رواية عشق ابيض واسود الفصل التاسع 9 الجزء الثاني بقلم عائشة الكيلاني

 رواية عشق ابيض واسود الفصل التاسع 9 الجزء الثاني بقلم عائشة الكيلاني

النار مسكت في المكان و فيها كانت بتصرخ بعلو صوتها لكن لا حياة لمن تنادي وقعت على الارض و النار محاوطها من كل جهة بقت تكح لحد ما اتخنقت طبعا الشقة اتحرقت و شهد معاها 

بالليل عماد طالع البيت عمل يكح من ريحة الدخان :-  اي الريحة دى 

مجرد ما خبط الباب وقع النار مسكة في الشقة و بتزيد:- شهد يا شهددد 

عماد كان بيحاول يكون بعيد عن النار بقدر الإمكان اتصل بى المطافئ و الاسعاف بعد وقت فعلا كانت المطافي جت و الاسعاف كانت شهد ماتت و ملامحها مش باينة من الحروق وشها مش متشوه لا كانت مفتحمة عماد ضرب كف على كف:- لا حول ولاقوة الا بالله العلي العظيم 

الاسعاف خدت شهد على المستشفى و عماد راح بعربيته علشان يعمل اجرات الدفن 

بالليل في فيلا اسر 

لبنى بهدوء و حزن:- لا حول ولاقوة الا بالله العلي العظيم ماتت طب امتي و ازاى 

اسر بياكل ببرود:- معرفش عماد بيقول انه الباب وقع من الحريق و للاسف كانت في الشقة 

جميلة ببرود:- اهو خليني نخف شوية 

ياسين:- كانت طيبة اوى الله يرحمها كان مفيش اطيب منها 

نور شنقت من كلامه 

جميلة بخوف:- اديها ماية 

نور بقت تكح:- كح كح كح ، انت بتقول اي مين دى الطيبة دى كانت تدخل البيت يتقلب حريق دا مرة ابويا كان هيطلاق امي بسببها و نورا كمان دى تقول كانت حرباية خرابت بيوت عقربة افعي راس الحية لكن طيبة 

جميلة:- دا انتي قلبك حجر 

لبنى:- اذكروا محاسن موتاكم يا حبيبتي 

نور ببرود:- الى هو ابويا و امي مش شهد الحرباية 

لبنى:- العزاء هيكون فين بيم ان ملهاش حد غير بت اختها تقريبا و مسافرة 

جميلة بابتسامة وجع و سخرية:- لا ما هى رجعت رجعت بعد كتب كتابي انا و قاسم و اتجوزها على طول فضلت مختفية و جت تاني يوم جوزي مراته 

اسر حس بحزن عليها لكن داره و قال بهدوء:-  ربنا يهنئ سعيد بسعيدة 

لبنى بصت لنور:- مش معقول هتسبني اروح لوحدي 

نور و هى بتاكل:- يا سبحان الله تصدقي انى عندي حالات كتير بكرا للاسف مش هقدر اروح لدفنة ولا العزاء 

ياسين:- نفسي اشوف حالة دخلت عندك و خفت و الا اي مصحة دار الشفاء لحالات النفسية هاتيلي حالة واحدة خفت من عندك 

نور بصت له:- انت بتعايرني يا ياسين بتشكك في مهنتي ولا قصدك تقول انى فاشلة 

جميلة:- اديلو انا فاهمة كلامه انا لو مكانك مسكوتش 

لبنى حطت ايديها على جبينها:- ولا هنخلص في يومنا 

ياسين:- يعني انا لو عايز اقول فاشلة هخاف منك طب اه يا نور انتوا مصحة لا فيها علم ولا منفعة مفيش غير ان العاقلين بيتجننو 

نور رفعت صابعة:- ياسين 

جميلة و هى بتقلد نور:- كلم يا ياسين 

ياسين نزل صابعة:- نفس الصباع تاني 

نور:- انت بتعلي صوتك عليا و بتتريق على مهنتي 

جميلة:- اطلعي على القسم و كلمني هناك و انا شاهد ملك و هخلعو ليكى من اول جلسة 

ياسين بصلها بغيظ:- ياختي اسكوتي اسكوتي ياختي اما شوفتك اترفعتي عن حد مرة 

جميلة ببرود و بتلعب فى خصلة شعرها:- الا قولي يا بيبي نسرين اخبارها اي و كانت بتعمل اي في مكتبك 

نور قامت بهدوء :- الحمدلله هروح اشوف سليم بيعمل اي 

لبنى بتفكير:- حلوة نسرين دى 

اسر بصلها بصة رعبتها و قام هو و ياسين 

لبنى نفخت بضيقه:- مالهم دول قوليلي حلوة 

جميلة:- قمرر عيون اي شعر اي جمال من الاخر بتسالي ليه 

لبنى:- اعتقد دى كانت من دفعته 

جميلة هزت راسها بايوة لبنى بتفكير:- و مالوا الشرع محلال اربع 

اسر بغضب جحيمي:- لبنىىى 

لبنى بملل:- ييييه ايوة يا روحي جاية 

لبنى قامت و جميلة قعدة تكمل اكلها بس مكنتش مرتاحة حاسه بالذنب برضو مش فاهمة كلام امها ولا تصرفاتها 

فوق في اوضة ياسين 

كانت نور قعدة بتقرا كتابة بهدوء لكن كان جوها نار و حسرة ساكته و الثبات على وشها لكن قلبها بيتكسر مليون حته ياسين واقف قصدها بخوف و ارتباك مش خوفها منها لكن حس انهم اتحطو في موقف محرج جدا:- نور والله العظيم 

نور قلعت نظارتها و حطت الكتاب جانبها و قالت بابتسامة :- والله العظيم انا عارفة ان مفيش حاجة بينكم و انكم اصدقاء مش اكتر و انها جت في مصلحة زى بيقولوا 

ياسين مسك ايديها بيبصلها بحب قال:- اومال مدارية عينيكي عني حاسس انكي متغيرة 

نور بهدوء ؛- لا مش متغيرة ولا حاجة بس مضغوطة شوية من الشغل مش اكتر 

ياسين بصدق و حب:- نور انا مفيش فى قلبي غيرك ولا حد شاغل تفكير و بالي غيرك عيوني مش شايفة غيرك انا عمري ما حبيت غيرك والله العظيم 

نور بابتسامة:- مش محتاج تحلف انا مصدقك و واثقة في دا 

ياسين قبلها و حضنها و قعدو يتكلموا لكن نور وجع الدنيا فيها مش عارفه بس خايفة 

اما في اوضة اسر اسر نظراته كلها غضب 

اسر بعصبية ؛- اتجنن على كبر صح ولا عيانة يا حبيبتي قولي علشان لو عيانة الحق اعالجك قبل ما جنانك يطفح علينا هى مش دى نور برضو الى اصريت انكي تربيها و لو كانت راحت عند ابوها تجنني ، انتي عارفه منى الله يرحمها ماتت ازاي ناسية ولا اي 

لبنى اتنهدت بهدوء:- ماتت بسبب انها كانت بدافع عني و انها لم اتكلمت اتكترو عليها و موتوها و انا في المقابل ربيت عيالها في اي تاني كلامك مفهوم بس انى احبها و اربيها مع ولادي حاجة و ان تبقي مرات ابنى الى تعبت فيه حاجة تانية ااانت كدا بتساعد ابنك انه يدمر نفسه اه حلوة و عاقل بس كلها سنتين و كله يروح شكلها و بعدين انا عايزة افرح بابني هو انت مسمي دى جوازة 

اسر مسكها من دراعها بغضب:- طب اسمعي بقا يا بت الناس لانى صبري نفد منك بنت اخويا خط احمر نور و دمعة نزلت من عينيها بسببك والله لكرهك في اليوم الى شوفتيني فيه ف اعقلي علشان منزعلش كلنا ذات الواد مشتكاش علشان تجنني 

اسر زقها بغضب:؛ يلا اجهزي علشان ولا اقولك انا مش عايزك تروحي كفاية العزاء 

اسر سبها و دخل التواليت لبنى قعدت على السرير سندت ايديها عليه و هى مصدمة من طريقته معاها 

بعد يومين في بيت اهل لبنى 

سليم '- انا بجد مش عارف اعمل اي يا تيته 

ابتهال :- انت محبتش جميلة يا قلب تيته 

سليم بصلها بصدمة و عدم فهم:- اي الى حضرتك بتقوليه دا انا بحب جميلة و 

ابتهال:- شكل جميلة جنانها عقلك و مهيالك انك بتحبها لكن قلبك مع جنة بالدليل انك كنت بتغيرة و تتعصب لم كنت بتشوفها مع معتز و لم اطلقت فرحت باينة في عينيك يا سليم سؤالك لاخوها عنها و تروح تشوفها كل يوم دا ملوش تفسير غير انك بتحبها انت مش عطي قلبك فرصة حتي عقلك متبرمج على شغلك و يمكن جميلة بس العقل موجود لتفكير مش نظلم نفسنا و الى بيحبونا 

سليم:- حاسس بذنب صورتها و هى بالشكل دا مش عايز يروح من عيني ولا صراخه ولا قادر انسي صوتها و هى بتطلب مني اتجوزها قبل فرحها بيوم انا كسرتها بس مكنش قصدى ا انا مش عارف بيحصلي اي او الى انا فيه هيخلص على اي اتحسنت شوية 

ابتهال بشفقة:- طب الحمدلله 

سليم بحزن:- بس مبقتش بتنام و لو نامت تصحي على كوابيس معظم الوقت بصة لسقف بتهلوس بكلام غريب في دنيا غير الدنيا 

ابتهال الدموع اتجمعت في عينيها:- لا اله الا الله ربنا يحوش عنها 

عبد الرحمن ابو لبنى:- ملكش حق يا ابنى البت مكنتش تستاهل منك كدا هو في حد يلقي الى بيحبه و يقول لا و بعدين مين قالك انك مش بتحبها مين قال انت برمجت عقلك على حاجة مش قادر يستوعبها و بتضغط على قلبك بتكبرهم يعملو حاجة هما مش عايزينها ولا راضيين عنها البت دى ذنبها في رقبتك ليوم الدين 

سليم بص له بصدمة و بص لارض 

عبد الرحمن :- ابتهال انتي شوية و تقومي تروحلها و تخدي رنا و نور معاكي و لو ملك موجودة ميضرش متزعلش من الحقيقة هى مورة بس لازم تتقال شهادة حق انت ظالم نظراتك ليها كلامك معاها كللل دا دليل على انك بتحبها بس البعيد غبي رفض حبها ليك من رغم كدا بعدت عنك و رمت نفسها في النار علشانك و علشان راحتك 

سليم بيسمع و هو حاسس بوجع بقلبه قام و خرج من الشقة 

ابتهال:- كلامك كان قاسي اوى مش كدا يا عبده 

عبد الرحمن:- خليه يعرف غلطه و يحس يلا ربنا يحوش عنها و يشفيها يارب 

ابتهال:- اللهم امين يارب العالمين هقوم اهجهز علشان اروحلها 

بعد وقت في بيت نورا ابتهال بالفعل راحت تزور جنة و نور و ملك و رنا معاها 

نورا بارتباك:-: معرفش اشكرك ازاي جميلك دا على راسي من فوق 

ابتهال:- عيب كدا يا بنتي جمييل اي بس جنة حفيدتي زيها زى ملك و نور و ريهام انا الى اسفة انى اتاخرت بس انا والله ما كنت اعرف 

رنا:- هى عاملة اي دلوقتي 

نورا بابتسامة قهرة:- الحمدلله شوية تسكوت شوية تصرخ و اهي ماشية 

ابتهال طبطبت على ايديها باطمان:- هتكون احسن من الاول بكتير باذن الله خلي امالك في ربنا كبير 

جوا في اوضة جنة 

جنة كانت بصة لسقف دموعها بتنزل على خدها في صمت 

نور بصت عليها بحزن:- جنة يا حبيبتي 

جنة بدموع:- جنة راحت انا ادمرت يا نور كل حاجة راحت شكلي حياتي حتى انا مبقتش انا 

ملك مسحت دموعها و قالت بابتسامة :- الى حصل حصل علشان نتعلم منه طالقك مش نهاية انتى اقوى من كدا لازم تهمزمى الوجع يا جنة مش العكس 

نور بانهيار:-: دارس اي الى يخلي جوزي عايز يبعني كل يوم ضرب من اول ما اصح لحد ما انام انا مش عارفه اذا كان بياغمو عليا ولا بنام باع كل حاجة في البيت انتى متخيلة يعني جوزك يجيب صاحبو شقته كل يوم يقعد يتهببو مع بعض عارفه احساسي كان ازاى انا كنت خايفة كان كل ما بسمع خطواته قريبي مني بخاف انا كنت بخاف من معتز بيقولوا الامان مع جوزك بس انا شوفت العكس شوفت انى مهددة شرفي يروح و كل ما اشتكي لامه تقعد تقول معلشي حقك عليا مش هيغلط تاني دا اتعالج و بقا كويس و يعمل الى بيعملوا كل يوم ضرب اهانة معتز شوهني من كله لدرجة ان مبقتش حاسه بضهري ولا بنفسي بدخل البيت اكني محكوم عليا بالاعدام 

نور سكتت شوية من الصدمة بصت ليها و قالت:- و ليه ساكته كل دا 

جنة بوجع:- لانى كنت فاكره هيتغير 

جنة سكتت 

ملك بصت ليها:- كملي كملي يا حبيبتي متخفيش هو ميقدرش يعمل حاجة و انتي وسط اهلك الى بيحبوكي 

جنة:- انتوا مالكم بيااا اصلا سبوني في حالي 

نور ابتسمت بمرارة:- سليم 

جنة:- انتي هتركبني مصيبة 

نور بوجع:- لدرجة دى حياتك رخيصه عندك ترمي نفسك في النار علشانه علشان واحد ميستاهلش ، انتي فكرك انى مش عارفه لا يا جنة انا عارفه بس مكنتش اعرف انكي بتحبي جلد الذات بتنقمي من نفسك دى مش تضحية دا غباء انتي اتجوزت و رميت نفسك لنار و هو عايش حياته 

جنة:- بس بخير دا المهم عندي مش عايزة حاجة من الدنيا كلها غير انه يكون بخير كان نفسي يكون بيحبني بس الحمدلله على كل حال 

جنة حاولت تقوم تقعد و فعلا نجحت في دا قالت بابتسامة و تسأل:- هو انا شكلي وحش سلوكي اخلاقي انا والله العظيم دائما ماشية جانب الحيط و بساعد الناس على اد ما اقدر بس انا محدش بيحبني ولا حتي معتز صبرت على أمل انه يحبني بس انا محدش بيحبني ولا حتي ابويا هو انا وحش طب بصي احكمي مناخيري كبيرة عيوني شعري اي الوحش فيا هااا 

قامت و لفت:- اي الوحش الى فيا علشان يحصلي كل دا ردي عليا يا نور وحشة صح لم اروق هروح اعمل عمليات تجميل يمكن لم شكلي يتغير يحبوني 

نور قامت الدموع اتجمعت في عينيها مسكت ايديها بابتسامة:- يا حبيبتي انتي زى القمر انتي اجمل و احلى واحدة في العيلة سمر دائما كانت بتقول كدا ، هنا كانت مسميكي جنة العيلة انتي زى القمر والله العظيم 

جنة بدموع:- بتكدبي عليا علشان مزعلش 

نور:- والله العظيم ما بكدب عليكي انتي جميلة و متستاهليش حد منهم هما اقل منك انتي تستاهلي حد احسن منهم هما الاتنين 

جنة ابتسمت و كانت هتقع نور سندتها جنة وقعت في حضنها و قعدت تعيط بوجع و انهيار ملك دموعها نزلت 

عد شهر كانت جميلة اتحسنت و فاقت نهاي من الصدمة ياسين و نور حياتهم بقت افضل اما قاسم ف خرج من الحبس و هيكمل مع ميرنا لانها حامل بس مش معنى كدا انه بيحبها هو ولا ثانية نسي جميلة دائما في بالو سليم حاسس بالذنب صحيح عارف انه بيحب جنة بس كانت متاخر اوى جنة اتحسنت عن الاول بكتير مفيش صرخ مفيش هلوسة لكن في خوف شوية 

في فيلا اسر  في الجنينة

جنة بتتكلم في التليفون :- يعني هيجي الساعة ٨ تمام 

جنة قفلت الفون و لفت وشها لقيته:-  سليم 

سليم:- انتي خوفتي ليه 

جنة بهدوء:- واقفة في الجنينة لوحدي و انت حتي معملتش صوت عايزني اعمل اي ازغرط 

سليم :- كنتي بتكلمي مين 

جنة ربعت ايديها ببرود:- والله انت مش حاجة علشان اقولك بعمل اي انت ابن عمي و زى ياسر بالظبط اخويا بس برضو مش معنى كدا تدخل في حياتي 

سليم بصلها اكنه بيدور عليها:- انتي مين انتي مكنتيش كدا 

جنة ابتسمت بسخرية و وجع:- صح بس تعرف انا نفسي اروح لمعتز قبره و اقوله شكرا يا معتز شكرا لانك علمتني درس عمري ما هنساه. و انت كمان على فكرة علمتني درس عمري ما هنساه و انت عرفه كويس 

جنة كانت ها تمشي سليم مسك ايديها و جذبها له:- انتي باسلوك بتموتيني يا جنة انا بعترف انى غلطت و انى السبب في كل حاجة وحشك حصلتلك و 

جنة بصت لعينيه حطت ايديها على كتفه بابتسامة:- السبب في كل دا هو انا مش انت انا الى سمحت لكل دا بس معليش غلطت و اتعلمت 

جنة بعدته عنها و اتجهت لجوا جري اكنها بتهرب سليم حط ايديه في شعره بعصبية و جنون هو اخيرا اعترف لنفسه انه بيحبها بس بعد اي بعد ما حياتها ادمرت أما تحت في المطبخ 

جميلة بابتسامة:- مالك يا خالتي 

جنة قعدت على الكرسي:- سبني في حالي الله يخليكي 

جميلة بتاكل الخيار و قالت بفرح:- اخيرا هبقى عمتو الحرباية الله شعور حلو اوي يا جدعان 

نور بتنبيه و إصرار:- ايوة بس دا سر 

جنة:- اي دا انتي حامل بجد 

جميلة:- لا حامل كدا و كدا انتي شاربة اي على الصبح يا عمتي 

جنة:- خليكي في حالك يا خالتي طب امتي بقا 

نور بتفكير:- ممم هقوله بالليل  

جميلة:- عيني عليا و على بختي انتي هتحتفلي بى البتاع دا مع ادم و انتي مع ياسين طب انا اعمل اي 

جنة بابتسامة:- اعملي زايى البسي احلي فستان عندك و حطي ميك اب و الكعب العالي و احتفلي بحريتك 

جميلة:- يختي اتلهي انا مليش وقت لكل دا 

جنة:- انا يا بنات اخيرا هعمل عملية التجميل 

جميلة بابتسامة سخرية:- حلو و تبقي امسح مكياج صاحبتك تلقي اشرف ابن عمتك هيهي يعني انتي من وحشتك رايحة لتجميل اومال انا اعمل اي في بؤي الكبير دا 

جنة:- ربنا يجبر بخاطرك 

ريهام:- هتصغري مناخيرك بس 

جنة:- لا طبعا كله هيتغير و هلبس لينزز و هصبغ شعري و 

ملك:- يارب كلنا نطلاق لو بنضحك عليكي بس انتي مش محتاجه لكل دا انتي سبحان الله احلى من الممثلين مش محتاج لا لينزز ولا كل الهبل دا 

جنة:- انا اخدت قراري و النهاردة بالليل هروح لدكتور و هحدد معاد العملية و كمان ه

رنا بنفز صبر:- يا حبيبتي انتي اد الإبرة هتعملي اي بقا 

جنة:- ان شاء الله هينفع بس عايزة حد معايا طنط ياسمين.

ياسمين:- انسي مليش في التغيير معاكي في اى مصيبة الا دى 

ابتهال:- كفاية رغي و اطبخو بضمير 

جميلة:- هى لازم يعني امى تدي لشاغلين اجازة جنة خدني ابات عندك النهاردة يا جدعان انا ضوافري اتكسرت اااه بطني انا رايحة التواليت 

جميلة جريت بسرعة على اوضتها و نامت على الكنبة مسكت الفون:- الو 

سيف:- مين معايا ما ترد يا الى معندكش دم 

جميلة اتسعت عينيها:- انت لحقت تتحاول و تنسا صوتي يا سيف اخص عليك انا جميلة زميلتك 

سيف:- اااه افتكرت افندم يا جميلة 

جميلة:- مامي دبستني انا و البنات في العشاء ف سبتهم و طالعت اكلمك بقولك اي العيلة كلها موجوده ما تجي تقعد معانا و اهو تتعرف على بابي 

سيف:- و اتعرف على ابوكي ليه هناسبه و انا مش عارف و بعدين مرات اخوكي هناك و بصراحة مش طيق اشوف وشها 

جميلة ضحكت:- عادي يا سيف ما هى دايما بتهزاني و عادي  و متكلمتش 

سيف بتسال:- بسس انتي جبتي رقمي منين 

جميلة بتلعب فى شعرها:- ممم الى يسال ميتوهش روحت المصحة و اخدت رقمك من الدكتور عمار 

سيف اتسعت عينيه بذهول:- انتي قليلة الادب 

جميلة بابتسامة:- و لو مجتش علشان هتشوف جناني الى على حق انا لسه مريضة و هربانة مني 

سيف بعدم فهم:- هى اي 

جميلة بابتسامة:- دماغي يا خفيف هستناك هبعتلك العنوان حالا باي باي 

جميلة قفلت الفون بابتسامة:- أما اشوف حكايتك اي يا سيفو 

بالليل كان الكل متجمع معادة جنة طبعا الى مشيت بسرعة علشان معاد الدكتور و معاها رنا 

في العيادة 

الدكتور بيبصلها بصدمة:- عايزة تعملي اي يا بنتي معلش اصل السمع بعافية حبتين بعيد عنك 

جنة باحراج:- احم عايزة اعمل عملية تجميل لكله بص فنن مع نفسك بس المهم عايزة ابقا زى القمر 

الدكتور :- و لم انتي تعملي تجميل اومال بقية الستات و البنات يعملوا اي لو انتي وحشة هما يبقوا اي 

جنة اتنهدت بهدوء:- حضرتك انا مش عايزة جبر خواطر انا عايزة اعمل العملية و خد الى انت عايزو 

الدكتور:- اطلعي برا و مشوفش وشك تاني برا ، يا بنتي انتي زى القمر ليه عايزة تبوظي شكلك و انتي مش محتاجه اصلا روحي يا بنتي انا معملش حاجة ممكن تعك الدنيا

جنة:- يعني مفيش امل 

الدكتور :- ولا وفاء ويلا من هنا و اياك اشوفك في عيادي ولا في عيادة اى دكتور تجميل احنا اصحاب في بعض لو لمحتك هزعلك يلا 

رنا حطت ايديها على كتفها بابتسامة:- شكرا يا دكتور 

الدكتور :- العفو يا مدام 

رنا و جنة خرجو من العيادة و رجعوا الفيلا تاني كان الكل موجود و بيهزور فجأة الباب خبط جميلة قامت فتحت الباب كان سيف 

سيف عطها بوكية ورد اسود:- اتفضلي 

جميلة:- شكرا بس مفيش غير الاسود 

سيف:- متوجعيش دماغي يا ست انتي كتر خيري انى افتكرتك بحاجة و كفاية رغي لانى مصدع 

جميلة بابتسامة:- شكرا بس هو ليه حاسه انها مربع من تحت 

سيف:- اوعي بقا رجلي وجعتنى و انتي نزلة رغي 

سيف دخل:- مساء الخير يا جماعة ولا بلاش أبلة نور مش بتحب الخير 

الكل رد عليه السلام بيبصو ليه باستغراب 

جميلة:- سيف يا بابا الى نور حكت عنه 

رنا ضحكت غصب عنها 

سيف:- هو انا بضحك اوى كدا هى الهندسة قالت اي عني 

ابتهال:- كل خير يا ابنى اتفضل 

سيف قعد :- مالك يا دكتورا مش طيقني ليه مكنش كلمتين قولتهم 

نور لسليم:- نزل رجلك يا حيوان ، سيف علشان نبقا حلوين مع بعض مسمعش حسك تمام 

لبنى:- ما الواد محترم اهو انتي مفترية اه والله 

ياسر:- على يادي انتي مش بيعجبك العجب و حضرتك بتشتغل اي 

سيف:- ظابط سابقن 

سيف فضل يتكلم مع اسر و عماد و الشباب في اى موضوع و الحقيقة عكس ما نور قالت عنه بس دا ميمنعش انه مجنون جميلة طبعا تغيب و تنكش فيه نور بقا كانت الفرحة مش سيعها كانت طايرة من الفرحة البيت كان مليان ضحك و هزار و جنون و لعب 

الباب خبط ريهام قامت فتحت الباب 

ريهام:- مين حضرتك 

نسرين بحزن:- اسر بيه موجود 

ريهام:- موجود اتفضلي انتي كويسة 

نسرين هزت راسها بهدوء و دخلوا الجنينة 

نسرين بدموع:- عايزة حقي يا اسر باشا بيم انك صاحب حق 

اسر قام باستغراب:- مالك يا بنتي و انتي مين 

ياسين:- مالك يا نسرين انتي كويسة 

نسرين بصتله بخوف و جريت على نور استخبت فيها و انهارت في العياط:- انقذني منه ابوس ايدك ، ا انت تعمل عملتك و بعدين تقولي انتي كويسة كويسة ازاى بعد ما اعتديت عليه 

بعد عن حضن نور و قالت بدموع:- جوزك دمرلى مستقبلي جوزك اعتدا عليا يا دكتورة ، و للاسف نتيجة عملته انى حامل ووووووو

يتبع 

ولعت يا عيني عليكي و على بختك يا نور 

رايكم في الحلقة و نهاية شهد و يا تري نسرين بتقول الحقيقة ولا لا و نور هتعمل اي 

الحلقه 9

عشق ابيض واسود 🤍 🖤 

عائشة الكيلاني

       الفصل العاشر الجزء الثاني من هنا 

لمتابعة باقي الرواية زوروا قناتنا على التليجرام من هنا    

تعديل المقال