رواية احببت متمردة الفصل الاربعون 40 بقلم اسماء السيد
#احببت_متمرده part40
بعد مرور اسبوع.... والي حصل ان دا يوم رجوع رعد وملاك وحسام بقا قريب جدا لريم ويونس ويارا بقو اصحاب ومايا بقت تكره الجميع وبتخطط لحاجه بشعه
ونرمين مستنيه ملاك علي احر من الجمر ومروان اعترف لنفسه انه بيحب مرام ولكن هيا هربت ومبقاش عارف لها مكان والحفله مبقاش عليها غير 10ايام وهنا بتخطط لحاجه وشريف بيحاول يعرف هيا بتخطط لأيه
(الحلو بيخلص عندي بسرعه هيا بالكوارث 🙂😈👊😂)
@@@@@@@@@@@@@@@@@@@@@@
في قصر الدمنهوري..... وتحديدا بعد العصر
كان متجمع الجميع في الصالون
سالم:كله تمام يا مروان
مروان بتوتر:ااه جهزت المشاريع وكل حاجه في شركتي انما كل حاجه معتمده علي رعدد والفرع الرئيسي
إبراهيم :ماهو قال انه جاي
حسام:بس دا ااتأخر اوي ماتقومو تجبولنا اي حاجه نشربها
زياد بمرح:هو انت ملكش بيت ياض انت بقيت مقيم عندنا نازل واكل طالع واكل ونايم ايييه
حسام ببرود وغرور مصطنع:اصل جدي سالم ميقدرش يعيش من غيري لازم اكون قدامه علي طول
سالم بضحك:لاء وانت الصادق مش عاوز اشوف وشك تاني غورر وريحني يا حبيبي وانت هعيش
حسام بصله بغيظ والجميع ضحك
جميله بضحك:انا الي مقدرش اعيش من غيرك ياحبيبي
حسام وقف وقرب منها:هيا الي ليا جميله قلبي... وقرب وباس خدها وهيا ضربته في كتفه بخفه
إبراهيم بغيره:انت عبيط ازاي تبوس مراتي
حسام بمرح وقرب باسه:بتغير ياهيمياشقي
إبراهيم ضحك غصب عنه:انا ومراتي يخربيتك واد
حسام:هتخرب بيتي لييه دا انا حتي عاوز اتجوووز ......
وبص لريم وقعد جمب مروان وزياد
سالم:قولتلك شاور علي الي نفسك فيها وانا اجوزهالك
حسام بإبتسامه: يعدين يا جدي
فجأه بيدخل رعد وملاك ومأخدوش بالهم
ملاك قربت ببطيء ورعد ابتسم:مساء الورد
بصلها الجميع وابتسمو وجميله وريم ويارا وميرفت قربو منها
جميله حضنتها بقوه وملاك ضحكت وحضنتها:وحشتينا وحشتينا اوي ياملاك
ملاك بحب:وانتو كمان والله
سلمو عليها وهيا قربت منهم وجميله وريم قربو من رعد وحضنوه
ملاك بضحك:مفيش حمد ااه علي السلامه يازفت انت وهو
ضحك الجميع وهيا كانت تقصد حسام وزياد
زياد بفرحه:حمد الله علي السلامه ياوحش
حسام بمرح:اييه الي صحاكي كنا مرتاحين
مروان بضحك:ااه والله عندك حق البيت كان جميل
قربت ملاك وداست علي رجله بقوه وهو صرخ
مروان بضحك:هههه تستاهل.... بس فجأه ملاك داست علي رجله هو كمان
زياد بضحك:هههه احسسن
سالم:حمدالله علي السلامه يابنتي
ملاك:الله يسلمك ياجدو
إبراهيم بضحك:منورانا يا ملاك
ملاك بضحك:بنورك ياعمي
رعد بغيظ:هو انا محدش. يعرفني ولا اييه
إبراهيم:لاء احنا اخدنا ملاك خليك انت وهيا عاوزنا مش عاوزاك
ملاك بصتلهم وبصت لرعد وابتسمت :بس انا بحبه هوا وعاوزه هو ووبعدين مش كفايه اني انا اعرفك واسأل عنك
رعد قرب منها وحضنها وهما ضحكو وهيا اتكسفت
ابراهيم بغيظ:الله يكسفك اشبعو بعض الهي تولعو
ضحك الجميع وكانت الاجواء هاديه وفضلو كلهم مع بعض طول االيوم وبيضحكو
@@@@@@@@@@@@@@@@@@@@@@
في الصباح..... في قصر النجار.. وتحديدا في الصالون
كان قاعد العيله كلها حتي يونس
قاسم:ها خلصت
يونس بجمود:ااه جهزت كل حاجه وشركتي طلعت كل الملفات والاوراق المطلوبه
قاسم:تمام وشركتك يا سي اياد
اياد:ااه انا كمان تمام وجهزت كل حاجه وشركتي جهزت الاوراق والثفقات كله تمام
حسين:علي بركه الله خير والله
قاسم بإبتسامه:ان شاء الله مركز اول
يونس بضحك:معتقدش
قاسم:لييه
يونس:مش يمكن رعد الدمنهوري الي يكون الاول
قاسم يضيق :الي فييه خير يقدمه ربنا
فجأه بتدخل ملاك وهيا لابسه بنطلون اسود جينز وتيشرت ابيض وجاكييت اسود جلد وكوتش ابيض وعامله شعرها ديل حصان ولابسه نظاره شمس سوداء وكانت جميله جدا
ملاك:سلام عليكم.
االجميع بفرحه معادا مايا:وعليكم السلام
يونس قرب منها وحضنها:وحشتيني وحشتيني اوي ياملاك
ملاك ضحكت وهو بعد وقرب سلم عليها الجميع معادا نرميين الي بتبصلها بحزن ومايا الي بتبصلها بكره وغل
ملاك بإبتسامه:انتي ميين يا سكر انا اول مره اخد بالي منك الصراحه
ندي ابتسمتلها:انا اسمي ندي
اياد :دي مراتي
ملاك ضحكت بقوه :بتهزر صح انت اتجوزت واد يايونس الكلام دا بصحيح
يونس :ااه والله دا متجوزها من ثلث شهور
ملاك:وانا معرفش يخص عليك عيل واطي
اياد ضحك:انتي الخير واالبركه
نرمين بتوتر:انتي كويسه
ملاك بصتلها برفعه حاجب ولاكن من جواها اتصدمت
نرمين:بقيتي كويسه يا ياملاك
مايا بصتلها بصدمه وكره
ملاك ببرود:الحمدلله.... وقعدت جمب يونس
قاسم بحب:هو ايه سبب الي حصلك ياملاك
ملاك بصت لمحمود:ولا حاجه كنت مضايقه شويه بسس
نرمين بسرعه:تاكلي
ملاك بصتلها بذهول واستغراب فرحه ضيق..مشاعرها ااتلخبطت.. :لاء شبعانه
مايا بغل:هو في اييه يامامي بقيتي بتسأليها كتير يعني
نرمين بحده:ملكيش في خليكي في حالك
ملاك ضحكت بقوه:هههه مش لازم تتعيشي الدور يانرمين هانم االقلوب معروف فيها اييه .... نرمين بصتلها بحزن
محمود بهدوء:ملاك انا لغيت المهمه واعتذرت للوزير وبالفعل اختار حد من مدينه تانيه مرضيه يابنتي
ملاك ببرود:متفرقش بقا عموما انا كنت جايه عشان اوريكم حاجه كدا في حد نشرها وقالبه القاهره كلها دلوقتي
الجميع:اييه هيا؟؟
وقفت ملاك ومسكت الريموت وشغلت الشاشه الكبيره علي الاخبار والصدمه حلت علي الجميع ومايا اتصدمت وبرقت
وكان منشور صور لمايا وهيا بتحضن عاصم وبتبوسه
ملاك بحده وبرود:اايه رايكم
محمود بغضب وصدمه:دا كذب مستحييل
يونس بص لملاك الي بصتله وبص لمايا وكان فاهم
مايا بغل وذهول:مستحييل لاء الصور دي متفركه انتي الي عملتي كدا انتي
ملاك ابتسمتلها ببرود:متزعليش يامايا ياحبيبتي انا مش
زعلانه حتي لو كنتي انتي الي عاصم خاني معاها ياحرام صعبتي عليا
محمود حط وشه في الارض:اوري وشي للناس ازاي
ملاك قلعت نضارتها وقربت من مايا وهمست في ودنها
وبصوت مخيف:بدأت اللعبه يامايا ولسا وحق قلبي الي اتكسر لسا هتشوفو اكتر انتي والكل هه تيك تك تيك تك
متستأليش بيها خدي بالك كان ممكن انشر الفيديو واخليكي تريند الموسم بس مرضيتش عشان خاطر العيله وابويا وامي والي ربك ستره انا مش هفضحه هههه
وبعدت عنها وبصت لعجز ابو وكسره امها وصدمه العيله وابتسمت بنصر:اشوف وشكم علي فضايح ياعيلتي التعيسه هههه
ولبست نظارتها ببرود وعدلت الجاكيت وخرجت بكل برود وهيبه وانتصار وهما كانو مصدومين ومش مستوعبين
مايا بغضب:اتكلمو انا الصور دي متفبركه
قرب منها محمود وصفعها بقوه لاول مره وهيا ذهلت وكرهت ملاك اكتر واكتر
محمود مسكها من شعرها بقوه:انسي انك تشوفي الشارع تاني فاهمه انا هربيكي..... واخدها وراه ونرمين متكلمتش
وكانت بتفكر في ملاك ومايا بتصرخ والعيله بتبصلها بقرف
"ان الزمان يعيد نفسه ولكن الظالم بقا مكان المظلوم يالها من دنيا دواره فعلا"
قالتها ملاك الي كانت واقفه بتتفرج عند الباب وضحكت بفرحه وركبت عربيتها وانطلقت
@@@@@@@@@@@@@@@@@@@@@@
استووووب......
تفتكرو ملاك غلطانه ومايا تستحق وياترا ايه الي جاي في الروايه المهببه دي 🙂😂
