رواية جنه والمجهول الفصل الحادي عشر 11 والاخير بقلم جمال المصري
بسم الله ولا حول ولا قوه إلا بالله
#جنه_والمجهول
#الحلقه_الحاديه_عشر_والاخيره
جنه .. خلاص مش قادره عليه
الباشا .. زي الوحش اللي انقض علي فريسته وكانه بيقول لنفسه اخيرآ هخلص منها
جنه .. بتصرخ بكل قوتها
جاسم .. كان لسه داخل المبني واول ما سمع صريخها جري وهو بيقول جنه انا جيت انتي فين
جنه .. بيرجع لها الامل وبتزقه وبتطلع السلسله اللى كان لابسها فى ايد جنه
الباشا .. عرف ان كده هيتكشف ويتمسك ولازم يهرب وفتح الباب وطلع يجري قبل جاسم ما يوصل
جاسم .. لقى نور كشاف الموبيل دخل بسرعه لقى جنه بتاخد نفسها بالعافيه بيقرب منها اهدي يا جنه انا جيت فين سكينه الكهرباء
جنه .. بتشاور علي البوفيه
جاسم .. بيطلع الموبيل وبيشغل الكشاف وبيروح عند البوفيه وبيلاقي سكينة الكهرباء نازله بيرفعها والكهرباء بترجع تاني وبيرجع بسرعه علي جنه اللي بتكون منهاره وبتاخد نفاسها بالعافيه
جاسم .. اهدي يا حبيبتي اشربى شويه ميه و انا هروح الحقه قبل ما يهرب من الجريده
جنه .. لا خليك معايا ما تسبنيش و بتاخد نفس عميق وبتحاول تهدى
جاسم .. حاضر يا حبيبتي مش هسيبك و بيمسك ايدها بيلاقي دم فى صباعها انتي متعوره
جنه .. لا يا جاسم ده دمه هو انا خربشته في رقبته والسلسله دي كان لبسها و طلعت في ايدي وكانت بتتكلم من غير ما تبص للسلسله
جاسم .. اخدها وحطها علي المكتب ورن علي علاء
علاء .. السلام عليكم
جاسم .. وعليكم السلام تعالى بسرعه في الجريده يا علاء
علاء .. حصل حاجه
جاسم .. واحد اتهجم علي جنه هناك
علاء .. مسافة السكه يا جاسم وهكون عندك وبيقفل
جاسم .. اهدي وكل حاجه هتكون بخير
جنه .. جسمها كله بيترعش وهي مش متخيله اللى بيحصل معاها و حاسه انها عايشه في فيلم اكشن
علاء .. وصل خير حصل ايه
جاسم .. الكلب ده كان عايزه يقتلها
علاء .. شفتي وشه
جنه .. لا كان لابس قناع
علاء .. يعنى عامل حسابه علي كل حاجه
جاسم .. السلسله دي بتاعته
علاء .. مسك السلسله دي سلسله عاديه مش هتوصلنا لحاجه
جاسم .. هنعمل ايه
علاء.. ما كانش في حد في الجريده
جنه .. الكل مشي حتي الاستاذ عادل كان عايز ياخدني معاه يروحني وانا رفضت
علاء .. جريده زي دي المفروض علي الاقل يكون فيه بواب
جنه .. فعلآ في عم عثمان البواب
علاء .. بس انا لما جيت ما كنش فيه حد تحت
جنه .. مش عارفه
البواب .. بيدخل السلام عليكم انا جبت طلبات البوفيه يا استاذه جنه لما تخلصي اندهي عليه عشان اقفل
علاء .. انت عم محمد
محمد .. ايوه
علاء .. انا كنت طالع وانت ما كنتش موجود
محمد .. الاستاذ عادل وهو ماشي اداني فلوس عشان اجيب طلبات البوفيه ولسه راجع
جاسم .. بيقرب من البواب وبيرجع لي علاء مش هو يا علاء
علاء .. عرفت ازاي
جاسم .. بيقرب منه وبيقول له بالراحة جنه خربشته في رقبته ودمه كان علي صباعها
علاء .. ماشي يا عم محمد روح انت
محمد .. بيبص باستغراب وهو مش فاهم حاجه حاضر يا بيه وبينزل وبيرن علي الاستاذ عادل وبيحكي له كل حاجه
عادل .. بيرن علي جنه
جنه .. بترد الو
عادل ..خير يا جنه حصل حاجه عم محمد بيقول اني فيه ناس معاكي وشكلك كنتي تعبانه
جنه .. القاتل رجع تاني وكان عايز يقتلني في المكتب هنا بس الحمد لله جاسم جه في الوقت المناسب
عادل .. لا الموضوع كبر اوي يا بنتي انا جاي علي طول
جنه .. لا خلاص كل حاجه خلصت وانا هروح ومعلش محتاجه اخد كام يوم اعصابي تهدى
عادل .. براحتك يا بنتي ولو احتاجتي اي حاجه انا موجود
جنه .. شكرا يا استاذ عادل مع السلامه وبتقفل
جاسم .. يلا بينا واخد جنه ومعاه علاء وطلعت علي شقتها وخبطت
ناديه .. فتحت الباب اتفضلوا انتوا قابلتوا بعض تحت
جاسم .. لا يا طنط انا روحت جبت جنه من الجريده وده الضابط علاء اللي كان ماسك القضيه بتاعت الحادثه
ناديه .. مالك يا جنه هو حصل حاجه
جاسم .. الحمد لله هي بخير كان فيه واحد حاول يتهجم عليها والحمد لله لحقتها في الوقت المناسب
ناديه .. لا احنا لازم نلاقى حل وبلاش الشغلانه دي خالص او نبيع الشقه ونمشي من هنا
علاء .. يا مدام ناديه كل اللي حضرتك بتقوليه مش حل
ناديه .. امال هستنى لحد ما بنتي تموت قدامي
علاء .. القاتل عارف الجريده كويس عشان بعد ما كل الموظفين والاستاذ عادل ما مشوا مفيش حد دخل ولا طلع من الجريده
جاسم .. امال هيكون نزل من السماء
علاء .. بالظبط كده يا جاسم هو نط من المبني اللي جنب الجريده و عشان كده الشرطه اللي بتراقب جنه ما رصدتش اي تحركات غريبه
جاسم .. كده صح وانا ما سمعتش صوت جنه غير لما كنت قريب من الجريده علي السلم
علاء .. بالظبط كده لو صوتها اتسمع كانت الشرطه ادخلت
جاسم .. والعمل ايه
علاء .. بيمسك السلسله هانت يا جاسر وقريب صاحب السلسله هيوقع في ايدي
جنه .. بتبص علي السلسله لي اول مره من اول ما خدتها من رقبته وبتسرح لحظات و تفتكر لما شافت السلسله دي مع الاستاذ عادل و سالته عليها قالها انها ذكرى من مراته وبتقول بصوت مسموع وهي بتمد ايدها تاخد السلسله مش معقول مستحيل جاسم .. ايه اللي مستحيل يا جنه
جنه .. السلسله دي شبه سلسله كان لابسها الاستاذ عادل وكانت هديه من زوجته الله يرحمها بس مش معقول
علاء .. مفيش حاجه مستحيله وجاسم قالي انك خربشتيه في رقبته صح
جنه .. ايوه حصل
علاء .. يبقى اللغز ده لازم يتحل النهارده
جاسم .. ازاي
علاء .. جنه هتروح لي عادل بيته وتواجهوا والحقيقه هتتكشف لو في خربشه في رقبته
ناديه .. لا مستحيل ده ممكن يقتلها
علاء .. متخافيش وعد مني ارجعهالك سالمه
جنه .. النقيب علاء معاه حق الحكاية دى لازم تخلص
جاسم .. متخافيش يا طنط انا كمان هكون معاها
علاء .. خدي الميكروفون ده حطيه في لبسك واحنا هنسمع كل كلمه هدور بينكم بس حاولي تخليه يعترف
جنه .. حاضر
وبيتحركوا كلهم وتنزل جنه عند العماره اللي ساكن فيها عادل وبتطلع الشقه وبتضرب الجرس
عادل .. بيفتح الباب وبيتفاجئ بي جنه انتي بتعملي ايه هنا
جنه .. ايه انصدمت ليه لما شوفتني
عادل .. دي اول مره تزوريني بشقتي
جنه .. في حاجه تخصك معايا قولت اجيبها لك بنفسى
عادل .. حاجة ايه
جنه .. طلعت السلسله و حركتها قدام عينيه
عادل .. مكنش اخد باله اصلا ان السلسله وقعت منه لما كان عايز يقتل جنه جبتيها منين
جنه .. انا اللي كنت بعتبرك ابويا تطلع انت ورا كل اللي حصل لى
عادل .. انا مش فاهم حاجه انتي بتقولي ايه
جنه .. و الخربشه اللى فى رقبتك ديه من ايه
عادل .. عرف خلاص ان جنه كشفته ورغم انك كشفتيني جايه برجليكي
جنه .. ايوه عشان نتفاهم
عادل .. علي ايه
جنه .. انا عايزه اعيش يا باشا انا وامي واختي وهعمل لك كل اللي انت عايزه
عادل .. الكلام ده كان قبل ما تدخلي عش الدبابير برجلك انتي تعرفي حماد اللي بعتلك الورق كان شريكي و خاني ودفع تمن خيانته بحياته هو الشاهد الوحيد اللي يعرفني و تيجي انتي في الاخر تكشفيني
جنه .. انا كل اللي عايزاه اعيش وهعمل كل اللي انت عايزه
عادل .. للاسف انتي كشفتيني وانا مش بخلي اي دليل ورايا ولازم تموتي وبيقرب من جنه وهو ماسك سكينه
علاء .. بيكسر الباب وبيدخل وهو رافع المسدس مكانك يا باشا وإلا هتموت
عادل .. انتي توقعيني انا وبيرفع ايده عشان يضربها
علاء .. بيضربه بالنار في كتفه
عادل .. السكينه تقع منه و بيترمي علي الارض و
الشرطه بتدخل وتقبض عليه وبيدخل السجن وبعد عدة جلسات بيتحكم عليه بالاعدام
وجنه بتتعين رئيسة مجلس إدارة الجريده
وعلاء بيترقى رائد
واحلام مش بتقدر تواجه عفاف جارتها ولا جنه ولا ناديه وبترجع مع مكه علي البلد وهي مش بتطلب غير المغفره من ربنا عز وجل
ناديه .. اخيرا الكابوس ده انتهى
جنه .. الحمد لله
جاسم .. حماتي عايز اتجوز بنتك
ناديه .. وانا هلاقي احسن منك يا ابني
جاسم .. يبقى كفايه حزن لحد دلوقت وانا مش قادر اصبر ايه رايكم الفرح يكون بعد اسبوعين
جنه .. بسرعه كده
جاسم .. اه قبل ما ترجعي في كلامك
جنه .. ارجع ده انا ما صدقت الاقيك
ناديه .. اذا كان كده يبقى انا كمان موافقه
وتمر الايام ويتزوج جاسم جنه و يعيشوا في سعاده وفرح وربنا يكرمهم بي ولدين وبنت و بيحكو لهم اللي حصل معاهم وهما بيضحكوا
وهكذا الحياه اصعب المواقف بتعدي وتكون قصص نحكيها لي اولادنا ونضحك لما نفتكرها
من كان مع الحق انتصر وعاش سعيد طول حياته ومن عاش الباطل عاش تعيس طول حياته
فالحق من اسماء الله الحسني. وهو الحق و بتمنى من كل قلبي السعاده والتوفيق للجميع اخوكم في الله جمال المصري وإلي للقاء في قصه جديده
#عباد_الله_اذكره_الله
تمت
