رواية استثنائية في دائرة الرفض الفصل الواحد والخمسون 51 بقلم بتول عبدالرحمن
يونس سكت لحظة وبعدين حضنه جامد وقال بصوت متحشرج
"وجودك دايمًا كان بيديني القوة... مش عارف هعيش الفترة الجاية دي إزاي من غيرك."
تيم قال وهو بيربت على ضهره
"مش هغيب كتير... خليك مكاني لحد ما أرجع."
يونس شد نفسه وقال بابتسامة مترددة
"مكانك محفوظ... كل حاجة هتفضل زي ما هي لحد ما ترجع."
قاطعهم صوت صغير من بعيد بيقول بحماس
"خاااالووو!"
تيم لفّ بسرعة، شاف ياسين جاي بيجري ناحيته، نزل لمستواه وفتح دراعاته وياسين حضنه بقوة.
ياسين رفع راسه وقال ببراءة
"إنت هتمشي؟"
تيم هز راسه وقال بابتسامة حزينة
"آه... همشي."
ياسين سأله
"هتروح عند بابا؟"
تيم ابتسم وقال
"لاء... أنا رايح مكان تاني."
ياسين قال بسرعة
" يعني مش هتجبلي ليجو فيراري؟!"
ضحك تيم وقال وهو بيحط إيده على شعره
"من عنيا... هجبلك كل اللي إنت عايزه."
يونس قرب منهم وقال بلطف لياسين
"كفاية يا ياسين، خالو لازم يمشي ويلحق الطيارة."
ياسين بص لتيم وباسه وقال
" هتوحشني كتير"
تيم ابتسم وقام وقف، وقف عند الباب لحظه، خد نفس عميق وبس حواليه، خرج بهدوء من البيت، بص بصه اخيره للبيت قبل ما يركب العربيه ويتحرك، سايب كل حاجه وراه وقرر يدي نفسه فرصه جديده...
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم عشاق الروايات
