروا قناتنا على التليجرام من هنا    

تعديل المقال