رواية ما لم يقله المنام الفصل السادس عشر 16 بقلم هاجر نورالدين
رد كريم بسرعة وحماس غريب وقال:
= لأ يا خالتي والله ياريت لو تشوفيلي عروسة وياريت أكتر لو قريبة منك اوي يعني.
ضحكت وقالت:
_ لأ مبسألكش إنت، بسأل أخوك إنت لسة صغير.
إبتسمت بعد ما بصيتلهُ بتوعد وقولت:
= لأ يا خالتي لسة، بس إن شاء الله قريب أنا مقرر بس يارب التساهيل.
خلصت كلامي على دخلة ليلى بالشاي وكانت سامعة كلامي،
دخلت تاني المطبخ ولكن أنا شوفت الإبتسامة على وشها.
إبتسمت وإتحمست أكتر،
كلنا بعدها كنا قاغدين بنشرب الشاي مع الحلويات اللي عاملاها ليلى.
كريم كان مندمج مع والدة وصاحبة ليلى وبيضحك معاهم وأنا وليلى كنا قاعدين على الكرسيين اللي جنب بعض.
ميلت راسي شوية ناحيتها وقولت بتساؤل:
_ مش بتفكري تتجوزي يا ليلى؟
بصتلي بإستغراب من السؤال المفاجئ ولكنها قالت بهدوء:
= يعني أكيد لما يجيلي الشخص المناسب.
إبتسامتي وسعت وقولت بتساؤل:
_ يعني لو أنا؟
بصتلي بإستغراب من تاني وتوتر وقالت:
= يعني إي؟
إتكلمت بوضوح أكتر وبصيغة مباشرة على طول وقولت:
_ يعني تتجوزيني يا ليلى؟
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم عشاق الروايات
